УРАН ЗУРГИЙН ОЛОН УЛСЫН ҮЗЭСГЭЛЭН БОЛЖ БАЙНА.

2017 оны 11-р сарын 07, 00:00

Өнөөдөр аймгийн музейд "Нүүдэлчид" сэдэвт уран зургийн олон улсын үзэсгэлэнгийн нээлтийн ажиллагаа боллоо.

Тус арга хэмжээнд АНУ,ОХУ,Казахстан, Монгол зэрэг дөрвөн улсын уран зураач нар бүтээлээ дэлгэж олон түмэнд толилуулж байгаа бөгөөд нээлтийн үйл ажиллагаанд аймгийн Засаг дарга А.Гылымхан, Засаг даргын орлогч Ш.Хавыл, ЗДТГ-ын дарга Х.Тилеген, ЗДТГ-ын ТЗУХ-ийн дарга Д.Ербол, Нийгмийн бодлогын хэлтсийн дарга К.Бекжан нар болон гадаад дотоодын төлөөлөгч ард иргэд оролцов.

Тэрээр нээлтийн ажиллагаанд оролцсон аймгийн Засаг дарга А.Гылымхан үзэсгэлэнт байгаль, ан амьтан, ургамал, нүүдэлчин ардын соёл, хүрээлэн буй орчны өвөрмөц тогтоцыг харуулсан уран зургийн үзэсгэлэнг зохион байгуулж улс хоорондын хамтын ажиллагааг хөгжүүлэхийн төлөө ажиллаж буй иргэд, байгууллагуудын үйл ажиллагааг цаашид дэмжин ажиллахаа илэрхийлж тус салбарт амжилт гарган ажиллаж яваа зарим гадаад дотоодын төлөөллөгчдийг аймгийн Хүндэт тэмдэг болон Тэргүүний ажилтан тэмдэгээр тус тус шагнан урамшууллаа.

                                                                                                                                                                    Н.Ерлан

                                                                                                                                                                    2017.11.07