Аймгийн Засаг Дарга АЙПИЙН ГЫЛЫМХАНЫ 

Төрсөн он: 1963

Төрсөн газар:  Баян-Өлгий аймаг Дэлүүн сум

Овог:  Молхы

Ам бүл:  7

Мэргэжил: Инженер Эдийн засагч

Эрдмийн зэрэг: Техникийн ухааны Магистр

Боловсрол :

1982 онд Баян-Өлгий аймгийн Дэлүүн сумын 10 жилийн сургуулийг алтан медалиар

  • ​1987 онд Политехникийн дээд сургууль.
  • 1994 онд Гаалийн бүртгэгдсэн мэргэжилтний сургалт
  • 2003 оноос ОХУ-ын Барнаул хотод Удирдлагын академид.
  • ​2004 онд Унгар улсад Нефть олборлох, боловсруулах дэд курст.

Ажлын туршлага :

  • 1987-1996 онд Аймгийн Тээврийг Удирдах газарт тоо бүртгэгч, эдийн засагч, ашиглалтын хэлтсийн дарга
  • 1996-1999 онд Автотранс ХК-ны дэд захирал.
  • 1999 оноос   өнөөг хүртэл Тулпар ХК-ны захирал.
  • 2002 оноос НИК ХК-ны Баян-Өлгий аймаг дахь салбарын дарга.
  • 2006 оноос Жарменке ХХК-ны ТУЗ-ын дарга.
  • 2010 оноос НУР ХХК-ны ТУЗ-ын дарга.
  • 2016 оноос Аймгийн Засаг Даргаар томилогдон ажиллаж байна.

Сонгуульт  ажил :

  • 2000 оноос Аймгийн ИХТ-д 3 удаа сонгогдож ИТХ-ын төлөөлөгч, тэргүүлэгч,  ИТХ дахь МАН-ын бүлгийн дарга.
  • 1998-2005 онд АС Залуучуудын холбооны дарга.
  • 2000-2004, 2004-2008,2008-2012, 2012 оноос МАН-ын Бага хурлын гишүүн.
  • 2008-2016 онд Аймгийн МАН-ын хорооны орон тооны дэд дарга, дэд дарга.
  • МАН-ын XXIII,XXIV, XXV  XXVII их хурлын төлөөлөгч.
  • 2000 оноос Аймгийн  Авто сургуулиудын Холбооны дарга.

Гавьяа шагнал :

  • 1999 он Худалдаа, аж үйлдвэрийн тэргүүний ажилтан.
  • 2004 он Онц Тээвэрчин.
  • 2006 он Хөдөлмөрийн Хүндет медаль.
  • 2007 он Алтан гадас одон
  • 2012 Нефтийн Тэргүүний ажилтан.

                              АЙМГИЙН ЗАСАГ ДАРГЫН ОРЛОГЧ ШАРИВЫН ХАВЫЛ

     1962 оны 11 дүгээр сарын 11-нд Баян-Өлгий аймгийн Толбо суманд төрсөн.

      1971-1981 онд сумын 10 жилийн сургууль, 1981-1986 онд Улаанбаатар хотод Политехникийн дээд сургуулийг Гидроинженер мэргэжлээр тус тус төгссөн.

     1986-1992 онд аймгийн Усны аж ахуйг удирдах газарт мастер, инженер, ахлах инженер, 1992-2003 онд хувиараа бизнес эрхэлсэн.

     2003-2004 онд Цагааннуурын Шалган нэвтрүүлэх боомтын барилгад захиалагч инженер

     2004-2008 онд Толбо сумын Засаг дарга, 2009-2016 онд Толбо сумд тоосгоны үйлдвэр байгуулан 60-аад хүнийг ажлын байртай болгож “Толбожай” ХХК-ийн ерөнхий инженерээр ажиллаж байсан.

Авсан гавьяа шагнал:

    Их Монгол Улс байгуулагдсаны 800 жилийн ойн медаль, Ардын хувьсгалын 80, 90 жилийн ойн медаль, Үйлдвэр худалдаа, барилга, хөдөө аж ахуйн “Тэргүүний ажилтан” цол тэмдэг, “Алтан гадас” одонгоор тус тус шагнагдсан.

Ардчилал, эрх чөлөө, хүний эрхийг хангаж, хуулийг хатуу чанд сахиж, улс үндэстний эрх ашгийг дээдлэн, хувь хүн, өрх гэрийн хөгжлийг эрхэмлэж, баялагийг бүтээгч, чинээлэг, эрх чөлөөт иргэдийн хариуцлагатай нийгмийг төлөвшүүлэх эрхэм зорилгоо тодорхойлон,

  • Аймгийн эдийн засаг, нийгмийн хөгжил, ялангуяа боловсрол соёл, эрүүл мэндийн салбарын хүрэх түвшинг тодорхойлж иргэн бүр эрүүл чийрэг, эрдэм боловсролтой байх нөхцөлийг бүрдүүлэх 
  • Орон нутгийн эрдэс баялаг, түүхий эдэд тулгуурласан үйлдвэрлэлийг хөгжүүлэх, мал аж ахуй, газар тариалан, аялал жуулчлалын хүрээг өргөтгөх замаар, ажилгүйдэл, ядуурлыг бууруулах
  • Жижиг дунд үйлдвэр, хувийн хэвшил, ард иргэдийн үүсгэл санаачлагыг дэмжих замаар иргэн бүр ажилтай, орлоготой болох арга хэмжээ авах 
  • Төр засгийн үйл ажиллагаанд иргэний оролцоог нэмэгдүүлэх, Төрийн албаны хариуцлагыг дээшлүүлж, шударга, ил тод, авлига хүнд сурталгүй, шуурхай, ёс зүйтэй, ажил хэрэгч байдлыг хангах зорилтуудыг хэрэгжүүлэхэд чиглэгдсэн.

Аймгийн Засаг даргын 2013 – 2016 оны үйл ажиллагааны хөтөлбөрийг толилуулж байна.

ТАТАЖ АВАХ

  • "Иргэдээ сонсох цаг" аян эхэллээ

    Аймгийн хэлтэс, агентлагын дарга нар өнөөдрөөс эхлэн аймгийн ЗДТГ-ын Иргэдийг хүлээн авах төвд ажиллаж “Иргэдээ сонсох” цагийг ажиллуулж эхэллээ.

    Аймгийн удирдлагууд иргэдийг хүлээн авч уулзахаас гадна 70424042 утсаар болон www.bayan-olgii.gov.mn цахим хуудсаар ирсэн санал, өргөдөл, гомдолд шууд хариу өгч ажиллах юм.

    Өнөөдөр 14:00 цагаас Эрүүл мэндийн газрын дарга С.Айгүл болон бусад хариуцлагатай албан хаагчид иргэдээ сонсож байна.

    "Иргэдээ сонсох цаг" аяны хуваарь

    • Нийгмийн халамж, үйлчилгээний хэлтэс -  2014 оны 4 дүгээр сарын 15-ны өдөр 10:00-12:00 цагийн хооронд 
    • Улсын бүртгэлийн хэлтэс - 2014 оны 4 дүгээр сарын 15-ны өдөр 14:00-16:00 цагийн хооронд 
    • Хөдөлмөрийн хэлтэс - 2014 оны 4 дүгээр сарын 16-ны өдөр 10:00-12:00 цагийн хооронд 
    • Иргэний харъялал, шилжилт хөдөлгөөний алба -  2014 оны 4 дүгээр сарын 16-ны өдөр 14:00-16:00 цагийн хооронд
    • Нийгмийн даатгалын хэлтэс -  2014 оны 4 дүгээр сарын 17-ны өдөр 10:00-12:00 цагийн хооронд
    • Худалдан авах ажиллагааны алба - 2014 оны 4 дүгээр сарын 17-ны өдөр 14:00-16:00 цагийн хооронд
    • Санхүү, төрийн сангийн хэлтэс - 2014 оны 4 дүгээр сарын 18-ны өдөр 10:00-12:00 цагийн хооронд
    • Хөгжлийн бодлогын хэлтэс - 2014 оны 4 дүгээр сарын 18-ны өдөр 14:00-16:00 цагийн хооронд
    • Нийгмийн хөгжлийн хэлтэс - 2014 оны 4 дүгээр сарын 21-ны өдөр 10:00-16:00 цагийн хооронд
    • Төрийн захиргаа, удирдлагын хэлтэс - 2014 оны 4 дүгээр сарын 21-ны өдөр 14:00-16:00 цагийн хооронд
    • Хууль зүйн хэлтэс - 2014 оны 4 дүгээр сарын 22-ны өдөр 10:00-12:00 цагийн хооронд
    • Газрын харилцаа, барилга хот байгуулалтын газар  - 2014 оны 4 дүгээр сарын 22-ны өдөр 14:00-16:00 цагийн хооронд
    • Өлгий сумын Засаг дарга - 2014 оны 4 дүгээр сарын 23-ны өдөр 10:00-12:00 цагийн хооронд
    • Өлгий сумын ЗДТГ-ын дарга - 2014 оны 4 дүгээр сарын 23 - ны өдөр 14:00-16:00 цагийн хооронд тус тус ажиллана.

  • Зар: Шинээр ямар стандарт боловсруулах шаардлагатай байгаа талаар саналаа ирүүлнэ үү
    Зар: Шинээр ямар стандарт боловсруулах шаардлагатай байгаа талаар саналаа ирүүлнэ үү

    Улсын хэмжээнд Үндэсний стандартын шинжлэх ухааны техникийн түвшинд улсын үзлэг явуулж байгаатай холбогдуулан, байгууллага аж ахуйн нэгж, ард иргэд өөрийн үйл ажиллагаандаа мөрдөж байгаа стандартуудын түвшин тухайн стандартыг шинэчлэх, боловсрангуй болгох, хүчингүй болгох, цоо шинээр боловсруулах ямар стандарт шаардлагатай байгаа талаар саналаа 2013 оны 01-р сарын 21ны дотор манай хэлтэст ирүүлнэ үү.

    СХЗХэлтэс утас:70422562, e-mail: nursalmanchuk@yahoo.com

  • Зар: ЗДТГ-ын үйл ажиллагааны стратеги төлөвлөгөөг мэргэжлийн байгууллагаар хийлгүүлнэ
    Зар: ЗДТГ-ын үйл ажиллагааны стратеги төлөвлөгөөг мэргэжлийн байгууллагаар хийлгүүлнэ

    Аймгийн ЗДТГ-ын 2013-2016 оны үйл ажиллагааны стратеги төлөвлөгөөг мэргэжлийн байгууллагаар хийлгүүлэх тул хамтран ажиллах төрийн болон төрийн бус байгууллагуудад мэдээлж байна.

  • Аймгийн Нэгдсэн эмнэлэг Оношлогооны төвтэй боллоо
    Аймгийн Нэгдсэн эмнэлэг Оношлогооны төвтэй боллоо

    Шинэчлэлийн Засгийн газраас эрүүл мэндийн салбарын суурь шинэчлэлийн жилд хөдөөгийн хүн амд орон нутагтаа чанартай, аюулгүй оношлогоо, эмчилгээг хийлгэх боломжийг бүрдүүлэх үүднээс эхний ээлжинд 11 аймгийг оношлогооны төвтэй болгох зорилт тавьсан. Үүний нэг нь Баян-Өлгий аймаг юм.

    Оношлогооны төвийн нээлт орон даяар нэгэн зэрэг 11 аймагт явагдсан ба нээлтийн үйл ажиллагаанд аймгийн Засаг дарга Х.Дармен болон холбогдох байгууллагын албаны хүмүүс болон иргэд оролцлоо.

    Монгол Улсын Ерөнхий сайдын хөрөнгө оруулалтын багцаас 1 тэрбум 534 сая төгрөгийн хөрөнгөөр 15 нэр төрлийн оношлогооны багаж, тоног төхөөрөмж нийлүүлж, ЭМЯ-наас 186 сая төгрөгийн хөрөнгө оруулалтаар оношлогооны төвийн их засвар хийгдсэн байна.

    Компьютер томографи, Дижитал эхо, тархины судасны доплерографи, шүдний суурь машины иж бүрдэл, рентген аппарат, лаборатори, дурангийн багаж, тоног төхөөрөмжүүд зэрэг нийт 15 нэр төрлийн оношлогооны тоног төхөөрөмжүүдийг бүрэн суурилуулж үйл ажиллагаа эхлүүлэхэд бэлэн боллоо.

  • Иргэдийн санал хүсэлтийг дараах сувгуудаар хүлээн авна
    Иргэдийн санал хүсэлтийг дараах сувгуудаар хүлээн авна

    Баян-Өлгий аймгийн ЗДТГ-аас “Иргэдийн өргөдөл, гомдлыг шийдвэрлүүлэх ажлын хэсэг”-ийг байгуулж иргэддээ нээлттэй, хурдан шуурхай үйлчилгээг эрхэмлэж иргэдийн өргөдөл, санал, гомдлыг дараах 4 сувгаар хүлээн авч, түүнд тодорхой хариулт өгөхөөр тус ажлын хэсгийг байгуулсан байна.
    Сувгууд:
    1. 134242 дугаарт мессеж илгээх
    2. 70424042 дугаарт залгаж ярих
    3. http://bayan-olgii.gov.mn сайтад /ЭНД/
    4. АЗДТГ -т биечлэн ирэх зэрэг хэлбэрээр санал хүсэлтээ ирүүлнэ.

     

    Хавсралт файл: Татах

    Огноо: 2013.04.03

    БАЯН-ӨЛГИЙ АЙМГИЙН ЗАСАГ ДАРГЫН

    ТАМГЫН ГАЗРЫН ДАРГЫН ТУШААЛ 

     

    2013 оны 04 сарын 03 өдөр                      Дугаар 67                                       Өлгий

     Журам батлах тухай 

     

    Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн 7 дугаар зүйлийн 7.1, Монгол улсын Засаг захиргаа, нутаг дэвсгэрийн нэгжийн тухай хуулийн 33 дугаар зүйлийн 33.1.5 дахь заалтыг үндэслэн ТУШААХ нь: 

    1. 1.Аймгийн хэмжээнд “Иргэдийн өргөдөл, гомдол, санал, хүсэлтийг хүлээн авч, хариу өгөх, шийдвэрлэх журам”-ыг хавсралтаар баталсугай.
    2. 2.Иргэдийн өргөдөл, гомдлыг хүлээн авах, шуурхай барагдуулах ажлыг хариуцан зохион байгуулах чиг үүрэг бүхий “Засаг даргын Тамгын газарт ирүүлсэн өргөдөл, гомдлыг шийдвэрлүүлэх ажлын хэсэг”-ийг байгуулан ажиллахыг Төрийн захиргаа, удирдлагын хэлтэс /Х.Мантай/-т даалгасугай.
    3. 3.Иргэдээс төрийн байгууллага, албан тушаалтанд гаргасан өргөдөл, гомдлыг батлагдсан журмын дагуу шийдвэрлэх, хариу өгөх үйл ажиллагаанд хяналт тавьж, хэрэгжилтийг хангуулж ажиллахыг Төрийн захиргаа, удирдлагын хэлтэс /Х.Мантай/-т үүрэг болгосугай.
     

     

    ДАРГА                            Т.МАНКЕЙ

  • Баталгаажуулалт хийлгэж, тохирлын гэрчилгээ авсан ААН-үүдийн жагсаалт
    Баталгаажуулалт хийлгэж, тохирлын гэрчилгээ авсан ААН-үүдийн жагсаалт

    ОХУ, Хятад, Казахстан улсуудаас  оруулж ирсэн импортын бүтээгдэхүүнд баталгаажуулалт хийлгэж, тохирлын гэрчилгээ авсан ААН-үүдийн жагсаалт

    ААН,байгууллагын нэр

     

    Хаяг,байршил

    Бүтээгдэхүүний нэр,төрөл

    1

    “Асгат Кент”  ХХК

    Өлгий сум,5-р баг

    Хорголжин хивэг, Улаанбуудайн гурил

    2

    “Назлы” ХХК

    Өлгий сум,5-р баг

    Цай, шүүс, Ирис ,Үрлэн чихэр

    Шоколад

    3

    “Ислам” ХХК

    Өлгий сум,5-р баг

    Хорголжин хивэг

    4

    “Гастай” ХХК

    Өлгий сум,1-р баг

    Өрмөнцөр, чихэр , жигнэмэг

    5

    “”Нур-Аулет” ХХК

    Улаанхус  сум

    цемент

    6

    “Рысжан” ХХК

    Өлгий сум,4-р баг

    Бензин /А-80,Аи-92/,

    Дизель түлш

    7

    “Толбохөгжил” ХХК

    Өлгий сум,8-р баг

    Ямааны ноолуур

    8

    “Каусар” ХХК

    Өлгий сум,5-р баг

    Зайрмаг

    9

    “Хөхсэрхийн Оргил” ХХК

    Өлгий сум,5-р баг

    Жигнэмэг

    10

    “Интер-Ренесанс” ХХК

    Өлгий сум,5-р баг

    Цемент,Паркет,

    Ган арматур

    Гөлмөн төмөр/ дээврийн/

    11

    “НЖК”  ХХК

    Өлгий сум,5-р баг

    Хавтан ДСП/зоргодсон/

    Хаалга /хулс/,

     Профиль төмөр холбогч

    12

    “Монстрой-Эра” ХХК

    Өлгий сум,5-р баг

    Гөлмөн төмөр/ дээврийн/

    Цемент

    Ган арматур

    13

    “Майлауант” нөхөрлөл

    Өлгий сум,5-р баг

    Ямааны ноолуур

  • Баян-Өлгий аймагт “Авлигын эсрэг хамтдаа” нэгдсэн зөвлөгөөн зохион байгуулав
    Баян-Өлгий аймагт “Авлигын эсрэг хамтдаа” нэгдсэн зөвлөгөөн зохион байгуулав

    Өнөөдөр Баян-Өлгий аймгийн Хөгжимт драмын театрт «Авлигын эсрэг нэгдэцгээе» нэгдсэн зөвлөлгөөн болж өндөрлөв.

    Төрийн албан хаагчдын Авлигын эсрэг хууль тогтоомжийн мэдлэгийг дээшлүүлэх, соён гэгээрүүлэх, авлигын нийгмийн хор аюул, түүнээс урьдчилан сэргийлэх талаар мэдлэг эзэмшүүлэх, авлигыг үл тэвших ёс суртахуун төлөвшүүлэх зорилгоор Аймгийн ЗДТГ, Аймгийн Эмэгтэйчүүдийн Зөвлөл, Дэлхийн зөн ОУБ-ын Баян-Өлгий аймаг дахь салбар, Авлигатай тэмцэх газраас хамтран зохион байгуулсан уг арга хэмжээнд аймгийн төвийн болон бүх сумдын төрийн байгууллагуудын дарга, эрхлэгч, нягтлан бодогч нар, нийтдээ 410 хүн оролцов. 

    Зөвлөлгөөнийг аймгийн ИТХ-ын дарга Б.Лаззатхан нээж, Аймгийн Засаг дарга Х.Дармен «Авлигаас ангид байх талаар төрийн байгууллагуудын үүрэг, оролцоо», Сум дундын 2 дугаар шүүхийн ерөнхий шүүгчийн үүргийг түр орлон гүйцэтгэгч Б.Мангилик «Шүүх эрх мэдлийн тогтолцоон дахь авлигаас урьдчилан сэргийлэх асуудлын талаар», аймгийн Цагдаагийн газрын дарга, хурандаа М.Батболд «Авлигаас урьдчилан сэргийлэх чиглэлээр аймгийн Цагдаагийн газраас хэрэгжүүлж буй ажлууд», АТГ-ын Урьдчилан сэргийлэх, соён гэгээрүүлэх хэлтсийн ажилтан, комиссар Л.Нарантуяа «Төрийн байгууллагуудын авлигын эсрэг үйл ажиллагааг үнэлэх аргачлал, цаашид анхаарах асуудлууд» сэдвээр тус тус илтгэл тавилаа.

    Аймгийн Засаг дарга Х.Дармен “Авлигаас ангид байх талаар төрийн байгууллагуудын үүрэг, оролцоо” сэдвээр тавьсан илтгэлдээ Авлигатай тэмцэх газраас тооцон гаргасан авлигын индексийн 2013 оны судалгааны үзүүлэлтүүдэд түшиглэн мэдээлэл хийв. Тус аймгийн хувьд нутгийн захиргааны байгууллагын удирдлагын авлигатай тэмцэх хүсэл эрмэлзэл сул, нутгийн захиргааны болон нутгийн өөрөө удирдах байгууллагад ашиг сонирхлын зөрчил их тархсан, төсөв санхүүгийн үйл ажиллагаа болон удирдлагын шийдвэр нь нээлттэй бус гэхчлэн авлигад өртөх өндөр эрсдэл бүхий аймгийн тоонд жагссан байна. Иймд аймгийн Засаг дарга Х.Дармен, шинжээчдийн өгсөн дээрх үнэлгээнд аймгийн төрийн байгууллагын удирдлага, албан хаагчид дор бүрнээ дүгнэлт хийж, цаашид авлигаас урьдчилан сэргийлэх чиглэлээр анхаарч ажиллах талаар үүрэг, чиглэл өглөө.

    Нэгдсэн зөвлөгөөнд иргэд оролцсон бөгөөд авлигаас урьдчилан сэргийлэх, төрийн байгууллагын мэдээллийн нээлттэй, ил тод байдлыг хангах чиглэлээр санал бодлоо хэлэв. “Авлигын эсрэг хамтдаа” аймгийн нэгдсэн зөвлөгөөнөөс Зөвлөмж гаргаж, зөвлөлгөөнд оролцогчид авлигын эсрэг хүсэл зоригоо илэрхийлэн амлалт өгч, гарын үсэг зурж баталгаажуулав.

    Аймгийн нэгдсэн зөвлөлгөөнөөс дараах зөвлөмжийг гаргалаа. 

    “АВЛИГЫН ЭСРЭГ ХАМТДАА” ЗӨВЛӨМЖ


    Аймгийн Засаг даргын Тамгын газраас 2014 оны Авлигын эсрэг үйл ажиллагааны төлөвлөгөөний хүрээнд зохион байгуулаж буй “АВЛИГЫН ЭСРЭГ ХАМТДАА ” зөвлөгөөнд оролцогч болох иргэд, төрийн байгууллага, албан тушаалтнууд, иргэний нийгэм, хэвлэл, мэдээллийн байгууллагууд хүсэл зоригоо нэгтгэн авлигатай хамтын хүчээр тэмцэхээ илэрхийлж, төрийн байгууллагын хүнд суртлыг багасгах, төрийн үйлчилгээг ил тод, хөнгөн шуурхай болгох, улмаар авлигаас урьдчилан сэргийлэх зорилгоор энэхүү ЗӨВЛӨМЖИЙГ гаргаж байна:

    Нэг. Төрийн байгууллага, албан хаагчдад:
    1. Авлигыг төрүүлж байгаа нугалаа, гажуудлыг засч төрийн үйлчилгээг илүү олон шат дамжлага, хүнд суртал, чирэгдэлгүйгээр иргэдэд хүргэх:
    2. Төр, иргэний хоорондын итгэлцлийг бэхжүүлж, сонгон аливаа шалгаруулалтыг шударга зарчмыг баримтланзохион байгуулах.
    3. Төрийн албан тушаалтны ил тод, шударга байдлын нотолгоо болох хөрөнгө орлогын мэдүүлгээ хуульд заасан цаг тухайд нь үнэн зөвөөр гаргаж хэвших
    4. Төрийн албан хаагчид ажлын цагаа чанд мөрдөн ажиллаж иргэдэд чирэгдэл учруулахгүй үйлчилж байх
    5. Иргэд, хуулийн этгээдэд төрөөс үзүүлэх үйлчилгээг хүргэдэг төрийн албан тушаалтны чиг үүрэг, эрх хэмжээ болон өөрийн үйл ажиллагаандаа мөрдөж байгаа хууль, дүрэм, журам, бүрдүүлэх шаардлагатай материал зэргийг агуулсан танилцуулгыг үйлчлүүлэгчдэд тараах, эсхүл тэдэнд харагдахуйц газарт байрлуулах
    6. Иргэд хүссэн мэдээллээ авч чадахгүй байгаа талаар гомдол, санал ирүүлсэн тохиолдолд холбогдох арга хэмжээ авах, буруутай албан тушаалтанд хариуцлага тооцох механизмыг бий болгох;
    7. Иргэд, хуулийн этгээдэд хэрэгцээтэй, тэдэнд хамаарах шийдвэрээ вэб сайт болон бусад хэлбэрээр мэдээлж, тавьсан мэдээллээ байнга шинэчилж байх.
    8. Төрийн үйлчилгээний бүх төрлийн төлбөр, хураамжийг бодитой тогтоох, үндэслэлгүйгээр илүү болон нэмэгдэл төлбөр, хураамж авах асуудлыг таслан зогсоох
    9. Хууль тогтоомжид өөрөөр заагаагүй бол төрийн ба鬬¬гууллагад иргэд чөлөөтэй нэвтрэх боломжийг бүрдүүлэх;
    10. Төрийн байгууллага тодорхой чиглэлээр бодлого боловсруулах, шийдвэр гаргахын өмнө олон нийтийн санал бо䬬лыг авч, анхаарал татаж байгаа мэдээллийг нээлттэй болгох; 
    11. Тухайн байгууллагын чиг үүргийн дагуу зөвшөөрөл, эрх олгох, бүртгэл хийх, хяналт тавих, сонгон шал¬гаруулалт явуулах зэрэг асуудлыг шийдвэрлэх журмыг хууль тогтоомжид өөрөөр заагаагүй бол олон нийтэд ил тод байлгаж, тэдгээртэй танилцах боломжоор хангах;
    12. Байгууллагын төсвийн ил тод байдлыг ханган ажиллах 
    Хоёр. Иргэний нийгмийн байгууллагуудад:
    1. Авлиггүй нийгмийг төлөвшүүлэхэд иргэний нийгмийн оролцоо чухалыг харгалзан авлигатай тэмцэх талаар нутгийн захиргааны болон нутгийн өөрө удирдах байгууллагаас явуулж байгаа бодлого, үйл ажиллагааг тууштай дэмжих, хамтран ажиллах. 
    2. Төрийн үйлчилгээний хүнд суртал, чирэгдлийг арилгах, төсөв болон худалдан авах ажиллагааны ил тод байдлыг хангах, үйлчилгээний чанар, нөхцөл байдлыг үнэлэх талаар үр дүнтэй үйл ажиллагааг санаачлан, олон нийтийг хамарсан уулзалт, хэлэлцүүлгийг орон нутгийн төр, захиргааны байгууллагуудтай хамтран зохион байгуулах;
    Гурав: Хэвлэл, мэдээллийн байгууллагуудад :
    1. Бүх төрлийн хэвлэл, мэдээллийн хэрэгслүүд нийтлэл, нэвтрүүлгийнхээ бодлогын төвд авлигыг үл тэвчих үзэл санааг агуулж авлигатай тэмцэх үйл ажиллагаанд идэвхтэй оролцох:
    2. Авлигыг жигшин нийгмийн сэтгэл зүй, ёс суртахууныг бий болгох, олон нийтийг соён гэгээрүүлэх үйл хэргийн төлөө энэхүү чиг үүргийг хүлээсэн төрийн байгууллагатай нягт хамтран ажиллах:
    3. Хэвлэл мэдээллийн байгууллагуудын бодитой дэмжлэггүйгээр авлигатай хийх тэмцэл үр дүнд хүрэхгүй гэдгийг байнга санаж нийгмийн хорт үзэгдэл болоод байгаа авлигын хүрээг хумихад бодитой хувь нэмрээ оруулах:
    4. Орон нутгийн сонин хэвлэлд “Авлига, хүнд суртлын эсрэг” сэдэвт нээлттэй булан ажиллуулж үйл ажиллагаагаа сурталчлах;
    Авлигатай тэмцэх түүнээс урьдчилан сэргийлэх ажилд бүх шатны төрийн байгууллага, албан тушаалтан, хувийн хэвшил, хэвлэл мэдээллийн байгууллагууд, иргэд болон иргэд өөрсдөөс хамаарах бүхнийг чин сэтгэлээсээ хамтран ажиллаж, хууль бус, буруу аргаар олсон орлого бүхэн айдас, аюул заналыг дагуулдаг, нийгэмд хор хохиролтой тул хуулийн хүрээнд ажиллаж амьдрахыг ЗӨВЛӨЖ байна.

  • Болзолт уралдаан зарлав
    Болзолт уралдаан зарлав

    БАТЛАВ:  АЙМГИЙН ЗАСАГ ДАРГА ,

     ХҮНИЙ ЭРХИЙН  ОРОН ТООНЫ БУС САЛБАР

    ХОРООНЫ ДАРГА                          Х.ДАРМЕН

     2014 оны 04-р сарын 24-ны өдөр                                                                    Өлгий сум           

    “ЖАРГАЛТАЙ ГЭР БҮЛ” ГАР ЗУРГИЙН УРАЛДААН БОЛОН  “ХОВОР САЙХАН ХАНЬ” ШАЛГАРУУЛАХ УРАЛДААНЫ БОЛЗОЛЫН ЖУРАМ 

    Зохион байгууллагчид: Аймгийн Хүний эрхийн орон тооны бус салбар хороо , аймгийн ЗДТГ-ын Нийгмийн хөгжлийн хэлтэс, Нийгэм халамж үйлчилгээний хэлтэс, Хүүхэд гэр бүлийн хөгжлийн хэлтэс, Хараагүйчүүдийн  холбоо хамтран 2014 оны 05 дугаар сарын 15-нд болох Гэр бүлийн өдрийг тохиолдуулан “Жаргалтай гэр бүл” гар зургийн уралдаан болон “Ховор сайхан хань” шалгаруулах болзолт уралдааныг зарлаж байна.   

    Уралдааны зорилго нь: Гэр бүл, үр хүүхдүүд, эцэг эхчүүд бие биенээ хайрлан, хүндэтгэх, гэр бүлийн нандин сайхан өв залгамжлалыг хадгалаж, ХБИргэдэд урам зориг бэлэглэхэд оршино. 

    Хамрах хүрээ: Энэхүү болзолт уралдааныг  аймгийн 13 баг,13 сумын  сургуулийн 6-12 насны хүүхдүүд болон Хөгжлийн бэрхшээлтэй иргэдийн дунд зарлаж байна.

    Гар зургийн уралдаанд сургуулийн 6-12 насны хүүхдүүд, Ховор сайхан хань шалгаруулах уралдаанд хөгжлийн бэрхшээлтэй иргэд оролцоно. 

    Хугацаа: Журамд заасан материалыг 2014 оны 04 дүгээр сарын 24 нээс эхлэн зарлаж, 05 дугаар сарын  08-ны өдрийн ажлын 17 цаг хүртэл аймгийн ЗДТГ-ын газрын 117, 217 тоот өрөө болон НХҮХэлтсийн 17 тоот өрөөнүүдэд хүлээж авна.

    Хугацаа хэтэрсэн материалыг хүлээж авахгүй.

    УРАЛДААНЫ БОЛЗОЛ

     Уралдааныг дүгнэхэд  хүүхдүүд болон Хөгжлийн бэрхшээлтэй иргэдийн зүгээс дараах чиглэлд нийгэмд эзлэх байр сууриа, гэр бүлийн хүндэтгэлийн  үр дүнг нь харуулсан байдал зэргийг нь харгалзан үзнэ.

     

     Үүнд: 1. ”Жаргалтай гэр бүл” гар зургийн уралдаанд оролцогчид гэр бүлд хүсэн хүлээж байдаг өөрсдийн хүсэл мөрөөдлөө харуулсан

     

    2. ”Ховор сайхан хань” уралдаанд хань ижилтэйгээ ханилснаас хойш хөгжлийн бэрхшээлтэй  болж, хичнээн жил хамт амьдарч үр хүүхдийг  сургууль соёл, ажилтай болгож, гэр бүлээ авч явж байгаа тухай намтар болон гэр бүлийн зургийн цомог. 

    Дүгнэх журам: Аймгийн ЗДТГ-ын хууль зүйн хэлтсийн ахлах мэргэжилтэн бөгөөд, Хүний эрхийн орон тооны бус салбар хорооны нарийн бичгийн дарга,  аймгийн ЗДТГ-ын Нийгмийн хөгжлийн хэлтсийн эрүүл мэнд хариуцсан мэргэжилтэн, Нийгэм халамж үйлчилгээний хэлтсийн хөгжлийн бэрхшээлтэй иргэдийн асуудал  хариуцсан мэргэжилтэн, Нийгэм халамж үйлчилгээний хэлтсийн хүн ам хөгжлийн асуудал   хариуцсан мэргэжилтэн Хүүхэд гэр бүлийн хөгжлийн хэлтсийн дотоод ажил хариуцсан мэргэжилтэн, Хараагүйчүүдийн  холбооны тэргүүнүүдийн бүрэлдэхүүнтэй 05 дугаар сарын  08-ны өдрийн 17 цаг хүртэл хүлээн авч 2014 оны 05-р сарын  9-ны өдөр дүгнэж хэвлэл мэдээллийн төлөөллүүдийг оролцуулан аймгийн ЗДТГ-ын хурлын танхимд  шагналыг гардуулана. 

    ”Жаргалтай гэр бүл” гар зургийн уралдааны шагналын сан:

     

    1 дүгээр байр- Өргөмжлөл, мөнгөн шагнал

    2 дугаар байр - Өргөмжлөл, мөнгөн шагнал

    3 дугаар байр - Өргөмжлөл, мөнгөн шагнал

    4 дүгээр байр- Үнэ бүхий зүйл

     

    ”Ховор сайхан хань” уралдааны шагналын сан: 

    1 дүгээр байр- Тууз, мөнгөн шагнал

    2 дугаар байр - Тууз, мөнгөн шагнал

    3 дугаар байр - Тууз, мөнгөн шагнал

    4 дүгээр байр- Үнэ бүхий зүйл

     

    АЙМГИЙН ХҮНИЙ ЭРХИЙН  ОРОН ТООНЫ БУС

    САЛБАР  ХОРОО 

  • Азийн ардын урлагийн шилдгүүдийг шалгаруулах тэмцээн-наадам
    Азийн ардын урлагийн шилдгүүдийг шалгаруулах тэмцээн-наадам

    Азийн ардын урлагийн шилдгүүдийг шалгаруулах тэмцээн-наадам

    Хэзээ: 2014 оны зургадугаар сарын 11-16

    Хаана: Улаанбаатар хот

    Мэдүүлэг авч дуусах хугацаа: 2014 оны дөрөвдүгээр сарын 30

    Зохион байгуулагч:

    Ардын урлагийн наадмуудын дэлхийн ассоциаци

    Дэлхийн язгуур урлагийн академи

    "АртЛар Хаус" урлагийн консалтингийн компани

    "АртЛар Соёл урлаг" ТББ

    "Туургатан Язгуур Монгол" ТББ

    Ерөнхий санхүүжүүлэгч: Улаанбаатар хот

    Дэмжигч: Гадаад харилцааны яам, ЮНЕСКО-гийн Монголын үндэсний комисс

    Азийн ардын урлагийн шилдгүүдийг шалгаруулах тэмцээн-наадамд оролцогчдын авсан оноо нь ардын урлагийн дэлхийн чансааны жагсаалтад мөн хүчин төгөлдөр байх болно. Азийн ардын урлагийн шилдгийг шалгаруулах тэмцээн-наадам нь анх удаа зохион байгуулагдаж байгаа бөгөөд зохион байгуулагчдын зүгээс энэхүү наадмыг Азийн хэмжээний урлагийн хамгийн ач холбогдолтой арга хэмжээнүүдийн нэг болно гэдэгт итгэлтэй байна.

    Азийн бүх орны – БНХАУ, Япон, БНСУ, БНСАУ, Индонези, Малайз, Монгол, Вьетнам, Лаос, Казакстан, Киргизстан, БНЭУ, Тажикстан, Пакистан, Туркменистан, Бирм, Тайланд, Непал, Оман, Катар, Арабын Эмират зэрэг Ази тивд харьяалагдах бүхий л улс орны ардын урлагийн авьяастнуудыг урьж байна.

    Азийн ардын урлагийн шилдгүүдийг шалгаруулах тэмцээн-наадам 2014-ийн тоглолтуудыг “TV Eurofolk” интернэт телевизээр дэлхий даяар шууд дамжуулахын сацуу, Монгол Улсын телевизүүдээр олон нийтэд толилуулна.

    Наадмын удирдамж

    Тэмцээнд оролцогчид дараахь шаардлагуудыг хангасан байна.

    -Оролцохыг хүсэгчид тэмцээний мэдүүлгийн хуудсыг бөглөсөн байх шаардлагатай.

    -Оролцогч нь урьд өмнө өөр томоохон тэмцээн, наадмуудаас шагнал хүртсэн байх ёстой бөгөөд үүнийгээ мэдүүлгийн хуудсан дээр тодорхой бичнэ.

    -Оролцогчид Улаанбаатарт ирж, очих аяллыг өөрсдөө зохион байгуулан,  тийзний зардлыг мөн бүрэн хариуцна. Үзвэр үйлчилгээ, танилцах богино аялал зэргийг зохион байгуулагчид оролцогчдын хүсэлтээр зохион байгуулж өгч болно. Үүнд гарах зардлыг оролцогч өөрөө хариуцна.

    -Наадамд оролцох багийн бүрэлдэхүүнд уран бүтээлчдээс гадна, дагалдан яваа хүмүүс оролцож болно. Нэг багийн бүрэлдэхүүнд байх хүний тоо хязгааргүй.

    -Наадмын явцад зохион байгуулагчдын зүгээс албан ёсны арга хэмжээнүүд, жишээлбэл нээлт, хаалтын ёслол, мастер класс, концерт зэрэгт оролцогчдыг урж оролцуулж болно. Уригдсан багууд тухайн арга хэмжээндээ зайлшгүй оролцох шаардлагатай.

    -Мэдүүлгийн хуудсыг 2014 оны дөрөвдүгээр сарын 30-наас өмнө ирүүлэх шаардлагатай.

    -Оролцогчид энэхүү наадмын оролцогчдын төлбөрийг заавал төлөх шаардлагтай. Урьдчилсан төлбөр нь тухайн багийн нийт төлбөрийн дүнгийн 20% болно. Энэхүү урьдчидгаа төлбөрийг тухайн оролцогчийн бүртгэлийг баталгаажуулснаас 20 хоногийн дотор, мөн 50%-ийг 2014 оны дөрөвдүгээр сарын 15-наас өмнө төлнө. Наадам яалал жуулчлалын идэвхтэй улиралд болж байгаа тул оролцогчдын зочид буудлын захилагыг баталгаажуулах зорилгоор урьдчилгаа төлбөр авч байгаа болно.

