УДИРДАХ АЖИЛТНЫ ШУУРХАЙ ХУРАЛ БОЛЛОО

2017 оны 10-р сарын 13, 00:00

Өнөөдөр аймгийн ЗДТГ-ын хурлын зааланд баасан гарагийн удирдах ажилтны шуурхай хурал болж өндөрлөлөө. Хурлыг аймгийн Засаг дарга А.Гылымхан, ЗДТГ-ын ТЗУХ-ийн дарга Д.Ербол нар удирдан зохин байгуулсан бөгөөд хуралдааны эхэнд аймгийн Засаг дарга  өнгөрсөн 6,7,8,9-р сард хийгдсэн үйл ажиллагааны талаар мэдээлэл хийв. Үүний дараа  хэлтэс агентлагуудын удирдлагууд долоо хоногт хийсэн ажлаа илтгэн танилцууллаа.

Түүнчлэн хурлын үеэр Эрүүл мэнд, Дэд бүтэц, Хилийн боомт дахь зарим саад бэрхшээлтэй холбоотой асуудлуудлаар аймгийн Засаг дарга А.Гылымхан холбогдох байгууллагуудын удирдлагуудад ойрын хугацаанд арга хэмжээ авахыг үүрэг болгож, Гамшгаас хамгаалах иж бүрэн сургуульд идэвх зүтгэл гарган ажилласан гамшгаас хамгаалах алба болон мэргэжлийн ангид талархалын бичиг гардуулав.

                                                                                                                                                           Н.Ерлан

                                                                                                                                                       2017.10.13

Холбоотой файлТатаж авах