АЙМГИЙН УДИРДЛАГУУД АНУ-ААС МОНГОЛ УЛСАД СУУГАА ЭЛЧИН САЙДЫН ЯАМНААС ИРСЭН ТӨЛӨӨЛЛҮҮДИЙГ ХҮЛЭЭН АВЧ УУЛЗЛАА.

2017 оны 11-р сарын 06, 00:00

Баян-Өлгий аймгийн Засаг дарга А.Гылымхан, Засаг даргын орлогч Ш.Хавыл нар өнөөдөр АНУ-ын Элчин сайдын яамны Иргэн-Цэргийн дэмжлэгийн багийн ахлагч Иен А.Моррис тэргүүтэй төлөөлөгчдийг хүлээн авч уулзлаа.

Уулзалтын үеэр хоёр тал Эрүүл мэнд, Боловсрол Хөдөө аж ахуйн асуудлаар харилцан тохиролцож, хамтран ажиллах нөхцөл боломжуудын талаар санал бодлоо солилцлоо.

Мөн АНУ-ын Элчин сайдын яамны Иргэн-Цэргийн дэмжлэгийн багийн ахлагч Иен А.Моррис Эрүүл мэнд, Боловсрол Хөдөө аж ахуйн чиглэлээр Баян-Өлгий аймагт томоохон төсөл хөтөлбөр хэрэгжүүлж хамтран ажиллах саналтай байгаагаа илэрхийлсэн юм.

Түүнчлэн аймгийн Засаг дарга А.Гылымхан “Баян-Өлгий аймгийн хувьд хүүхдүүдийн цэцэрлэгт хамрагдалт 64 хувьтай байна Сургуулийн өмнөх насны хүүхдийн цэцэрлэгт хамрагдалтыг нэмэгдүүлэхэд хэд хэдэн цэцэрлэг нэмж барих шаардлагатай юм хэмээн онцолж төсөл хөтөлбөр хэрэгжүүлэн хүүхдийн цэцэрлэг барьж өгөхийг санал болгон уламжилав.

 

                                                                                                                                                                     Н.Ерлан

                                                                                                                                                                    2017.11.06