    -Мэдүүлгийн хуудастай хамт оролцогч YouTube болон бусад олон нийтийн сайт дээр тавигдсан хоёр видео бичлэгийн линк, мөн фото зургийг цахим шуудангаар илгээх шаардлагатай. Фото зураг нь 1 MB-ээс багагүй хэмжээтэй байна. Эдгээрийг наадмын сурталчилгааны материалд ашиглах бөгөөд оролцогчдод эргүүлэн өгөхгүй.

    -Зочид буудал, хоол, унааны үйлчилгээ авахгүй оролцогчид оролцогчийн төлбөр төлөхгүй бөгөөд 100000 төгрөгийн хураамж төлнө. Хураамжийг Худалдаа хөгжлийн банкны 499219202 тоот "АртЛар соёл урлаг" ТББ-н дансанд хийнэ. Оролцогч нэр, аймаг, хот, дүүргээ гүйлгээний утган дээр тодорхой бичсэн байх ёстой. Хураамжийг хүлээн авснаар бүртгэл баталгаажих бөгөөд хураамж төлөгдөөгүй тохиолдолд бүртгэлийг хүчинтэйд тооцохгүй. 

    -Оролцогчийн төлбөрт зочид буудал байрлах үнэ, өглөө, оройны хоол, нисэх онгоцны буудлаас тосож авах, хүргэх унаа, концертийн талбар руу хүргэх унааны үнэ орно.

    Шалгаруулалтын журам:

    Тэмцээн-наадам дараахь төрлүүдээр шилдгүүдийг шалгаруулна.

    A) Ардын дуу – эртний язгуур хэв шинжээрээ (найрал дуу болон чуулга)
    B) Ардын дуу – орчин үеийн найруулгаар (найрал дуу болон чуулга)
    C) Ардын бүжиг – эртний язгуур хэв шинжээрээ (бүжгийн хамтлаг болон чуулга)
    D) Ардын бүжиг – орчин үеийн дэглэлтээр (бүжгийн хамтлаг болон чуулга)
    E) Ардын урлагийн чуулга -  эртний язгуур урлагийн тоглолт (амьд дуулалт, хөгжмийн зэмсэг болоод бүжгийн тоглолт)
    F) Ардын урлагийн чуулга – найруулга, дэглэлттэй орчин үеийн өнгө аястай болгосон тоглолт -  (амьд дуулалт, хөгжмийн зэмсэг болоод бүжгийн тоглолт)
    G) Ардын хөгжмийн зэмсэг (хамтлаг болон чуулга)
    H) Ардын зан үйл (хамтлаг болон чуулга)
     I ) Эртний хүрээ дуу (хамтлаг болон чуулга)

     E,F,H –ээс бусад төрөлд гоцлол болон дуэт уран бүтээлчид оролцож болно.

    Бүх төрөлд 18 хүртэлх насны хүүхэд залуучуудыг дүгнэн шалгаруулна. Энэ ангилалд оролцож байгаа хамтлаг, чуулгын уран бүтээлчдийн 30 хүртэл хувийг насанд хүрэгчид эзэлж болно.

    Бүр төрөлд насанд хүрэгчдийг |18 наснаас дээш настай оролцогчид| дүгнэн шалгаруулна.

     Наадамд оролцогчид нь:

    -ардын урлагийн чуулга

    -дуу, бүжгийн хамтлаг

    -найрал дуу

    -хүрээ дууны хамтлаг

    -хөгжмийн хамтлаг, найрал хөгжим

    -гоцлол болон дуэт уран бүтээлчид байна.

     Шүүгчдийн баг 3-5 гишүүнтэй байх бөгөөд Дэлхийн ардын урлагийн наадмуудын ассоциацаас хүлээн зөвшөөрсөн шүүгчийг энэхүү багт ажиллуулна.

     

    Наадмын шалгаруулалт үндсэн дөрвөн үнэлгээг харгалзана.

    1. Тоглолтын бүрэн төгс байдал, утга авцалдаа |найруулга|
    2. Тоглолтын ур чадвар
    3. Гадаад үзэмж
    4. Тайзны соёл болон үзэгчидтэй харилцах харилцаа

    Тоглолтын хугацаа:

    Оролцогчид дараахь тогтоосон хугацааг хэтрүүлж үл болно.

    Дуу – 10 хүртэл минут

    Бүжиг – 10 хүртэл минут

    Чуулгын тоглолт – 15 хүртэл минут

    Наадмын журамд заасан шалгууруудыг биелүүлээгүй тохиолдолд шүүгчид оролцогчийн онооноос хасна.

    Наадмын оролцогчдын үнэлгээ Ардын урлагийн дэлхийн эрэмбийн жагсаалтад хүчин төгөлдрөөр бичигдэнэ.

    Шагнал

    Азийн ардын урлагийн шилдгүүдийг шалгарууах тэмцээн-наадмын дээд шагнал нь "Orpheus", алтан медаль, 2014 оны Азийн ардын урлагийн шилдгийг шалгаруулах тэмцээний аваргыг батламжилсан диплом байна. Мөн шилдгүүд дараахь мөнгөн шагналыг хүртэнэ.

     -Нэгдүгээр байр – 4000 евро

    -Хоёрдугаар байр – 2000 евро

    -Гуравдугаар байр – 1000 евро

     -Шүүгчдийн шийдвэрээр оролцогчдод "Orpheus" шганалыг гардуулах бөгөө энэ нь Гран пригийн төлөө өрсөлдөх эрхийг олгож байгааг илтгэнэ.

    -Төрөл тус бүрт шилдгийг шалгаруулан, алт, мөнгө, хүрэл медаль гардуулна. Эдгээр медалийг диплом дагалдана.

    -Зарим төрөлд 1-ээс илүү алт, мөнгө, хүрэл медалийг дипломын хамтаар гардууулж болно.

    -Шүүгчид шилдэг оролцогчдод Ардын урлагийн дэлхийн шилдгүүдийг шалгаруулах тэмцээн-наадамд оролцох урилгыг гардуулна.

    -Бүх оролцогчид диплом гардуулна.

    -Наадмын үеэр эртний хийцтэй үндэсний хувцас, тайзны хувцас, тайзан дээр өөрийгөө илэрхийлэх чадвар, хөгжмийн найруулга зэрэг номинациар тусгай шагнал олгоно.

    -Шилдэг хамтлаг, чуулгын уран сайхны удирдагчдад шүүгчдийн болоод Дэлхийн язгуур урлагийн академийн шийдвэрээр Маэстро цолыг олгох бөгөөд цолны батламжийг тухайн улсын Соёлын яам эсвэл оршин суудаг хотын захиргаанд нь хүндэтгэлтэйгээр гардуулж өгөхийг хүссэн хүсэлтийн хамтаар илгээнэ.

    Хөтөлбөр /урьдчилсан /

     

     

    Огноо

    Арга хэмжээ

    Цаг

    Болох газар

    1

    VI.11

    Оролцогчид Улаанбаатар хотноо хүрэлцэн ирж, зочид буудалдаа бууна. Тэмцээний бүртгэл явагдана.

     

    Баянгол зочид буудал

    2

    VI.12

    Тэмцээн эхэлнэ.

    10.00 – 15.00

    Үндэсний соёл амралтын хүрээлэн

     

     

    Оролцогч багуудын үндэсний хувцастай нээлтийн парад

    18.00 -19.30

    Чингисийн талбай

     

     

    Нээлтийн ёслол, гала тоглолт, ёслолын буудлага

    20.00– 22.00

    Чингисийн талбай

    3

    VI.13

    Тэмцээн

    10.00– 18.00

    Үндэсний соёл амралтын хүрээлэн

    4

    VI.14

    Тэмцээн

    10.00– 18.00

    Үндэсний соёл амралтын хүрээлэн

    5

    VI.15

    Шагнал гардуулах ёслол

    11.00– 12.00

    Соёлын төв өргөө

     

     

    Хэвлэлийн бага хурал

    13.00– 14.00

     

     

     

    Хаалтын гала концерт

    18.00

    Соёлын төв өргөө

     

  • Стандартуудын талаар сургалт зохион байгуулав
    Стандартуудын талаар сургалт зохион байгуулав

    2014 оны 4 дүгээр сарын 10-ны өдөр Баян-Өлгий аймгийн ЗД-ын дэргэдэх Цагдаагийн газрын сургалтын танхимд MNS ЕШ 5122:2013, MNS ЕШ 5831:2007,  MNS ЕШ 5012:2011, MNS ЕШ5231:2003 стандартуудын талаар сургалт зохион явуулав. Тус сургалтанд 40-өөд нийтийн тээврийн, улс хоорондын зорчигч тээврийн таксийн жолооч нар оролцсон ба ТАЗГ, МХГ, ЗЦГ болон СХЗХ-ийн холбогдох мэргэжилтнүүд илтгэл тавив.

  • Агнуурын зарим амьтдыг агнах, түүхий эдийг түүж бэлдэх, экспортлохыг түр хориглох тухай
    Агнуурын зарим амьтдыг агнах, түүхий эдийг түүж бэлдэх, экспортлохыг түр хориглох тухай

    Байгаль орчин, ногоон хөгжлийн сайдын 2014 оны 02 дугаар сарын 25 –ны өдрийн А-61 тоот тушаалд,

    Монгол орны барагшуны нөөц, тархац хомсдож байгааг харгалзан барагшуныг үйлдвэрлэлийн зориулалтаар түүж бэлтгэх, боловсруулж бүтээгдэхүүн болоогүй түүхий эдийг экспортлохыг 5 жилийн хугацаатайгаар, мөн Ойн тухай хуулийн 3.1.17-д заасан түймрийн аюултай үед буюу жил бүрийн 3 дугаар сарын 20-ноос 6 дугаар сарын 10-ныг хүртэл ой, ойт хээрийн бүсэд байгалийн жамаар унасан халиун бугын ясан эврийг түүх, худалдах үйл ажиллагааг хоригложээ.

  • Сургалт зохион байгуулав
    Сургалт зохион байгуулав

    3 дугаар сарын 17-ны өдөр "Сайн засаглалын төлөө хамтдаа" дэд төслийн хүрээнд  аймгийн болон сумдын Нийгмийн халамж үйлчилгээний хэлтсийн  мэргэжилтнүүдэд  Аймгийн ЗДТГ-ын Хууль зүйн хэлтэс,  Аймгийн эмэгтэйчүүдийн холбоо хамтран  Төрийн албан хаагчийн ёс зүй, Мэдээллийн ил тод байдал,Авлигатай холбоотой сэдвээр сургалт, хэлэлцүүлэг зохион байгуулав.

  • Хүрэл медалийн болзол хангалаа
    Хүрэл медалийн болзол хангалаа

    Улаанбаатар хотноо Монгол Улсын Ерөнхийлөгчийн ивээл дор зохион явагдаж буй “Дуулиан 2020” заалны хөл бөмбөгийн тэмцээнд аймгийн ССАЖГ-ын Нийтийн биеийн тамирын дасгалжуулагч А. Ромоор  ахлуулсан 14-15, 16-17 насны баг тамирчид маань хэсгийн тоглолтоос шалгарч, 16-17 насанд тоглосон баг тамирчид өрсөлдөгч багт нэг оноогоор хожигдсон 14-15 насны баг Улаанбаатар хотын  65 дугаар сургуулийн багийг 3:4 харьцаагаар хожиж хүрэл медалийн болзол хангасан байна. Манай аймгийн тамирчид УБ хотын цагаар 1400 цагт Орхон аймгийн  багтай мөнгөн медалын төлөө тогтох юм байна.  

  • Баталгаажуулалтын орон тооны бус зөвлөлийн ээлжит хурал болов
    Баталгаажуулалтын орон тооны бус зөвлөлийн ээлжит хурал болов

    2014 оны 03 сарын 12-ны өдөр аймгийн Засаг даргын орлогч Н.Санатбек-ээр ахлуулсанбаталгаажуулалтын орон тооны бус зөвлөлийн ээлжит хурал болж, Стандартчилал, хэмжилзүйнхэлтсээс  баталгаажуулалтын шинжээч нарын хийсэн тохирлын үнэлгээний дүнг хэлэлцэж, хоёр  дотоодын бүтээгдэхүүнд,  гурван  үйлчилгээний   газарт  тохирлын гэрчилгээг шинээр олгох,  найман үйлчилгээний газрын  хугацааг нь сунгахаар шийдвэрлэв. Үүнд: 

     1.Өлгий сумын “Барша” хүнсний дэлгүүр /3-р баг/

     2.“Хөшөөт” хүнсний дэлгүүр /3-р баг/

     3.“Дастан” ХХК-ны ШТС /3-р баг/

     4. “Берекет” жижиг  үйлдвэрийн хэрчсэн гурилан  бүтээгдэхүүн /3-р баг/

     5.” Өлгий Хөөс” ХХК-ны сэндвич хавтан, хөөсөнцөр хавтанд /3-р баг/ тохирлын  гэрчилгээг шинээр олгов.

     

    1.Толбо сумын “Шохан” хүнсний дэлгүүр /2-р баг/

    2.Өлгий сумын “Миний дэлгүүр” супермаркет /8-р баг/

    3. “Дөл” супермаркет /4-р баг/

    4. “Анэж -Од” супермаркет /4-р баг/

    5. “Болашах” супермаркет /4-р баг/

    6. “Арвин” зоогийн газар /4-р баг/

    7. “Цэнгэл хайрхан” зоогийн газар /4-р баг/

    8. “Памуккалле” зоогийн газруудын тохирлын гэрчилгээний   хугацааг нь сунгав.

  • Баталгаажуулалтын орон тооны бус зөвлөлийн ээлжит хурал болов
    Баталгаажуулалтын орон тооны бус зөвлөлийн ээлжит хурал болов

    2014 оны 03 сарын 12-ны өдөр аймгийн Засаг даргын орлогч Н.Санатбек-ээр ахлуулсанбаталгаажуулалтын орон тооны бус зөвлөлийн ээлжит хурал болж, Стандартчилал, хэмжилзүйнхэлтсээс  баталгаажуулалтын шинжээч нарын хийсэн тохирлын үнэлгээний дүнг хэлэлцэж, хоёр  дотоодын бүтээгдэхүүнд,  гурван  үйлчилгээний   газарт  тохирлын гэрчилгээг шинээр олгох,  найман үйлчилгээний газрын  хугацааг нь сунгахаар шийдвэрлэв. Үүнд: 

     1.Өлгий сумын “Барша” хүнсний дэлгүүр /3-р баг/

     2.“Хөшөөт” хүнсний дэлгүүр /3-р баг/

     3.“Дастан” ХХК-ны ШТС /3-р баг/

     4. “Берекет” жижиг  үйлдвэрийн хэрчсэн гурилан  бүтээгдэхүүн /3-р баг/

     5.” Өлгий Хөөс” ХХК-ны сэндвич хавтан, хөөсөнцөр хавтанд /3-р баг/ тохирлын  гэрчилгээг шинээр олгов.

     

    1.Толбо сумын “Шохан” хүнсний дэлгүүр /2-р баг/

    2.Өлгий сумын “Миний дэлгүүр” супермаркет /8-р баг/

    3. “Дөл” супермаркет /4-р баг/

    4. “Анэж -Од” супермаркет /4-р баг/

    5. “Болашах” супермаркет /4-р баг/

    6. “Арвин” зоогийн газар /4-р баг/

    7. “Цэнгэл хайрхан” зоогийн газар /4-р баг/

    8. “Памуккалле” зоогийн газруудын тохирлын гэрчилгээний   хугацааг нь сунгав.

  • Гадаад харилцааны сайд Лу.Болд Баян-Өлгий аймагт ажиллана
    Гадаад харилцааны сайд Лу.Болд Баян-Өлгий аймагт ажиллана

    Монгол Улсын Засгийн газрын гишүүн, Гадаад харилцааны сайд Лу.Болд тэргүүтэй төлөөлөгчид 2014 оны 03 дугаар сарын 05-ны өдөр Баян-Өлгий аймагт ажиллана. Тэрбээр 03 дугаар сарын 05 –ны өдөр 14:00 цагт Аймгийн Засаг даргын Тамгын газрын хурлын танхимд аймгийн удирдлагуудтай уулзалт хийж, гадаад харилцааны асуудлаар санал солилцоно.

    Гадаад харилцааны сайд 16:00 цагаас 340 дугаар Барилгын цэргийн ангийн үйл ажиллагаатай танилцаж, 17:00 цагаас тус аймгийн Хөгжимт драмын театрт иргэд, хөдөлмөрчидтэй уулзалт хийнэ. 

  • Боксчид Казахстанаас хоёр алтан медаль хүртжээ
    Боксчид Казахстанаас хоёр алтан медаль хүртжээ

    Монголын боксын үндэсний шигшээ багийн тамирчид Казахстаны Атырау хотноо болсон олон улсын А зэрэглэлийн тэмцээнээс хоёр алт, нэг хүрэл медаль хүртсэн байна. Дөрөвдүгээр сарын 25-30-ны өдрүүдэд болсон энэхүү тэмцээнд манай улсаас хоёр дасгалжуулагч, арван тамирчин оролцсон юм. Манай тамирчдаас 52 кг-ын жинд спортын мастер А.Нурлан, 64 кг-ын жинд спортын мастер О.Норовбал нар алт, 49 кг-ын жинд Т.Жолдасбек хүрэл медаль хүртсэн байна. Мөн 64 кг-ын жинд өрсөлдсөн Б.Чинзориг шилдэг тамирчны тусгай шагнал хүртжээ.

    49 кг-ын жинд өрсөлдсөн спортын мастер Т.Жолдасбек мөнгөн медалийн төлөө иракын тамирчин Хассан Ал Насерт ялагдаж, хүрэл медаль хүртсэн. Харин 52 кг-ын жинд спортын мастер А.Нурлан Казахстаны Нургазы Жусуповыг гурван үед ялснаар аваргын алтан медаль хүртсэн.

    Манай боксын шигшээ багийн тамирчид тавдугаар сарын 4-ны өглөө эх орондоо ирнэ. Үүний дараа тавдугаар сарын 12-19-ний өдрүүдэд ОХУ-д, тавдугаар сарын 14-19-ний Кипр улсад болох олон улсын А зэрэглэлийн тэмцээнд оролцоно. Энэ хоёр тэмцээн шигшээ багийн тамирчид хуваагдан оролцох юм.

    Дашрамд дурдахад, 2014 оны 8 дугаар сарын 25-30 -ны өдрүүдэд "Olgii Cup" олон улсын зэрэглэлийн боксын тэмцээн зохион байгуулагдана. Тэмцээний зорилго нь Баян-Өлгий аймагт боксын спортыг түлхүү хөгжүүлэх, залуу үеийнхний дунд өргөнөөр дэлгэрүүлэх, хөрш зэргэлдээ болон бусад орны тамирчидтай өрсөлдөж туршлага судлах, шилдэг тамирчдын залуу халааг бэлтгэх, эх орондоо зохиогдох олон улсын тэмцээний тоог нэмэгдүүлэх, цаашид олон улс болон тив дэлхийн чанартай уралдаан тэмцээнд өрсөлдөх ур чадвартай тамирчдыг бэлтгэх, сонгон шалгаруулахад оршино.

  • Цахим ярилцлага Баян-Өлгий аймгаас эхлэв
    Цахим ярилцлага Баян-Өлгий аймгаас эхлэв

    Улсын Их Хурлын гишүүдийн уламжлалт онлайн уулзалт буюу цахим ярилцлагын энэ оны анхны ярилцлага өнөөдөр (дөрөвдүгээр сарын 9) Төрийн ордон дахь Нутгийн удирдлагын танхимд боллоо. 

     Сар бүр хоёр удаа зохион байгуулах цуврал ярилцлагыг Баян-Өлгий аймгаас сонгогдсон Улсын Их Хурлын гишүүн, Төрийн байгуулалтын байнгын хорооны дарга А.Бакей, Улсын Их Хурлын гишүүн А.Тлейхан нарын тойрогтойгоо хийсэн ярилцлагаар эхлүүлсэн юм.  

           Ярилцлагад Улсын Их Хурлын Тамгын газрын Ерөнхий нарийн бичгийн дарга Б.Болдбаатар болон Тамгын газрын зарим удирдлага, Баян-Өлгий аймгийн ИТХ-ын удирдлага, Засаг даргын Тамгын газрын хариуцлагатай ажилтнууд оролцож, аймгийн хөгжлийн тулгамдсан асуудал, бодлого, Монгол Улсын төсвийн хөрөнгө оруулалт, Орон нутгийн хөгжлийн сангийн хөрөнгөөр хийх бүтээн байгуулалтын ажлын явц, түүнд тавьж буй хяналтын талаар ярилцав. 

    Ярилцлагыг оролцогч талууд үндсэн сэдвийн хүрээнд товч танилцуулга хийх, асуулт тавьж хариулах хэлбэрээр явууллаа.

            Цахим ярилцлагын нээж Улсын Их Хурлын Тамгын газрын Ерөнхий нарийн бичгийн дарга Б.Болдбаатар хэлсэн үгэндээ “Улсын Их Хурлын үйл ажиллагааг сурталчлах төвийг түшиглэн Улсын Их Хурлаар хуулийн төсөл хэлэлцэх явцад иргэдийн оролцоог нэмэгдүүлэх, хууль тогтоох үйл ажиллагааг олон нийтэд илүү нээлттэй болгох, УИХ-ын гишүүдтэй иргэд сонгогчид онлайнаар шууд холбогдон сонирхсон асуултдаа хариулт авах боломж бүрдүүлэх зорилго бүхий онлайн ярилцлагыг 2009 оноос эхлэн зохион байгуулж ирсэн. Энэхүү уламжлалаа сэргээж 2014 оны анхны цахим ярилцлагаа өнөөдөр Баян-Өлгий аймгаар эхэлж байгаадаа баяртай байна. Саяхан Улсын Их хурлын дарга З.Энхболд казах түмний Наурызын баяраар Баян-Өлгий аймагт очиж, бүтээн байгуулалтын ажилтай газар дээр нь танилцан, иргэд олон нийттэй уулзсан”-ыг тэмдэглээд ярилцлагад оролцож буй талуудад баяр хүргэн амжилт хүслээ. 

    Үүний дараа Аймгийн ИТХ-ын дарга Б.Лазатхан аймгийнхаа хөгжлийн тулгамдсан асуудлууд, тэдгээрийг гэтлэхийн тулд хэрэгжүүлж буй төсөл, хөтөлбөрүүдийн биелэлтийн явцаас танилцуулаад орон нутагт тулгарч буй зовлон бэрхшээлийг нааштай шийдвэрлэхэд энэхүү цахим ярилцлага ихээхэн ач холбогдолтой гэж үзэж байгаагаа илэрхийллээ.

    Ярилцлагад оролцогчид аймгийн хэмжээнд хүн амын эрүүл мэнд, боловсролын салбарт тулгарч буй нэн даруй шийдвэрлэвэл зохих асуудлуудад онцгой анхаарч байлаа. Тухайлбал, боловсролын салбарт хуваарилсан төсвийн хүрэлцээ, казах хэлээр хичээл явдаг бага ангийн сурагчдын сурах бичгийн боловсруулалт, Баян-Өлгий аймаг дахь Багшийн колллежийн статус, хувийн сургуулийн багш, ажилтнуудыг тэтгэмжид хамруулах асуудал энд хөндөгдсөн юм. Мөн аймгийн хүн амын тоог харгалзан эрүүл мэндийг салбарын норм нормативыг шинэчлэх, эмнэлгийн орны хүрэлцээг нэмэгдүүлэх, зарим суманд тухайлбал, Улаанхус суманд сум дундын эмнэлэг байгуулах асуудал ч яригдлаа. 

    Засгийн газрын 2010 оны 76-р тогтоолоор казах хүүхдийн боловсролын асуудалд анхаарсан түүхэн шийдвэр гарч байсныг А.Тлейхан сайд дурдаад уг шийдвэрийг биелүүлэх талаар ямар ажил хийж байгааг орон нутгийн удирдлагаас асууж тодруулав. Түүнчлэн 2011 онд Эрүүл мэндийн сайд С.Ламбаагийн үед гарсан эрүүл мэндийн салбарын ажлыг сайжруулах төлөвлөгөөний биелэлт тухайн орон нутагт ямархуу явцтай байгааг гишүүд сонирхож байв. 
          Ярилцлагын үеэр мөн аймгийн хөгжлийн бодлого, хөтөлбөрийг шинэчлэх, орон нутгийн хөгжлийн сангийн хөрөнгийг үр бүтээлтэй зарцуулах, энэ чиглэлээр гарч буй хууль зөрчих хандлагыг дор бүр нь шалгаж, үнэлэлт дүгнэлт өгөх, аймгийн түвшинд тодорхой хэмжээгээр буурсан үзүүлэлттэй байгаа ажилгүйдлийг улам бууруулах, гадаадын хөрөнгө оруулалтыг татах зэрэг асуудлаар хийж буй ажлынхаа талаар орон нутгийн удирдлагууд гишүүдтэй санал солилцсон юм.

    Ярилцлагыг дүгнэж Улсын Их Хурлын гишүүн, Төрийн байгуулалтын байнгын хорооны дарга А.Бакей хэлсэн үгэндээ хөрөнгө оруулалт, бүтээн байгуулалтын ажилд аймгийн ИТХ, Засаг даргаас хяналт тавин ажиллаж байгааг сайшаагаад “Орон нутгийн хөгжлийн сангийн хөрөнгийг хамгийн чухал, нийтлэг шаардлагатай зүйлд зарцуулах талаар иргэд, олон нийтийнхээ санаа бодолд анхаарч ажиллах нь чухал, бидний зүгээс эрх зүйн орчинд нь анхааръя. Хөрөнгө оруулалтын хувьд царцаагдсан хөрөнгө оруулалтын талаар өчигдөр Төсвийн байнгын хорооны хурлаар хэлэлцсэн. Манай аймагт байгаа 6-7 объектын 4-т нь ямар боловч нааштай шийдвэр гарах байх гэж найдаж байна. Он дамнасан төсвийн хариуцлагагүй асуудал гаргахгүйн тулд бүтээн байгуулалтын ажлынхаа тендерт онцгой анхаарч, түүнийг цаг алдалгүй, шударгаар зарлан хяналт тавих, барилга байгуулалтын ажлын зургаа нүдэнд харагдахуйц, бодитой хийх нь чухал” болохыг аймгийн удирдлагад захилаа. 

    Харин А.Тлейхан гишүүний хувьд “Баян-Өлгий аймгийн тулгамдсан асуудлуудыг шийдвэрлэхэд чиглэсэн энэхүү цахим ярилцлагаар бидний өгөх зөвлөгөө, та бүхний санаа оноо нийлээд ихээхэн үр дүн гарна гэж бодож байна. Бид бүх түвшинд менежментээ сайжруулах, хамтын ажиллагаа, мэдээллийн солилцоогоо дээшлүүлэх нь чухал байна. Мөн гадаадын хөрөнгө оруулалтыг татах эрэл хайгуул хийх, ажилгүйдлийг бууруулах талаар томоохон төсөл хөтөлбөр боловсруулж, Хөдөлмөрийн яамтай хамтран ажиллах хэрэгтэй. Хөрөнгө оруулалт, түүний дотор төсвийн хөрөнгө оруулалттай холбоотой судалгаагаа бидэнд ирүүлээрэй. Бид бас өөрсдийн хүрээнд аль болохоор болж бүтэх талаас нь хөөцөлдье” гэлээ. 

    Цахим ярилцлага бүтэн цаг үргэлжилсэн бөгөөд түүнийг хааж Улсын Их Хурлын Тамгын газрын Ерөнхий нарийн бичгийн дарга Б.Болдбаатар үг хэлэхдээ ярилцлагын урилгыг хүлээн авч оролцсон УИХ-ын хоёр гишүүн болон Баян-Өлгий аймгийн удирдлагад талархлаа илэрхийлээд тэдний цаашдын ажилд амжилт хүсэж, Улсын Их Хурлын Тамгын газрын зүгээс цуврал цахим ярилцлагыг цаашид тогтворжуулан иргэд, сонгогчидтойгоо холбогдох, ялангуяа маргаан дагуулж буй асуудлуудаар олон нийтийн санаа бодлыг сонсох нь ихээхэн ач холбогдолтой гэж үзэж байгаагаа илэрхийллээ гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ.

  • Казахстан улстай агаарын тээврийн харилцаагаа сэргээхээр боллоо
    Казахстан улстай агаарын тээврийн харилцаагаа сэргээхээр боллоо

    Монгол Улс БНКазУ-тай тээврийн салбарт хамтарч ажиллах асуудлаархи хоёр талын ажлын хэсгийн уулзалт энэ сарын 7-8-ны өдрүүдэд Астана хотноо болсон билээ.

    Уулзалтад Монгол Улсыг төлөөлж ЗТЯ-ны дэд сайд Х.Ержан, Казахстан улсыг төлөөлж тус улсын Тээвэр, харилцаа холбооны дэд сайд Азат Бектуров нар  оролцож, хоёр орны агаарын болон автотээврийн салбарт хамтран ажиллах талаар ярилцсан байна.

    Уулзалтад Монгол Улсаас БНКазУ-д суугаа Онц бөгөөд Бүрэн эрхт Элчин сайд Ж.Сүхээ, Баян-Өлгий аймгийн Засаг дарга Х.Дармен, ЗДТГ-ын ТЗУХ-ийн дарга Х.Мантай нар оролцлоо.

    Энэ үеэр Зам, тээврийн яамны дэд сайд Х.Ержан Казахстаны Тээвэр, харилцаа холбооны сайд Женис Касымбектэй уулзаж, хоёр орны зам, тээврийн харилцааны өнөөгийн байдал, цаашдын хамтын ажиллагааны асуудлаар санал солилцсон бөгөөд Женис Касымбек сайд Казахстан Улс Монгол Улстай зам, тээврийн салбарт  бүхий л чиглэлээр хамтарч ажиллахад бэлэн байгаагаа илэрхийлж, Монгол Улсын Зам, тээврийн сайд А.Гансүхийг ирэх тавдугаар сард Астана хотноо зохион байгуулахаар төлөвлөж буй олон улсын транзит тээврийн бага хуралд урьж буйгаа дуулгажээ. 


    Дэд сайд Х.Ержан тэргүүтэй төлөөлөгчид Казахстаны галт тэрэгний зүтгүүрийн үйлдвэртэй танилцаж, хамтран ажиллах боломжийн талаар санал солилцсон байна. Мөн хоёр тал зогсонги байдалд ороод байсан агаарын тээврийн харилцаагаа сэргээх асуудлаар санал нэгдэж, санамж бичиг байгуулжээ. Түүнчлэн удахгүй Улаанбаатар хотноо зохион байгуулахаар төлөвлөж буй хоёр орны Засгийн газар хоорондын комиссын хуралдааны үеэр гарын үсэг зурахаар тохирсоноос гадна хоёр талын эрх бүхий байгууллагууд  нислэгийн маршрут, тус тусын нислэг үйлдэх авиакомпаниудаа томилж, харилцан  мэдэгдэхээр тогтсон байна. Үүнээс гадна автотээврийн харилцааны хувьд хоёр тал зорчигч тээврийн үйлчилгээний чанарыг сайжруулах, зорчигчдын аюулгүй байдлыг хангах асуудлаар санал солилцож үйлчилгээний чанарыг сайжруулахад хамтран ажиллахаар тохирсон бөгөөд Казахстан улс зорчигч тээврийн үйлчилгээний автобусыг Монгол Улсын мөрдөж буй стандартад нийцүүлэх, автобусаар үйлчлэх компанийг ойрын хугацаанд шалгаруулж манай талд мэдэгдэхээр болжээ. 

    Монголын тал олон улсын зорчигч тээврийн стандартын шаардлагыг хангасан том оврын автобус үйлчилгээнд явуулах тухай шийдвэрээ тус улсад танилцуулж, Зам, тээврийн дэд сайд Х.Ержан, Бүгд Найрамдах Казахстан Улсын Тээвэр, харилцаа холбооны дэд сайд Азат Бектуров нар хоёр талын хэлэлцэн тохирсон асуудлаархи хамтран ажиллах тухай протоколд гарын үсэг зурсан байна. 

  • Орон нутгийн телевизэд ярилцлага өглөө
    Орон нутгийн телевизэд ярилцлага өглөө

    УИХ-ын дарга болон УИХ-ын гишүүн А.Бакей нар орон нутгийн телевизэд ярилцлага өглөө

    УИХ-ын дарга З.Энхболд, УИХ-ын гишүүн, Төрийн байгуулалтын байнгын хорооны дарга А.Бакей нар өнөөдөр/2014.03.24/ МҮОНТ-ийн Баян-Өлгий аймаг дахь салбарт ярилцлага өглөө. Ярилцлагын үеэр Даян-Улаан-Уул боомтын асуудал, Казахстан улсаас Баян-Өлгий рүү хийх шууд нислэг, Өргөн хэрэглээний бараа бүтээгдэхүүний үнийн асуудал, Асгатын мөнгөний орд-ыг эдийн засгийн эргэлтэнд оруулах талаар болон “Авлигажсан” гэх тодотголтой обьектуудын асуудлыг тус тус хөндсөн юм. Мөн УИХ-ын дарга З.Энхболдоос сэтгүүлч “Үндэсний хөгжлийн хөтөлбөр”-ийн талаар асууж байлаа. түүнчлэн Баян-Өлгий аймгийн хувьд өргөн хэрэглээний барааны үнэ өндөр байгаа, тэр дундаа гурилын үнийг тогтворжуулах тал дээр УИХ-аас арга хэмжээ авах хэрэгтэй буйг УИХ-ын даргад танилцуулав. Мөн Баян-Өлгий аймгийн иргэд ОХУ болон Казахстан руу зорчиход визний асуудал хүндрэлтэй байгаа бөгөөд энэ асуудлыг даруй шийдвэрлэх хэрэгтэй байгаа юм байна. УИХ-ын дарга визний асуудлаар хариулахдаа, “Асуудлыг ОХУ-тай ярилцсан. Гэхдээ ОХУ-ын талаас хэрвээ манай улсын иргэд тус улсад хугацаа хэтрүүлэх, хууль зөрчсөн тохиолдолд иргэдийг эх орон руу нь буцаах зардлыг Монгол Улс хариуцна гэсэн заалт байгаа. Энэ нь улсын төсөвт хүндрэл учруулах учир энэ асуудал дээр хоёр тал хараахан тохиролцоонд хүрээгүй байгаа болохыг уламжлав. Мөн УИХ-ын дарга Баян-Өлгий аймгийн царцаагдсан барилгуудын хувьд, Согоогийн сургуулийн дотуур байр болон Цэнгэл сумын 75 хүүхдийн цэцэрлэгийн барилгын асуудлыг зохих журмын дагуу хууль тогтоох дээд байгууллага асуудлыг шийдвэрлэхээ мэдэгдэв.

    УИХ-ын гишүүн, Төрийн байгуулалтын байнгын хорооны дарга А.Бакей "Асгатын мөнгөний орд"-ыг эдийн засгийн эргэлтэнд оруулахын чухлыг дурдаад, орд хүрэх замын асуудал шийдэгдсэн. Харин одоо хөрөнгө оруулалт, менежментийн болон технологийн асуудлыг шийдвэрлэх гарцыг хайж байгаа талаар ярилцлагын үеэр онцлов.

    Орон нутгийн телевизэд ярилцлага өгсний дараа УИХ-ын дарга З.Энхболд болон УИХ-ын гишүүн, Төрийн байгуулалтын байнгын хорооны дарга А.Бакей нар Баян-Өлгий аймгийн Төв холбооны байран дахь Шинэчлэлийн засгийн газрын хүрээнд иргэдэд төрийн үйлчилгээ ойртуулах чиглэлээр 2 сарын өмнө байршуулсан ТҮЦ машины ашиглалт болон иргэдийн зүгээс хандалт ямар байгаа талаар санал солилцов.

    УИХ-ын дарга болон дагалан яваа төлөөлөгчдийн Баян-Өлгий аймагт хийсэн ажлын айлчлал өнөөдөр /2014.03.24/ өндөрлөлөө.

  • Наурызын баярын парад болов
    Наурызын баярын парад болов

    Наурызын баярын энэ өдөр /2014.03.22/ Баян-Өлгий аймгийн Өлгий сумын Төв талбайд Наурызын баяр Нарны баярын парад боллоо.

    Баярын парадыг нээж, Иргэдийн төлөөлөгчдийн хурлын дарга Лазатхан үг хэллээ. Наурызын баярын ёслол жил бүр төв талбайд болдог бөгөөд өдөр шөнө тэнцдэг энэхүү өдөр Хууль тогтоох дээд байгууллагын тэргүүн казак түмнийг хүндэтгэн ирсэнд талархаж байгаагаа аймгийн засаг дарга Х.Дармен илэрхийллээ. 

    УИХ-ын дарга З.Энхболд Төв талбайд цугласан Казах түмэнд нарны баярын мэндийг хүргэхийн зэрэгцээ, казах түмний соёл уламжлал, зан заншлыг хүндэтгэж явдгаа илэрхийллээ. Мөн УИХ-ын гишүүн, Төрийн байгуулалтын байнгын хорооны дарга А.Бакей Наурызын баярын мэндчилгээ дэвшүүлсэн юм. 

    Баярын ёслолын арга хэмжээний гол хэсэг нь парад байдаг байна. Энэ жилийн парадад Баян-Өлгий аймгийн Тамгын газар, Аймгийн театрын уран бүтээлчид, Ислам шашинтны Муфтият холбоо, Баян-Өлгий аймгийн Эрүүл мэндийн газар, I, II, III, IV дүгээр арван жилийн сургуулийн төлөөлөл, Ахмадуудын холбоо, Бизнес эрхлэгч эмэгтэйчүүдийн холбоо, Ховд Их сургуулийн салбар сургуулийн төлөөлөл, Мэргэжлийн сургалт үйлдвэрлэлийн төв болон бусад байгууллагын төлөөлөл оролцсон нь баярын арга хэмжээг сүрлэг болгож байлаа. Баян-Өлгийчүүд Наурызын баярын жагсаалд оролцсоны дараа Үндэсний уламжлалт найман эрдэнийн “Көже” шөлөөр зочдоо дайлан ахмад настануудаа хүндэтгэн золгодог. Төв талбайд болсон энэхүү баярын жагсаалын арга хэмжээнд 30 гаруй мянган Баян-Өлгийчүүд болон зочид төлөөлөгчид өнөөдөр оролцлоо. 

    Баярын жагсаалын дараа УИХ-ын дарга З.Энхболд, УИХ-ын Төрийн байгуулалтын байнгын хорооны дарга А.Бакей болон бусад төлөөлөгчид Баян-Өлгий аймгийн Тамгын газрынхантай уулзалт хийлээ. Уулзалтыг нээж Баян-Өлгий аймгийн засаг дарга Х.Дармен танилцуулга хийсэн юм. Засаг дарга Х.Дармений танилцуулснаар, Баян-Өлгий Аймгийн хувьд, Ховд, Увс аймаг болон ОХУ, БНХАУ-тай хиллэдэг.

    Баян-Өлгий аймаг  Хөдөө, аж ахуй, Уул уурхай, агаарын тээвэр хөгжүүлэх чиглэлийг 2014 оны зорилго зорилтод түлхүү барьж ажиллаж байна. ХАА-н хувьд, бэлчээр хадлангийн ургац сайтай жил болсноо хэлсэн юм. Яг энэ цагт мал төллөж эхэлсэн бөгөөд 2013 оны эцэст 1 сая толгой мал тоологдсон статистик дүн байгааг хэллээ. Мөн уламжлалт бэлчээрийн мал аж ахуй, ихэнх хэсгийг бог мал эзэлж байна. Иймээс малын тэжээлийн хангамжийг дээшлүүлэх нь чухал ажил болоод байгааг онцлов.  Мөн Баян-Өлгийчүүдийг дотоодын хүнсний ногоогоор хангах зорилго тавин ажиллаж байна. Уул уурхай, үйлдвэрлэлийн салбарын хувьд, хар  төмөрлөгийн, өнгөт металийн орд, Ногоон нуур сумын зэс молибдений орд, ер нь уул уурхайн салбарыг түлхүү хөгжүүлэх зорилт тавин ажиллаж байна. Түүнчлэн жижиг дунд үйлдвэрийг хөгжүүлэх чиглэлд анхаарч байгаагаа Аймгийн засаг дарга онцоллоо. Тэр дундаа барилгын материалыг дотооддоо үйлдвэрлэх бодлогыг Баян-Өлгий аймгийн удирдлагууд барьж буйгаа мэдэгдлээ. Аймгийн хувьд өрсөлдөх чадвараараа 10 дугаар байрт орж байна. Ер нь эдийн засгийн хүчин чадлаар 14 дүгээр байранд орсоор иржээ. Жижиг дунд үйлдвэр, эрчимжсэн мал аж ахуйг хөгжүүлэх нь гол зорилго болохыг хэллээ. Төсвийг үр ашигтай зарцуулах, иргэдийн ухамсрыг дээшлүүлэх шаардлагатай байгааг Баян-Өлгий аймгийн засаг дарга Х.Дармен тайлбарлалаа. Баян-Өлгий аймагт тулгарч байгаа бэрхшээл болон сул талын хувьд,  дэд бүтцийн хувьд алслагдсан, халаалтын үнэ өндөр, ундны усны хангамж сул, интернет хэрэглэгчид бусад аймгуудаас бага байна гэсэн зүйлүүдийг дурдав. Сул талыг шийдвэрлэх гарцын хувьд, цаашдаа агаарын замыг хөгжүүлэх нь Баян-Өлгий аймгийн хувьд чухал гэж үзсэн байна. Хамгийн гол нь хиллэж хөрш зэргэлдээ оршиж буй орнууд руу чөлөөтэй зорчих боломжийг бүрдүүлэх шаардлагатай байгаагаа хэллээ. Мөн баруун аймаг тэр дундаа Баян-Өлгий аймагт өргөн хэрэглээний бараа бүтээгдэхүүний үнэ өндөр байна. ОХУ болон Казакстан улсуудаас гол төлөв хүнсний бараа бүтээгдэхүүн импортлон оруулж ирдэг гэлээ.  Технологийн хувьд, энэ жил интернетийн сүлжээг сайжруулах үүднээс шилэн кабелийн шугамыг татаж эхэлсэн байна. Мөн суурин багуудад утасны сүлжээг бий болгох шаардлага үүссэнийг хэлж байв. Төвөөс алслагдсан багуудын хүүхдүүдийг цэцэрлэг сургуульд хамруулах нэн шаардлагатай байгааг УИХ-ын даргад танилцуулав.

    Нарны баярын ёслолын арга хэмжээнд ЗХЖШ-ын дарга, дэслэгч генерал Ц.Бямбажав,  Баян-Өлгий аймгийн засаг дарга Х.Дармен, ИТХ-ын дарга Б.Лазатхан, Кувейт улсын элчин сайд Халид Иатим Аль Фадли, Франц Улсаас Монгол Улсад суугаа онц бөгөөд бүрэн эрхт  Элчин сайд Ив Делунэ, Зам тээврийн дэд сайд К.Ержан, УИХ-ын даргын зөвлөх З.Нарантуяа Шашны байгууллагуудын тэргүүн М.Азатхан болон албаны бусад хүмүүс байлцав. Энэ мөчид УИХ-ын дарга болон дагалдан яваа төлөөлөгчид Казах айлд зочлон хууль тогтоох дээд байгууллагаас хэрэгжүүлж буй бодлого болон бусад асуудлаар санал солилцлоо. Эх сурвалж Ньюс.мн

  • “Асгатын мөнгөний орд”-той танилцав
    “Асгатын мөнгөний орд”-той танилцав

    УИХ дарга З.Энхболд болон дагалдан яваа төлөөлөгчид өчигдөр /2014.03.23/ Баян-Өлгий аймгийн Ногооннуур сумын дөрөвдүгээр багийн нутагт орших “Асгатын мөнгөний орд”-д ажиллав. Асгатын мөнгөний орд Монгол орны баруун хэсэгт, ОХУ-ын Алтайн хязгаартай хиллэн оршдог. УИХ-ын даргын ажлын айлчлал хийж буй Өлгий сумаас 180 км, харин Улаанбаатар хотоос 1800 км-ийн зайтай оршдог.

    УИХ-ын даргын /2014.03.22/-ны өдөр зочлон очиж, ажил байдалтай нь танилцсан Барилгын инженерийн тусгай батальон буюу Зэвсэгт хүчний  340 дүгээр ангийн  бие бүрэлдэхүүн стратегийн ач холбогдол бүхий "Асгатын мөнгөний орд" хүрэх 7.3 км зам, 72.8 метр урттай бетон гүүрийг хийж гүйцэтгэн 2013 онд ашиглалтанд оруулсан байна. Далайн төвшнөөс дээш 3500-3600 метрийн өндөрт орших орд хүрэх замыг Зэвсэгт хүчний 340 дүгээр анги тавьснаар стратегийн ач холбогдол бүхий ордыг эдийн засгийн эргэлтэнд оруулах бодит нөхцөл бүрдсэн болохыг ЗХЖШ-ын дарга, дэслэгч генерал Ц.Бямбажав  онцлон тэмдэглэв.

    Асгатын мөнгөний ордод хэд хэдэн төрлийн металь бий гэж судлаачид үздэг байна. Мөнгө, зэс, сурьма, висмут гэсэн металийн нөөцтэй. 1970-1980 оны эхээр  Монгол болон  хуучнаар ЗХУ-ын эрдэмтэд  хамтран Асгатын мөнгөний ордны хайгуулыг хоёр удаа хийж байсан байна. Асгатын мөнгөний ордны хувьд Монгол Улсын хөгжлийн бодлогод чухал ач холбогдол бүхий ордын нэг бөгөөд байгалийн өвөрмөц тогтоц бүхий, өдөртөө л жилийн дөрвөн улирлын өнгө төрхийг гаргаж байдаг өвөрмөц тогтоц бүхий газар юм.
    “Асгатын мөнгөний орд”-ын талаар УИХ-ын дарга З.Энхболд хэлэхдээ,

    “2008-2012 оны ээлжит  УИХ-ын бүрэн эрхийн хугацаанд буюу 2011 оны 2 дугаар сард Асгатын мөнгөний ордод хүрэлцэн ирж, энэхүү ордыг ашиглах талаар ажлыг эхлүүлж байсан. Барилгын инженерийн тусгай батальон буюу Зэвсэгт хүчний 340 дүгээр ангийн бие бүрэлдэхүүн стратегийн ач холбогдол бүхий Асгатын мөнгөний орд хүрэх 7.3 км зам, 72.8 метр урттай бетон гүүрийг хийж гүйцэтгэн 2013 онд ашиглалтанд оруулсан байна.Ингэснээрээ Монголын талаас ордыг ашиглах боломж нээгдэж байна. Ер нь Асгатын ордыг ашиглахад дараах бэрхшээлүүд байсан. Цаг агаарын хувьд, эрс тэс хүйтэн уур амьсгалтай. Хүн ам амьдрах боломж бүрдээгүй. Монголын талаас хүрч очих боломжгүй байсан. Харин одоо ирээд харахад энд жуулчны бааз ч байгуулах боломж бүхий үзэсгэлэнтэй байгальтай газар байгааг та бүхэн харж байна. Энэхүү ордыг ашиглах лиценз нь  Монгол–Оросын хамтарсан үйлдвэрт байдаг.  Иймээс засгийн газраас энэхүү ордыг хурдан эдийн засгийн эргэлтэнд оруул гэсэн шаардлагыг тавьж байна. Энд жишээлбэл “Мөнгөтийн хяр” гэдэг ууланд 2000 метр гүний уурхай малтсан байгаа. Хүдэрийн уурхайг бариад зарим эрсдэлээс сэргийлэх үүднээс улсын төсвийн хөрөнгөөр зам тавьж өгч байна. Цаашдаа энд цахилгаан, эрчим хүчинд холбох хэрэгтэй. Баяжуулах үйлдвэрээ авчрах хэрэгтэй, энэ бүх ажлыг ОХУ-ын засгийн газарт хандан,  хурдан хугацаанд шийдвэрлэх хэрэгтэй байна. Баруун аймгийнхаа хөгжилд үнэтэй хувь нэмэр оруулахуйц эргэлтэнд оруулах хэрэгтэйг дахин хэлье. УИХ-ын ээлжит намрын чуулганаар алтыг татвараас чөлөөлсөн. Иймээс энд буй мөнгө ч бас алттай адил үнэ цэнэтэй металь мөн. Ер нь бол Монгол Улсын вальютын санг арвижуулахад алт, мөнгө хоёр металь чухал ач холбогдолтой байгаа.Гэвч ордыг ашиглах талаар олон жил яригдсан боловч ажил хийгдэж байгаагүй. Иймээс энэ жил Асгатын мөнгөний ордыг ашиглалтанд оруулах бодит ажил заавал хийгдэх ёстой. Үүний чухал хэсэг болж зам тавигдсан, зам дагаж тог цахилгаан эрчим хүчтэй болно. Ингэсний үндсэн дээр бусад ажлууд шат дараалан хийгдэх болно” гэж УИХ-ын дарга З.Энхболд хэлж байв. Мөн УИХ-ын дарга “Асгатын мөнгөний орд”-ын дэргэд 800 гаруй хүн амьдарч байсан тосгоны нөхцөл байдалтай танилцсан. Ер нь цаашид ордыг эргэлтэнд оруулж, тосгоныг сэргээх шаардлагатай байгааг УИХ-ын дарга З.Энхболд онцолж байсан юм.

    УИХ-ын гишүүн, Төрийн байгуулалтын байнгын хорооны дарга А.Бакей хэлэхдээ,

    “Асгатын мөнгөний орд”-ыг эдийн засгийн эргэлтэнд оруулах нь баруун бүсийн хувьд удаан хугацаанд хүлээж байгаа чухал асуудал юм. Нэгдүгээрт, тус орд хил дээр бартаатай уулын орой дээр байдаг учраас замын асуудал тулгарч байсан. ОХУ-ын хилээр орж, орд руу очдог байсныг өнгөрсөн жил шийдвэрлэж чадсан. Харин одоо хоёр том асуудал тулгарч байна. Эхнийх нь тусгай зөвшөөрөл болон менежментийг хийх асуудал. Өөрөөр хэлбэл энэ ордын  тусгай зөвшөөрөл “Монголросцветмет” Монгол-Оросын хамтарсан үйлдвэрт байдаг. Тус хамтарсан үйлдвэр энэхүү ордыг эдийн засгийн эргэлтэнд оруулах тал дээр ажил одоогийн байдлаар хийгээгүй байна. Тиймээс богино хугацаанд эдийн засгийн эргэлтэнд оруулах менежмент хийх  арга замыг эрэлхийлэх нь чухал. Мөн хоёр улсын засгийн газрын хооронд энэ асуудлыг ярилцсан байгааг дурдлаа. Түүнчлэн гуравдугаарт, технологийн асуудал. Мөнгө бол бусад металиудтай холимог байдлаар оршиж байна. Тиймээс мөнгийг хортой бусад металиудаас салгаж цэвэрлэх технологийн асуудал тулгарч байгаа. Гэхдээ техник, технологи хөгжсөн энэ цагт технологийн асуудлыг шийдэх боломжтой гэж үзэж буйгаа УИХ-ын гишүүн, Төрийн байгуулалтын байнгын хорооны дарга А.Бакей мэдэгдлээ.

    Өнөөдөр УИХ-ын дарга болон дагалдан яваа төлөөлөгчид Асгатын мөнгөний ордтой танилцсаны зэрэгцээ Баян-Өлгий аймгийн Ногооннуур сумын малчин Сапарбекийнд зочлов. Ногоонуур сумын малчин С.Сапарбек нь эрчимжсэн мал аж ахуй болон малын тэжээлийн асуудлаар саналаа илэрхийлсэн бөгөөд УИХ-ын даргыг казах түмний аж амьдралтай танилцан ажлын айлчлал хийж буйд талархлаа илэрхийлэв.

    УИХ дарга Баян-Өлгий аймгийн Ногооннуур сумын нутагт байрладаг Хилийн цэргийн 0285 дугаар ангийн хилийн заставт мөн ажиллав. УИХ-ын даргыг тус хилийн заставын дарга, хурандаа Ц.Түвшинжаргал болон хилийн заставт алба хааж буй гэрээт цэргийн албан хаагчид ёслол төгөлдөр угтан авлаа.

    УИХ-ын даргын Баян-Өлгий аймгийн Ногооннуур сумын нутагт байрлах, “Асгатын мөнгөний орд”, Хилийн цэргийн 0285 дугаар ангийн хилийн заставт ажиллах үеэр УИХ-ын гишүүн, Төрийн байгуулалтын байнгын хорооны дарга А.Бакей, Зам тээврийн дэд сайд К.Ержан, ЗХЖШ-ын дарга, дэслэгч генерал Ц.Бямбажав, УИХ-ын даргын зөвлөх З.Нарантуяа, Баян-Өлгий аймгийн засаг дарга Х.Дармен, ИТХ-ын дарга Б.Лазатхан, Тамгын газрын дарга Т.Манкей болон албаны бусад хүмүүс байлцав.

  • Баян-Өлгий аймгийн жижиг дунд үйлдвэрлэл эрхлэгчид зөвлөлдлөө
    Баян-Өлгий аймгийн жижиг дунд үйлдвэрлэл эрхлэгчид зөвлөлдлөө

    Өлгий хотод "Жижиг дунд үйлдвэр эрхлэгчдийн зөвлөлгөөн"-ийг 2014 оны 03 дугаар сарын 19 –ны өдөр зохион байгууллаа.

    Үндэсний үйлдвэрлэлийг дэмжих чиглэлээр баримталж байгаа бодлого, чиглэлийн талаар мэдээлэл өгөх, харилцан мэдээлэл солилцох, үйлдвэрлэл эрхлэгчдийн санал бодлыг сонсож, тэдний үйл ажиллагаанд дэмжлэг үзүүлэх, алдаанаасаа суралцан цаашдын үйл ажиллагааг сайжруулах зорилготой тус зөвлөлгөөөнд бүх сумдын ЖДҮ эрхлэгчид, сумдын Засаг дарга нар оролцлоо.

    Аймгийн хэмжээгээр 1159 ААН бүртгэлтэй байгаагийн 90 % нь ЖДҮ –ийн ангилалд багтаж байна.

    Зөвлөгөөнд аймгийн Засаг дарга Х.Дармен, Засаг даргын орлогч Н.Санатбек, ХБХ-ийн дарга А.Болатхан, ҮХААГ-ын дарга Ж.Онгар, Хөдөлмөрийн хэлтсийн дарга Н.Самат нар оролцож, үг хэллээ.

    Энэ үеэр аймгаас жижиг дунд үйлдвэрлэл эрхлэгчдийг дэмжих чиглэлээр баримталж буй бодлого, цаашдын зорилтын талаар танилцуулж, зөвлөлгөөнд оролцогчид харилцан санал солилцов.

  • Асгатын мөнгөний уурхайн нөхцөл байдалтай танилцлаа
    Асгатын мөнгөний уурхайн нөхцөл байдалтай танилцлаа

    УИХ-ын гишүүн, ТББХ-ны дарга А.Бакей, Засгийн газрын гишүүн, Уул уурхайн сайд Д.Ганхуяг нар Баян-Өлгий аймагт ажиллах үеэрээ Ногооннуур сумын иргэдтэй уулзаж, Асгатын мөнгөний уурхайн нөхцөл байдалтай газар дээр нь танилцсан юм. Монгол, Оросын Засгийн газар хоорондын комиссын 17 дахь удаагийн хуралдаанаар стратегийн ач холбогдол бүхий Асгатын мөнгөний ордыг эдийн засгийн эргэлтэд оруулах шийдвэр гарсан. Монголын талын эзэмшил 51 хувь, Оросын талын эзэмшил 49 хувийг хадгалах замаар хамтарсан компани байгуулах асуудлыг судлах ажлын хэсэг байгуулагдан ажиллаж байгаа билээ. Асгатын мөнгөний ордыг эдийн засгийн эргэлтэнд оруулахад технологийн шинжтэй ажлууд хийгдэх шаардлагатай байгаа талаар Асгат хувьцаат компанийн гүйцэтгэх захирал танилцууллаа.  
    Д.Ганхуяг хэлэхдээ “Энэ ордод геологийн хайгуул сайн хийгдсэн. Хоёр орны Засгийн газрын төвшинд энэ ордыг эдийн засгийн эргэлтэнд оруулах шийдвэр гарсан. Одоо технологийн туршилт хийж, технологио сонгох, хөрөнгө оруулагчтай хамтарч ажиллах ажлууд үлдсэн. Шинэчлэлийн Засгийн газар томоохон ордуудыг эдийн засгийн эргэлтэнд оруулах ажлыг идэвхжүүлж байгаа” гэжээ.

  • Баян-Өлгий аймаг Битүү худалдааны төвтэй боллоо
    Баян-Өлгий аймаг Битүү худалдааны төвтэй боллоо

    Шинэчлэлийн Засгийн газраас аймгийн төвүүдийн худалдааны төвийг бизнес эрхлэгчид болоод худалдан авагчдын ажиллах, үйлчлүүлэх ая тухтай орчныг бүрдүүлэх зорилгоор зарим аймагт битүү худалдааны төв барих ажлыг эхлүүлсэн. Энэхүү санаачилгын хүрээнд өчигдөр өлгийчүүдбитүү худалдааны төвтэй  боллоо.

    Энэ үеэр Уул уурхайн сайд Д.Ганхуяг “Шинэчлэлийн Засгийн газрын бүтээн байгуулалтын хөтөлбөр, төлөвлөгөөнд тусгагдсан Баян-Өлгий аймагт худалдааны битүү төв барих асуудал биелэлээ олж, 350 гаруй бизнес эрхлэгчийн асуудлыг шийдвэрлэлээ" гэлээ.

    Харин УИХ-ын гишүүн, ТББХ-ны дарга А.Бакей болон аймгийн удирдлагууд аймгийнхаа худалдаа эрхлэгчид 20 гаруй жил өвлийн хүйтэн, хаврын хавсарга, зуны аагим халуун өдрүүдэд гадаа зогсож бараагаа зардаг хүндрэл байсныг дурдаж, орчин үеийн шаардлагад нийцсэн энэ төвөөр бизнесээ өргөжүүлэхийг хүслээ.

    Энэ худалдааны төвийг барихад Засгийн газраас гурван тэрбум төгрөг зарцуулсан бөгөөд барилгын ажлыг “Ус-Орчин” хэмээх компани гүйцэтгэжээ.  

  • Дулаан хар баяжуулах үйлдвэрийн нээлт боллоо
    Дулаан хар баяжуулах үйлдвэрийн нээлт боллоо

    Баруун бүсийн хамгийн том, хамгийн дэвшилтэт технологи бүхий аж үйлдвэрийн байгууламж Дулаан харын баяжуулах үйлдвэрийг нээлээ. Баян-Өлгий аймгийн Ногооннуур сумын нутаг дэвсгэрт орших Дулаан харын цайр, хар тугалганы уурхайн баяжуулах үйлдвэрийн нээлтийн ёслолын арга хэмжээг 2013 оны 03 сарын 10 –ны өдөр зохион байгууллаа.

    Нээлтийн арга хэмжээнд УИХ-ын гишүүн, ТББХ-ны дарга А.Бакей, Засгийн газгийн газрын гишүүн, Уул уурхайн сайд Д.Ганхуяг, БНХАУ-ын Монгол Улсад суугаа элчин сайдын яамны болон БНХАУ-ын ШУӨЗО-ны Алтай аймгийн төлөөлөл, аймгийн удирдлагууд бусад төлөөлөгчид, Чи Хуа ХХК, Юүшэнгминг ХХК-ийн төлөөлөл оролцлоо. 

    Юүшэнгминг ХХК нь БНХАУ-ын Чи Хуа группын 100% -ийн хөрөнгө оруулалттайгаар 2010 онд ашигт малтмал хайгуул, олборлолтын чиглэлээр үйл ажиллагаа явуулахаар байгуулагдсан ба Баян-Өлгий аймгийн Ногооннуур сумын нутагт орших “Дулаан хар” уул нэртэй газарт MV-015605тоот тусгай зөвшөөрөл бүхий үндсэн орд эзэмшдэг юм.

    Уурхайн ашиглах хугацаа, нөөц - Дулаан харын уурхай нь техник эдийн засгийн үндэслэлээр 16 жилийн хугацаатайгаар ашиглахаар боловсруулсан бөгөөд ашиглалтын хугацаанд нийт 9843,3 мян.тн хүдэр олборлон баяжуулж, үүнээс хар тугалга 128,06 мян.тн, цайр 456,81 мян.тн, мөнгө 0,083 мян.тн, 7,1 мян.тн тус тус гарган авахаар тооцсон байна.

     

  • "Боловсролын салбарт тулгамдаж буй асуудал, шийдвэрлэх арга зам” сэдэвт онол-практикийн бага хурал боллоо

    Жил бүр багш, судлаачдын дунд уламжлал болгон зохион байгуулагддаг “Баян-Өлгий аймгийн Боловсролын салбарт тулгамдаж буй асуудал, шийдвэрлэх арга зам”  сэдэвт онол-практикийн бага хурал 2014 оны 05 сарын 05-ны өдөр ХИС-ийн салбар сургуулийн хурлын зааланд боллоо.

    Үүнд 17 илтгэл хэлэлцэгдэж, бүгд аймгийн боловсролын салбарт тулгамдаж буй асуудлыг тал бүрээс нь тодорхой баримтаар нотлон хөндөж ярилцсан байна.

    Уг онол-практакийн бага хурал боловсролын салбарт тулгамдсан асуудлыг шийдвэрлэхэд бага ч гэсэн тус нэмэр болсон байна.

  • Бүх нийтээр мод тарьлаа
    Бүх нийтээр мод тарьлаа

    "Монгол Улсын Ерөнхийлөгчийн 2010 оны 63 дугаар зарлигийн дагуу жил бүрийн 5,10 дугаар сарын 2 дугаар долоо хоногийн бямба гараг"-ийг бүх нийтээр мод тарих өдөр болгон зарласантай холбогдуулан төрийн болон хувийн хэвшлийн байгууллага, иргэн бүр идэвхи санаачилга гарган оролцлоо. Энэ өдөр 60 аж ахуйн нэгж, сум, байгууллага иргэн одоогийн байдлаар 12000 гаруй мод аймгийн хэмжээгээр тарьсан байна гэж Ойн анги мэдээлсэн юм.

    Цаашдаа мэргэжлийн байгууллагууд услалт, ургалтын асуудалд анхаарах бөгөөд тарьсан модоо тухайн байгууллагууд ч хариуцаж харж хандах юм. Энэхүү үйл ажиллагаанд аймгийн ИТХ, ЗДТГ зэрэг төрийн захиргааны байгууллага манлайлан, төрийн бүх байгууллага, сургууль, цэцэрлэг боловсролын байгууллага гадна орчиндоо мод тарьсан байна. Үлдсэн 40  гаруй байгууллага энэ долоо хоногт багтааж тарьж дуусгана.

  • Баян-Өлгий аймгийн нутаг дэвсгэрт ашигт малтмалын ашиглалт /хайгуул/ явуулж буй аж ахуйн нэгжүүдийн анхааралд!
    Баян-Өлгий аймгийн нутаг дэвсгэрт ашигт малтмалын ашиглалт /хайгуул/ явуулж буй аж ахуйн нэгжүүдийн анхааралд!

    Баян-Өлгий аймгийн нутаг дэвсгэрт ашигт малтмалын ашиглалт /хайгуул/ явуулж буй аж ахуйн нэгжүүдийн үйл ажиллагаанд холбогдох хууль тогтоомж, журмын дагуу хяналт шалгалт хийхээр төлөвлөж байна.

    Иймд аж ахуйн нэгжийн удирдлагууд та бүхнийг 5 дугаар сарын 26-ны өдөр аймгийн ЗДТГазарт бэлэн байхыг мэдэгдье.

    Ирж үйл ажиллагаагаа танилцуулаагүй тохиолдолд Монгол Улсын Газрын хэвлийн тухай хууль болон Ашигт малтмалын тухай хуулийн холбогдох заалтуудын хүрээнд лицензийг цуцлуулах талаар төрийн захиргааны төв байгууллагад асуудал тавих болохыг анхаарна уу.

    Аж ахуйн нэгжүүд жагсаалт татах

  • Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 1 дүгээр улирлын тайлан
    Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 1 дүгээр улирлын тайлан

  • Баян-Өлгий аймгийн өргөдөл, санал, гомдлын шийдвэрлэлтийн 2014 оны 1 дүгээр улирлын мэдээ
    Баян-Өлгий аймгийн өргөдөл, санал, гомдлын шийдвэрлэлтийн 2014 оны 1 дүгээр улирлын мэдээ

  • ЗГХЭГ-т хүргүүлсэн тайлан
    ЗГХЭГ-т хүргүүлсэн тайлан

  • "Мөнгөн хонхны баяр" болно

    Аймгийн 2013-2014 оны хичээлийн жилийн төгсөгчдийн мөнгөн хонхны баярын үйл ажиллагаа  2014.05.16 -ны өдөр Өлгий хотын төв талбайд болно. Энэ удаагийн арга хэмжээг Өлгий сумын “Алтангадас” одонт 2 дугаар бүрэн дунд сургууль зохион байгуулахаар бэлтгэл ажлаа хангаж дууслаа.

    Аймгийн хэмжээнд 1364 төгсөгч байгаагаас 1000 гаруй нь аймгийн төвийн төгсөгчид юм.

    Өлгийчүүд та бүхнийг төв талбайд болох төгсөгчдийн мөнгөн хонхны баярт оролцоно уу хэмээн урин заалж байна. 

  • “Хууль бидний амьдралд” зохион бичлэгийн уралдааныг зарлаж байна
    “Хууль бидний амьдралд” зохион бичлэгийн уралдааныг зарлаж байна

    Аймгийн Хүний эрхийн орон тооны бус салбар хороо, ГХУСАЗЗөвлөл хамтран 2014 оны 06 дугаар сарын 01-нд болох Хүүхдийн баярыг тохиолдуулан “Хууль бидний амьдралд” зохион бичлэгийн уралдааныг зарлаж байна.

    Энэхүү уралдааныг аймгийн 13 баг, 13 сумын сургуулийн 12-18 насны хүүхдүүдийн  дунд 2014 оны 05 дугаар сарын 15-наас  эхлэн зарлаж, материалыг 05 дугаар сарын  28-ны өдрийн ажлын 17 цаг хүртэл аймгийн ЗДТГ-ын газрын  217 тоот өрөөнд хүлээж авна.

    Хугацаа хэтэрсэн материалыг хүлээж авахгүй.

    Аймгийн ЗДТГ-ын Хууль зүйн хэлтсийн ахлах мэргэжилтэн бөгөөд, Хүний эрхийн орон тооны бус салбар хорооны нарийн бичгийн дарга, ГХУСАЗЗөвлөлийн нарийн бичгийн дарга, Хууль хяналтын байгууллагын төлөөллүүдийн бүрэлдэхүүнтэй 2014 оны 05-р сарын  29-ны өдөр дүгнэж хэвлэл мэдээллийн төлөөллүүдийг оролцуулан 06 дугаар сарын 01-ны өдөр төв талбайд  шагналыг гардуулна.

     

    Уралдааны шагналын сан:

     

    1 дүгээр байр- Өргөмжлөл, мөнгөн шагнал

    2 дугаар байр - Өргөмжлөл, мөнгөн шагнал

    3 дугаар байр - Өргөмжлөл, мөнгөн шагнал

    4 дүгээр байр- Өргөмжлөл, мөнгөн шагнал

    5 дугаар байр - Өргөмжлөл, мөнгөн шагнал

     

    Тэргүүн байрнд шалгарсан хүүхдийн зохион бичлэгийг төв талбайд уншиж танилцуулан,  мөн эхний 5 байрыг аймгийн цахим хуудсаар сурталчилна.

    АЙМГИЙН ЗАСАГ ДАРГЫН ТАМГЫН ГАЗРЫН ХУУЛЬ ЗҮЙН ХЭЛТЭС

    АЙМГИЙН ХҮНИЙ ЭРХИЙН  ОРОН ТООНЫ БУС

    САЛБАР  ХОРОО

  • Шилдэг гэр бүлүүд тодорлоо
    Шилдэг гэр бүлүүд тодорлоо

    Хүн амын хөгжил, нийгмийн хамгааллын яамнаас 2014 оныг "Гэр бүлийн хөгжлийг дэмжих жил" болгон зарласан юм. Мөн өнөөдөр олон улсын гэр бүлийн өдөр.

    Энэ өдрийн тохиолдуулан аймгийн Засаг даргын Тамгын газар, Хүүхэд гэр бүлийн хөгжлийн хэлтэс хамтран шилдэг гэр бүлүүдийг шалгаруулах арга хэмжээг өнөөдөр  зохион байгуулж, шилдэг гэр бүлүүдийг шалгаруулан, шагнаж урамшуулжээ. Шилдэг гэр бүлийн шалгаруултад нийт 48 гэр бүл орсноос арван найман гэр бүлийг аймгийн шилдэг гэр бүлээр тодруулжээ. Аймгийн шилдэг арван найман гэр бүлийг танилцуулбал.

    “Азай гэр бүл” – ээр

    • Алтай сумын иргэн С.Минавын гэр бүл,
    • Буянт сумын иргэн С.Төмөрийн гэр бүл,
    • Сагсай сумын иргэн Х.Жанабилын гэр бүл,
    • Ногооннуур сумын иргэн Х.Төмөрханы гэр бүл,
    • Цэнгэл сумын иргэн Ш.Жаубайн гэр бүл,
    • Толбо сумын иргэн С.Сансызбайн гэр бүл,
    • Дэлүүн сумын иргэн А.Асхарын гэр бүл

    “Өнөр гэр бүл” –ээр

    • Өлгий сумын иргэн А.Саниязбекийн гэр бүл,
    • Баяннуур сумын иргэн М.Дөрветханы гэр бүл

    “Спортлог гэр бүл”-ээр

    • Өлгий сумын иргэн Ж.Жулдызын гэр бүл

    “Оюунлаг гэр бүл”-ээр

    • Өлгий сумын иргэн Б.Өмирбекийн гэр бүл

    “Бүтээлч гэр бүл”-ээр

    • Өлгий сумын иргэн Х.Нарбекийн гэр бүл

    “Алдартай гэр бүл”-ээр

    • Өлгий сумын иргэн А.Шавданы гэр бүл
    • Дэлүүн сумын иргэн Х.Хаданы гэр бүл

    “Хүмүүнлэг гэр бүл”-ээр

    • Алтай сумын иргэн Б.Бямбацогтын гэр бүл

    “Авьяаслаг гэр бүл”-ээр

    • Алтай сумын иргэн З.Ануарбекийн гэр бүл
    • Цэнгэл сумын иргэн Б.Хуатбекийн гэр бүл

    “Шилдэг залуу гэр бүл”-ээр

    • Цагааннуур тосгоны иргэн Д.Есболатын гэр бүл шалгарчээ.

     

  • “Жаргалтай гэр бүл” гар зургийн уралдааныг дүгнэв
    “Жаргалтай гэр бүл” гар зургийн уралдааныг дүгнэв

    Өлгий хот. 2014.05.16. БӨАЗДТГ - Олон улсын гэр бүлийн өдрийг тохиолдуулан Хүний эрхийн орон тооны бус салбар хорооноос “Жаргалтай гэр бүл” гар зургийн уралдааныг 6-12 насны хүүхдүүдийн дунд зарлаж, эхний 5 байранд шалгарсан хүүхдүүдийг өргөмжлөл, мөнгөн шагналаар шагнажээ. Шагналыг аймгийн Засаг дарга, Хүний эрхийн орон тооны бус салбар хорооны дарга Х.Дармен, ЗДТГ-ын дарга, Хүний эрхийн орон тооны бус салбар хорооны орлогч дарга Т.Манкей нар гардуулан өгөв. 

    Уралдааны тэргүүн байраар Бастама сургуулийн 1-р ангийн сурагч Ж.Айсулу,

    2-р байр: Баяннуур сумын 4-р ангийн сурагч Д.Көгершин,

    3-р байр: 1-р сургуулийн 3-р ангийн сурагч Тилеген,

    4-р байр: Дарын сургуулийн 3-р ангийн сурагч А.Айдана,

    5-р байр: ЕБ –ийн 2-р сургуулийн 3-р ангийн сурагч Ц.Шүрэн-Эрдэнэ нар шалгарав.

    Мөн Хөгжлийн бэрхшээлтэй гэр бүлүүдийн дунд “Ховор сайхан хань шалгаруулах” уралдааныг дүгнэж, эхний 5 байранд шалгарсан иргэдийг тууз, мөнгөн шагналаар шагнажээ.

    Үүнд, Өлгий сумын 9-р багийн иргэн С.Санатхан, 4-р багийн иргэн Н.Даулетхан, Ногооннуур сумын иргэн Д.Сейлбай, Цэнгэл сумын иргэн Б.Баянжаргал, Булган сумын иргэн Х.Айнакөз нарын гэр бүлүүдийг шалгаруулав. 

  • Хөдөө аж ахуйн салбарын цаг үеийн мэдээлэл
    Хөдөө аж ахуйн салбарын цаг үеийн мэдээлэл

    2014 онд тус аймгийн 13 сум 1 тосгоны 8778 малчин өрхөд 1 604 080 толгой мал хаваржиж байна.

    5-р сарын 19-ны өдрийн мэдээгээр оны эхний малын 0,23%-нь буюу 3810 толгой мал зүй бусаар хорогдож, 99,77 %-нь онд мэнд орж байна.

    Мөн 2014 онд аймгийн хэмжээнд 1333 ингэ, 17 305 гүү, 43 803 үнээ, 291 846 эм хонь, 317 518 эм ямаа , нийт 685 412 толгой хээлтэгч мал төллөхөөс 5-р сарын 19-ны мэдээгээр 643698 хээлтэгч буюу нийт төллөх хээлтэгчийн 93,9 %-нь төллөж гарсан төлийн 98,7 %-нь буюу 635944 төл эсэн мэнд бойжоод байна. Аймгийн хэмжээнд 7754 төл хорогдсон ба үүнээс 4 ботго, 15 унага, 93 тугал, 955 хурга, 1743 ишиг, нийт 2810 төлийн хорогдол гарсан байна.

    Баяннуур сумд 1227 төл, Дэлүүн сумд 1039, Алтанцөгц сумд 951 төл тус тус хорогдсон байна.

    Тариалалтын бэлтгэл ажлын талаар: 2014 онд Хаврын тариалалтын бэлтгэл ажлыг хангах арга хэмжээний тухай аймгийн Засаг даргын 03 дугаар  сарын 14 –ний өдрийн 139- р Захирамж боловсруулан гаргуулж, мөрдөн ажиллаж байна. Үүнд: Үр тариа 22,5 га-д, төмс 357 га-д, хүнсний ногоо 163 га-д, малын тэжээл 650 га-д, тус тус тариалж бүгд 1258,5 га –д тариалалт хийж, 37 тн үр тариа, 2960 тн төмс, 1482 тн хүнсний ногоо, 1625 тн малын тэжээл тус тус хурааж бүгд 6152 тн ургац  хураах төлөвлөгөөтэй ажиллаж байна.

    Үрийн хүрэлцээ хангамжийн талаар: 2014 онд шаардагдах төмс, хүнсний ногооны үрийн хангамжийн судалгаа гаргаж дутаж байгаа үрүүдийг ҮХААЯ-ны Газар тариалангийн бодлогын хэрэгжилтийг зохицуулах газарт явуулж захиалга өгсөн болно. Энэ жил 714 тн төмсний үр шаардлагатай бол үүний Баяннуур сумын өнгөрсөн онд Ховд голын усны үерээс болж усанд автагдсан 102 га талбайд шаардагдах 204 тн үрийн төмснээс ҮХААЯ, Монгол Төмс Хөтөлбөр, аймгийн удирдлагуудад хүсэлт болгож төмсний үр авах хөрөнгийг эргэн төлөгдөх нөхцлөөр шийдвэрлүүлж 32 тн төмсний эрүүл вирусгүй “Гала” сортын элит үрээр болон, хүнсний ногооны эрт ургацын байцаа, хүлэмжийн өргөст хэмх, улаан лооль, чинжүүний  үрүүдийг захиалгын дагуу татан авч тариаланчдыг үрээр  хангасан болно..

    5-р сарын 15-ны байдлаар  тариалалт 23 %-тай байна. Гол шалтгаан нь цаг агаар шөнөдөө хүйтэрч байгаа тул тариаланчид үрээ хөлдөөхөөс болгомжилж тариалалт удааширч  байна.

    ХӨГЖЛИЙН БОДЛОГЫН ХЭЛТЭС

  • Алтайн БНУлсын төлөөлөгчдийг хүлээн авч уулзлаа
    Алтайн БНУлсын төлөөлөгчдийг хүлээн авч уулзлаа

    Өлгий хот - 5 дугаар сарын 19 –ны өдөр ОХУ-ын Алтайн Бүгд Найрамдах Улсаас албаны төлөөлөгчид хүрэлцэн ирлээ. Төлөөлөгчдийн бүрэлдэхүүнд Алтайн БНУлсын Кош-агач мужийн Захирагч Ж.Ауелхан, Алтайн БНУлсын Эдийн засгийн хөгжил, хөрөнгө оруулалтын яамны ахлах мэргэжилтэн А.Архипов, Гаалийн газрын дарга С.Федеров, Гаалийн газрын Хяналт шалгалтын хэлтсийн дарга А.Панов, Ташанта хилийн боомтын дарга И.Качаев, боомт дахь Мэргэжлийн хяналтын албаны дарга А.Гусак, улсын байцаагч А.Шмидтер нар байлаа.

    Төлөөлөгчидийг аймгийн ИТХ-ын дарга Б.Лазатхан, Засаг дарга Х.Дармен, Засаг даргын орлогч Н.Санатбек нар болон албан бусад хүмүүс хүлээн авч, харилцан санал солилцлоо.

    Алтайн БНУлс болон Баян-Өлгий аймгийн хамтын ажиллагаа 2001 оны 1 дүгээр сарын 25-ны өдрийн хилийн худалдаа, эдийн засаг, шинжлэх ухаан, техник, соёлын хамтын ажиллагааны талаарх хэлэлцээрийн дагуу хөгжиж байгаа бөгөөд 2013 онд Ташанта хилийн боомтоор гарсан гадаад худалдааны эргэлт 1559,91 ам.доллар болж, 2012 оныхоос 609 мянган ам.доллараар өссөн байна.

    ОХУ-ын Монгол Улстай, мөн Монгол Улсын газар нутгийг дамжин БНХАУлстай гадаад худалдааны эргэлтийг өргөжүүлэх цаашдын зорилго нь Алтайн БНУлсын нутгаар дайран өнгөрөх “Орос-Монгол-Хятад” чиглэлийн зам тавих асуудал юм. Иймд “Чуйский тракт” буюу ОХУ-ын М-25 хатуу хучилттай замыг өргөжүүлж, “Ташанта” хилийн боомтыг хүчин чадлыг нэмэгдүүлснээр Баян-Өлгий аймгийн Даянгийн хилийн боомтоор БНХАУ-тай худалдаа хийх явдал юм.

    Энэхүү уулзалтаар аймгийн Засаг даргын орлогч Н.Санатбек “Баян-Өлгий аймгийн нийгэм эдийн засаг, гадаад худалдаа, зам харилцаа,чөлөөт бүсийн тухай” товч мэдээлэл өглөө.

    Хилийн боомтуудад гарч буй зарим асуудлууд хөндөгдөж, гадаад худалдааны эргэлтийг нэмэгдүүлэх, Цагааннуур худалдааны чөлөөт бүсийг богино хугацаанд ажлуулах, “Их Алтай” нутгаар тойрох аялал жуулчлалын маршрутыг хөгжүүлэх, 2001 оны хэлэлцээрийг шинэчлэх тухай саналууд гарлаа.

  • Удирдах ажилтны сонгон шалгаруулалтанд орох иргэдийн анхааралд
    Удирдах ажилтны сонгон шалгаруулалтанд орох иргэдийн анхааралд

    Удирдах ажилтны сонгон шалгаруулалтанд орох иргэдэд зориулсан шалгалтын талаарх зааварчилгаа, зөвлөлгөө 2014 оны 5 дугаар сарын 22-ны өдрийн 09:00 цагт аймгийн ЗДТГ-ын Хурлын зааланд болно.

    Шалгалт 2014.05.22 өдөр 10:00 цагт эхэлнэ.

    Сонгон шалгаруулах комисс

  • Хүний эрхийн орон тооны бус салбар хорооноос сургалт зохион байгуулав
    Хүний эрхийн орон тооны бус салбар хорооноос сургалт зохион байгуулав

    2014 оны 5 дугаар сарын 23 –нд Хууль зүйн хэлтэс, Хүний эрхийн орон тооны бус салбар хороо хамтран Сумдын хүний эрхийн орон тооны бус салбар комиссийн дарга, нарийн бичгийн дарга нарт сургалт зохион байгууллаа.

    Хүний эрхийг хангах үндэсний хөтөлбөрийг хэрэгжүүлэх арга зам, төлөвлөгөөний биелэлтийн тухай дэлгэрэнгүй мэдээлэл өгч, цаашид хэрэгжүүлэх арга хэмжээнүүдийн тухай ярилцлаа.

  • Бруцеллёз өвчнөөс сэргийлэх сургалт боллоо
    Бруцеллёз өвчнөөс сэргийлэх сургалт боллоо

    Баян-Өлгий аймаг Өлгий суманд өчигдөр бруцеллёз өвчнөөс сэргийлэх сэдэвт сургалт зохион байгуулагдлаа.

    Швейцари Улсын хөгжлийн агентлагийн дэмжлэгээр аймгийн хүнс хөдөө аж ахуйн газраас зохион байгуулагдсан сургалтанд нийт сумын малын эмч, лабораторын эрхлэгч, хүний эмч нар болон холбогдох албаны бусад хүмүүс оролцон уг өвчний аюул хөнөөл, түүнийг биенд халдаахгүй байх арга ажиллагаа, журам горимын талаар ярилцлаа.

    Мал эмнэлгийн албаны дарга Б.Нургулан энэ тухай ярихдаа, -Тус аймагт энэ өвчин өргөн тархаагүй ч гэсэн бруцелёзын үндэс хараахан арилаагүй, уг өвчинд юуны түрүүнд малд тариа хийх, цусыг нь авч шинжлэх, төрүүлэх зэргээр малтай ажилладаг малын эмч нар, малчид нэрвэгддэг. Өвчин халдсан тохиолдолд эмчилж эдгээх ямар ч боломжгүй бөгөөд өвчин туссан хүн үе мөч нь өвдөж эрэмдэг зэрэмдэг болж эрүүл мэнд, хүч тэнхээгээ бүрэн алдана. Иймд хэн боловч малтай ажиллахдаа бие нь шархгүй байх, нүцгэн гараар ажиллахгүй байх, ажилласны дараа гараа сайн угаан ариутгах, хэн хүн боловч малын мах, сүүг түүхийгээр нь идэж уухгүй байх зарчимтай гэв. 
    Мөн энэ сургалт болж байгаа үеэр тус аймагт нэг үхэрт галзуу өвчин туссан, тарваган тахлын аюул ихтэй болсоныг харгалзан аймгийн Засаг дарга онцгой халдварт өвчинөөс сэрэмжлэх тухай захирамж гарган холбогдох байгууллага, хүмүүст тодорхой үүрэг даалгавар өглөө гэж аймгийн ЗДТГ-аас мэдээллээ.

  • «Алтай таван богдын цууриа» сэдэвт наадмын тэргүүн байрын бай хөнгөн тэрэг
    «Алтай таван богдын цууриа» сэдэвт наадмын тэргүүн байрын бай хөнгөн тэрэг

    Баян-Өлгий аймагт «Алтай Таван Богдын цууриа» сэдэвт яруу найргийн уралдаан зохион байгуулахаар товлон зарлав.

    Аймгийн ИТХТ-ийн энэ тухай гарсан тогтоолоор олон ястан, үндэстний төлөөлөгчид оршин суудаг аймаг орноо сурталчлах уг уралдааныг олон улсын нэртэйгээр долдугаар сарын эхээр зохион байгуулах ажлын комисс томилсон байна. Ажлын комиссоос мэдэгдсэнээр чөлөөт сэдвээр, казах, монгол хоёр хэл дээр явагдах уралдаанд тус аймгийн болон нийт Монголын, Казахстан, БНХАУ-ын ШУӨЗО-ны яруу найрагчид оролцож тэргүүн байр эзэлснийг хөнгөн тэргээр шагнана.

    Уралдаанд оролцсон бүтээлийг казах, монгол хоёр хэл дээр орчуулан нийтлэж олон нийтэд түгээн сурталчлах юм байна.

  • Авто тээврийн татвар 65 хувьтай байна
    Авто тээврийн татвар 65 хувьтай байна

    Татварын байцаагчид үүргээ гүйцэтгэж зав чөлөөгүй явна. Учир нь тэд авто техникийн үзлэгийн энэ үеэр гол ажлаа амжуулна.

    Ихэнх сумаар явж ажиллаад, одоо Улаанхус, Сагсай, Цэнгэл гурван сум үлдээд байна. Үзлэгт оролцон татвар төлөх үүрэгтэй иргэдийн наян хувь нь энэ арга хэмжээнд хамрагдлаа. Гэвч хураагдсан татварын хэмжээ жаран хувьтай байна. Машин тэрэг нь эвдэрсэн, бусад шалтгаанаар татвараа хэдэн жилээр ч хураалгаагүй хүмүүс байна. Аль нь ч бай зургаадугаар сарыг хүртэл татвараа төлж амжихгүй бол хугацаа хэтэрсэний хүүтэй нь хамт төлнө гэдгээ санавал зохино. Учир нь энэ бол иргэдийн зайлшгүй биелүүлэх үүрэг шүү дээ гэж татварын тасгийн дарга Х.Ерболат ярьж байна.

  • Мод тарихад оролцоогүй хүн бүрийг хандив өгөхийг сануулав
    Мод тарихад оролцоогүй хүн бүрийг хандив өгөхийг сануулав

    Өнгөрсөн ням гаригт Өлгийл нойтон цас их хэмжээгээр орж байхад сумын оршин суугчид бараг бүгдээрээ мод суулгах нийтийн арга хэмжээнд оролцлоо.

    Сум дундын Ойн ангиас мод суулгах хөдөлгөөнд нийтээрээ оролцох уриалга гаргаад, албан байгууллагын ажилтнуудын хувьд энэ ажилд оролцоогүй хүн бүр мод суулгах, арчлан хамгаалахад зориулан 7500 төгрөгийн хандив өргөхийг уриалав.

    Энэ өдөрлөгөөр тус сумын Ногоон хашаа, хүүхдийн парк зэрэг газруудад төрөл бүрийн 40 мянга гаруй мод суулгасан бөгөөд сум дундын ойн ангийн дарга С.Ерболат энэ талаар ярихдаа,
       -Үүнээс гадна тендерээр шалгарсан Ховд аймгийн компани Ховд голын эрэг дагуух 25 га талбайд ногоон хүрэм байгуулна. Мөн Өлгийгөөс Улаанбаатар руу гарах замын дагуу дөрвөн км-т хорин сая төгрөгийн зардал гаргаж мод тарина. Харин ургуулсан модоо арчлан хамгаалахыг онцолон анхаарах нь чухал байна. 

  • Баян-өлгийн мсүт 16 мэргэжлээр сургаж байна
    Баян-өлгийн мсүт 16 мэргэжлээр сургаж байна

    Баян-Өлгий аймаг дахь Монгол Улсын хөдөлмөрийн баатар А.Зайтингийн нэрэмжит мэргэжлийн сургалтын төв ээлжит элсэлт авахаар товлон зарлалаа.

    -Манай төвд 974 сурагч 16 мэргэжлээр суралцаж, 66 багш тэдэнд хичээл зааж байна. Дөчин ажилчин, албан хаагч үйлчилдэг. 200 хүүхдийн дотуур байр, арван мянган номтой номын сан, үнэгүй хооллуулдаг өөрийн гэсэн зоогийн газартай. Анги танхимууд тохижиж, техник тоног төхөөрөмж бүрдсэний дээр суралцагчдын цалин 70 000 төгрөг болж нэмэгдсэн, төгсөгчдийн наян хувь нь ажлын байраар хангагдаж байгаа болохоор орж суралцах идвэх жил тутам нэмэгдэж байна. Манай төвд Засгийн газар, Яамны зүгээс ихээхэн анхаарал тавьж дэмжиж байгаагийн дээр гаднаас багагүй тусламж ирдэг боллоо. Саявтархан Швейцарын хөгжлийн сангийн тэтгэлгээр замчдыг бэлтгэх зориулалтаар 200 сая төгрөгийн төхөөрөмж орж ирлээ. Одоо 150 орчим сая төгрөгийн тоног төхөөрөмж ирэх гээд байна гэж тус төвийн захирал Р.Гүлстан ярилаа.

  • Ашигт малтмалын ашиглалт, хайгуулын тусгай зөвшөөрөл эзэмшигчидтэй уулзалт хийлээ
    Ашигт малтмалын ашиглалт, хайгуулын тусгай зөвшөөрөл эзэмшигчидтэй уулзалт хийлээ

    Аймгийн Засаг дарга Х.Дармен, ЗДТГ-ын Хөгжлийн бодлогын хэлтсийн дарга А.Болатхан болон холбогдох мэргэжилтнүүд тус аймгийн нутаг дэвсгэрт хайгуул, ашиглалт хийх зориулалтаар тусгай зөвшөөрөл эзэмшдэг аж ахуйн нэгжийн төлөөлөгчидтэй уулзалт хийлээ.

    Уг уулзалтаар аж ахуйн нэгжүүдийн өнөөгийн байдал, цаашид авч хэрэгжүүлэх арга хэмжээний талаар мэдээлэл өгч, аймаг орон нутгийн хэмжээнд ямар арга хэмжээ авч, хэрхэн хамтарч ажиллах талаар тодорхой ярилцлаа.

  • Хүний эрхийн комисс орон нутагт ажиллана
    Хүний эрхийн комисс орон нутагт ажиллана

    Монгол Улсын Хүний эрхийн Үндэсний Комиссын тухай хуульд заасны дагуу Хүний эрхийн Үндэсний Комисс нь "Хүний эрхийн нээлттэй өдөр"-ийг орон нутагт зохион байгуулж ирсэн уламжлалтай бөгөөд НҮБ-ын Хөгжлийн хөтөлбөрийн дэмжлэгтэйгээр энэ жил нийт 10 аймагт очиж ажиллахаар төлөвлөн хэрэгжүүлж эхлээд байна.

    Хүний эрхийн Үндэсний комиссын дарга Ж.Бямбадоржоор ахлуулсан ажлын хэсэг тавдугаар сарын 29-30-нд Баян-Өлгий аймагт ажиллаж, "Хүний эрхийн нээлттэй өдөр” арга хэмжээг зохион байгуулна.

    Тус өдөрлөгийн хүрээнд хүний эрхийн төлөөх үйл ажиллагааг орон нутгийн иргэдэд сурталчилж, мэдлэг ойлголтыг нэмэгдүүлэх сургалт, сурталчилгаа, хяналт шалгалтын ажлыг зохион байгуулах юм.

    Мөн аймгуудын удирдлагуудтай уулзалт хэлэлцүүлэг зохион байгуулж, "Төрийн үйлчилгээн дэх хүний эрхэд суурилсан хандлага" зэрэг сэдэвт хүний эрхийн сургалтыг тухайн аймгийн ЗДТГ, ИТХ болон иргэдэд үйлчлэх чиг үүрэг бүхий төрийн захиргааны албан хаагчдад явуулна.

    Түүнчлэн аймгийн шүүхийн шийдвэр гүйцэтгэх алба, эрүүлжүүлэх, цагдан хорих байр, хорих анги, цэргийн анги салбар, асрамжийн газруудын хүний эрхийн нөхцөл байдалтай танилцаж, хяналт шалгалтын ажил зохион байгуулах, аймгийн Засаг дарга, Иргэдийн төлөөлөгчдийн хурлаас гаргасан нийтээр дагаж мөрдөх захирамж, тогтоол, шийдвэрүүдэд хүний эрхийн үүднээс дүн шинжилгээ хийх юм.

    Хүний эрхийн өдөрлөг арга хэмжээний үеэр ХЭҮК иргэдээс хүний эрх, эрх чөлөөний асуудлаар гомдол хүлээн авч ажиллах ба хууль зүйн зөвлөгөөг өгч үйлчлэх юм. Дашрамд сонирхуулахад, ХЭҮК нь 2014 оноос орон нутагт ажилтантай болсон юм.

  • Баян-Өлгийн цементийн үйлдвэрийг дэмжихээ амлалаа
    Баян-Өлгийн цементийн үйлдвэрийг дэмжихээ амлалаа

    Монголын бизнесийн зөвлөл Эдийн засгийг эрчимжүүлэх 100 хоногийн ажлын явцын танилцуулж уулзалт хийлээ.

    Засгийн газраас эдийн засгийг эрчимжүүлэх тогтоолын төсөл баталсантай холбоотойгоор “Эдийн засгийг эрчимжүүлэх 100 хоног”-ийг эхлүүлсэн. Энэ хүрээнд өнөөдөр Монголын бизнесийн зөвлөлөөс гадаад, дотоодын бизнес эрхлэгчидтэй “Туушин” зочид буудалд уулзалт зохион байгууллаа. Уулзалтад  Монгол Улсын Ерөнхий сайд Н.Алтанхуяг хүрэлцэн ирж, хийж эхэлсэн зарим ажлуудын талаар мэдээлэл өгч, оролцогсдын цөөн асуултад хариулсан юм. “Эдийн засгийг эрчимжүүлэх 100 хоног”-ийн хүрээнд 5-6 бүлэгтэй нийт 71 орчим асуудлыг шийдвэрлэхийг зорин ажиллах талаар бид мэдээлсэн. Энэхүү 100 хоног эхлээд арав гаруй хоног болсон ч ахиц ажиглагдсан талаар уулзалтын үеэр онцоллоо.

    Өнөөдрийн уулзалтаар Монгол Улсын Ерөнхий сайд Н.Алтанхуяг “Эдийн засгийг эрчимжүүлэх 100 хоногийн дотор ид шид бий болчих юм шиг зарим нь ойлгож байх шиг байна. Тиймээс эхлээд ойлголтыг цэгцлэе. 100 хоногийн дотор бидэнд засч, залруулах ямар юм байв, цаашдаа зөв тулгууртай, тогтолцоотой болъё гэвэл бизнесийн салбарт юуг яаж өөрчлөх хэрэгтэй гэдгийг тодорхой болгох юм. Гэхдээ тодорхой шийдлүүд гаргасан байх ёстой. 100 хоног бол  Засгийн газар, бизнес эрхлэгчдийн хамтран ажиллах  арга, механизм бүрдэх ёстой хугацаа. 100 хоногийн хүрээнд хийх ажлыг санаачлаад, тэр ажлын зарим нь ажил хэрэг болж эхэлчихээд байна. Жишээ нь, Ашигт малтмалын хуулийг зөндөө шүүмжилсэн. Хайгуулын тусгай зөвшөөрөл олгохыг хориглоод гурав орчим жил өнгөрлөө. Үүнийг бид УИХ-д өргөн мэдүүлсэн. Одоо батлах учиртай. Даваа гараг бүрт ямар ажил хийсэн, юу хийх нь зүйтэйг Монголын бизнесийн зөвлөлийнхөнтэй хамтран  мэдээлэл хийж байахаар болсон.  Өнөөдөр бид Засгийнгазрын хуралдаанаар таван асуудлыг хэлэлцэнэ. Үүнээс гурван цементийн аж ахуйн нэгжид дэмжлэг үзүүлэх асуудлыг хэлэлцэнэ. Нэг нь Чингис бондоос санхүүжүүлэх Баян-Өлгий аймагт босч буй цементийн үйлдвэр.

    Баян-Өлгий аймагт баригдаж буй Цементийн үйлдвэр

    Мөн  манай эм үйлдвэрлэдэг компаниуд нийлээд дуслын шингэний үйлдвэр байгуулахаар болсон байна. Түүнийг дэмжинэ. Тав дахь нь “Монголдоо бүтээцгээе”  нэрийн дор 1000 гаруй төсөл ирсэн. Түүнээс 500 нь хоёр тэрбум хүртэл төгрөгийн санхүүжилт хүссэн зээл байгаа. Үүнийг Чингис бондоос 100 сая долларын санхүүжилтийг Жижиг дунд үйлдвэрийн санд шилжүүлсэн. Энэ шийдвэрийг бид өнгөрсөн долоо хоногт гаргасан. Энэ мэтчилэнгээр  асуудлыг цаг тухай бүрт нь  шийдэхийг зорьж байна” гэсэн юм.

    Уулзалтын үеэр бизнес эрхлэгчдийн төлөөлөл “Монголын хувьд эдийн засгийг хөгжүүлэх механизм бүрдсэн байна. Үүн дээр гадаадад төгсч ирсэн шилдэг залуучуудаа татан оролцуулмаар байна. Ингээд макро эдийн засгийг хөгжүүлэхэд ийм залуусаас бүрдсэн баг бий болгох хэрэгтэй” гэсэн санал дэвшүүлсэн. Үүнийг Монгол Улсын Ерөнхий сайд Н.Алтанхуяг дэмжсэн юм. Мөн өөр нэг санаа дэвшүүлсэн нь хөрөнгийн зах зээлийг хөрөнгө оруулалтыг татах ажлын салшгүй нэг хэсэг болгох талаар байлаа.

    Сануулахад, эдийн засгийг эрчимжүүлэх 100 хоногийн хүрээнд одоогийн эдийн засагт үүсээд буй нөхцөл байдлыг сайжруулахын тулд бизнес эрхлэгчдийг дэмжих, уул уурхай, ашигт малтмалын үйлдвэрлэл, аймаг орон нутгийн дэд бүтэц, эдийн засгийн чадавх, гадаадын хөрөнгө оруулалтыг нэмэгдүүлэх, барилга, аж үйлдвэр, дэд бүтцийн салбарыг эрчимжүүлэх, төсөв, мөнгөний бодлогыг зохицуулах зэрэг ажил хийж, гүйцэтгэх юм.

    Эх сурвалж Ньюс.мн

  • Улаанхус суманд ажиллав
    Улаанхус суманд ажиллав

    Аймгийн Засаг дарга Х.Дармен 2014 оны 5 дугаар сарын 24-25 -ны өдрүүдэд Улаанхус суманд ажиллан малчдын амьдралтай танилцаж, санал гомдлыг нь сонслоо.

    Тус суманд мал төллөлт 95, төл бойжилт 98,8 хувьтай, хаваржаа тухтай байгаад малчид сэтгэл хангалуун байгаа ч зарим асуудлаар хурцхан шүүмжлэл дэвшүүллээ. Тухайлбал «тендэр» гэдэгт нь малчдын дургүйцэл хүрдэг болжээ. Өөрөөр хэлбэл тендэр гэдэг нь орон нутгийг хөгжүүлэх сан гэсэн нэрийг зүүсэн хуурамч ажлын өнгөлөн далдлалт болсон гэдгийг тэд ноднин тендэрээр баригдсан хашааны дээвэр жил хүрээгүй хугацаанд салхинд хийссэн зэргийг жишээ болгон ярилаа. Мөн зургаадугаар багийн нутаг дахь найман худгаас хоёр нь л ажиллагаатай, худгууд онгоцгүй, Согоог голын гүүр элэгдэж эвдэрсэн, Даянгийн зуслан дахь хүн эмнэлгийн байр байшин сүүлийн хоёр жилийн турш эзгүй байгаа зэрэг гачигдал зовлонгоо иргэд дэлгэж тавилаа. Засаг даргаас дээрх эмнэлгийн байрыг даруй ажиллагаатай болгохыг холбогдох албан тушаалтнуудад даалгаад, Согоог голын гүүрийг ирэх оны Улсын төсвийн хөрөнгө оруулалтын жагсаалтад хамруулах арга хэмжээ авахаа мэдэгдлээ.

  • Монгол, Казахстаны Засгийн газар хоорондын комиссын хуралдаан болов
    Монгол, Казахстаны Засгийн газар хоорондын комиссын хуралдаан болов

    Худалдаа, эдийн засаг, шинжлэх ухаан, техник, соёлын хамтын ажиллагааны Монгол Улс, Бүгд Найрамдах Казахстан Улсын Засгийн газар хоорондын комиссын VI хуралдаан энэ сарын 26-27-нд Улаанбаатар хотноо боллоо. 

    Хуралдаанд оролцсон Монголын төлөөлөгчдийг Монгол Улсын Хүн амын хөгжил, нийгмийн хамгааллын сайд, ЗГХК-ын Монголын хэсгийн дарга С.Эрдэнэ, Казахстаны төлөөлөгчдийг БНКазУ-ын Хөдөлмөр, хүн амын нийгмийн хамгааллын сайд, ЗГХК-ын Казахстаны хэсгийн дарга Тамара Дуйсенова нар тэргүүлэв. Хоёр улсын холбогдох яам, газар, аймаг, мужийн төлөөлөгчид болон Монгол Улсаас БНКазУ-д суугаа Онц бөгөөд Бүрэн эрхт Элчин сайд Ж.Сүхээ, БНКазУ-аас Монгол Улсад суугаа Онц бөгөөд Бүрэн эрхт Элчин сайд К.И.Кобландин нар оролцов.  

    Тус хуралдаанд Баян-Өлгий айгмийн ИТХ-ын дарга Б.Лазатхан оролцов.   

    Хуралдааны явцад манай хоёр орны хооронд 2016 он хүртэл монгол-казахстаны харилцаа, хамын ажиллагааг хөгжүүлэх чухал чиглэлүүд, тодорхой арга хэмжээг хэлэлцэв. Тухайлбал, хөрөнгө оруулалт, бизнесийн салбар, хөдөө аж ахуй, зам тээвэр, уул уурхай, бүс нутгийн хамтын ажиллагаа, байгаль орчин, соёл боловсрол зэрэг салбарт хамтран ажиллах, хэрэгжүүлэх ажил, арга хэмжээг тодорхойллоо. Түүнчлэн Монгол Улс, БНКазУ-ын хооронд хамтын ажиллагааны дунд хугацааны  хөтөлбөр боловсруулж, байгуулахаар хоёр тал санал нэгдэв. Хоёр улсын хооронд шууд нислэг сэргээх талаар хэлэлцэн тохиролцлоо.

    Мөн хоёр улсын харилцаа, хамтын ажиллагааны эрх зүйн үндсийг бэхжүүлэхэд чиглэсэн нэлээд төрлийн баримт бичгийг эцэслэн тохиролцох, байгуулах ажлыг түргэтгэх талаар шийдвэрлэв.

    Эдгээр чиглэл, арга хэмжээг цаг алдалгүй хэрэгжүүлж эхлэх ажлыг зохион байгуулахад ЗГХК, хоёр улсын холбогдох яам, газрууд, аймаг, мужууд чухал үүрэг гүйцэтгэнэ гэдгийг сайд нар онцлов.

    Хуралдааны дүнгээр Худалдаа, эдийн засаг, шинжлэх ухаан, техник, соёлын хамтын ажиллагааны Монгол, Казахстаны Засгийн газар хоорондын комиссын VI хуралдааны протоколд Монгол Улсын Хүн амын хөгжил, нийгмийн хамгааллын сайд, комиссын Монголын хэсгийн дарга С.Эрдэнэ, Бүгд Найрамдах Казахстан Улсын Хөдөлмөр, хүн амын нийгмийн хамгааллын сайд, комиссын Казахстаны хэсгийн дарга Тамара Дуйсеновна нар гарын үсэг зурлаа.

    Мөн Монгол Улс, БНКазУ-ын иргэний агаарын байгууллагуудын хоорондын Санамж бичигт монголын талаас Иргэний нисэхийн ерөнхий газрын дэд захирал Ч.Нямсайхан, казахстаны талаас Иргэний нисэхийн хорооны орлогч дарга Талгат Тлеубекович Ластаев нар гарын үсэг зурав.

    Монгол Улсын Ерөнхий сайд Н.Алтанхуяг БНКазУ-ын Хөдөлмөр, хүн амын нийгмийн хамгааллын сайд, ЗГХК-ын Казахстаны хэсгийн дарга  Тамара Дуйсенова тэргүүтэй төлөөлөгчдийг хүлээн авч уулзав.

    Монгол,Казахстаны ЗГХК-ын дараачийн хуралдааныг 2016 онд Астана хотноо зохион байгуулахаар тогтов.

  • Астана-Улаанбаатар, Астана-Баян-Өлгий чиглэлд шууд нийслэг үйлдэнэ
    Астана-Улаанбаатар, Астана-Баян-Өлгий чиглэлд шууд нийслэг үйлдэнэ

    Энэ зунаас эхлэн Астана-Улаанбаатар, Астана-Баян-Өлгий чиглэлд шууд нислэг хийхээр  Казахстаны агаарын тээврийнхэн манай салбарын яам, агентлагуудтай яриа хэлэлцээ хийж эхэллээ. 

    Тус улсын агаарын тээврийн “Эйр Астана” болон “Бек Эр” компанийн нисэх онгоц Монгол руу шууд нислэг үйлдэх төлөвлөгөөтэй байгаа юм. “Эйр Астана” компанийн онгоц Астанагаас Улаанбаатар чиглэлд  нислэг үйлдэх бол “Бек Эйр” компани Астана-Баян-Өлгийн чиглэлд энэ зунаас нислэг хийхээр төлөвлөж, бэлтгэл ажлаа хангаж байна.

  • Хөдөлмөрийн сайд ил захидал илгээв
    Хөдөлмөрийн сайд ил захидал илгээв

    2012-2013 онд үйлдвэрлэлийн ослоор нас барсан иргэдийн тоо 40 орчим хувиар багассан ч уул уурхай, зам, барилгын салбарт үйлдвэрлэлийн осол, гэмтлийн тоо буурахгүй байна.

    Улсын хэмжээнд “Хөдөлмөрийн аюулгүй байдал, эрүүл ахуйн сарын аян”-ыг өрнүүлж байна.

    Уул уурхай, барилга, авто зам зэрэг бүтээн байгуулалтын салбарын нийт ажилтан, ажил олгогчод хандан “Ажил эхэллээ, аюулгүй ажиллацгаая” гэсэн ил захидал илгээжээ.

    Осол аваар буурахгүй байгаа нь аюулгүй ажиллагааг анхааралгүй орхигдуулдаг, ажилтнаа хөдөлмөрийн аюулгүй ажиллагааны сургалтад хамруулдаггүй, үндэсний стандарт, хууль дүрмийн хэрэгжилт аж ахуйн нэгж, байгууллагын түвшинд хангалтгүй байгаатай холбоотой гэж Хөдөлмөрийн сайд Я.Санжмятав хэллээ.

  • Цэнгэлдэх хүрээлэнгээ тохижуулж байна
    Цэнгэлдэх хүрээлэнгээ тохижуулж байна

    Баян-Өлгий аймгийн төвийн цэнгэлдэх хүрээлэнг шинэчлэн тохижуулж эхлэв. Хоёр талын харилцан туслах гэрээний дагуу энд ШУӨЗО-ны мэргэжилтнүүд ажиллаж байна.

    1958 онд нийтийн субботникоор баригдсан, тоосгон хашлага, банзан суудлаас ондоо юмгүй, жилийн турш зөвхөн улсын наадмын хоёр гуравхан өдөр ажиллаж бусад цагт тоос шороонд дарагдан эзгүй байдаг энэ орчныг тоглоом наадам, биеийн тамирын дасгал хийх зориулалтаар байнгын ажиллагаатай болгох зорилтыг аймгийн удирдлагууд дэвшүүлж, доторх өргөн талбайд нь зүлэг, мод суулган, үйлчилгээний тохилог цэгүүдтэй болгохыг зорьж байна.

    Цэнгэлдэх хүрээлэн долоодугаар сарын нэгний өдөр ашиглалтанд орно. 

  • Асгат эдийн засгийн эргэлтэд орно
    Асгат эдийн засгийн эргэлтэд орно

    Асгатын мөнгөний ордыг хамтран ашиглалтанд оруулахыг ОХУ-ын аж ахуйн нэгжүүд сонирхож байна.

    Энэ тухай Асгат компанийн Захирал А.Аманбек аймгийн Засаг дарга Х.Дарментэй уулзаж ярилцахдаа мэдэгдлээ.

    -ОХУ-д ашигт малтмал олборлоход мэргэжсэн том жижиг компаниуд тэдэнд цөөнгүй бөгөөд мөнгөний орд дээр ажиллах дуртай байна. Нөгөө талаар тэд уг уурхайн дэд бүтцийг хөгжүүлэхэд туслалцаа үзүүлэхээ мэдэгдэж байна. Тэдний дундаас шилэн сонгож аваад ажлаа эхэлж, тус улсын томоохон орд газруудын эгнээнд багтдаг Асгатыг 2016 он хүртэл эдийн засгийн эргэлтэнд оруулах боломж бүрдээд эхэллээ. Уурхайг ашиглалтанд оруулахад таван сая ам. доллар шаардагдана. Энэ уурхай дээр одоохондоо 500 сая төгрөгийн хөрөнгө байгаа гэж тэр ярилаа.

  • Норвегийн дэмжлэгээр хоёр төсөл хэрэгжиж эхэлжээ
    Норвегийн дэмжлэгээр хоёр төсөл хэрэгжиж эхэлжээ

    Баян-Өлгий аймагт айлчлан ирсэн Норвеги Улсын тусламжийн байгууллагын төлөөлөгч Б.Андерсенийг аймгийн засаг дарга Х.Дармен хүлээн авч уулзлаа.

    Монгол Улсад үйл ажиллагаа явуулан хүн амыг эрүүлжүүлэхэд харамгүй тусламж үзүүлсээр байгаа энэ байгууллагад аймгийн удирдлага  гүн талархал илэрхийллээ. Хүндэт зочин Б.Андерсен хүүхдийн эрхийг хамгаалах, эх нялхсыг өвчин эмгэгээс аврах чиглэлээр энэ нутагт хоёр ч төсөл хэрэгжүүлж эхэлснийг мэдэгдээд уг үйл ажиллагаанд албан байгууллага, иргэд идэвхтэй оролцохыг уриаллаа. Хүмүүнлэгийн байгууллага өвчин эмгэг, эндэгдлээс урьдчинан сэргийлэхэд нөр их тусламж үзүүлж байгаад иргэд ч сэтгэл хангалуун байна. Энэ аймагт эхчүүд болон бага насны хүүхдийн эндэгдэл буурахгүй байгаа тул юуны өмнө түүний үндсэн гол шалтгааныг олж тогтоох асуудал чухал гэж иргэд үзэж байгаа юм. 

  • Хүүхдийн баярын фото агшнаас
    Хүүхдийн баярын фото агшнаас

  • Мерекелік құттықтау!
    Мерекелік құттықтау!

    Қадірменді аймақ жұртшылығы! Ардақты ата-аналар! Еліміздің келелі келешегі болған жас жеткіншектер! Барлықтарыңызды 01-маусым Халықаралық балалар құқын қорғау күні, еліміздің Аналар мен балалар мейрамымен шын жүректен құттықтаймыз. 
    Қазіргі таңда аймағымыз халқының 50 пайызынан астамын 0-18 жасқа дейінгі балалар иемденіп отыр. Елдегі жастар мен балалар үлесінің басымдығы – сол мемлекеттің келешегінің кемелдігін, әлеуетінің жоғарылығын білдіреді. Еліміз өкіметі де балаларға қамқорлық жасау, олардың денсаулығын жақсарту, саналы да сапалы білім алуына жағдай жасау, әлеуметтік қолдау бағытында ерекше назар аударып жұмыстап отыр. Елбасы Цахиагийн Элбэгдорж және Демократиялық партияның бастамасымен еліміздің 0-18 жасқа дейінгі барлық балаларына ай сайын жәрдемақы тағайындалып, тұрақты беріліп келеді. «Түскі шай», «Түскі тамақ» бағдарламалары да бүлдіршіндеріміздің алаңсыз білім алып, дені сау, денесі ширақ азамат болып қалыптасуына септігін тигізуде.
    Мемлекет тарапынан жастардың талантын шыңдау, дарынын дамыту ісіне ерекше көңіл бөліп отырғаны баршаңызға мәлім. Мәселен, еліміз көлемінде «Кітап», «Талант» бағдарламалары сәтті жүзеге асырылып, ұрпақ тәрбиесіне өзіндік үлес қосып жатыр. Күні кеше ғана осы «Талант» бағдарламасы аясында аймағымыз орталығында ұйымдастырылған шарада 1000 домбырашы бүлдіршіннің өнеріне өздеріңіз тәнті болдыңыздар. 
    Сонымен қатар аймағымыздағы қазақ балаларының білім деңгейін көтеруге аймақ басшылығы тарапынан ерекше қолдау көрсетіліп келеді. Осы мақсат аясында аймағымыздағы білім беру мекемелерінің басқару менежментін жақсарту ісі қолға алынып, бастауыш сыныптарда білім алып жатқан қазақ балаларына арналған моңғол тілі пәні оқулығын бүлдіршіндердің таным, түсінігі, ұлттық ерекшелігіне сәйкес дайындап бастыру үшін қажетті қаражатты аймақ бюжетінен шешкізу туралы шешім қабылданып отыр. Биылғы жылы мемлекеттік бюжет қаржыландыруымен Өлгий сұмыны 2-орта мектебінің және Орталық Кітапхананың ғимараты, Улаанхус сұмынының Соғақ, Уланхус орта мектептерінің жатақханалары, Цэнгэл сұмынында 75 төсектік балабақша құрылысы жаңадан салынып пайдаға берілмек. Міне, бүгін 1,3 миллиард төгрөг қаржымен Жастар мен балалар саябағының құрылыс жұмысы аяқталып, халық кәдесіне жаратылды.
    Ал, балаларды қоғам және заман талабына сай тәрбиелеп өсіру ісіне аналарымыздың қосар үлесі аса зор екені мәлім. Ел өкіметі аналарды қолдау ісін де мемлекеттік саясаттың маңызды бір бөлігі ретінде назарда ұстауда. Үйде отырып баласын тәрбиелегені үшін аналарға мемлекет тарапынан ақы төлеу мәселесі қазір жан-жақты зерттеліп жатыр. Осының барлығы – ана мен баланың әрқашан өкімет қамқорлығында, қарауында болатынын көрсетпек. Анаға құрмет, балаға деген қамқорлық – мемлекеттік келешегіне жасалған қаржыландыру деген қағида әрқашан басшылыққа алынатын болады. Еліміздің дамуы және экономиканың өсімімен қатар бұл істер алдағы уақытта да жалғасын таба береріне сеніміміз зор.
    Құрметті аналар! Бүлдіршін балалар!
    Биылғы жылы Моңғолияның жалпы халқының саны 3 миллионға, аймағымыз халқының саны 92 мыңға жетті. Адам санының өсуі – экономиканың дамуына, ана мен баланың денсаулығына, әлеуметтік жағдайына тікелей байланысты. Сондай-ақ, халық санының артуы экономиканы алға сүйрейтін қозғаушы күш екені сөзсіз. Қатарларыңыз әрқашан артып, дендеріңіз сау, ғұмыр жастарыңыз ұзақ болуына тілектеспіз. Аймағымыздың барлық жанұясында сәбилердің шат-шадыман күлкісі тыйылмай, ел өркенін алға сүйрер ұрпақтарымыз көбейе берсін. 
    Төл мерекелеріңіз құтты болсын!
    Құрметпен, 
    МҰҚ МҮШЕСІ МҰҚ-ДЫҢ МҚТК-ІНІҢ ТӨРАҒАСЫ БӘКЕЙ АҒЫПАРҰЛЫ
    ААӨҚ-Ы ТӨРАҒАСЫ ЛАЗАТХАН БҰРАҢҰЛЫ
    АЙМАҚ ӘКІМІ ДӘРМЕН ҚҰЗЫКЕЙҰЛЫ

  • Цэцэрлэгийн барилга, 75 ор /Баян-Өлгий, Цэнгэл сум/
    Цэцэрлэгийн барилга, 75 ор /Баян-Өлгий, Цэнгэл сум/

    Захиалагч:

    • Баян-Өлгий аймгийн ЗДТГ

    Тендерийн ангилал:

    • Нээлттэй тендер

    Санхүүжилт:

    • Улсын төсөв
    Тендер шалгаруулалтын дугаар: 
    БӨА-071/2014
    Зарласан хугацаа: 
    2014-05-29
    Эцсийн хугацаа: 
    2014-06-30
    Урилга: 

    ТЕНДЕРИЙН УРИЛГА

    Огноо : 2013/05/28
    Тендер шалгаруулалтын нэр: Цэцэрлэгийн барилга, 75 ор /Баян-Өлгий, Цэнгэл сум/
    Тендер шалгаруулалтын дугаар: БӨА-071/2014

    Баян-Өлгий аймгийн ЗДТГ эрх бүхий тендерт оролцогчдоос Цэнгэл сумын 75 хүүхдийн цэцэрлэгийн барилга угсралтын ажлыг гүйцэтгэх тухай битүүмжилсэн тендер ирүүлэхийг урьж байна.

    Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр иж бүрдэл бүрийг нь 200 000 төгрөгөөр худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна.

    Тендерт оролцогч нь Санхүүгийн болон туршлагын дараах шаардлагыг хангасан байна.
    Үүнд:
    Борлуулалтын хэмжээ: 2012,2013 онуудын борлуулалтын орлогын нийлбэр нь тендерт санал болгож буй үнийн дүнгийн 70 хувиас багагүй байна.
    Түргэн хөрвөх чадвартай хөрөнгө болон авах боломжтой зээлийн хэмжээ: Тендерт санал болгож буй үнийн дүнгийн 20 хувиас доошгүй байна
    Аудитаар баталгаажуулсан санхүүгийн тайлан ирүүлэх жилийн тоо: 2 жил /2012,2013/

    Тендерийн хамт 11 363 000 /арван нэгэн сая гурван зуун жаран гурван мянга / төгрөгийн дүнтэй тендерийн баталгаа ирүүлнэ.

    Тендерийг 2014 оны 06 сарын 30-ны өдрийн 10:00 цаг–аас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2014 оны 06 сарын 30-ны өдрийн 11:00 цагт нээнэ.

    Гадаадын этгээд тендер ирүүлэх эрхтэй, эрхгүй эсэх:эрхгүй
    Дотоодны давуу эрх тооцох эсэх: тооцохгүй

    Сонирхсон этгээд тендерийн баримт бичиг болон бусад мэдээллийг доорх хаягаар авч болно.

    Баян-Өлгий аймгийн ЗДТГ-ын байр
    110 тоот, 70427593, 70423111,99422888
    www.olgiitender.mn

  • Баруун бүсийн замд 125 сая ам.доллар зарцуулна
    Баруун бүсийн замд 125 сая ам.доллар зарцуулна

    Монгол Улсын баруун бүсийн босоо тэнхлэг буюу Ховд аймгийн төвөөс Хашаатын даваа чиглэл, Хашаатын даваагаас Баян-Өлгий аймгийн Толбо сум, тус аймгийн Ногоон нуур сумын Цагаан нуур тосгоноос Улаанбайшинт хилийн боомт хүртэлх нийт 189.7 км автозамын барилгын ажлын хөрөнгө оруулалтыг шийдвэрлэж буй “Баруун бүсийн босоо тэнхлэгийн автозамын хөрөнгө оруулалтын хөтөлбөрийн хоёрдугаар төсөл-"ийн зээлийн хэлэлцээрт өчигдөр Эдийн засгийн хөгжлийн сайд Н.Батбаяр болон Азийн Хөгжлийн Банкны Монгол дахь Суурин төлөөлөгч ноён Роберт Шоэллхаммер нар гарын үсэг зурж, баталгаажууллаа. Төслийн зээлийн гэрээний хүрээнд Азийн хөгжлийн банкнаас 125 сая ам.долларын хөрөнгө оруулалт хийх бөгөөд энэ зээл нь 15 жилийн хугацаатай, үүнээс таван жилд нь үндсэн төлбөрөөс чөлөөлөгдөх юм.

    Баруун бүсийн босоо тэнхлэг бүхий дээрх чиглэлийн автозамуудыг ашиглалтад оруулснаар өмнөд, хойд хөршийг холбож буй манай талын зам бүрэн хучигдах төдийгүй гурван улс дамнасан худалдаа эргэлтийг дамжин өнгөрүүлэх эдийн засгийн чухал ач холбогдолтой юм.

    Автозамын бүтээн байгуулалтыг нарийвчилбал, Ховд-Хашаатын даваа чиглэлийн 103.9 км, Хашаатын даваа-Толбо сум чиглэлийн 60 км, Цагааннуур-Улаанбайшинт чиглэлийн 25.8 км, нийт 189.7 км автозамыг хэлэлцээрийн хүрээнд барина. Замуудыг 2016 онд барьж дуусган, түүнээс хойшх хоёр жилд ашиглалтын баталгаат хугацаа үргэлжилснээр хэлэлцээрийн хэрэгжилт 2018 онд дуусгавар болох юм. 

    Төслийн хүрээнд гол чиглэлийн дээрх автозамын ажлыг дуусгахаас гадна Ховд аймгийн төвд 10 км автозам, хоёр гүүр, Өлгий хотын төвд 4.9 км автозам, нэг гүүрийг тус тус барьж, трассын дагуух засвар арчлалт хариуцах тоног төхөөрөмж бүхий нэгж байгуулагдана.

  • Цахим татварын мэдээллийн системийн сургалт болов
    Цахим татварын мэдээллийн системийн сургалт болов

    Татварын албаны хэрэгжүүлж буй “Цахим татварын мэдээллийн систем”-ийн сургалт 5 дугаар сарын 27-ноос 30-ны өдрүүдэд Баян-Өлгий аймагт амжилттай зохион байгуулагдлаа.

    Баян-Өлгий аймгийн татвар төлөгч иргэд, аж ахуйн нэгж, байгууллагууд болон бүх сумдын төсвийн шууд захирагч, төсвийн байгууллагын нягтлан бодогчид, төрийн сангийн мэргэжилтэнгүүдэд “Цахим татварын мэдээллийн систем”, “Цахим төлөлт”, “Гар утасны програм”, “Татварын хууль, тогтоомж” сэдвүүдээр сургалтыг зохион байгуулж, дөрвөн удаагийн сургалтаар 252 татвар төлөгч хамрагдлаа. Мөн татварын улсын (ахлах) байцаагч нарт дотоод системийн болон хэрэглээний програмын талаар суртгалтыг зохион байгууллаа.

     Сургалтын үеэр аймгийн төрийн сангийн хэлтсээс “Төсвийн шууд захирагч, нягтлан бодогч нарын аймгийн зөвлөгөөн” болж өндөрлөлөө. Зөвлөгөөнд Татварын хэлтсийн дарга А.Нурлан, ТЕГ-ын СТ-ын багш Д.Баярцэцэг, ТТҮГ-ын ТУБ З.Ганболд нар оролцон цахим систем, цахим төлөлт, гар утасны програм, Хувь хүний орлогын албан татварын тухай хуулиар сургалт хийж, татвар төлөгчдийн асуусан асуултанд нь  хариулт өгч ажилласан нь үр дүнтэй боллоо гэж Баян-Өлгий аймгийн Татварын хэлтсээс мэдээлэв.

  • Дулаан хар баяжуулах үйлдвэрийн нээлт
    Дулаан хар баяжуулах үйлдвэрийн нээлт

  • Жижиг, дунд үйлдвэр эрхлэгчдийн зөвлөгөөн
    Жижиг, дунд үйлдвэр эрхлэгчдийн зөвлөгөөн

  • Даян - Улаан уулын боомтын албан ёсны нээлт болов
    Даян - Улаан уулын боомтын албан ёсны нээлт болов

    Монгол, Хятадын Засгийн газрын хамтарсан шийдвэрээр Даян - Улаан уулын боомтыг 6 дугаар сарын 01-нээс 10 дугаар сарын 01-ний хүртэл 120 хоног тогтмол ажиллуулахаар тохиролцсон билээ. 
    2014 оны 06 дугаар сарын 03-ний өдөр Даян -  Улаан уулын боомтын албан ёсны нээлтийн ажиллагаа боллоо. Тус арга хэмжээнд аймгийн Засаг даргын орлогч Н.Санатбек, ЗДТГ-ын дарга Т.Манкей, Гаалийн газрын орлогч дарга Е.Зангар, БНХАУ-ын ШУӨЗО-ны Алтай аймгийн намын нарийн бичгийн дарга н.Махсур, Бууралтогай мужийн Засаг дарга Х.Серик, Тайкешкен, Улаан уулын боомтын дарга н.Багдат болон бусад албаны хүмүүс оролцов.
    Нээлтийн ажиллагааны үеэр хоёр талын төлөөлөгчид боомтын цаашдын үйл ажиллагаа, хамтын ажиллагаа, дэд бүтцийн асуудлаар санал солилцов.

    Улаан уулын боомт нь өчигдрөөс эхлэн 4 сарын хугацаанд ажлын өдрүүдээр 08:30-12:30, 14:30-18:30 цагуудын хооронд тогтмол ажиллах юм.

  • Төсвийг 20-оос доошгүй хувь хэмнэхийг даалгалаа
    Төсвийг 20-оос доошгүй хувь хэмнэхийг даалгалаа

    Баян-Өлгий аймгийн төвд нийт албан байгууллагын дарга, нягтлан бодогчдын зөвлөлгөөн болов. Дэлхийн болоод улс орны эдийн засгийн байдал хүндэрч эхэлсэн тул улсын төсвийг хэмнэлттэй зарцуулах асуудал зөвлөлгөөний гол сэдэв байлаа.

    «Улс, орон нутгийн төсөв бол дарга нягтлан зэрэг хэдэн хүний баяжихын эх булаг биш тул зүй бусаар зарцуулах, үрэн таран болгохыг хатуу цээрлэх хэрэгтэй» гэдгийг зөвлөлгөөнийг удирдсан аймгийн дарга нар хатуу сануулаад, олгогдсон төсвийг 20 хувиас доошгүй хэмжээгээр хэмнэн ажиллахыг даалгав. Өмнө нь сургууль, цэцэрлэгийн эрхлэгч хүртэл дур мэдэн орон тоо нэмдэг зэрэг дутагдал оршсоор байсан нь үнэн бөгөөд тус аймагт боловсрол, соёлын зэрэг салбарууд ихээхэн өр авлагатай байгааг зөвлөлгөөн дээр онцлон дурдаж анхаарууллаа.  Эдийн засгийн хямрал нүүрлэснийг үнэхээр хүлээн зөвшөөрөх л юм бол хог цэвэрлэх, тоглоомын талбай, бие засах газар барьж байгуулах, усгүй, хамгаалалтгүй газарт «үзмэрийн» мод тарих зэрэгт олон сая төгрөгийн хөрөнгө зарцуулахыг зогсоовол таарна гэж иргэд үзэж байна.

  • Хэлтэс, агентлагын дарга нарт
    Хэлтэс, агентлагын дарга нарт

    Аймгийн удирдах ажилтнуудын шуурхай зөвлөлгөөний үйл ажиллагааг цахимжуулах, хөнгөх шуурхай, ил тод болгох үүднээс шинээр вэб програмчлалд суурилсан систем нэвтрүүлж байгаа тул холбогдох мэргэжилтнүүдээ 6 дугаар сарын 5-ны өдөр 14:00 цагт ЗДТГ-т болох сургалтанд ирүүлэхийг мэдэгдье.

    Төрийн Захиргаа, удирдлагын хэлтэс

     

  • Цахим хуудас ашиглах талаар сургалт  боллоо
    Цахим хуудас ашиглах талаар сургалт боллоо

    Хэлтэс, агентлагуудын холбогдох мэргэжилтнүүдэд аймгийн ЗДТГазрын цахим хуудаст 7 хоногт хийсэн ажлын тайлан, цаг үеийн мэдээ мэдээлэл болон зар нийтлэх тухай сургалтыг 6 дугаар сарын 05 –ны өдөр зохион байгууллаа.

    НЗБ -ууд мэдээ оруулах эрх бүхий ажилтнаар дамжуулж цахим хуудасны үйл ажиллагааг хэвийн, тасралтгүй явуухад мэдээллээр хангах буюу мэдээлэл оруулж оролцож, 2014 оны 06 дугаар сарын 06 –ны өдрөөс эхлэн хэлтэс, агентлагуудын 7 хоногийн ажлын мэдээг “МЭДЭЭ МЭДЭЭЛЭЛ - АЙМГИЙН ШУУРХАЙ” хэсгээс унших боломжтой болно.

    Аймгийн ЗДТГ-ын цахим хуудас нь аймгийн Засаг даргын Тамгын газар болон Нутгийн Захиргааны байгууллагуудын  үйл ажиллагаа, түүнтэй холбоотой мэдээ, мэдээллийг олон нийтэд түргэн шуурхай, үнэн зөв хүргэх зорилготой юм.

    Цахим хуудасны үйл ажиллагаа тасралтгүй явагдах үндсэн зарчим нь мэдээ, мэдээллийг тогтмол шинэчлэх, өөрчлөх; олон нийт цахим хуудсаар дамжуулан мэдээ мэдээлэл хүлээн авах явдал юм. 

  • Аймгийн Музейд 3 м өндөртэй домбор тавигдав
    Аймгийн Музейд 3 м өндөртэй домбор тавигдав

    Аймгийн Музейд 3 м өндөр, 100 кг жинтэй домбор тавигдав. Уг үзмэрийн албан ёсны нээлтийн ажиллагаа өчигдөр /2014.06.05/ боллоо. Арга хэмжээнд аймгийн ИТХ-ын дарга Б.Лаззатхан, Засаг даргын орлогч Н.Санатбек, ЗДТГ-ын дарга Т.Манкей болон бусад албаны хүмүүс, зочид төлөөлөгчид оролцов.

    СТА Ч.Энх-Отгон тус домборыг нарс модыг шанаган хэлбэрт оруулан зорж, цар үүсгэн хатаагаад, царан дээрээ хавтгай мод нааж хонь, ямааны өлөн гэдсийг ээрч утас хийн, хоёр утас татаж, ишин дээр нь есөн эгшгийн хөг данг тохируулж урласан байна. Монгол Улсын аж үйлдвэрийн гавьяат ажилтан А.Станбулд хүндэтгэл үзүүлж, нэрийг нь мөнхлөх зорилгоор хүүхдүүд нь домбор хийлгэх захиалга өгснөөр энэхүү бүтээл мэндэлж, олны хүртээл болжээ.

    Уран хийц нь онцгой, гурван метр өндөр, "Гиннесийн ном"-д бичигдэхээр энэ хөгжмийн зэмсэгт чоно шүүрсэн гарамгай бүргэд болон тус аймгийн алтан сүлдтэй таних тэмдэгийг сийлж, казахын хээ угалзаар чимэглэжээ. Эдүгээ 78 настай Э.Стамбул хэлэхдээ "Энэхүү домбор хөгжмийг манай Эрдэнэт хотын иргэн, морин хуур урлах талаар алдаршсан уран гартан Ч.Энх-Отгон надад "гэнэтийн бэлэг" болгож өгсөн юм. Гэрт хадгалах боломжгүй, нисэх онгоцоор авч ирье гэхээр онгоцны хаалганд багтаагүй тул машинаар хүргүүлж ирлээ. Төрсөн аймгийнхаа музейн үнэт үзмэрийн нэг болгохоор өргөн барьсан энэ зүйлийг маань өндрөөр үнэлэн баяр цэнгэлтэй хүлээн авч байгаад гүн талархал илэрхийлж байна" гэжээ.

  • Хавдар судлалын мэргэжилтнүүд Баян-Өлгийд ажиллаж байна
    Хавдар судлалын мэргэжилтнүүд Баян-Өлгийд ажиллаж байна

    Хавдар судлалын төвийн мэргэжилтнүүдийн баг Баян-Өлгий аймагт ажиллаж байна. Тэдний энэ аяны зорилго хорт хавдраас урьдчилан сэргийлэх зөвлөгөө өгч, сурталчилгаа хийх, онош тогтоох, эмчлэн үйлчлэх зорилготой юм.

    -Тус аймагт энэ өвчнөөр өвчлөгсдийн тоо өссөөр байна. Иймд бид хэдхэн сарын өмнө хавдар судлалын тасгийг тусгайлан байгуулж мэргэжлийн боловсон хүчнээр ханган, орчин цагийн тоног төхөөрөмжтэй болгосон. Өндөр мэргэжлийн эмч нар хүрэлцэн ирж үзлэг, үйлчилгээ хийж байгаа явдалд талархаж байна гэж аймгийн Засаг дарга ярилаа.

    Багийн гишүүн Монгол Улсын гавъяат эмч Р.Асай энэ тухай ярихдаа, энэ аймагт улаан хоолойноос гадна урьд өмнө маш ховор тохиолддог байсан эмэгтэйчүүдийн умайн хүзүүний болон хөхний хавдраар өвчлөх явдал өсөх хандлагатай. Иймд залуу эмэгтэйчүүдэд ахмад насны эмэгтэйчүүдээр биеэ эрүүл авч явах зөвлөгөө өгүүлэх явдал чухал байна. Хавдарыг эмчилгээ авдаггүй шууд үхэлд хүргэх өвчин мэтээр ойлгох нь буруу. Урьдчилан сэргийлвэл өвчлөхгүй байх, үе үе шинжлүүлэх, илэрсэн нөхцөлд эртхэн эмчлүүлэх л юм бол эдгэх бүрэн боломж бий. Харамсалтай нь өвчин туссанаа мэдмэгцээ горь тасрах юм уу хожимдож байж эмчлүүлээд хорвоогоос халигсдын тоо өндөр байна гэв.

  • БНХАУ-ын ШУӨЗО-ы Хумыл аймгийн төлөөлөгчид манай аймагт айлчиллаа
    БНХАУ-ын ШУӨЗО-ы Хумыл аймгийн төлөөлөгчид манай аймагт айлчиллаа

    Өнөөдөр аймгийн ИТХ-ын дарга Б.Лаззатхан БНХАУ-ын ШУӨЗО-ны Хумыл аймгийн Засаг даргын орлогч Х.Талгат, тус аймгийн Гадаад харилцааны газрын дарга Хасиет Исеке, Боомтын дарга Бай Апен Ден, Гадаад худалдааны газрын дарга Шуй Ие Фин, Стандартчилал, хэмжилзүйн газрын дарга Гу Жан тэргүүтэй төлөөлөгчдийг хүлээн авч уулзалаа.
    Уулзалтын үеэр талууд цаашид эдийн засаг, худалдаа, эрүүл мэнд, боловсрол, уул уурхайн чиглэлээр гэрээ байгуулж хамтран ажиллах тухай ярилцав.
    Хумыл аймаг нь манай улсын Говь-Алтай аймагтай хил залгадаг, аж үйлдвэрийн хөгжлөөрөө ШУӨЗО-ныг тэргүүлдэг аймаг юм. Нийтдээ 600 мянга орчим хүн амтай бөгөөд, үнээс 60 000 мянга нь казах үндэстнүүд юм. Аймгийн Засаг даргын орлогч Х.Талгат Баян-Өлгий аймгийн удирдлагуудыг ирэх намар тус аймагт айлчлахыг хүслээ. Талууд айлчлалын үеэр хамтран ажиллах санамж бичигт гарын үсэг зурахаар тохиролцов.

  • “Баг-Иргэний засаг захиргаа”  уулзалт хэлэлцүүлэг боллоо
    “Баг-Иргэний засаг захиргаа” уулзалт хэлэлцүүлэг боллоо

  • Монгол Улсад Терроризмтой тэмцэх ажиллагааг зохицуулах Зөвлөлийн Баян-Өлгий аймаг дахь салбар Зөвлөлийн  товч танилцуулга
    Монгол Улсад Терроризмтой тэмцэх ажиллагааг зохицуулах Зөвлөлийн Баян-Өлгий аймаг дахь салбар Зөвлөлийн товч танилцуулга

       Монгол Улсын Их Хурлаас 2004 оны 4 дүгээр сарын 23-ны өдөр Терроризмтой тэмцэх тухай Монгол Улсын хуулийг батлан гаргаснаар тус улсад терроризмтой тэмцэх эрх зүй, зохион байгуулалтын үндэс бүрдсэн. 

              Терроризмтой тэмцэх тухай хуульд терроризмоос сэргийлэх талаар Засгийн газар, төрийн захиргааны байгууллагын хэрэгжүүлэх бүрэн эрхийг хуульчилсны дотор үндэсний аюулгүй байдлыг хангах тусгайлсан чиг үүрэгтэй байгууллагуудын терроризмоос сэргийлэх талаар мэдээлэл солилцох, хамтын ажиллагааг зохицуулах үүрэг бүхий орон тооны бус зөвлөл (Зохицуулах зөвлөл) ажиллахаар зааж, тус зөвлөлийн дүрэм, ажиллах журмыг Засгийн газар тогтоож, бүрэлдэхүүнийг Ерөнхий сайд томилохоор тусгасан. Үүний дагуу Монгол Улсын Ерөнхий сайдын 2004 оны 147 дугаар захирамжаар терроризмоос сэргийлэх талаар мэдээлэл солилцох, хамтын ажиллагааг зохицуулах үүрэг бүхий орон тооны бус Зөвлөлийг Тагнуулын ерөнхий газрын даргаар ахлуулан дэд сайд, агентлагийн болон газрын дарга зэрэг 16 албан тушаалтны бүрэлдэхүүнтэйгээр байгуулсан. Мөн Монгол Улсын Засгийн газрын 2006 оны 66 дугаар тогтоолоор Зохицуулах зөвлөлийн дүрэм, ажиллах журмыг баталсан. 

              Зохицуулах зөвлөлийн дүрмийн 4.7 дахь хэсэгт “Зохицуулах зөвлөл нь аймаг, нийслэлд салбар зөвлөлтэй байх бөгөөд салбар зөвлөлийн дарга нь нийслэлд Тагнуулын ерөнхий газрын Нийслэл дэх тагнуулын газрын дарга, аймагт тухайн аймгийн Засаг дарга байна.”, мөн 4.8 дахь хэсэгт “Терроризмтой тэмцэх аймаг, нийслэлийн салбар зөвлөлийн бүрэлдэхүүн, ажиллах журам, ажлын төлөвлөгөөг Зохицуулах зөвлөл батална.” гэж заасны дагуу ТТАЗЗ-ийн 2013 оны 014 дүгээр тогтоолоор Терроризмтой тэмцэх ажиллагааг Зохицуулах зөвлөлийн Баян-Өлгий аймаг дахь Салбар зөвлөлийн бүрэлдэхүүн, ажиллах журмыг тогтоосон. 

    Терроризмтой тэмцэх ажиллагааг зохицуулах зөвлөлийн

    Баян-Өлгий аймаг дахь Салбарын зөвлөлийн бүрэлдэхүүн

     

    Салбар зөвлөлийн дарга- Баян-Өлгий аймгийн Засаг дарга 

    Нарийн бичгийн дарга-Тагнуулын ерөнхий газрын Баян-Өлгий аймаг дахь газрын дарга 

    Гишүүд: 

    • Засаг даргын тамгын газрын дарга
    • Байгаль орчны газрын дарга
    • Тээвэр, авто замын газрын дарга
    • Эрүүл мэндийн газрын дарга
    • Засаг даргын тамгийн газрын Цэргийн штабын дарга
    • Цагдаагийн газрын дарга
    • Онцгой байдлын газрын дарга
    • Хилийн цэргийн ангийн захирагч
    • Мэргэжлийн хяналтын газрын дарга
    • Шүүхийн шийдвэр гүйцэтгэх албаны дарга
    • Гаалийн газрын дарга
    • Татварын хэлтсийн дарга
    • Улсын бүртгэлийн хэлтсийн дарга
    • Иргэний харьяалал шилжилт хөдөлгөөний ерөнхий газрын баруун бүсийн Баян-Өлгий аймаг дахь албаны дарга

    ТТАЗЗ-ийн Баян-Өлгий аймаг дахь

    салбар зөвлөлийн ажиллах журам

    Нийтлэг үндэслэл

    Терроризмтой тэмцэх ажиллагааг Зохицуулах зөвлөлийн аймаг дахь салбар зөвлөл /цаашид “Салбар зөвлөл” гэх/ нь Терроризмтой тэмцэх тухай хуулийн 6 дугаар зүйлийн 6.4-д заасан чиг үүргийг харъяа орон нутагтаа зохион байгуулж, хэрэгжүүлэх үүрэг бүхий орон тооны бус байгууллага мөн.

    Салбар зөвлөл нь үйл ажиллагаандаа Монгол улсын Үндсэн хууль, Үндэсний аюулгүй байдлын тухай хууль, Терроризмтой тэмцэх тухай хууль, Монгол улсын олон улсын гэрээ холбогдох бусад хууль тогтоомж, Зохицуулах зөвлөлийн дүрэм, ажиллах журам, энэ журмыг удирдлага болгоно.

    Салбар зөвлөл нь аймаг орон нутагт үүсч болзошгүй терроризмын шинжтэй үйлдэл, нөхцөл байдлын талаар судалгаа хийх, үнэлэлт дүгнэлт өгөх, түүний үр дүнг ТТАЗЗ-д танилцуулах, болзошгүй терроризмын аюулаас иргэд, байгууллага, аж ахуй нэгжийг сэрэмжлүүлэх ажлыг зохион байгуулна.

    Салбар зөвлөлийн дарга нь Салбар зөвлөлийн жилийн үйл ажиллагааны зардлыг орон нутгийн төсөвт тусгуулан аймгийн ИТХ-аар  батлуулна.

    Салбар зөвлөл нь Зохицуулах зөвлөлөөс баталсан төлөвлөгөөний дагуу үйл ажиллагаа явуулна.

    Салбар зөвлөлийн үйл ажиллагааны хэлбэр

    Салбар зөвлөл нь хамтын удирдлагын зарчмаар ажиллах бөгөөд түүний үйл ажиллагааны  үндсэн хэлбэр нь Салбар зөвлөлийн хуралдаан /цаашид “Хуралдаан” гэх/ мөн. Салбар зөвлөлийн хуралдаанд гишүүдийн хоёроос доошгүй нь оролцсон тохиолдолд хүчинтэйд тооцно.

    Салбар зөвлөл нь жилд гурваас доошгүй удаа хуралдана.

    Салбар зөвлөл нь өөрийн чиг үүрэгт хамаарах асуудлыг хэлэлцэж, хуралдаанд оролцсон гишүүдийн энгийн олонхийн саналаар, санал тэнцвэл Салбар зөвлөлийн даргын саналаар асуудлыг шийдвэрлэнэ. Салбар зөвлөл хэлэлцсэн асуудлаар тогтоол гаргана. Тогтоол нь батлагдсан өдрөөс эхлэн хүчин төгөлдөр болно.

     

    Хуралдаанаас гарах шийдвэрт Салбар зөвлөлийн дарга, нарийн бичгийн дарга гарын үсэг зурж баталгаажуулна.

    Салбар зөвлөлийн үүрэг: 

    1.     Терроризмоос сэргийлэх арга хэмжээний нэгдсэн төлөвлөгөө, Зохицуулах зөвлөлд танилцуулах мэдээ мэдээлэл, баримт бичгийн төсөл боловсруулж, түүнийг биелүүлэхэд шаардлагатай асуудлын талаар Зохицуулах зөвлөлд танилцуулан шийдвэрийг хэрэгжүүлэх;

    2.     Аймаг, орон нутгийн хэмжээнд террорист үйлдлийн сөрөг тусгай ажиллагаанд оролцох цэрэг, тагнуул, цагдаагийн томилгоот салбар, нэгжийн хамтарсан сургалт, дадлагыг зохион байгуулж бэлтгэлийг хангуулах чадвар эзэмшүүлэх арга хэмжээ авах;

    3.     Терроризмтай тэмцэх тухай хуулийг орон нутагтаа хэрэгжүүлэх, биелэлтэд хяналт тавих;

    4.     Терроризмтай тэмцэх үйл ажиллагаанд хуулийн дагуу оролцох төр захиргааны болон хууль хяналтын байгууллагуудыг мэргэжлийн удирдлагаар хангах. 

    Салбар зөвлөлийн эрх: 

    1.     Терроризмаас сэргийлэх ажлын хүрээнд террорист үйлдэлд өртөж болзошгүй үйлдвэр, обьект, хүн ам олноор цуглардаг үзвэр үйлчилгээ, худалдааны газруудад аюулгүй байдлыг хангахтай холбогдсон асуудлаар шалгалт, судалгаа явуулж, шаардлага сэрэмжлүүлэг өгөх;

    2.     Улс оронд болон орон нутагт террорист байгууллага, бүлэг үүсэх, террорист үйлдэл гарах шалтгаан, нөхцөл бүрдэхээс сэргийлэх зорилгоор холбогдох байгууллага. албан тушаалтнаас мэдээ, мэдээлэл, судалгаа гаргуулан авах, илтгэлийг хэлэлцэн шийдвэр гаргаж биелүүлэхийг шаардах;

    3.     Терроризмоос сэргийлэх талаар сурталчилгааны ажлыг орон нутгийн төр, захиргааны байгууллага, хуулийн этгээдтэй хамтран хэвлэл мэдээллийн хэрэгслийг ашиглан явуулах;

    4.     Терроризмтай тэмцэх тухай хууль, хууль тогтоомж зөрчсөн этгээдэд Эрүүгийн хариуцлага хүлээлгэхээргүй бол мөн хуулийн дагуу захиргааны шийтгэл ногдуулах. 

    Салбар зөвлөлийн гишүүн дараахь бүрэн эрхийг хэрэгжүүлнэ:

    1. Салбар зөвлөлөөс зохион байгуулж буй арга хэмээнд оролцох
    2. Салбар зөвлөлийн шийдвэрийг биелэлтийг өөрийн хариуцсан алба, байгууллага, чиглэлийн хүрээнд зохион байгуулах
    3. Шаардлагатай мэдээ, мэдээллээр Салбар зөвлөлийн хангах
    4. Хуралдаанд оролцож санал дүгнэлт гаргаж, санал хураантад оролцох
    5. Орон нутаг дахь төрийн болон төрийн бус байгуулллага, аж ахуй нэгж, албан тушаалтан, иргэд өмчийн төрөл, хэлбэр харгалзахгүйгээр Салбар зөвлөлд шаардлагатай мэдээ, мэдээллийг тогтоосон хугацаанд гаргаж өгөх, Салбар зөвлөлийн шийдвэрийн биелэлтийг хангах ажлыг зохион байгуулж, дүнг Салбар зөвлөлд танилцуулах

                Салбар зөвлөлийн өдөр тутмын үйл ажиллагааг зөвлөлийн нарийн бичгийн дарга эрхлэн явуулах ба ажлын албаны үүргийг Баян-Өлгий аймаг дахь тагнуулын хэлтэс гүйцэтгэнэ. 

    Терроризмтой холбоотой гарсан эрхзүйн актууд

    • Террзоримтой тэмцэх тухай хууль
    • Мөнгө угаах болон терроризмыг санхүүжүүлэхтэй тэмцэх тухай хууль
    • Монгол улсын Эрүүгийн хууль /178 зүйл/
    • Тагнуулын байгууллагын тухай хууль
    • Зохицуулах зөвлөлийн дүрэм
    • Зохицуулах зөвлөлийн ажиллах журам
    • Террорист үйлдлийн сөрөг тусгай ажиллагааны дүрэм
    - Холбогдох хууль, тогтоомжуудтай энд дарж танилцана уу.

    - Холбогдох төрийн байгууллагуудын хүлээх зарим эрх, үүргийн эндээс татаж авна уу.

    - Терроризмын эсрэг Монгол Улсын олон улсын эрх зүйн баримт бичгийн жагсаалт татаж авах.

  • “Баг-иргэний засаг захиргаа” хэлэлцүүлэг Баян-Өлгийд боллоо
    “Баг-иргэний засаг захиргаа” хэлэлцүүлэг Баян-Өлгийд боллоо

    Анхан шатны нэгж хэрхэн ажиллах жишээг алс баруун хязгаарын казах түмэн харуулж байна. Хөдөөгийн айл өрхүүд нь овог удмаараа, хөрш саахалтаараа хорших байдлаар бие даан амьдрахад чадваржсан, багийн төвүүддээ төрийн үйлчилгээнээс гадна соёл уламжлал, ёс заншлаа хадгалах орчин нөхцөл бүрдүүлсэн байна. Ард иргэдийнхээ эрүүл, аюулгүй амьдрах орчныг хамгаалах чиглэлээр Өлгий сумын 8-р багийн Засаг дарга Ж.Жулдызын туршлагыг аймгийн удирдлагууд онцолж байна. Тус багт ашиглаж байгаа гүний 170 гаруй гар худгийг мэргэжлийн байгууллагаар шинжлүүлэхэд 120 нь бохирдолтой гарсан учраас тэрбээр “Ундны цэвэр ус” хөтөлбөр боловсруулж, төсөл сангуудаас хөрөнгө босгон айл өрхүүдээ хамруулжээ. Аливаа асуудлын шийдлийг дээд байгууллагууд рүү зааж суулгүй иргэдийнхээ хүч, сэтгэлийг нэгтгэн хийж болохыг харуулсан энэ мэт туршлагаасаа Өлгийчүүд “Баг-иргэний засаг захиргаа” хэлэлцүүлгийн үеэр танилцууллаа.

    ЗГХЭГ-аас орон нутагт зохион байгуулж байгаа энэ хэлэлцүүлгийн үеэр бусад аймгийн шилдэг туршлагаас ч танилцуулж байгаа юм. Сэлэнгэ аймгийн Мандал сумын 5-р баг буюу Түнхэл тосгоны Засаг дарга С.Раднаабазар Өлгийчүүдэд ажлын туршлагаа хуваалцахдаа хүн амынх нь 25 хувийг казахчууд эзэлдэг Түнхэл тосгон бол Сэлэнгэ аймгийн казах бүс хэмээн тодотгож байв. С.Раднаабазар гуай багийн Засаг даргаар 6 жил ажиллахдаа тосгоныхоо өнгө төрх, хэвшил соёлыг илт өөрчилсөн юм. Нэн яаралтай шийдэх асуудлаа иргэдийнхээ саналаар тодорхойлж, түүнийгээ биелүүлэхийн тулд иргэдийнхээ идэвхийг өрнүүлж хүчийг нь нэгтгэж, хувийн хэвшил болон гадаад дотоодын төсөл хөтөлбөрөөс санхүүжилт татсанаар төсвийн хөрөнгөөр л хийж чадахуйц олон бүтээлч ажил амжуулсан байна. Тосгоноо цаашид сум болгож өргөжүүлэх тэмүүлэл бидэнд бий, гэхдээ үүнийг өөрсдөөсөө эхэлж, орчин нөхцөлөө сумын дайтай болгож хөгжүүлэхийг хичээдэг гэж С.Раднаабазар дарга ярилаа.

    Иргэдийн шилжилт хөдөлгөөнийг баг дээрээ шийддэг болох, халамжийн зарим үйлчилгээг төсөв мөнгөтэй нь багт шилжүүлэх, малчидтай харилцах харилцаанд шинэчлэл хийх замаар үйлдвэржилтийг дэмжих, багийн өрхийн тоог 80-100 байлгах, багийн хилийн цэсийг газрын зураг дээр баталгаажуулах хэрэгтэй гэсэн саналуудыг Өлгийчүүд дэвшүүллээ. Анхан шатны нэгжийн ажилд Шинэчлэлийн Засгийн газар онцгойлон анхаарал тавьж буйг казах зон талархан дэмжиж байгааг Баян-Өлгий аймгийн ИТХ-ын дарга Б.Лазатхан онцоллоо.

    Засгийн газрын Хэвлэл мэдээлэл, олон нийттэй харилцах алба

  • АЙМГИЙН ИТХ-ЫН ЭЭЛЖИТ ХУРАЛДААН БОЛНО
    АЙМГИЙН ИТХ-ЫН ЭЭЛЖИТ ХУРАЛДААН БОЛНО

    Аймгийн ИТХ-ын ээлжит IX хуралдаан 06 дугаар сарын 16-ны өдрийн Даваа гарагийн 09:00 цагт аймгийн ЗДТГ-ын хурлын танхимд болно.

    Хэлэлцэх асуудлын төлөвлөгөө:

    • Аймгийн ИТХ-ын Төлөөлөгчдийн бүрэн эрхийн тухай
    • Аймгийн 2014 оны төсөвт тодотгол хийх тухай (Энд дарж төсвийн тодотголын саналтай танилцана уу)
    • Авто тээврийн болон өөрөө явагч хэрэгслийн албан татварын хувь хэмжээг шинэчлэн тогтоох тухай
    • Аймгийн 2014 оны газар зохион байгуулалтын төлөвлөгөөнд тодотгол хийх тухай

  • Стандарт батлагдлаа
    Стандарт батлагдлаа

    “MNS 6430:2014 Интернет кафе, цахим тоглоомын үйлчилгээний байранд тавих шаардлага” шинээр стандарт батлагдлаа.
     Стандартчилал, хэмжил зүйн хэлтэс 

  • АЖДХ-ны Баян-Өлгий аймаг дахь салбар Шуурхай албаны машинтай болоо
    АЖДХ-ны Баян-Өлгий аймаг дахь салбар Шуурхай албаны машинтай болоо

    АЖДХ-ны орон нутаг дахь шуурхай албанд ашиглах суудлын автомашин нийлүүлэгчийг сонгох тендерт “Моннис моторс” ХХК шалгарч, ‘Nissan Sunny’ загварын суудлын 12 ширхэг автомашиныг 2014 оны 5 дугаар сарын 19-ны өдөр тус Холбоонд нийлүүлсэн болно. Дээрх суудлын автомашинуудыг АЖДХ ны Завхан, Увс, Ховд, Хөвсгөл, Баян-Өлгий, Говь-Алтай, Архангай, Булган, Хэнтий, Дундговь, Сүхбаатар аймгуудад болон Нийслэлийн алслагдсан дүүрэг болох Налайх, Багануур, Багахангай дахь салбаруудад хүлээлгэж өглөө. АЖДХ-ны 21-н аймаг дахь салбар нь Шуурхай албаны машинтай болсон байна.
    Ингэснээр жолоочийн даатгалын тохиолдол дээр шуурхай очих, холбогдох материалыг бүрдүүлэх, мөн жолоочийн даатгалын хууль тогтоомжийг сурталчилах, хэрэгжилтийг шуурхай хангахад ач холбогдолтой болж байгаа юм.

    АЖДХ-ны Баян-Өлгий аймаг дахь салбар Даатгалын тохиолдол талаарх мэдээлийг 95483570 дуугаарт 24-н цагийн турш холбогдох боломжтой. 

  • Аймгийн ИТХ-ын ээлжит IX хуралдаан болов
    Аймгийн ИТХ-ын ээлжит IX хуралдаан болов

    Баян-Өлгий аймгийн Иргэдийн Төлөөлөгчдийн Хурлын ээлжит IX дүгээр хуралдаан өнөөдөр аймгийн ЗДТГ-ын хурлын танхимд хуралдлаа.

    Энэ удаагийн хуралдаанаар Аймгийн ИТХ-ын зарим Төлөөлөгчдийн бүрэн эрхийг баталгаажуулах тухай, Аймгийн 2014 оны төсөвт тодотгол хийх тухай, Авто тээврийн болон өөрөө явагч хэрэгслийн албан татварын хувь хэмжээг шинэчлэн тогтоох тухай, Аймгийн 2014 оны газар зохион байгуулалтын төлөвлөгөөнд тодотгол хийх тухай тус тус хэлэлцэж холбогдох тогтоол, шийдвэрүүдийг гаргалаа.

  • Засаг дарга Өлгий хотын бүтээн байгуулалтын ажилтай танилцлаа
    Засаг дарга Өлгий хотын бүтээн байгуулалтын ажилтай танилцлаа

    Баян-Өлгий аймгийн Засаг дарга Х.Дармен 2014 оны 06 сарын 14 өдөр Өлгий хотод хийгдэж буй зарим бүтээн байгуулалт, хөрөнгө оруулалтын ажилтай танилцлаа. 

    Аймгийн Засаг дарга Ховд голын төмөр бетон гүүр, Ховд голын ойжуулалтын ажил /2013 -2014 оны/, Ховд голын үеэрээс хамгаалах далангийн ажлуудтай тус тус танилцаж, аж ахуйн нэгж байгууллагуудад хөрөнгө оруулалтын ажлуудыг чанартай гүйцэтгэх талаар үүрэг чиглэл өглөө.

     

     

  • Мал, түүхий эдийн захыг хотын төвөөс гаргана
    Мал, түүхий эдийн захыг хотын төвөөс гаргана

    Баян-Өлгий сумын мал, түүхий эдийн захыг хотын төвөөс гарган хотоос зайдуухан газар байрлуулахаар хашаа хайс барьсан байна. Гэтэл мал, мал аж ахуйн түүхий эдээр арилжаа наймаа хийдэг хүмүүс үүнийг дургүйцэж байгаа тул цагдаа, мэргэжлийн хяналтын байгууллагууд албадах арга хэрэглэхээ мэдэгдэв.

    Эдгээр захыг нүүлгэж байгаагийн гол далим нь шинээр баригдсан битүү зах дээр бүх юмыг бөөгнүүлэх, бизнесийг нэг л гарт атгах зорилго дээр байгаа ч гэсэн хотын дунд орчим байрласан хуучин захуудад эрүүл ахуй, ариун цэврийн дэг журам алдагдан хүнсний аюулгүй байдалд хохирол учирч байна гэж мэргэжлийн байгууллагууд тогтоожээ.

    Ер нь хүний эрх, эрх чөлөөг дээдлэн хүндэтгэх нь сайн хэрэг боловч хоцрогдлыг арилгах, соёлыг нэвтрүүлэхэд албадлагын арга хэрэглэж болохыг нийтээрээ хүлээн зөвшөөрдөг юм байна.

  • Ойжуулалтын ажлын талаарх мэдээлэл
    Ойжуулалтын ажлын талаарх мэдээлэл

    2014 онд Улсын төсвөөр Улаанбаатар хот явах хар замын дагуух  “Ногоон хэрэм” -ийн ойн туслах зурвас байгуулах ажлыг “Буыршын” ХХК-н 10 га талбайд 6000 ширхэг мод, Ховд голын эрэг дагуу “Ховд сафари” ХХК орон нутгийн төсвөөр 25 га талбайд 15000 ширхэг мод, мөн орон нутгийн төсвөөр Ойжуулалтын ажлыг 3 компани 9 га талбайд 5400 ширхэг мод тарих ажлыг гүйцэтгэж байна.

    Монгол улсын хэмжээгээр ойн тооллогын ажил явагдаж байгаа бөгөөд манай аймагт Мэргэжлийн байгууллага болох “ГРАНД ФОРЕСТ” ХХК ирж Улаанхус, Цэнгэл, Сагсай, Алтай сумдад ажиллаж байна.

    Үүний дараа Ногооннуур, Алтанцөгц, Бугат, Баяннуур сумдад ойн толлогыг хийнэ. Энэ ажил 2 сар үргэлжлэх болно.

    Сум дундын ойн анги

  • Алслагдсан сумд өндөр хурдны шилэн кабелийн сүлжээнд холбогдлоо
    Алслагдсан сумд өндөр хурдны шилэн кабелийн сүлжээнд холбогдлоо

    Пүрэв гариг бүр зохион байгуулдаг “Ерөнхий сайдын 30 минут” уулзалт алслагдсан сумдад интернетийн үйлчилгээг хүргэж, ашиглалтад хүлээн авах цахим уулзалтаар эхэллээ. Мэдээллийн технологи, шуудан, харилцаа холбооны газраас эрхлэн хэрэгжүүлж байгаа “Мэдээлэл, холбооны үндсэн сүлжээний өргөтгөл, шинэчлэл” төслийн хүрээнд 150 суманд 9000 орчим км өндөр хурдны шилэн кабелийн сүлжээ, дамжуулах байгууламжийг байгуулаад байгаа юм. Үүний үр дүнд Монгол Улсын нийт сумдын 90 хувь нь өндөр хурдаар интернет болон бусад цахим үйлчилгээг авах боломжтой болж байна. Өндөр хурдны шилэн кабелийн сүлжээнд холбогдсон 150 сумаас 128 нь нэгдсэн хяналтын системд орж, үйлчилгээ явуулахад бэлэн болжээ.

    Баян-Өлгий аймгийн Цагааннуур, Баянхонгор аймгийн Жаргалант, Сүхбаатар аймгийн Түмэнцогт, Өмнөговь аймгийн Хүрмэн, Булган аймгийн Тэшиг сумдын иргэдийн төлөөлөлтэй Ерөнхий сайд Н.Алтанхуяг цахим хэлбэрээр холбогдож, орон зайн хамааралгүйгээр дэлхий нийтийн мэдээллийн сүлжээнд нэгдэх боломж бүрдэж байгаад нь баяр хүргэлээ.  Алслагдсан сумдад интернетийн үйлчилгээ хүрснээр зайн сургалт, алсын оношлогоо, цахим хурал зохион байгуулах зэрэг олон боломжийг шинээр бүрдүүлж байгаагаараа ач холбогдолтой гэж Ерөнхий сайд хэллээ. 

    Цахим хуралд аймгийн Засаг дарга Х.Дармен, ЗДТГ-ын НХХ-ийн дарга С.Ерия, Мэдээлэл Холбооны Сүлжээ ТӨК, МЦХ ХК-ны удирдлагууд, Цагааннуур сумын иргэд, хөдөлмөрчид оролцлоо.

  • Агнуур зохион байгуулалт, менежментийн төлөвлөгөөний талаарх хийгдэж байгаа ажлууд
    Агнуур зохион байгуулалт, менежментийн төлөвлөгөөний талаарх хийгдэж байгаа ажлууд

    Аймгийн хэмжээнд ерөнхий агнуур зохион байгуулалт, менежментийн төлөвлөгөө хийлгэх 35.0 сая төгрөгийн тендер зарлаж, шалгарсан “Монголын анчдын нийгэмлэг” ТББ-тай гэрээ байгуулж, гэрээний дагуу ажлын гүйцэтгэлд хяналт тавьж ажиллаж байна. Ажлын явц 86 %-тай байна. Бугат, Буянт, Улаанхус, Булган сумуудын газар нутаг нарийвчилсан агнуур зохион байгуулалтын ажлын зардлыг сумдаас гаргуулж, хийлгэж байна гэж Байгаль орчны газраас мэдээллээ.

  • Баян-Өлгий аймгийн Наадам 7 дугаар сарын 5,6 -ны өдөр болно
    Баян-Өлгий аймгийн Наадам 7 дугаар сарын 5,6 -ны өдөр болно

    Баян-Өлгий аймгийн наадам 07 дугаар сарын 05, 06-ны өдрүүдэд болно. Аймгийн ИТХ-ын Тэргүүлэгчдийн 2014 оны 97 дугаар тогтоолоор баяр наадмын арга хэмжээнүүдийг зохион байгуулах ерөнхий комисс болон салбар хороод байгуулагдаж, бэлтгэл ажил явагдаж байна.

    Тус аймгийн баяр наадамд Монгол Улсын Ерөнхийлөгч Цахиагийн Элбэгдорж оролцохоор боллоо.

    ЕРӨНХИЙ КОМИСС, САЛБАР ХОРОО БАЙГУУЛАХ ТУХАЙ - ТОГТООЛ

  • Аймгийн Засаг дарга Сэтгүүлчдийг хүлээн авч уулзлаа
    Аймгийн Засаг дарга Сэтгүүлчдийг хүлээн авч уулзлаа

    Аймгийн Засаг дарга орон нутгийн сэтгүүлчидтэй уулзаж, аймаг орон нутагт хийгдсэн, төлөвлөж буй ажлууд болон цаг үеийн шинжтэй үйл ажиллагааны талаарх мэдээллийг өгч, сэтгүүлчдийн сонирхсон асуултанд хариулт өглөө.

    Энэ удаагийн уулзалтанд аймгийн Засаг дарга Х.Дармен аймгийн ИТХ-ын ээлжит IX хуралдааны тухай, 2014 оны төсөвт хийгдсэн тодотгол, автотээврийн хэрэгслийн татвар, Сүү, цагаан идээний яармаг худалдаа зохион байгуулах тухай, Монголын Тогызкумалакын холбоо, Тогызкумалакын олон улсын тэмцээн зохион байгуулах шаардлагын тухай, Алтай Таванбогд уулын тэнгэрийг тайх ёслолын тухай, Наадмын тухай, Ер Жанибекийн 300 жилийн ойн баярын арга хэмжээтэй холбоотой мэдээллүүдийг сэтгүүлчдэд өглөө. 

  • Тогызкумалакын олон улсын тэмцээн - Фото
    Тогызкумалакын олон улсын тэмцээн - Фото

                                                                                                                                          

  • Архивын тасгийн хамт олон сургалтанд хамрагдав
    Архивын тасгийн хамт олон сургалтанд хамрагдав

    2014 оны 6 дугаар сарын 12-13-ны өдрүүдэд Баян-Өлгий аймгийн ЗДТГ-ын Архивын тасгийн хамт олон Увс аймагт очиж, Архив, албан хэрэг хөтлөлтийн талаар туршлага судлав. Увс аймгийн ЗДТГ-ын Архивын албаны үйл ажиллагаа болон сум, хэлтэс, агентлагуудын дотороос Улаангом сумын Засаг Даргын Тамгын газар, Хөдөлмөрийн хэлтсийн архив, албан хэрэг хөтлөлтийн ажилтай танилцаж, ажлын арга барил, архивын баримтын хадгалалт, хамгаалалтын талаар хоёр тал санал бодлоо солилцов. 

     

  • Ер Жанибекийн 300 жилийн ойг зохион байгуулах комисс байгуулав
    Ер Жанибекийн 300 жилийн ойг зохион байгуулах комисс байгуулав

    Казахын ард түмний их жанжин Ер Жанибекийн 300 жилийн ойг Баян-Өлгий аймагт 2014 оны 09 дүгээр сарын 13, 14 өдрүүдэд зохион байгуулахаар болоод байгаа билээ.

    Аймгийн ИТХ-ын Тэргүүлэгчдийн 2014 оны 06 дугаар сарын 26 –ны өдрийн хуралдаанаар дээрх баярын арга хэмжээг зохион байгуулах ерөнхий комиссыг дараах бүрэлдэхүүнтэйгээр баталлаа.

    Комиссын дарга – Аймгийн ИТХ-ын дарга Б.Лазатхан;

    Нарийн бичгийн дарга – Аймгийн ЗДТГ-ын дарга Т.Манкей;

    Гишүүд –      Х.Дармен /Аймгийн Засаг дарга/

                            Д.Мурат /Аймгийн ИТХ-ын Тэргүүлэгч/

    Х.Солтанхан / Аймгийн ИТХ-ын Төлөөлөгч/

    С.Ерия /НХХ-ийн дарга/

    Т.Солтан /Соёлын гавьяат зүтгэлтэн/

    Х.Ислам /Доктор, профессор/

    Х.Хайнар /ССАЖГ-ын дарга/

    М.Ертай /Казах үндэсний театрын дарга/

    С.Онгар /Өлгий сумын ИТХ-ын дарга/

    Г.Золбаяр /Нийгэм, эдийн засгийн судалгааны төвийн захирал/

    Б.Өмирбек /Түүхийн ухааны доктор/

    Р.Сураган /МҮОНРТ-ийн аймаг дахь салбарын захирал/

    О.Хабсатор /Дэлхий казахуудын нийгэмлэгийн төлөөлөгч/

    Ы.Марат /Чөлөөт ахмадын холбооны тэргүүн/

    М.Азатхан /Монголын Ислам шашинтны Муфтият холбооны тэргүүн/

    Хурметхан /Аймгийн арслан/.

  • Б.Сейлханыг аймгийн
    Б.Сейлханыг аймгийн "Хүндэт иргэн"- ээр өргөмжлөв

    Аймгийн ИТХ-ын Тэргүүлэгчдийн 2014 оны 06 дугаар сарын 26 дугаар өдрийн ээлжит хуралдаанаар Монгол Улсын ард түмний баатар, ахмад дайчин Бүркитбайн Сейлханыг аймгийн "Хүндэт иргэн"- ээр өргөмжилж, шагналыг нь гардуулав. 

  • "Сумын чуулган" Баян-Өлгий аймагт амжилттай зохион байгуулагдав

    Ардчилсан хувьсгалын 25 жилийн ойн хүрээнд Ардчилсан намын Хэрэг эрхлэх газраас зохион байгуулж буй “Сумын чуулган” сургалт хэлэлцүүлгийг Баян-Өлгий аймгийн Улаанхус суманд зохион байгуулав. Уг хэлэлцүүлгийн нээлтэнд аймгийн Засаг дарга Х.Дармен, Ардчилсан намын Нарийн бичгийн дарга Э.Батсуурь нар оролцов.

    Ардчилсан намаас 2014 оныг “Дотоод сургалтын жил” болгон зарласантай холбогдуулан энэ онд 331 сумдын анхан шатны нэгжүүдээр сургалт зохион байгуулахаар төлөвлөөд байгаа билээ. Ардчилсан намын Нарийн бичгийн дарга Э.Батсуурь ахалсан баг анхан шатны намын нийт гишүүддээ “Би хаана явна вэ?- Өөрийгөө таньж бусдыг манлайлах нь” , “Багийн дотор би хэн бэ?”, “Эв нэгдэл багийн амжилт” гэсэн сэдвүүдээр гишүүд дэмжигчиддээ сургалт зохион байгууллаа. Энэ нь анхан шатны гишүүддээ мэдээлэл өгч, мэдлэгийг нь баталгаажуулахаас гадна тэднийг багаар ажиллах нь амжилтанд хүргэх ач холбогдолтой сургалт болжээ.

  • АЙМАҚ ӘКІМІ ДӘРМЕН ҚҰЗЫКЕЙҰЛЫНЫҢ ҚАСИЕТТІ РАМАЗАН АЙЫНА ОРАЙ АЙМАҚ ХАЛҚЫНА ЖОЛДАҒАН ҚҰТТЫҚТАУЫ
    АЙМАҚ ӘКІМІ ДӘРМЕН ҚҰЗЫКЕЙҰЛЫНЫҢ ҚАСИЕТТІ РАМАЗАН АЙЫНА ОРАЙ АЙМАҚ ХАЛҚЫНА ЖОЛДАҒАН ҚҰТТЫҚТАУЫ

    АЙМАҚ ӘКІМІ ДӘРМЕН ҚҰЗЫКЕЙҰЛЫНЫҢ ҚАСИЕТТІ РАМАЗАН АЙЫНА ОРАЙ АЙМАҚ ХАЛҚЫНА ЖОЛДАҒАН ҚҰТТЫҚТАУЫ

    Қадірменді аймақ жұртшылығы! Баршаңызды мүбарак Рамазан айының келуімен шын жүректен құттықтаймын! Ұлы жаратушының пенделеріне тартқан теңдессіз сыйы – қасиетті Рамазан – сансыз сезімдер мен толып тасыған ізгі ойлардың салтанат құрған, күн мен түн де тұтастай Жасаған Иеміздің рахымы мен мейіріміне тұнған ай. Басқа уақытпен салыстырғанда жақсылықтар мен сауаптардың сансыз еселеніп жазылар айы да – осы Рамазан.

    2014 жылы аймағымыз жұртшылығы жан саны мен мал басы, экономикасы қарқынды өсіп, молынан атқарылған жасампаздық істерімен Рамазан айына қауышып отыр. Қазіргі мәлімет бойынша қылмыс қайшылық өткен жылғы осы уақытпен салыстырғанда 19,9 пайызбен, айықтырғышқа түскен азаматтар саны 24,9 пайызбен, балалар қылмысы 14,3 пайызбен, арақ ішіп істелген қылмыстар 30,8 пайызбен азайғандығы белгілі болуда. Бұл сан айғақтар халқымыздың имандылыққа бет бұрғанын айғақтайды.

    Биылғы жылы ораза айы шіліңгір шілдеге дөп келгенімен, Алла тағала құлшылық қылған пенделеріне сабырлылық, төзімділікті молынан нәсіп ететіндігімен ерекшеленбек. Осы орайда аймағымыздағы, сұмындардағы барлық ұйым-мекемелер өздерінің ауыз бекітіп, жаратқанға ниет еткен жұмысшы, қызметкерлеріне жағдай жасап, жұмыс бөлістерін сәйкестіріп көмек көрсетулері қажет. Ораза ұстаған азаматтарымызға аймағымыздың әр үйінен ауызашарлар беріліп, мұсылмандық міндеттер өтелсе, бұл – бір жағынан сауапты іс, екіншіден ағайынның береке-бірлігін арттыру, ауызбіршілікті жақсартуға жасаған маңызды қадам болып есептелер еді. Сонымен қатар, арақ-шарап қолданысын азайту, той, мерекелерді ішімдіксіз атап өтуге барша азаматтар, мекемелер  назар аударса нұр үстіне нұр болары сөзсіз.

     Құрметті мұсылман бауырлар! Ағайындар! Алла тағала рамазан айында ұстаған оразаларымыз бен құлшылық-ғибадаттарымызды қабыл етіп, екі дүниенің бақытына бөлегей! Халқымыздың ынтымақ-бірлігін арттырып, ырыс-несібесін адалынан молайтуға жазғай!

    Дінімізге қуат, өзімізге иман байлығын берсін!

    Құрметпен,

     

    АЙМАҚ ӘКІМІ                                       ДӘРМЕН ҚҰЗЫКЕЙҰЛЫ

  • МУ-ын Хөдөлмөрийн баатар, олимпийн аварга Э.Бадар-Ууганыг хүлээн авч уулзлаа
    МУ-ын Хөдөлмөрийн баатар, олимпийн аварга Э.Бадар-Ууганыг хүлээн авч уулзлаа

    Аймгийн Засаг дарга Х.Дармен Монгол Улсын Хөдөлмөрийн Баатар, Бээжингийн олимпийн аварга, МБХ-ны дэд Ерөнхийлөгч Э.Бадар-Ууганыг хүлээн авч уулзлаа. 

  • Таванбогд хайрханы төрийн тахилга боллоо
    Таванбогд хайрханы төрийн тахилга боллоо

    Өндөр их Алтайн оргил, Монгол Улсын дээвэр болсон Алтай Таван богд хайрханы Тэнгэрийг тайх ёслол 7 дугаар сарын 3-ны өдөр Баян-Өлгий аймагт ёслол төгөлдөр боллоо. 2012 онд Монгол Улсын Ерөнхийлөгч зарлиг буулгаж түүхт энэхүү хайрханыг тахих тухай шийдвэр гаргаснаас хойш ийнхүү анх удаа Төрийн тахилга үйлдэж буй юм.

    Тус арга хэмжээнд Монгол Улсын Ерөнхийлөгч Цахиагийн Элбэгдоржийг дагалдан Ерөнхийлөгчийн Тамгын газрын дарга П.Цагаан, УИХ-ын гишүүн, Төрийн байгуулалтын байнгын хороон дарга А.Бакей, ҮАБЗ-ийн Нарийн бичгийн дарга Ц.Энхтүвшин, Монгол Улсын Анхны Ерөнхийлөгч П.Очирбат, Ерөнхийлөгчийн зөвлөх Л.Болд, Зэвсэгт хүчний жанжин штабын дарга, дэслэгч генерал Ц.Бямбажав, Баян-Өлгий аймгийн ИТХ-ийн дарга Б.Лазатхан, тус аймгийн Засаг дарга Х.Дармен нарын албаны төлөөлөгчид болон  Гандантэгчинлэн хийдийн хамба лам Д.Чойжамц, Төрийн хошой шагналт, Ардын жүжигчин Н.Жанцанноров, төрийн соёрхолт, Ардын уран зохиолч Б.Лхагвасүрэн, Даян аварга А.Сүхбат нарын зочид, нутгийн зон олон оролцов.

    Тахилгын үеэр Монгол Улсын Ерөнхийлөгч хэлсэн үгэндээ “Алтай бол үндэстэн мандан бадрахад түшиг тулгуур болж, бууран доройтоход өмөг халхавч болсон түүхэн нутаг. Найман зууны тэртээ намхан чийрэг монгол морьдын туурайнд тамгалагдсан нутаг билээ. Уртын дуу эгшиглэж, уран биелгээ дэвжсэн газар орон. Энэ газар шороон дээр эх түүхийн маань нэг хэсэг бичигдсэн юм. Нүүдэлчин ард түмний аугаа их түүх бичигдсэн нутаг.

    Нөгөө талаар овоо босгож тахина гэдэг нь эх газар нутгийнхаа бүрэн бүтэн байдлыг бататган бэхжүүлэх, иргэдийнхээ эх оронч үзлийг бадраах утга санаа, үйлдлэг сэтгэлгээг агуулдагт тайлга тахилгын ёслолын ач холбогдол оршино.

    Их эзэн Чингис хааны байгуулсан Монголын эзэнт гүрний газар нутгийн төв дунд оршиж байсан Алтайн уулс эдүгээ монголын олон угсаатан ястны эв найртай орших орон гэр, хөгжин дэвжигч бүс нутгийн бэлгэдэл төдийгүй мөнхийн хөрш Орос, Хятад улстай уул усны холбоотон, улс төр, эдийн засаг, нийгэм-соёлын түнш, уугуул суугуул хүн зоны хувьд эрх тэгш, эв найрамдалтай, энх мөнх зэрэгцэн оршихуйн бэлгэдэл болон сүндэрлэж байна.

    Иймээс Алтай ханы Таванбогдын төрийн тахилга нь Монгол Улсын тусгаар тогтнол, газар нутгийн бүрэн бүтэн байдал хийгээд энхийг эрхэмлэгч гадаад бодлогын гүн утга бэлгэдэлтэй бас холбоотой юм аа.  

    Өнөөдөр бид өвөг дээдсийнхээ өнө эртний энэ сайхан ёс заншил, түүх соёл, төрт ёсны уламжлалыг баримтлан уул овооны тэнгэрийг тайх төрийн тахилгын ёслолыг эдүгээ цагийн байдалд нийцүүлэн үйлдэж байна. Энэ бол хөрст дэлхийдээ оршиж, хөх тэнгэртээ сүслэж ирсэн босоо заяат Монгол түмний бахархалт сайхан уламжлал. Байгаль эхээ хайрлах бодлого ухааны илэрхийлэл. Нүүдэлч түмний сэтгэмжийн нэн содон ёс заншил, соёл юм.Усыг нь уувал, ёсыг нь дага гэсэн үг бий” хэмээсэн юм.  

    Алтай Таван богд хайрханы тэнгэрийг тайх ёслолыг ийнхүү анх удаа үйлдэх үеэр шинээр овоо босгосон бөгөөд хурандаа Нямсүрэн захирагчтай Хилийн цэргийн дугаар ангийн адуу сүргээс улаан борь морийг сонгон авч сэтэрлэн тэнгэрийн хүлэг болголоо. Монгол Улсын арав дахь Төрийн тахилгат их хайрхан Алтай таван богд уулыг уламжлалт Монгол зан үйлээрээ тахисан бөгөөд нутгийн зон олон өргөнөөр оролцсон юм.  

    Дашрамд дурьдахад Монгол Алтайн нурууны Алтай Таван Богд уул нь Монгол улсын хамгийн өндөр уул /4374 м/ бөгөөд Баян-Өлгий аймгийн Цэнгэл, Улаанхус сумдын заагт оршдог.

    Таван Богд уул нь таван үндсэн оргилтой бөгөөд Монголын хамгийн том гурван мөсөн гол болох Потанины мөсөн гол, Александрын мөсөн гол, Гранегийн мөсөн голууд Таван Богдод оршдог.

    Энэхүү хайрханд анхлан 1956 онд Монголын уулчид авирч байснаас хойш 700 гаруй уулчид авиралт хийгээд байна.  1996 онд Алтай Таван Богд уул, Хотон, Хурган, Даян нуур, Ховд, Хар салаа, Цагаан салаа, Сонгинот, Ёлт зэрэг голуудын ай савуудыг хамруулан Алтай Таван Богдын байгалийн цогцолборт газар хэмээн улсын хамгаалалтанд авсан. Мөн эрдэмтэдийн тооцож буйгаар Монгол Алтайн нурууны байгалийн урлан болсон газруудад 65 мянга орчим хадны зураг илрээд буй билээ. 

  • Алтайханы Таван богд уулын тэнгэрийг тайх ёслолын ажиллагаанд Баян-Өлгий аймгийн засаг дарга Х.Дармений хэлсэн үг
    Алтайханы Таван богд уулын тэнгэрийг тайх ёслолын ажиллагаанд Баян-Өлгий аймгийн засаг дарга Х.Дармений хэлсэн үг

    АЛТАЙХАНЫ ТАВАН БОГД УУЛЫН ТЭНГЭРИЙГ ТАЙХ ЁСЛОЛЫН АЖИЛЛАГААНД БАЯН-ӨЛГИЙ АЙМГИЙН ЗАСАГ ДАРГА Х.ДАРМЕНИЙ ХЭЛСЭН ҮГ

    Дэлхийн хийморь болсон Төв Азийн ноён оргил Монгол Алтайн сүр жавхалант Таван богд уулын тэнгэрийг тайх төрийн их ёслол, тахилгад морилон ирсэн Монгол Улсын эрхэм хүндэт Ерөнхийлөгч өө!

    Монгол төрийн түшээ УИХ-ын гишүүд, сайд, Ерөнхийлөгчийн Тамгын газрын дарга нар аа! Хөрш зэргэлдээ аймгуудын удирдлагууд аа!

    Энд хуран цугларсан эрхэмсэг ноёд хатагтай, бурханы шавь хуврагууд, хол ойрын зочид, нутгийнхаа зон олон та бүхэндээ их тахилгын сүүн сэтгэлийн мэндчилгээг хүргэж, сайн сайхан бүхэн дэлгэрч, саар муу бүхэн арилахын өлзийтэй ерөөлийг өргөн дэвшүүлье.
    Нүүдэлийн соёл иргэншлийн хувьд эх байгалиа шүтэн бишрэх, байгальтайгаа зохицон амьдрах арга ухааны олон зууны тэртээгээс өнөө болтол уламжлагдан ирсэн нь уул овооны тахилга тайлга билээ. Төв Азийн нүүдэлчид бид хүний хүсэл тэмүүлэл байгальд нөлөөлдөг гэж итгэдэгээс гадна уул усаа тахих нь хүний сэтгэл санааг засах, хийморь лундааг сэргээх ариусгал хэмээн үздэг ээ. Энэ нь нэн эрт үеэс өвөг дээдсээс маань өвлөгдөн ирсэн зан заншлын нэг хэлбэр бөгөөд байгаль дэлхийгээ хайрлан хамгаалж, хүн байгалийн амин хэлхээ холбоог улам бэхжүүлсэн өвгөдийн ухаан билээ. 
    Байгалийн нөөцөд тулгуурласан орчин үеийн техник технологийн үсрэнгүй хөгжилөөс хамааралтай уур амьсгалийн өөрчлөлт нь байгаль дэлхийтэй амь нэгтэй хүн төрлөхтөний заямал амьдралд сөргөөр нөлөөлж байгааг та бид сайн мэднэ. Дулаарал, өдөр бүр эрчээ авч буй цөлжилт, хүрээлэн буй орчны бохирдол бол дэлхий даяар анхаарал татсан, хүн бүхнээс санаа сэтгэл гаргаж, анхаарал хандуулахыг шаардсан асуудал мөн. 2009 онд Баян-Өлгий аймгийн ард иргэдийн амьдралын эх үүсвэр нь болсон Ховд голын маань ус багасч, адагтаа хүрэлгүй татарч байсан гашуун түүхийг нутгийн хүмүүс мартаагүй байгаа. Энэхүү явдал нь байгаль дэлхийгээ хайрлаж хамгаалахгүй бол ирээдүйд юу болохыг анхааруулсан дээд тэнгэрийн нэгэн дохио юм. Сүүлийн 20 гаруй жилд олон гол горхи, булаг шанд, нуур тойром ширгиж усгүй болсон, бохирдсон түгшүүртэй дүн мэдээ байдаг. Ийнхүү байгаль орчны салбарт үүсээд байгаа олон хүндрэлтэй асуудлыг шийдвэрлэхэд ард түмний уламжлалт байгаль хамгаалах зан үйл, өв уламжлалыг сэргээн хөгжүүлж, түгээн дэлгэрүүлж, жам ёсоор нь хөгжүүлэх явдал чухал болж байгааг бид сайтар ойлгож байна.
    Өнөөдөрийн шинжлэх ухаан хүн төрлөхтөний соёл иргэншил Алтайн уулсаас эхтэй болохыг нотлоод байгаа билээ. Таван богд уулын эргэн тойронд байгаа эртний соёл иргэншлийн түүхийг өгүүлдэг Шивээт хайрханы бичээс, цогцолбор дурсгал, Хар ямаатын хүн чулуу, алдарт Цагаан салаа, Бага Ойгорын чулуун галерей өнө эртнээс энэ нутагт хүмүүс амьдарч ирсэнийг гэрчилнэ. Тэнгэрлэг уулыг хүрээлэн орших хөрш зэргэлдээ БНХАУ-ын Шинжан Уйгарын Өөртөө Засах Орон, ОХУ-ын Алтайн БНУлс, Алтайн хязгаар, БН Казахстан улсын Дорнод Казахстан муж болон Монгол улсын баруун аймгууд «Алтай бидний дундын гэр» олон улсын зохицуулах зөвлөлийн хүрээнд нэгдэж, байгаль орчноо хамгаалах, бурханаас заясан энэхүү уулаа түшин хамтдаа хөгжих чиглэлээр тодорхой ажлууд зохион байгуулж, үүнд манай Баян-Өлгий аймаг санаачлага гарган идэвхтэй оролцож байна.

    Байгаль, газар устайгаа зөв зохистой харьцаж онгон дагшин байдлыг нь хадгалан хамгаалах нь хамгийн тулгамдсан асуудал болоод байгаа өнөө үед Монгол Улсын Ерөнхийлөгч зарлиг гарган Алтайханы Таван богд уулыг төрийн тахилгатай болгож, төр, иргэний байгаль орчноо хайрлан хамгаалах үүрэг хариуцлагыг өндөржүүлэн итгэл найдвар хүлээлгэснийг маш чухал шийдвэр боллоо гэж манай аймгийн ард иргэд нэн талархалтай хүлээж авч байгааг тэмдэглэхэд таатай байна. 
    Алтайханы Таван богд уулын тахилгын ёслолын ач холбогдол нь та бидний эх болсон байгаль дэлхийгээ дээдлэн үзэж, хайрлан хамгаалах, газар нутгийнхаа бүрэн бүтэн байдлыг бататган бэхжүүлэх, олон зуун жилийн тэртээгээс уламжлагдан ирсэн ард түмний соёл, өв уламжлалыг сэргээх, үндэсний эх оронч үндэсний үзлийг сэргээн бадраах, эв нэгдлийг эрхэмлэх утга санаа, үйлдлэг сэтгэлгээг дархлаажуулахад оршиж байна.

    Их хайрханы тэнгэрийг тайх ёслолыг 2014 оны 07 дугаар сарын 03-ны билэгт сайн өдөр үйлдсэний үрээр дөрвөн зүг найман зовхист дэлгэр уудам хормойг нь түшин нутаглаж, үр өгөөж буяныг нь хүртэж ирсэн зон олныг Таван богд уулын эзэн савдаг хайр ивээлдээ багтаан, дөрвөн цагийн улиралд өвс ногоо нь тэгш, өнөтэй тарган байж төр түвшин, түмэн олон маань амгалан байх болтугай. 

    Төрийн тахилгат Алтайханы Таван богд уул маань ивээж, сайн сайхан бүхэн дэлгэрэхийн өлзийтэй ерөөлийг өргөн дэвшүүлж, тахилгын ажиллагаа нээснийг уламжильяа.

  • Төрийн дээд одон, медалиар шагнав
    Төрийн дээд одон, медалиар шагнав

    Монгол Улсын Ерөнхийлөгчийн 2014 оны 7 дугаар сарын өдрийн Зарлигаар улсад боловсрол, эрүүл мэнд, үйлдвэр үйлчилгээ, газрын тосны салбарт он удаан жил үр бүтээлтэй ажилласан дараах хүмүүсийг төрийн дээд одон медалиар шагнав. Монгол Улсын төрийн одон, медалиар шагнах арга хэмжээ аймгийн Хөгжимт драмын театрт боллоо. Шагналыг Монгол Улсын Ерөнхийлөгч Ц.Элбэгдорж өөрийн гараар гардуулан өгөв.

    “Гавьяат” – цолоор Өлгий сумын өндөр настан Серикжан, Аятахан,

    “Хөдөлмөрийн гавьяаны улаан туг”-ийн одонгоор Бугат сумын өндөр настан Сахитханы Өмирзах, Дэлүүн сумын өндөр настан Хатраны Айп, Өлгий сумын өндөр настан Хурманбайн Танай, Шакейн Халамхан, Жавийн Цэдэв, Толбо сумын нийгмийн халамжийн байцаагч Халелийн Тахыр,

    “Алтангадас” одонгоор Баян-Өлгий аймгийн НИК ХК-ны цахилгаанчин, сав тоног төхөөрөмжийн засварчин Буханайн Хабай, ГХБХБГ-ын хэлтсийн дарга Малгажын Базархан, Өлгий сумын өндөр настан Цэдэнбалын Балжинням, Авданы Партизан, Оросын Солтанбай, Халиасын Хатра, Монгол банкны салбарын захирал Жунисханы Жагсалаг, Статистикийн хэлтсийн мэргэжилтэн Шакиза Манзелхан, Булган сумын өндөр настан Онгарын Молдахан, Цэнгэл сумын 3-р багийн малчин Жапарын Оралхан, Буянт сумын ЗДТГ-ын нярав Чүлтэмийн Өсөхбаяр, ахмад эдийн засагч, Молдашын Хумырзах, Сагсай сумын өндөр настан Сыдыхын Өтепберген, Мин Да ХХК-ийн захирал Байгабылын Пернебек, Дэлүүн сумын өндөр настан Харабала Солтахан,

    “Хөдөлмөрийн хүндэт медаль”-аар Сансар эмнэлгийн сувилагч Авилмажин Сайран, Өлгий сумын өндөр настан Зайтын Света, 3-р сургуулийн багш Тохтарбайн Сауле, Азык ХХК-ийн мастер Монголханы Харлыгаш, НИК ХХК-ийн түгээгч Байшуахын Хыдыр, Эрчим ХК-ийн сантехникч Хаукений Шабахбай, Бугат сумын ахмад багш Жанимханы Алтангүл нар тус тус шагнагдлаа.

  • Баян-Өлгийчүүд баяр наадмаа тэмдэглэлээ
    Баян-Өлгийчүүд баяр наадмаа тэмдэглэлээ

    Баян-Өлгийчүүд Тулгар төр байгуулагдсаны 2223, Их Монгол улс байгуулагдсаны 808, Ардын хувьсгалын 93 жилийн ойн баярыг 7 дугаар  сарын 05-06-ны өдрүүдэд ёслол төгөлдөр тэмдэглэн өнгөрүүллээ.

    Баян-Өлгий аймгийн наадам өнөр өтгөн болж улсын харцага Ж.Амартүвшин, у.ө.и.н Ж.Оргил, у.н Н.Батзаяа, С.Багахүү нараар манлайлуулсан хүчит 256 бөх зодоглон барилдлаа.

    Барилдаанд энэ онд одтой сайхан барилдаж байсан Ховд аймгийн Мөнххайрхан сумын харьяат, Бишрэлт дэвжээ, Ховд нутгийн хөгжлийн төлөө сангийн бөх сумын заан Бүрнээгийн Баянмөнх найм даван түрүүлж бөх сонирхогчдын хүслийг биелүүлэв. Үзүүрт Дэлүүний Нурланы Мустафа хэмээх тэгшхэн сайхан бөх хүрсэн бол их шөвөгт Баян-Өлгийн залуу арслан Бередмуратын Серик, Ховдын Дарвийн Бальдаржамцын Тайваны хамт шалгарч Тайван харцага боллоо. Дунд шөвөгт үлдсэн Ховдын О.Очбат, Ц.Дармаабазар, Баян-Өлгийн М.Өзгерис, Говь-Алтайн П.Гаанжуурсүрэн нар аймгийн начны болзол хангалаа. Оноолтыг тавын даваанаас үзнэ үү.

    Тавын даваа

    1. Ж.Амартүвшин у.х – Ц.Дармаабазар с.з
    2. Ж.Оргил у.ө.и.н – П.Гаанжуурсүрэн с.з
    3. Н.Батзаяа у.н – Б.Баянмөнх с.з
    4. К.Канат а.а  - О.Очбат с.з
    5. Б.Баатарцол а.а – М.Өзгерис с.з
    6. Б.Серик а.а – Б.Төмөрбаатар а.х
    7. М.Еркебулан а.а – Н.Мустафа а.н
    8. Б.Тайван а.н  - У.Береке а.н

    Зургаагийн даваа

    1. Б.Серик а.а – П.Гаанжуурсүрэн с.з
    2. Б.Тайван а.н – М.Өзгерис с.з
    3. Н.Мустафа а.н – Ц.Дармаабазар с.з
    4. Б.Баянмөнх с.з – О.Очбат с.з

    Долоогийн даваа

    1. Б.Серик а.а – Б.Баянмөнх с.з
    2. Б.Тайван а.н – Н.Мустафа а.н

    Наймын даваа

    1. Н.Мустафа а.н – Б.Баянмөнх с.з

    Их насны морины уралдаанд тус аймгийн Алтай сумын уяач С.Ханыбекийн хээр түрүүлж, аймгийн ерөнхий прокурор Т.Батсүхийн халтар морь аман хүзүүдэв. Мөн жороо морины уралдаанд Баян-Өлгий аймгийн Цэнгэл сумын уяач Кеншиликийн хүрэн, даганы уралдаанд Баяннуур сумын уяач Досболатын хул, шүдлэнгийн уралдаанд Толбо сумын уяач Темелханы хээр, хязаалангийн уралдаанд Буянт сумын уяач Лхагвасүрэнгийн хээр, соёлонгийн уралдаанд Алтай сумын уяач Нарангэрэлийн буурал, азарганы уралдаанд «Суат» компаний захирал С.Шарипийн азарга түрүүлэв.

    Баян-Өлгий аймгийн энэ жилийн баяр наадмын хүндэтгэлийн хуралд Монгол Улсын Ерөнхийлөгч Ц.Элбэгдорж оролцож, боловсрол, эрүүл мэнд, үйлдвэр үйлчилгээ, газрын тосны салбарт он удаан жил үр бүтээлтэй ажилласан дараах хүмүүсийг төрийн дээд одон медалиар шагнав.

  • Алтай ханы Таванбогд хайрханы Төрийн тахилгын ёслол дээр Монгол Улсын Ерөнхийлөгч Цахиагийн Элбэгдоржийн хэлсэн үг
    Алтай ханы Таванбогд хайрханы Төрийн тахилгын ёслол дээр Монгол Улсын Ерөнхийлөгч Цахиагийн Элбэгдоржийн хэлсэн үг

    Өндөр их Алтайн өмөг түшиг Таванбогд хайрханы тэнгэрийг тайх төрийн ёслолд сүсэг итгэлийн өргөл өргөж, сүлд буянаа хурайлан дуудахаар хуран цугласан Эрхэм хүндэт иргэд ээ,

    Нүүдэлчид нь суурин иргэдийг бодвол байгаль дэлхийтэйгээ өдөр бүр тулан харьцаж, хамтдаа оршиж, түүнээс хамаарч ирсэн бөгөөд нүүдэлчдийн уг сурвалжит соёл нь байгалийг дээдлэн шүтэж, байгальд хал балгүй, түүнтэй эвлэрэн зохицож амьдардаг онцлогтой билээ. Манай ард түмэн ерөөл магтаал, мялаалга, тахилгын үгэндээ “Эцэг болсон хөх тэнгэр”, “Эх болсон газар нутгаа” магтан алдаршуулдаг бөгөөд эх дэлхий, төрөлх газар нутгаа хайрлан хамгаалдаг биет бус соёлын өвийн бүхэл бүтэн тогтолцоотой.

    Үүний нэг жишээ бол уул овоо тахих ёс юм. Тахилга хийнэ гэдэг нь сүлд тахилга улирсан сүмбэр их овоог босгож, уул, усны эздийг урин дуудаж, баярлуулан цэнгүүлэх, тэдэнд хүсэл даатгалаа илэрхийлж буй онцгой зан үйл. Энэ дэлхийд эзэн биегүй зүйл гэж нэгээхэн ч үгүй. Тэнд энд хэвтэх чулуу ч эзэнтэй буюу. Уул ус, ургамал амьтан, унасан газар, улс гүрний түүх, бүгд өөрийн гэсэн эзэдтэй. Тэдгээр эзэд нь тэнгэрт ч байна, газарт ч байна.

    Алтай бол үндэстэн мандан бадрахад түшиг тулгуур болж, бууран доройтоход өмөг халхавч болсон түүхэн нутаг. Найман зууны тэртээ намхан чийрэг монгол морьдийн туурайнд тамгалагдсан нутаг билээ. Уртын дуу эгшиглэж, уран биелгээ дэвжсэн газар орон. Энэ газар шороон дээр эх түүхийн маань нэг хэсэг бичигдсэн юм. Нүүдэлчин ард түмний аугаа их түүх бичигдсэн нутаг.

    Нөгөө талаар овоо босгож тахина гэдэг нь эх газар нутгийнхаа бүрэн бүтэн байдлыг бататган бэхжүүлэх, иргэдийнхээ эх оронч үзлийг бадраах утга санаа, үйлдлэг сэтгэлгээг агуулдагт тайлга тахилгын ёслолын ач холбогдол оршино.

    Их эзэн Чингис хааны байгуулсан Монголын эзэнт гүрний газар нутгийн төв дунд оршиж байсан Алтайн уулс эдүгээ монголын олон угсаатан ястны эв найртай орших орон гэр, хөгжин дэвжигч бүс нутгийн бэлгэдэл төдийгүй мөнхийн хөрш Орос, Хятад улстай уул усны холбоотон, улс төр, эдийн засаг, нийгэм-соёлын түнш, уугуул суугуул хүн зоны хувьд эрх тэгш, эв найрамдалтай, энх мөнх зэрэгцэн оршихуйн бэлгэдэл болон сүндэрлэж байна.

    Иймээс Алтай ханы Таванбогдын төрийн тахилга нь Монгол Улсын тусгаар тогтнол, газар нутгийн бүрэн бүтэн байдал хийгээд энхийг эрхэмлэгч гадаад бодлогын гүн утга бэлгэдэлтэй бас холбоотой юм аа.

     

    Өнөөдөр бид өвөг дээдсийнхээ өнө эртний энэ сайхан ёс заншил, түүх соёл, төрт ёсны уламжлалыг баримтлан уул овооны тэнгэрийг тайх төрийн тахилгын ёслолыг эдүгээ цагийн байдалд нийцүүлэн үйлдэж байна. Энэ бол хөрст дэлхийдээ оршиж, хөх тэнгэртээ сүслэж ирсэн босоо заяат Монгол түмний бахархалт сайхан уламжлал. Байгаль эхээ хайрлах бодлого ухааны илэрхийлэл. Нүүдэлч түмний сэтгэмжийн нэн содон ёс заншил, соёл юм. “Усыг нь уувал, ёсыг нь дага” гэсэн үг бий.

    Алтай бол нийгэм, угсаатны соёлын хувьд олон үндэстэн ястны өлгий нутаг мөн. Монголчууд эрх чөлөө, тусгаар тогтнолоо сэргээн мандуулсан 1911 онд Богд хааны зарлиг шийдвэрээр Олноо өргөгдсөн Монгол Улсын бүрэн эрхт харъяат иргэд болсон казак түмэн болоод нутгийн уугуул урианхай, тува, дөрвөд, торгууд, мянгад, хотон, хотгойд, халх, баяд, захчин, өөлд гээд олон ястнууд өмөг түшиг хан Алтайгаа шүтэж, эвтэй найртай аж төрсөөр ирлээ. Өнөө хийгээд хойшид ч ийм л байх болно.          

    Тахилгын ёслолд хүрэлцэн ирсэн ахан дүүс ээ,

    Монгол Алтайн нуруу нь манай орны баруун талд улсын хилийн дагуу баруун хойноос зүүн урагш чиглэн сунаж тогтсон мөнх цас, мөсөн гол, мөсдлийн гаралтай цэвэр цэнгэг нуурууд, өндөр уулсын хооронд үргэлжлэн янз бүрийн түвшинд орших харилцан адилгүй хэлбэр хэмжээтэй хөндий, хотгорууд хосолсон үзэсгэлэнт газар юм.

     

    Хөлгүй их усан далай хөрст дэлхийг бүрхэж байсан эрт галавын үед газрын зулай Алтай ханы их уулс, Хангай хааны Отгонтэнгэрт амьдрал тэмцэл өрнөж байсан тухай өнө эртний домог түүхийг өвөг дээдэс минь хайлан өгүүлсээр ирсэн. Хадны бичээс, зурган түүх, оромж туурь, археологийн олдвор, баримт сэлт байна. Хүннү сүннүгийн үеэс хөгшид өвгөдийн минь нутаг гэдгийг хөрш зэргэлдээ улс гүрэн, улмаар дэлхий нийт ч хүлээн зөвшөөрдөг. Тийм л учраас бөмбөрцөгийн энэ хэсгийн өндөр уулсыг Монгол Алтайн нуруу хэмээн тодотгон нэрлэсэн байдаг.

    Алтай бол газар усны нэр төдийгүй монгол соёл иргэншлийн нэршил мөн. Ардын аман зохиол, үлгэр туульс, түүх домог, дуу хөгжим гээд үндэсний язгуур урлагаас орчин үеийн урлагийн бүхий л төрөлд Алтайн хөг аялгуу, дүр дүрслэл, өнгө хувирал, алтайчуудын амьдрал, түүх, бахархал, зовлон жаргал, хөгжил дэвшил, хүсэл эрмэлзлэл илэрхийлэгддэг юм. Монгол Алтай - Монголын нэрийн хуудас мөн.

     

    Алтайн бүс нутаг бол баялгийн их үүц, тайлагдаагүй түмэн нууцын орон. Энэ бүхнийг судлан нээж, ариг гамтай ашиглах нь тодорхой. Ингэхдээ онгон дагшин байгаль, орчин үеийн технологийн зохистой тэнцлийг олсон ногоон хөгжил, чанартай амьдралын зөв бодлогоор шийдэх ёстой. Монгол орны баруун бүс нутаг ойрын ирээдүйд их бүтээн байгуулалт, хөгжил дэвшлийн шинэ төв болох нь дамжиггүй.

     

    Иймд үйл явдлыг өрнүүлдэг өндөр тахилгат овоотой, өргөн түмэндээ ээлтэй өлзийт буурал Алтай Таванбогдынхоо тэнгэрт түмэн олныхоо хүсэл эгээрлийг Төрийн тэргүүн би даатган айлтгаж байна.

     

    Даяар Монголын ариун голомт, дархан манай тусгаар улсын уул, усны эздийг эрхшээсэн арван гурван Алтайн эзэн тэнгэр, эцэг онгодыг урин залж, баясган цэнгүүлж, өргөлөө өргөж, цацлаа цацаж, өчлөө өчиж, даатгалаа айлтган, хүмүүн болоод байгалийн хүйн холбоо, амин хэлхээг дархлан бататгацгаая.

    Эрхэм хүндэт Баян-Өлгийчүүд ээ,

    Өнөөдрийн энэ сайхан үйлийн санаачлагч нь чухамдаа Та бүхэн билээ. Учир нь өнөр баян Монгол орны минь өрнө зүгийн уулсын манлай Таванбогд хайрханаа төрийн тахилгатай болгох хүсэл сэтгэл, шийдвэр айлтгалаа Баян-Өлгийчүүд төрдөө уламжилсан. Иргэд та бүхний итгэл эрмэлзэл, санал санаачилгыг дэмжиж Монгол Улсын Ерөнхийлөгч 2012 онд анх удаа Алтай ханы Таванбогд хайрханыг төрийн тахилгатай болгох зарлиг гаргасан юм.

    Энэ бол иргэн таны санал хүсэлт төрийн шийдвэр болж буйн илрэл. Иргэдийн оролцоот төр бол ардчилал, хөгжил дэвшлийн баталгаа. Ардчилсан Ерөнхийлөгчийг сонгон, ардчиллыг хөгжүүлж  ирсэн, санасан хэрэг, зорьсон үйлсийг маань ивээн таалсан Өлгийчүүд Та бүхэндээ Алтай Таванбогдын энэ өндөрлөгөөс талархал, хүндэтгэлээ дахин илэрхийлье.

    Ерөнхийлөгчийн зарлиг гарснаар Монгол орны баруун захын хамгийн өндөр цэг, хилийн бүс, Алтай ханы цаст таван хайрхан маань төр ёсны хүндэтгэлт уулс боллоо. Төрийн энэхүү шийдвэрийг болон та бүхний сэтгэл итгэлийг Таванбогдын тэнгэр төдийгүй садан төрөл, саахалт хайрхан Цамбагарав, Цэнгэл, Цагаан дэглий, Ханхөхий, Хархираа, Түргэн, Жаргалант, Бумбат, Баатархайрханы салбар уулс хийгээд горхи булаг, гол, нуур, рашаан, усны эзэд, лус савдаг цөм таалан баясаж байгаа биз ээ.

    Энэ дашрамд Монгол, Орос, Хятад, Казакстан дөрвөн улсын нутгийг дамнан орших Алтайн их уулс, түүнийг хүрээлсэн газар нутгийн байгалийн болон соёлын хосгүй гайхамшигт үнэ цэнийг тодорхойлон дэлхийн өвд бүртгүүлж ЮНЕСКО-ийн шийдвэр батламж гаргуулахаар Дэлхийн байгаль хамгаалах сангаас санал боловсруулж байгааг дуулгахад таатай байна.

    Өлгий нутагт тэнгэрийн хур бууж, газрын хээл гүйцэж, нуур ус тогтож, ургамал цэцэгс дэлгэрч, будаа тариа арвидан, ан амьтан, араатан жигүүртэн, мал сүрэг өсөн үржиж, хүн ардын амгалан жаргалан улам батжих болтугай.

    Сайшаан хэлэхэд Баян-Өлгий аймгийн хөдөлмөрч, хичээнгүй ард түмэн өнгөрсөн онд мал сүргээ таван төрөл дээр нь 113,7 хувиар өсгөжээ. Мөн үр тарианы үйлдвэрлэлээ 44,3 хувиар нэмэгдүүлэн, барилга угсралт, их засварын ажлаа 3 дахин өсгөж улс орныхоо хөгжилд жинтэй хувь нэмэр оруулсан байна. Аймгийн дотоодын нийт бүтээгдэхүүн 12,7 хувь өссөн нь улсын дунджаас дээгүүр гарчээ. Уулын усны тахилга залгаад удахгүй Монгол түмний их баяр наадам болно. Баяр наадмаа өрнүүн их ажил үйлсээр угтаж буй Баян-Өлгийчүүд Та бүхэндээ өргөн дэлгэр сайхан наадахын өлзий ерөөлийг өргөн дэвшүүлье.

    Монгол түмний хийморь золбоо өөдөө бадарч, зорьсон үйл нь тэгшрэн бүтэж, Монгол Улс мөнгөн дуулгат өндөр Алтай шигээ мөнхөд орших болтугай. 

    Хурай Хурай Хурай

  • Ерөнхийлөгч малчин айлд зочилж, Өлгийчүүдтэйгээ уулзав
    Ерөнхийлөгч малчин айлд зочилж, Өлгийчүүдтэйгээ уулзав

    Монгол Улсын Ерөнхийлөгч Цахиагийн Элбэгдорж Төрийн тахилгат Алтай ханы Таван богд хайрханы тэнгэрийг тайх ёслолд оролцсоныхоо дараа Баян-Өлгий аймгийн Цэнгэл сумын малчин Батчулуун болон Халифагийнд тус тус зочилсон юм. Энэ үеэр нутгийн иргэд үе улиран шүтэж дээдэлж ирсэн Монгол алтайн өндөрлөг Таван богд уулыг төрийн тахилгат болгох иргэдийн санаачилгыг хүлээн авч, улмаар төрийн тахилгат хайрхан болгох зарлиг буулгаж ийнхүү байгаль дэлхийгээ баярлуулан төрийн ёс үйлдсэнд сэтгэл дүүрэн байгаагаа илэрхийлсэн юм. Мөн манантай бүрхэг байсан Таван Богд хайрхан Монгол Улсын Ерөнхийлөгчийг үг хэлэнгүүт ойрд цэлмээгүйгээр цэлмэж нар гарсанд нутгийн зон олон ихэд бэлгэшээж буйгаа хэлсэн юм.  

    Малчин айлуудад зочлох үеэр Монгол Улсын Ерөнхийлөгч “Монголчуудаа морио унацгаая” хэмээх уриалга гаргасан бөгөөд нэгдүгээр ангид элсэн орж буй малчдын хүүхдүүдийн өмнө тулгамддаг бэрхшээлийг хэрхэн шийдвэрлэх талаар ярилцав. Ийнхүү Монгол Улсын Ерөнхийлөгч малчин айлд зочлоходоо улс орны нийгэм, эдийн засгийн байдлын талаар болон бусад олон сэдвээр ярилцаж цугласан иргэдийнхээ асуултад хариулсан юм.

    Монгол Улсын Ерөнхийлөгч Цахиагийн Элбэгдорж Төрийн тахилгад оролцоод буцахдаа энэ үеэр тохиож буй Баян-Өлгий аймгийн баяр наадмын баярын хуралд оролцож үг хэлсэн юм.

    “Би Баян-Өлгий аймагт ирж, Баян-Өлгийнхөө ард иргэдтэй уулзаж байгаадаа баяртай байна. Манай Баян-Өлгийчүүд, энд амьдарч байгаа ард иргэд маань хэзээнээс Монгол орныхоо тусгаар тогтнол, бүрэн эрхт байдал, ард түмнийхээ аз жаргалант сайн сайхан амьдралын төлөө тэмцэж, зүтгэж ирсэн баатарлаг уламжлалтай ард түмэн. Энэ сайхан уламжлал өнөөдөр ч гэсэн үргэлжилж байгаа.

    Баян-Өлгий аймгаас, манай Өлгийчүүдийн  дундаас олон хүн улс орныхоо төрийн өндөр цол хүлээж ард олныхоо бахархал болж явдгийг энд цохон тэмдэглэхэд их таатай байна. Энэ удпаагийн баяр наадам их онцлогтой болж байгаа. Манай Баян-Өлгийчүүдээс гарсан санал хүсэлт Иргэдийн төлөөлөгчдийн хурлаар уламжлагдан ирж “Монгол орны хамгийн өндөр цаст хайрхан болсон Алтай Таван Богд хайрханаа төр түмнээрээ тахья, өмнө нь олон зуунаар ард түмэн маань тахиж ирсэн уламжлалаа сэргээе, Ерөнхийлөгч зарлиг буулгаж өгнө үү” гэсэн хүсэлт ирсэн. Ингээд 2012 онд Алтай Таван Богд хайрханаа тахих зарлиг гарсан. Үүний дагуу сая 2014 оны 7 сарын 3-ны билэгт сайн өдөр тахилга маань ёслол төгөлдөр боллоо. Нутгийн ард иргэд маш их талархалтайгаар хүлээж авлаа. Уул хангай, Алтай хархан маань ч маш сайхан хүлээж авлаа. Алтай Таван Богд маань 13 оргилоос бүрддэг, Монгол түмний нүүдэлчин сёолын, энд амьдарч байгаа манай казах, уринахай, тува, дөрвөд түмэн гээд олон ардыг маань үеийн үед ивээж ирсэн оргил билээ”  хэмээн их хайрханы тухай, хүн байгалийн хүйн холбооны тухай, монгол соёл хийгээд байгаль орчны бодлогын талаар дэлгэрэнгүй яриа өрнүүлж нутгийн зон олонд мэндчилгээ дэвшүүлсэн юм.

    Дараа нь Монгол Улсын анхны Ерөнхийлөгч П.Очирбат,  УИХ-ын гишүүн, Төрийн байгуулалтын байнгын хороон дарга А.Бакей, Монгол Улсын Ардын уран зохиолч, Төрийн соёрхолт Яруу найрагч Б.Лхагвасүрэн, Ардын жүжигчин, Төрийн хошой шагналт Н.Жанцанноров, Монгол Улсын дархан аварга А.Сүхбат, Зам тээврийн дэд сайд Х.Ержан нарын зочид төлөөлөгчид Баян-Өлгийн ард иргэддээ зориулж мэндчилгээ дэвшүүлсэн юм.

  • Аймгийн Засаг дарга багийн өдөрлөгт оролцов
    Аймгийн Засаг дарга багийн өдөрлөгт оролцов

    Аймгийн Засаг дарга Х.Дармен 7 дугаар сарын 19,20 -ны өдрүүдэд Улаанхус сумын 1,2,8 дугаар багуудад ажиллаж, иргэд хөдөлмөрчидтэй уулзаж, багийн өдөрлөгт оролцов.

  • Ч.Мөнгөндалайг хүлээн авч уулзан аялалд нь амжилт хүслээ
    Ч.Мөнгөндалайг хүлээн авч уулзан аялалд нь амжилт хүслээ

    Монгол орныхоо гайхамшгийг өөрийн биеэр очиж, нүдээр харах хүсэл, дугуйн спортыг сурталчлах, хүүхэд залуусыг энэ спортоор хичээллэхийг уриалах хүсэлдээ хөтлөгдсөн Ч.Мөнгөндалай одоогийн байдлаар 2000  гаран км зам туулан Баян-Өлгий аймагт ирлээ. 

    Өнөөдөр аймгийн Засаг дарга Х.Дармен Ч.Мөнгөндалайг хүлээн авч уулзан аялалд нь амжилт хүслээ.

  • Өлгий сумын 2-р ахлах сургуулийн засварын ажил
    Өлгий сумын 2-р ахлах сургуулийн засварын ажил

                                                Нэг. ҮНИЙН САНАЛ АВАХ УРИЛГА        

    2014.07.16

     

             Баян-Өлгий аймгийн худалдан авах ажиллагааны алба нь сонгогдсон эрх бүхий тендерт оролцогчдоос Өлгий сумын 2-р ахлах сургуулийн засвар –ыг нийлүүлэх тухай үнийн санал ирүүлэхийг урьж байна.

     

             Үнийн саналыг 2014 оны 7-р сарын 23-ний өдрийн 10 цаг 00 минутаас өмнө Баян-Өлгий аймгийн Худалдан авах ажиллагааны алба, Аймгийн ЗДТГ-ын байр 110 тоот өрөө, утас:99426199, 70427593, 70423111 хаягаар ирүүлнэ.

     

             Үнийн саналыг нээлтэд оролцох хүсэлтэй тендерт оролцогчдыг байлцуулан 2014 оны 7-р сарын 23-ний өдрийн 11 цаг 00 минутад нээнэ.

     

    Монгол Улсын гарал үүсэлтэй бараанд давуу эрхийн зөрүү тооцохгүй. 

     

    Сонирхсон этгээд тендерийн баримт бичиг болон бусад мэдээллийг доорх хаягаар авч болно.

    Баян-Өлгий аймгийн Худалдан авах ажиллагааны алба, Аймгийн ЗДТГ-ын байр 110 тоот өрөө, утас:99426199, 70427593, 70423111

     

  • Кош-агач мужид Баян-Өлгий аймгийн яармаг худалдааг зохион байгуулна
    Кош-агач мужид Баян-Өлгий аймгийн яармаг худалдааг зохион байгуулна

    ОХУ-ын БНАлтай Улсын Кош-агач мужид явагдах яармаг худалдааг 2014 оны 8 дугаар сарын 1,2,3 – ны өдрүүдэд зохион байгуулахаар тохиролцлоо.

    Иймд худалдаа эрхлэгчид Монголын худалдаа аж үйлдвэрийн танхимын Баян-Өлгий аймаг дахь салбар болон “Жана Өлке” захын захиргаанд хандаж бүртгэлд хамрагдахыг мэдэгдье.

    Бүртгэл 7 дугаар сарын 26-ныг дуустал явагдана. Ачаа барааг 8 дугаар сарын 1,2 –ны өдрүүдэд хил гаргах ба 2,3 –ны өдрүүдэд яармаг худалдаа явагдана. 

  • Барилгын материалын үйлдвэрүүдийн үйл ажиллагаатай танилцлаа
    Барилгын материалын үйлдвэрүүдийн үйл ажиллагаатай танилцлаа

    2014 онд ГХБХБГ-тай хамтран гүйцэтгэх ажлын төлөвлөгөөний дагуу 2014.06.27-07.02-ны хооронд ГХБХБГ-ын мэргэжилтэн, СХЗХ-ийн мэргэжилтэн, шинжээч нар Аймгийн барилгын материалын үйлдвэрүүдийн үйл ажиллагаатай танилцаж, “Стандартчилал-Тохирлын үнэлгээний тухай”, “Барилгын тухай” хуулиуд, БХБСайдын 2012 оны 49 дүгээр тушаалын хэрэгжилтийн байдалд дүн шинжилгээ хийж, үнэлгээ явуулав.

  • Нийтийн зорчигч тээвэрлэлтийн аюулгүй байдлыг хангууалах талаар ажил зохион байгуулав
    Нийтийн зорчигч тээвэрлэлтийн аюулгүй байдлыг хангууалах талаар ажил зохион байгуулав

    Өлгий сумын ЗДТГ, МХГ, ЦГ, ТАЗГ, АТҮТ, СХЗХ-үүдийн хамтран хийсэн “Нийтийн зорчигч тээвэрлэлтийн аюулгүй байдлыг хангуулах” ажлын төлөвлөгөөний дагуу Иргэдэд нийтийн зорчигч тээвэрлэлтийн явцад гарах эрсдэл, жолооч нарын үүрэг хариуцлагын талаар мөн “MNS 5012:2011”, “MNS 5831:2007” стандартуудын талаар танилцуулж, мэдээлэл арга зүйн зөвлөгөө өгөв.

  • Даян - Улаан уулын хилийн боомтын асуудлаар уулзалт болов
    Даян - Улаан уулын хилийн боомтын асуудлаар уулзалт болов

    Аймгийн Засаг дарга Х.Дармен БНХАУ-ын ШУӨЗО-ны Гадаад арилжаа, худалдааны тэнхимийн дарга Ху Жампин, Алтай аймгийн гадаад худалдааны товчооны орлогч Женис тэргүүтэй төлөөлөгчдийг хүлээн авч уулзлаа.

    Уулзалтаар хоёр тал Даян-Улаан уулын хилийн боомтын цаашдын үйл ажиллагаа, хамтын ажиллагаа, дэд бүтцийн асуудлаар санал солилцов.

    Монгол, Хятадын Засгийн газрын хамтарсан шийдвэрээр Даян - Улаан уулын хилийн боомтыг 6 дугаар сарын 01-нээс 10 дугаар сарын 01-ний хүртэл 120 хоног тогтмол ажиллуулахаар тохиролцож, одоогийн байдлаар ажлын өдрүүдээр 08:30-12:30, 14:30-18:30 цагуудын хооронд тогтмол ажиллаж байгаа билээ.

  • Албан журмын даатгагчдын холбооноос мэдээлж байна
    Албан журмын даатгагчдын холбооноос мэдээлж байна

    Албан журмын даатгагчдын холбоо нь Монгол Улсад албан журмын даатгалын чиглэлээр үйл ажиллагаа эрхлэх зөвшөөрөлтэй даатгагчдыг нэгтгэсэн, гишүүдийн үйл ажиллагааны уялдаа холбоог хангах, албан журмын даатгалыг төлөвшүүлэх ашгийн төлөө бус хуулийн этгээд юм. Холбоо нь “Жолоочийн даатгалын тухай” хуулийн хэрэгжилтийг хангах чиг үүрэгтэй бөгөөд энэ хуулийн 18 дугаар зүйлд заасны дагуу зам тээврийн ослын холбогдогч талуудаас холбогдох бичиг баримтуудыг бүрдүүлсний үндсэн дээр Жолоочийн даатгалын сангаас хохирогчид нөхөн төлбөрийг олгодог.

     Хуульд заасны дагуу Жолоочийн даатгалын сангаас дараах тохиолдолд зам тээврийн ослын хохирогчид нөхөн төлбөрийг олгож байна. Үүнд:

    - Даатгалгүй этгээд даатгалын тохиолдол гаргасан

    - Даатгалын гэрээний хугацаа нь дууссан этгээд даатгалын тохиолдол гаргасан

    - Бусдын амь нас эрүүл мэндэд хохирол учруулсан этгээд нь тодорхой бус

    - Даатгагч нь дампуурсан

    - Хуульд заасан бусад үндэслэл.

    Зам тээврийн ослын дээрх тохиолдолдлын улмаас хохиросон иргэн, аж ахуйн нэгж, байгууллага нь холбогдох бичиг баримтыг хугацаанд нь бүрдүүлж өгөөгүй гэсэн шалтгаанаар нөхөн төлбөрөө аваагүй, мөн урьд нь өмнө манайд хандаж асуудлаа шийдүүлж чадаагүй бол тус Холбоонд дахин хандаж хохирлоо барагдуулах боломжолгож байгааг мэдэгдэж байна.

    Та бүхэн дэлгэрэнгүй мэдээллийг Холбооны Баян-Өлгий аймаг дахь салбарын 95483570 утсаар болон 70422140-ээс лавлахыг хүсье.

    АЛБАН ЖУРМЫН ДААТГАГЧДЫН ХОЛБООНЫ БАЯН-ӨЛГИЙ АЙМАГ ДАХЬ САЛБАР

    Хаяг: Өлгий сум 5-р баг Цэнгэл хайран төв 3--р давхар 304 тоот

  • Их жанжин Ер Жанибекийн дурсгалын хөшөөний загвар шалгаруулах уралдаан зарлалаа
    Их жанжин Ер Жанибекийн дурсгалын хөшөөний загвар шалгаруулах уралдаан зарлалаа

    Казахын ард түмний их жанжин Ер Жанибекийн  мэндэлсэний  300 жилийн  ойг 2014 оны 9-р сарын 13,14-ний өдрүүдэд тэмдэглэн өнгөрүүлэх тухай аймгийн ИТХурлаас шийдвэр гарсан билээ. Энэ хүрээнд аймгийн Засаг даргын Тамгын газраас мэргэжлийн уран бүтээлчдийн дунд уралдаан зарлаад байна.

    Их жанжин Ер Жанибекийн дурсгалын хөшөөний загвар шалгаруулах уралдааныг 2014 оны 7 дугаар сарын 23 –ны өдрөөс 08 дугаар сарын 20 –ны өдрийн хооронд явуулахаар болжээ.

    Уралдаан оролцох уран бүтээлчдийн бүтээлийг 2014 оны 08 дугаар сарын 20 –ны өдрийг дуустал аймгийн Засаг даргын Тамгын газрын Нийгмийн хөгжлийн хэлтэс хүлээн авах юм. Уралдааны талаар дэлгэрэнгүй мэдээллийг 99414942 утсаас лавлана уу.

  • Азийн наадмын өмнөх сорилго тэмцээн Баян-Өлгийд болно
    Азийн наадмын өмнөх сорилго тэмцээн Баян-Өлгийд болно

    Баян-Өлгий аймагт ирэх сарын 25-наас 30-ны хооронд "Olgii cup" боксын олон улсын тэмцээн болно. Уг тэмцээнд ОХУ, БНХАУ, Казахстан, Монгол зэрэг орны тамирчид өрсөлдөнө. Энэхүү тэмцээнд амжилт гаргасан тамирчдаар шигшээ багаа бүрүүлж ирэх намар болох “Инчён 2014” Азийн наадамд Монголын боксчид оролцоно. Тус тэмцээний бэлтгэл ажилтай Монгол Улсын Хөдөлмөрийн Баатар, Гавьяат тамирчин "Бээжин 2008" олимпийн аварга, Монголын боксын холбооны тэргүүн дэд ерөнхийлэгч Э. Бадар-Ууган энэ сарын эхээр танилцсан билээ.

    Ширэн бээлийтнүүдийн хувьд энэ оны хамгийн том тэмцээн нь БНСУ-д болох Азийн тоглолт. Иймд тивийн наадамдаа амжилттай оролцохын тулд тамирчдын бэлтгэлийг эрчимтэй хийлгэнэ хэмээн Олимпийн аварга маань ярьж байлаа.

  • Баян-Өлгий аймгийн бизнес эрхлэгчид 1.2 тэрбум гаруй төгрөгийн худалдаа хийв
    Баян-Өлгий аймгийн бизнес эрхлэгчид 1.2 тэрбум гаруй төгрөгийн худалдаа хийв

    2014 оны 8 дугаар сарын 2-4 -ний өдрүүдэд ОХУ-ын Алтайн БНУ-ын Кош-Агач мужид олон улсын үзэсгэлэн худалдаа болж өнгөрлөө. Уг үзэсгэлэн худалдааг Баян-Өлгий аймгийн ЗДТГазар болон Кош-Агач мужийн удирдлага хамтран зохион байгууллаа.

    Үзэсгэлэн худалдаанд Баян-Өлгий аймгаас 1200 орчим бизнес эрхлэгч, иргэд оролцож, 1,2 тэрбум гаруй төгрөгийн худалдаа хийж, аймгийн Хөгжимт драмын театрын хамт олон Кош-Агач мужийн иргэдэд урлагийн тоглолт үзүүлэв.

    Алтайн БНУлс Кош-Агач муж, Баян-Өлгий айгмийн удирдлагууд цаашид үзэсгэлэн худалдааг өргөжүүлэн тогтмол зохион байгуулж байх, Кош-Агач мужид “Бүргэдчдийн баяр”-ыг зохион байгуулах, хонины ноос угаах – боловсруулах, соёл, спорт, аялал жуулчлалыг хөгжүүлэх чиглэлээр  хамтран ажиллахаар тохиролцов.

    Баян-Өлгий аймгийн Засаг дарга Х.Дармен Кош-Агач мужийн Амбан захирагч Ж.Ауелхан нарын 2014 онд байгуулсан хамтын ажиллагааны санамж бичгийн дагуу дээрх үзэсгэлэн худалдааг жилд 4 удаа зохион байгуулахаар болсон билээ.

  • БНХАУ-ын ШУӨЗО-ы Алтай аймгийн Намын хорооны дарга Баян-Өлгий аймагт айлчилав
    БНХАУ-ын ШУӨЗО-ы Алтай аймгийн Намын хорооны дарга Баян-Өлгий аймагт айлчилав

    2014 оны 07.31-08.02 –ний өдрүүдэд БНХАУ-ын ШУӨЗО-ны Алтай аймгийн Намын хорооны дарга Дэн Жан Ву, Алтай аймгийн Намын хорооны орлогч дарга бөгөөд тус аймгийн Засаг даргын орлогч Сүн Бин тэргүүтэй төлөөлөгчид Баян-Өлгий албаны айлчлал хийв.

    Дээрх төлөөлөгчдийг аймгийн Засаг дарга Х.Дармен хүлээн авч уулзаж, хоёр аймгийн хоорондын худалдаа, эдийн засгийн хамтын ажиллагааг хөгжүүлэх, дэд бүтэц, уул уурхайн чиглэлээр хамтран ажиллах тухай санал бодлоо солилцлоо.

    Аймгийн Засаг дарга Х.Дармен Алтай аймгийн Намын хорооны дарга Дэн Жан Ву нар эдийн засаг, худалдаа, аялал жуулчлал, ашигт малтмал, соёл спорт, боловсрол, эрүүл мэнд, хөдөө аж ахуйн салбаруудад хамтран ажиллах тухай санамж бичигт гарын үсэг зурав. 

    Зочид, төлөөлөгчид Дулаан харын баяжуулах үйлдвэр болон зарим аж ахуйн нэгжүүдийн үйл ажиллагаатай танилцав.

  • Усны тоолуур нийлүүлэх ажил
    Усны тоолуур нийлүүлэх ажил

    Нэг. ҮНИЙН САНАЛ АВАХ УРИЛГА

     

             Баян-Өлгий аймгийн худалдан авах ажиллагааны алба нь сонгогдсон эрх бүхий тендерт оролцогчдоос Усны тоолуур нийлүүлэх –ыг нийлүүлэх тухай үнийн санал ирүүлэхийг урьж байна.

     

    Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр иж бүрдлээр нь 20000 төгрөгөөр худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна.

     

     

             Үнийн саналыг 2014 оны 8-р сарын 7-ний өдрийн 10 цаг 00 минутаас өмнө Баян-Өлгий аймгийн ЗДТГ-ын байр 110 тоот, 70427593,99426199 хаягаар ирүүлнэ.

     

             Үнийн саналыг нээлтэд оролцох хүсэлтэй тендерт оролцогчдыг байлцуулан 2014 оны 8-р сарын 7-ний өдрийн 11 цаг 00 минутад нээнэ.

     

    Монгол Улсын гарал үүсэлтэй бараанд давуу эрхийн зөрүү тооцохгүй. 

     

    Сонирхсон этгээд тендерийн баримт бичиг болон бусад мэдээллийг доорх хаягаар авч болно.

    Баян-Өлгий аймгийн ЗДТГ-ын байр 110 тоот, 70427593,99426199

     

  • З.Энхболд: Өмнөх жилүүдийн алдааг зас гэдгийг өнөөдрийн валютын ханш бидэнд сануулж байна
    З.Энхболд: Өмнөх жилүүдийн алдааг зас гэдгийг өнөөдрийн валютын ханш бидэнд сануулж байна

    2014 оны 07 дугаар сарын 05-30-ны өдрүүдэд УИХ-ын дарга З.Энхболд Баян-Өлгий аймагт ирж, Алтай Таван богд, Хотон нуурт хэд хоног амраад буцсан билээ. Та бүхэнд энэ үеэр авсан ярилцлагыг хүргэж байна.

    Photo by Medee.mn -        Эрхэм хүндэт УИХ-ын дарга та асар их ажлынхаа хажуугаар манай Баян-Өлгий аймагт ирээд хэд хоног амраад буцаж байна. Та сайхан амарсан уу? Сэтгэгдэл ямар байна?

    -        Алтай Таванбогдоо үзлээ, Хурган нуур, Хотон нуур дээр сайхан амарлаа. Монголын Шведцари гэж нэрлэгдэх маш сайхан байгальтай газруудыг өөрийн биеэр ирж үзсэнд баяртай байна. Зочломтгой сайхан казах айлуудаар орж, хүмүүстэй уулзлаа. Хотон нуурын эрэг дээр байгалийн сайханыг үзэж загасчиллаа. Морь унасан гээд маш сайхан аялал болсон.

    -        УИХ-ын хаврын чуулган сайд нарын асуудал гээд нилээн шуугиантай өнгөрсөн. Ер нь УИХ анх төлөвлөсөн ажлаа бүрэн хийж амжсан уу?

    -        УИХ-ын чуулганы ажлыг баталсан хуулийн тоогоор дүгнэх нь буруу байгаа юм. УИХ өөрөө гишүүдээс бүрддэг, гишүүдийн ард намууд нь байдаг. Бүгдээрээ санал нийлсэн асуудал хурдан шийдэгдээд явдаг. Аль нэг бүлэг, эсвэл хэсэг гишүүд санал нийлэхгүй бол асуудал шийдэгдэхгүй байгаад байдагХаврын чуулган улс орны өмнө тулгамдсан эдийн засгийн чиглэлийн асуудлуудаа бүрэн шийдэж дууссан байгаа. Газрын тосны тухай хууль 1991 оноос хойш анх удаагаа шинээр батлагдаж гарлаа. Ашигт малтмалын тухай хуулийн нэмэлтийг зөвшөөрч, зөвшөөрөгдсөн газарт хайгуул хийх эрхийг шинээр нээж өглөө. Урьд нь бол хориглосон байсан. Амарч явахдаа би бас айлаар орж ард иргэдийн санаа бодлыг сонссон. Жишээлбэл Хотон нуурын эрэг дээр зусаж байгаа Цэнгэл сумын иргэн Хусан гуайн  гэрт орсон. Тэгээд би зориудаар «Улаанбаатар хотод долларын ханш өслөө гээд олон хүн дургүйцээд байна. Танд ер нь мэдэгдэж байгаа юм байна уу» гэж асуусан. Тэгэхэд Хусан гуай: «Малчид бидэнд ямар шууд мэдрэгдэх биш дээ. Бид нарын хэрэглэдэг бензин хуучин үнээрээ байгаа. Гурил, улаан буудайнд бас төр оролцож үнийг нь тогтвортой байлгаж байгаа. Малчдын зардаг ноолуурын үнэ энэ жил дээд хэмжээнд буюу 80 мянган төгрөгт хүрлээ. Мах боломжийн үнэтэй байна, ноосон дээр татац авч байна. Ийм байхад долларын ханшны тэр хэлбэлзэл чинь малчин бидэнд сонин биш байна» гэж хэлсэн. Долларын ханш яагаад өсөөд байна вэ гэхлээр сүүлийн 20 ч биш, 90 жил дотоодын үйлдвэрлэл гэдэг юмыг хөгжүүлсэнгүй л дээ. Урьд нь СССР-ийн юмыг хэрэглэдэг байсан бол, одоо урьд хөршийн үйлдвэрлэсэн эд барааг хэрэглэж байна. Хамгийн энгийн жишээ хэлэхэд рапс гэдэг ургамлыг тариад, тэрийгээ урагшаа гаргаж буцаагаад ургамлын тос болгон худалдаж авч байгаа шүү дээ. Ийм байдлаар байхад манай улсын гадаад валют гадагшаа түлхүү урсана. Тэхээр бид нар доллараар зардаг олон төрлийн бүтээгдэхүүнтэй л байж энэ ханш гэдэг юм тогтворжино. Тиймээс Монгол банк эсвэл Засгийн газар шийдвэр гаргаж «долларын ханш тийм байна» гэж шийдэггүй л дээ. Өчигдөр интернэттэй газар орж ирж үзэхэд дотоодод үйлдвэрлэсэн барааны борлуулалт өнгөрсөн жийлийн мөн үеэтэй харьцуулахад 29,5 хувиар өссөн үзүүлэлттэй байна. Энэ бол валют  үнэтэй болсон учраас авдаг юмаа багасгаад, түүнтэй адилхан юмыг дотооддоо үйлдвэрлэн авч байгаа гэсэн үг шүү дээ. Дотооддоо үйлдвэрлэсэн юмны ар талд өртөг байна. Нэг литр ургамлын тос 3000 төгрөг байлаа гэхэд, үүнийг Эрээнээс худалдаж авлаа гэхэд тэр мөнгө тосыг үйлдвэрлэж байгаа хүний цалин, ашиг орлого болоод тэнд үлдэж байгаа. Баруун Хараад манай тосны хоёр дахь том үйлдвэр ашиглалтанд  орж байгаа. Дээрх тосыг Баруун Хараагаас худалдаж авах юм бол тэр гурван мянган төгрөг дотор орж байгаа бүх өртөг Монголд үлддэг гэсэн үг. Аль болохоор мөнгөө дотооддоо үлдээж, хэрэгтэй бараагаа өөрсдөө үйлдвэрлэж эхлэх юм бол манай эдийн засагт долларын ханшийн өсөлт гэдэг юм дахиад гарахгүй. Долларын ханш хэн нэгэн хүний санаагаар тогтоогддог юм биш. Орж ирж байгаа валютаар зарсан бүтээгдэхүүний долларын үнийн дүн, гарч байгаа буюуимпортоор оруулж ирж байгаа бүтээгдэхүүний үнийн дүн хоёрын тэнцэл дээр оршдог хэмжигдэхүүн учраас хүний дур зоргоос хамаарахгүй. Үүнийг бол удаан хугацаагаар засч болно. Ерөн жил урсгалаар яваад ирсэн, үйлдвэр хөгжөөгүй Монгол улсыг хоёр жилийн дотор хөгжүүлээд, долларын ханшийг тэнцүүлээд явах боломж ерөөсөө байхгүй. Тэхээр одоо манай малчид ч тэр, хэрэглэгчид ч тэр дэлгүүрээс юм худалдаж авахдаа хаана үйлдвэрлэсэн юм худалдаж авч байна гэдгээ анзаарч, эх орондоо үйлдвэрлэсэн бүтээгдэхүүнийг худалдаж авах юм бол, тэрний цаана таны хамаатан садан, үр хүүхдийн чинь цалин, түүнийг хийж байгаа түүхий эдийн үнэ явж байгаа. Би түрүүн Эрдэнэт хотод ажиллахдаа «Бэрэн»-гийн гангийн үйлдвэрээр орсон. Энэ найман сард анхныхаа төмөр хайлуулах домна зуухыг барьж байна. Тэднийх бол Архангай аймгийн Төвшрүүлэх суманд төмрийн хүдрийн ордтой. Тэндээс гарах хүдрээ 1 тонныг түүхийгээрээ 40 доллараар зардаг байсан бол, одоо домна зуух ашиглалтанд орсоноор гам бөмбөлөг үйлдвэрлэж, нэг тонныг нь 940 доллараар Эрдэнэт үйлдвэрт зарах гэж байна. Урьд нь Эрдэнэт үйлдвэр төмрийг гаднаас авдаг байсан. Бид түүхий эдийг экспортолж чадаж байна. Одоо үүнийгээ өртөг шингээгээд дотоодынхоо хэрэгцээгээ бүрэн хангаж чадах юм бол манай гадаадад зардаг юмны үнэ өснө гэсэн үг шүү дээ. Нэг тонн төмрийн хүдэр зараад 40-100 доллар олдог байсан бол, нэг тонн ган зарах юм бол мянган доллар болох юм байна шүү дээ. Ургамлын тос мөн адилхан…

    Бид түүхий эд гаргадаг улс биш, бэлэн бүтээгдэхүүн гаргадаг улс болсон цагт л энэ ханш гэдэг юмнаас айхаа болино.Хэрэглэгчид гадаадын бараа бүтээгдэхүүнийг хэрэглээд л байх юм бол энэ долларын ханш сайжрахгүй.Хусан гуай бид хоёрын хооронд ийм яриа өрнөсөн юм /инээв/. Ер нь би Хусан гуайг Монголын нийт малчдыг төлөөлүүлээд «нөцхөл байдал ийм байна шүү» гэдгийг хотыхонд хэлж байгаа юм. Шулуухан хэлэхэд юмыг нэг газраас аваад нөгөө газарт зарахаа боль гэсэн үг. Юм үлдвэрлэх цаг ирсэн. Одоо өөрсдөө дотооддоо багаас ч гэсэн үйлдвэрлэж эхлэх хэрэгтэй.uih darga

    -        Монгол улсын нийгэм эдийн засгийн байдлыг хүмүүс янз бүрээр тайлбарлаад байгаа л даа. Өнөөдрийн бодит байдал ямар байгаа бол?

    -        Ер нь тийм сайн байна гэж хэлэлхэд хэцүү. Төлбөрийн баланс алдагдсан байна. Энэ нь өөрөө ханшанд нөлөөлж байна. Ханш нь бусад юманд нөлөөлж байгаа. Ханш өсөөд байхад бензин яагаад хуучин үнээрээ байгаа юм вэ гэсэн асуудал гарч ирдэг.  Учир нь бензин нийлүүлдэг компаниуд үнэ тогтворжуулах хөтөлбөрт хамрагдаж байгаа. Тус хөтөлбөрт Баян-Өлгий аймгаас Рысжан, Ник гээд хоёр компани хамрагдсан. Энэ компаниудад долларыг хуучин үнээр нь өгч байгаа. Тийм учраас бензиний үнэ хөдлөхгүй байгаа. Урьд нь бензиний үнийг далимдуулаад бүх барааны үнэ нэмэгддэг байсан бол одоо тэр далимдуулдаг шалтаг нь алга болсон. Нийт иргэдтэй, эдийн засагтай хамаатай энэ гол үзүүлэлтийг интервенци хийж барьж байна гэсэн үг. Үүнээс бусад нь бол чөлөөт өрсөлдөх ёстой. Ер нь манай хамгийн гол алдаа маань  далан жилийн турж СССР-ийн бэлэн бүтээгдэхүүнийг худалдан авч, өөрөө юу ч үйлдвэрлээгүй явдал шүү дээ. Сүүлийн 25 жил урд хөршийнхөө барааг худалдан авч, бас л юм үйлдвэрлээгүй. Энэ алдааг зас гэдгийг өнөөдрийн валютын ханш  бидэнд сануулж байгаа юм. Бид өөрсдөө дотооддоо юм үйлдвэрлэхгүй юм бол эдийн засаг маань үргэлж хэврэг байна гэсэн үг. Гэхдээ гамшиг болсон юм байхгүй.

    -        Он гарснаас хойш Баян-Өлгий аймагт хоёр дахь удаагаа ирж байна. Таны нүдэнд тус аймгийн ирээдүйн хөгжил яаж харагдаж байна? Ямар зөвлөгөө өгөх вэ?

    -        Баян-Өлгий аймгийн ирээдүйн хөгжил Монголын бусад аймгуудтай яг л адилхан. Миний мэдэж байгагаар одоо цементийн үйлдвэр байгуулагдаж байна. Барилгын материалын үйлдвэр хөгжих ёстой. Хүмүүс тохилог орон сууцанд орох ёстой. Мал аж ахуйгаас гардаг юмны үнэ өсөх ёстой. Малчдын хөдөлмөрийг одоохондоо бид ноосны урамшуулал гэж зохиомолоор өөд нь татаж байна. Бүх юм өөрийнхөө бодит үнээр зарагдах ёстой. Асгатын мөнгөний орд, дэд бүтцийн хөгжил байна… Дотооддоо үйлдвэрлэдэг хичнээн юмтай болно, төдий чинээ сайн болно. Тэр болгоны ард ажлын байр байна. Ашиг, орлого нь Монголд үлдэнэ. Эхэлж уул урхайг тулгуурлаж босч ирээд, дараа нь бусад хүнийхээ хөгжлийг өсгөснөөр уул уурхайгаас хамаардаггүй болох ийм улс орны ерөнхий төлөвлөгөө байгаа. Баян-Өлгий аймгийн хөгжил энэний дагуу явбал амжилтанд хүрнэ.

    -        Асгатын мөнгөний ордыг эдийн засгийн эргэлтэнд оруулах ажилд ахиц гарсан уу?

    -        Засгийн газрын надад мэдээлсэнээр бол ахиц гарч байгаа. Урьд лиценз нь Орос, Монголын хамтарсан компанид очоод хөдлөшгүй болсон байсан. МОНРОСЦВЕТМЕТ компани өөрөө алдагдалтай байгаа. Үүнийг хоёр тал тохироод баланс нь ноль байгаа шинэ компани  байгуулж, хөрөнгө оруулалт хайх ажил хийгдэж байгаа. Хууль эрхзүйн асуудал нь ингээд ойлгомжтой болж байгаа бол бусад нь техникийн ажил л даа. Нөөц нь байна,  эрхтэй компани нь байна. Одоо хөрөнгө оруулалтаа хөрөнгийн зах зээл дээрээс босгодог юм уу, зээл авах юм уу, ямар ч байсан ажлаа эхлэх бүрэн боломжтой болсон. Асгат бол зөвхөн Баян-Өлгий аймгийн хувьд биш, баруун гурван аймгийн хөгжилд чухал үүрэгтэй том орд байгаа юм.

    -        Баярлалаа!   

     Ө.Нурболат

  • Монголын Хуульчдын холбооны орон нутаг дахь салбарын зохицуулагчийг сонгон шалгаруулна
    Монголын Хуульчдын холбооны орон нутаг дахь салбарын зохицуулагчийг сонгон шалгаруулна

  • “Ази Африкийн байгаль орчин хамтын ажиллагааны нийгэмлэг”-ийн төлөөлөгчдийг хүлээн авч уулзлаа
    “Ази Африкийн байгаль орчин хамтын ажиллагааны нийгэмлэг”-ийн төлөөлөгчдийг хүлээн авч уулзлаа

    Өнөөдөр аймгийн удирдлагууд Японы “Ази Африкийн байгаль орчин хамтын ажиллагааны нийгэмлэг”-ийн төлөөлөгчдийг хүлээн авч уулзлаа.

    Уулзалтанд аймгийн ИТХ-ын дарга Б.Лазатхан, Засаг дарга Х.Дармен, Засаг даргын орлогч Н.Санатбек болон боловсрол, эрүүл мэнд, хүүхдийн байгууллагын төлөөллүүд мөн Монгол Улсаас Японы Осака хотод суугаа Ерөнхий консул Ч.Куланда оролцлоо.

  • Өлгий хот болон Алтай хотууд ах дүүгийн харилцаатай болов
    Өлгий хот болон Алтай хотууд ах дүүгийн харилцаатай болов

    Өнөөдөр МУ-ын Баян-Өлгий аймаг болон БНХАУ-ын ШУӨЗО-ны Алтай аймгийн хооронд байгуулсан хамтын ажиллагааны санамж бичгийн хүрээнд Өлгий, Алтай хотууд ах дүү хотуудын харилцаа тогтоож байна. Ингэснээр 2 хот найрамдалт хамтын ажиллагааг өргөжүүлэн бэхжүүлж, 2 хотын иргэдийн хүсэл эрмэлзлийг хүндэтгэн нөхөрсөг харилцаатай байх юм.

    Энэхүү санамж бичигт Өлгий хотын Засаг дарга Ө.Хабай, Алтай хотын Засаг дарга Ш.Мурат нар өнөөдөр гарын үсэг зурлаа. 

  • “Ер Жанибек ба Монголын Казахууд” сэдэвт олон улсын эрдэм шинжилгээний бага хурлын хөтөлбөр
    “Ер Жанибек ба Монголын Казахууд” сэдэвт олон улсын эрдэм шинжилгээний бага хурлын хөтөлбөр

    XVIII- зууны үеийн Казахын төр, нийгмийн зүтгэлтэн,  нэрт жанжин, тусгаар тогтнолын төлөө тууштай тэмцэгч Ер Жанибек баатрын мэндэлсний 300 жилийн ойг тохиолдуулан Ер Жанибек ба Монголын Казахууд сэдэвт олон улсын эрдэм шинжилгээний бага хурлын хөтөлбөр

    2014 онд Казахын тусгаар тогтнолын төлөө тууштай тэмцэгч, төр нийгмийн зүтгэлтэн, нэрт жанжин, казахын үндэсний баатар Ер Жанибекийн мэндэлсний 300 жилийн түүхэн  их ой тохиож  байгаа билээ. Уг ойг угтаж БНКазахстан улс, БНХАУ, ОХУ, бусад улс орнууд дахь казахууд тус ойн хүрээнд төрөл бүрийн арга хэмжээ зохион байгуулж байна. Үүнтэй холбоотой Монголын Казахууд домогт жанжины мэндэлсний 300 жилийн ойг тэмдэглэн өнгөрүүлэх комисс байгуулж, энэхүү арга хэмжээний хүрээнд олон улсын эрдэм шинжилгээний бага хурал зохион байгуулж байна.

    1. Хурлын зорилго: ХVIII зууны Зүүнгарын хаант улс ба Казахын хаант улсын хоорондох тэмцэл, хоёр орны гадаад харилцаа, улс төр, нийгмийн амьдралд гарсан өөрчлөлт, шинэчлэлийг судлах, тухайн нийгмийн төлөөлөл болох Ер Жанибек баатрын түүхэнд гүйцэтгэсэн үүрэг, эзлэх байр суурийг үнэлж дүгнэх.

    Ер Жанибек баатрын намтарт холбогдох тулгамдсан асуудлыг эрдэмтдийн хамтын оюунаар нягтлан тодруулах, Ер Жанибек судлаачдад хамтран ажиллах боломж бүрдүүлэх, Ард иргэдэд Ер Жанибек баатрын талаар шинжлэх ухааны үндэстэй, үнэн зөв мэдлэг мэдээлэл түгээх, эзэмшүүлэх.

    2. Хурлын ач холбогдол:  Нүүдэлчин ард түмний түүх соёлыг судлах, Монгол ба Казахын ард түмний эртний харилцаа, хамтын ажиллагааг түүхэн бодит сурвалжид тулгуурлан судалж, хоёр ард түмний уламжлалт, найрсаг харилцааг өргөжүүлэх, залуу үеийг хүмүүжүүлэх, түүх судлалд үнэн бодиттой тусгах, хамтран судлах боломж бүрдүүлэх.

    3. Хурал зохион байгуулагч: Баян-Өлгий аймаг, Ойг тэмдэглэн өнгөрүүлэх комисс, ШУА-ийн харьяа Баян-Өлгий аймаг дахь Нийгэм-Эдийн Засгийн судалгааны төв, Доктор(Sc.D) Камалашийн Бихумарын «Түрэг судлал»-ын төв.

    4. Хурал зохион байгуулагдах газар: Баян-Өлгий  аймаг дахь Ховд ИС-ийн салбар Сургуулийн хурлын  зааланд  болно.

    5. Хугацаа: 2014 оны 9-р сарын 12-нд ,1000 цагт

    6. Хуралд оролцогчид:

    1. ИТХ-ын дарга

    2. Засаг дарга

    3. ЗДТГ-ын дарга

    4. Өлгий сумын ИТХ-ын дарга, Засаг дарга

    5.Хэлтэс, агентлагын дарга нар

    6.Боловсролын Газар

    7. Ховд ИС-ий салбар сургууль

    8. Баян-Өлгий аймаг дахь ДКИУС

    9. Баян-Өлгий аймгийн МҮСТөв

    10. Баян-Өлгий аймаг дахь НЭЗСТөв

    11. Сургууль, цэцэрлэгүүд

    12. Казахстан, БНХАУ, ЗХУ, бусад орнуудаас оролцох судлаачдын төлөөлөл

    13. Монгол Улсын ШУА-ийн Түүхийн Хүрээлэн

    14. Монгол Улсын ШУА-ийн Археологийн Хүрээлэн

    15. Иргэдийн төлөөлөл

    7.Хурлаар хэлэлцүүлэх бүтээлийн чиглэл:

    1.Ер Жанибекийн намтар, түүхэнд гүйцэтгэсэн үүрэг

    2. Ер Жанибекийн намтарт холбогдох түүхэн сурвалж бичгийн болон түүх бичлэгийн судалгаа

    3. Ер Жанибекийн нийгэм, улс төрийн үйл ажиллагаа

    4. Ер Жанибекийн цэрэг, байлдааны ажиллагаа, цэргийн арга тактикийн асуудал

    5. Ер Жанибекийн дүр, аман түүх, бичгийн уран зохиолд туссан нь

    6. Ер Жанибек судлалын асуудалд

    7. Ер Жанибек ба Монголын Казахууд

    8. Бүтээлийн агуулгад тавигдах шаардлага:

    1.Шинжлэх ухааны онолын үндэслэлтэй байх

    2.Баримт, нотолгоотой, практик ач холбогдолтой байх

    3.Судалгаа, шинжилгээний тодорхой арга, аргачлал ашигласан байх

    4.Асуудлыг шийдвэрлэх шинэлэг санаа дэвшүүлсэн байх

    9. Бүтээлд тавигдах шаардлага:

    1. Илтгэлийн нэр

    2. Илтгэгчийн овог, нэр, эрдмийн зэрэг цол, цахим хаяг /хувь хүн, сонирхогч түүхч байж болно/

    3. Хураангуй орос, англи аль нэг хэл дээр бичсэн байх

    4. Үндсэн илтгэл 8 хүртэл нүүр

    5. Түлхүүр үгс 5-6 үг

    6. Word программ дээр бичигдэнэ

    7. Үсгийн фонт Times Ntw Roman

    8. Үсгийн өндөр 12

    9. Мөр хоорондын зай 1.5

    10. Зургийг JPG өргөтгөлөөр, хүснэгт, графикийг Excel программ дээр үйлдсэн байх

    11. Цахим танилцуулгатай байж болно.

    Шаардлага хангасан илтгэл хурлын эмхтгэлд нийтлэгдэнэ.

    10.Илтгэлийг хүлээн авах хугацаа:  Хуралд оролцогчийн мэдүүлэг, илтгэлийг 2014 оны 9-р сарын 01 ний дотор электрон хэлбэрээр argun_kz@yahoo.com хаягаар хүлээн авна.

    11.Хурлын үйл ажиллагааны зохион байгуулалт: Хуралд байгууллага тус бүрээс гурван хүн, иргэд, гадаад орны төлөөлөгчид оролцоно.

    12.Хурлын үйл ажиллагааны зардал:

    -Ирэх, буцах унааны зардлыг хуралд оролцогчид өөрөө хариуцана

    -Байр,хоолны зардлыг зохион байгуулагч байгууллага хариуцана

    13. Хурлын албан ёсны хэл: Монгол, Казах

    14. Харилцах утас: +976 99429171

    15. Хуралд оролцогчийн мэдүүлэг:

     

    1

    Байгууллага

     

    2

    Овог нэр,/бүтэн/

     

    3

    Эрдмийн зэрэг,цол

     

    4

    Албан тушаал

     

    5

    Харилцах утас, цахим хаяг

     

    6

    Илтгэлийн нэр

     

    Та бүхнийг хуралд хамтран оролцохыг урьж байна

    ХУРАЛ ЗОХИОН БАЙГУУЛАХ КОМИСС

  • УБХ
    УБХ

  • ХААН банкны гүйцэтгэх захирал Норихико Катог хүлээн авч уулзлаа
    ХААН банкны гүйцэтгэх захирал Норихико Катог хүлээн авч уулзлаа

    Аймгийн Засаг дарга Х.Дармен өчигдөр ХААН банкны гүйцэтгэх захирал Норихико Катог хүлээн авч уулзаж, хамтран ажиллах тухай санал солилцлоо. Засаг дарга Х.Дармен Улаанхус сумын Согоог багт ХААН банкны салбар нээх тухай иргэдийн хүсэлтийг Норихико Катод уламжилав. ХААН банкны гүйцэтгэх захирал Норихико Като аймгийн Засаг даргын хүсэлтийг судлан үзэж хариу өгөхөөр болов.  

  • ХАЛХ ГОЛЫН БАЙЛДААНЫ ЯЛАЛТЫН ОЙД ЗОРИУЛАН НОМ ГАРГАНА
    ХАЛХ ГОЛЫН БАЙЛДААНЫ ЯЛАЛТЫН ОЙД ЗОРИУЛАН НОМ ГАРГАНА

    Баян-Өлгий аймагт төрж өсөн Монгол Улсын батлан хамгаалах байгууллагад алба хаасан, алба хааж буй офицеруудын тухай ном хэвлэгдэхэд бэлэн боллоо.

    Офицеруудын түүх намтар, дурсамж, гэрэл зураг бүхий  эл номыг Халх голын байлдааны ялалтын 75 жилийн ойд зориулан хэвлүүлэхээр болсон  байна. Баян-Өлгий аймгаас 1939 оныг хүртэл цэрэг татлага явагдаагүй ч офицеруудын сургууль төгссөн дэслэгч М.Икей, ЗХУ/хуучнаар/ нисэхийн сургууль төгссөн генерал М.Зайсанов, хүн эмнэлгийн техникумд сурч байсан Д.Даниял нарын цөөн хүн албан үүргийнхээ дагуу оролцож, Монголын Ардын Арми болон Зөвлөлтийн Улаан армийн дайчидтай мөр зэрэгцэн байлдаж ялалтанд хувь нэмрээ оруулжээ.

    "Морин цэргийн сум командлан Халхын голын тулалдаанд эрэлхэгээр амь үрэгдсэн М.Икейгийн булшыг 1966 онд залуучуудын тойрон аяллаар үзүүлэн түүний  байлдаж гавъяа байгуулсныг хүүрнэсэн гэдэг. Тухайн үед төв орон нутгийн сэтгүүлчид эрэн сурвалжлан баримт бүрдүүлснээр 1979 онд 30 жилийн ойгоор Монгол Улсын баатар цолоор нэхэн шагнасан. Өлгий сумын нэгдүгээр ахлах сургууль М.Икейн нэрэмжит, Улаанхус сумын ахлах сургууль генерал М.Зайсановын нэрэмжит болсон" хэмээн Бэлтгэл дэд хурандаа Ш.Тилеубек ярилаа.

  • Ер Жанибек баатрын 300 жилийн ойг тэмдэглэнэ
    Ер Жанибек баатрын 300 жилийн ойг тэмдэглэнэ

    Казахын алдарт хаан Абылайтай хамтран зүтгэсэн Хэрэйд омгийн толгойлогч Ер Жанибек (1714-1792) баатрын 300 жилийн ойг Баян-Өлгийчүүд есдүгээр сарын 13, 14-нд тэмдэглэхээр болов.

    Ойг угтаж эрдэм шинжилгээний бага хурал зохиогдох бөгөөд урлаг уран сайхан, биеийн тамирын олон төрлийн арга хэмжээ хэрэгжүүлэхээр төлөвлөж байгаагийн нэгэн нь аймгийн төвийн ойролцоо нэгэн толгой дээр эрэлхэг баатарын морьтой сүрлэг хөшөө босгохоор иргэд хандив өргөж эхлэв. Ер Жанибек бол хотгойдын Амарсанаа зэрэг үндэсний эрх чөлөөний хөдөлгөөний удирдагчидтай холбоо тогтоон тэмцэж байсан, хэрэйдүүдийг уугуул нутаг Алтайдаа эргүүлэн суурьшуулсан томоохон гавъяатай хүн байсан тухай түүхэнд тэмдэглэгджээ. Ер Жанибекийн эелтэй цагаан тугийг хэрийдүүд хоёр зууны турш бишрэн шүтсээр ирсэнийг Дорнод Түрэгстаны үндэсний эрх чөлөөний хөдөлгөөн нам дарагдсаны дараа хятадын аюулаас хамгаалах байгууллагынхан 1950-иад оны дундуур хураан авч хадгалсан байна.

    Дашрамд нь дурдахад өнгөрсөн арав хоногт Байтаг Богдын алдарт найман баатрын нэг дэслэгч Ж.Жанабилханы мэндэлсний 100 жилийн ой, Монгол Улсын начин Б.Хожагапаны мэндэлсний 100 жилийн ой, Даянгийн бага сургуулийг ууган багш М.Бекейн нэрэмжит болгосны ойг өргөн тэмдэглэв.

    Р.Шынай

  • Засаг дарга Өлгий хотын тохижилтын ажилтай танилцлаа
    Засаг дарга Өлгий хотын тохижилтын ажилтай танилцлаа

    Аймгийн Засаг дарга Х.Дармен холбогдох байгууллагын мэргэжилтнүүдтэй хамт Өлгий хотын зарим бүтээн байгуулалт, тохижилтын ажилтай танилцлаа. 

    1. Өлгий сумын 1 дүгээр бага сургуулийн Спортын заал. Уг барилгыг Концессийн гэрээгээр Барилгын 340 дүгээр анги болон Классик Солюшнс ХХК хамтран гүйцэтгэж байна. Уг барилга 2014.10.30-ны өдөр ашиглалтанд орно.

    2. Өлгий хотын гудамжны тохижилтын ажлууд. 

    Өлгий хотын авто замын дагуух тохижилтын ажлуудыг Зак-Бек ХХК (145 сая төг), Есүй-Ордон ХХК (250 сая төг)-ууд хийж гүйцэтгэж байна. Уг ажлуудыг 2014.10.01 -ний өдөр дуусгана.

    3. Өлгий сумын ЗДТГазраас 10 дугаар багийн нутаг дэвсгэрт шинэ суурьшлын бүс бий болгох төслийг Засаг даргад танилцууллаа. Энэхүү суурьшлын бүсэд 300 айлын амины орон сууц баригдана.

    Аймгийн Засаг дарга дээрх бүтээн байгуулалт, тохижилтын ажлуудтай танилцаж зураг төсвийн дагуу, товлосон хугацаанд дуусгахыг гүйцэтгэгч компаниудад, мөн тухай бүр хяналт тавьж хамтран ажиллах тухай үүрэг даалгаврыг холбогдох байгууллагуудад өглөө.

  • Халал үйлдвэрлэлийг хөгжүүлэх, мах махан бүтээгдхүүнийг хөгжүүлэх экспортыг нэмэгдүүлэх шинжлэх ухааны үндэслэл
    Халал үйлдвэрлэлийг хөгжүүлэх, мах махан бүтээгдхүүнийг хөгжүүлэх экспортыг нэмэгдүүлэх шинжлэх ухааны үндэслэл

    Халал үйлдвэрлэл гэж юу вэ?

    Халал үйлдвэрлэлийн тухай ойлголт өгөхөөс  өмнө “халал” үгийн тухай дурдвал. «Халал»[1]  зөвшөөрөгдсөн, цэвэр гэсэн утагтай үг, эсрэгээр  «харам» хориглсон, эрүүл мэндэд сөрөг нөлөөтэй гэсэн утагтай. “Халал” гэсэн үг маш өргөн хүрээтэй ойлголтыг хамаардаг  бөгөөд энэ нь хоол хүнсний хувьд найралганд ямар нэгэн согтууруулах бодис болон хүний эрүүл мэндэд сөрөг нөлөөтэй шоргоолжны хүчил гэх мэт зүйлс агуулагдаагүй байх, мах болон махан бүтээгдэхүүний хувьд малыг нядлахдаа шашины ном ёсоор хоолойг нь хэрчих аргаар нядлах, нядалсан мал нь ямар нэгэн өвчингүй эрүүл байх, гэх мэтчлэн шаардлагуудтай байдаг. Уг шаардлагуудыг хангаж бэлтгэгдсэн хоол хүнсийг  “халал буюу зөвшөөрөгдсөн, цэвэр” хүнс гэж нэрлэдэг. Энэхүү шаардалга нь хоол хүнсний бүтээгдэхүүний үйлдвэрлэлд  нэгэн  адил тавигддаг.

    Дэлхий дахин  дахь халал үйлдвэрлэлийн одоогийн байдал.

    Дэлхийн зах зээлд халал бүтээгдэхүүний экспортоор тэргүүлж буй улс орнууд: Австрали, Бразил, Франц, Шинэ  Зеланд ,Энтхэг , Таилан, Малайз.

    Дэлхийн зах зээлд халал бүтээгдэхүүнээр тэргүүлж байгаа эдгээр орнуудын хувьд Малайз улсаас бусад нь исламын шашинаас өөр шашинтай улс орнууд юм. Гэхдээ эдгээр орнууд  экспортын хүнсний  бүтээгдэхүүнээ исламийн шашинтай орнуудад нийлүүлдэг учраас дэлхийн зах зээлд дэх хэрэглэгчдийн хэрэгцээ шаардлагад тохируулж бүтээгдэхүүнээ үйлдвэрлэдэг байна. Дээрхи орнуудаас экспортоороо тэргүүлдэг Австрали улсад мах махан  бүтээгдэхүүний нийт үйлдвэрлэлийн 96% нь халал стандартаар үйлдвэрлэгддэг байна. Манай улсад газар зүйн хувьд ойрхон  орнуудаас одоогийн байдлаар Казакстанд 600 ,  Оросд  400,  Киргизстанд 20     аж ахуйн нэгж халал стандартыг үндэслэн   үйл ажилгагаа явуулж, халал  бүтээгдэхүүн үйлдвэрлэдэг байна. Дээрх орнуудаас  Казахстан улс  2005 оноос эхэлж халал стандартыг улсын стандарт болгож албан ёсоор баталсан. Үүнийн дараа   дэлхийн зах зээлд халал бүтээгдэхүүний экспортоо маш их хэмжээгээр  өсгөж чадсан байна.

     

    [1] Халал ( араб. هللة цэвэр,ариун зөвшөөрөгдсөн‎‎)

    Илтгэлийг ТАТАЖ авна уу.

  • Баян-Өлгий аймгийн 7 гайхамшиг
    Баян-Өлгий аймгийн 7 гайхамшиг

    Манай улсад аялал жуулчлалын салбар эрчимтэй хөгжихийн зэрэгцээ Монгол Улсын онгон байгаль, нүүдлийн соёл иргэншил, эзэн Чингис хааны түүх дурсгал, байгалийн үзэсгэлэнт газрыг үзэхээр манай улсыг зорин ирдэг жуулчдын тоо жилээс жилд нэмэгддэг. Монголын гайхамшиг бүрдсэн байгалийн цогц үзэсгэлэнт газрыг уншигч таны мэлмийд манай www.mongolcom.mn сайт цуврал болгон хүргэхээр бэлтгэлээ. Монгол хүн болж төрсөн хүмүүн та Монгол орноо бүтэн тойрч аялахыг мөрөөддөг байлгүй. Зөвхөн зурган дээрээс хараад дараа нь харамсах бус өөрийн нүдээр очиж үзээсэй гэж та бүхэндээ Монгол орны заавал очиж үзэх байгалийн дурсгалт газруудыг нэрлэж байна.

    Баян-Өлгий аймгийн 7 гайхамшиг 

    1. Ёлтын сав газар

    Ёлтын сав газар нь Алтай суманд байрладаг. БНХАУ-тай хиллэдэг бөгөөд Алтай таван богдын байгалийн цогцолборт газрын үзэсгэлэнт газруудын нэг. Уг газар нь унаган төрөхөө харьцангуй хадгалсан, дэлхийд ховордсон амьтан, ургамлын тархсан нутаг, ойгоор бүрхэгдсэн үзэсгэлэнт байгальтай юм.

    Энэ бүс нутаг нь байгальд гарч буй хувьсал, байгалийн иж бүрдэлийн өөрчлөлтөд уур амьсгалаас үзүүлэх нөлөө хамгийн чухал байр суурийг эзэлдэг байна. Алтай сумын нутаг дэвсгэр нь дэлхийн бөмбөрцөгийн хойд хагасын дундад өргөрөгт багтдаг учир эх газрын эрс тэс уур амьсгал зонхилно.

    Ёлтын сав газар нутгийн ихэнх хэсэгт уулархаг ой бүхий газар зонхилдог учраас харьцангуй сэрүүвтэр, чийглэг байдаг. Эрчис мөрөн нь уг Ёлтын сав газраас Ёлт, Сонгинот голуудаас эх аван урсдаг. Дундаж өндөр уулсыг хамаарах бөгөөд Ёлт голын хөндийд 2070 м – ээс ар хажуугаар гацуур – шинэсэн, шинэс – гацууран ойн бүслүүр эхлэж түүний доод хэсгээр эмжээрлэн үетэн – элдэв өвст ойн нугын ургамал зонхилно. Энд эмийн ургамал болон хүнсний ургамлаар баялаг юм. Мөн Ёлтын ам, Бэхтийн гол, Өмхэйт гэдэг газруудад  улаалзгана, үхрийн нүд, тошлой, хад зэрэг жимс, жимсгэнэ тархан ургахаас гадна уулын өвөрт сармисан сонгино ургадаг.

    2. Алтай Таван Богдын байгалийн цогцолборт газар

    Монгол орны хамгийн баруун зах, хамгийн өндөр цэг бүхий Алтай Таван Богд нь Монгол Алтайн нуруу хэмээх Монголын баруун захаас Говь-Алтай аймгийн нутгийг өнгөртөл 900 гаруй км vргэлжилдэг уулсын "хоймор" бөлгөө. Хүйтэн, Найрамдал, Малчин, Наран, Бүргэд, Цагаан Суврага бүхий 6 мөнх цаст оргил бүхий хайрханы маань хамгийн өндөр цэг нь улсын хил дээр орших Хvйтэн оргил 4374 м өндөр. Алтай Таванбогдын хамгийн баруун захын мөнх цаст уулууд, уулыг нуга, хээрт Ёлт, Өвчvv уулууд, Хотон, Хоргон нууруудыг оролцуулан 1996 оноос 6362 ам км талбайгаар улсын тусгай хамгаалалтад авч Байгалийн цогцолборт газруудын нэгд бүртгэн авсан. Монголын Аялал жуулчлалын томоохон чиглэлүүдийн нэг бөгөөд олон орны уулчид авиралт хийхээр байнга ирдэг. Жилийн дөрвөн улирал авирах боломжтой боловч хамгийн тааламжтай үе нь намар.

    7 сараас 9 сар хүртлэх хугацаанд цаг агаар тогтуун, тайван, цэлмэг байх учир замын багцаа, мөсөн голын ангал гэх мэт баримжаалах шаардлагатай саад бэрхшээлүүдийг даван гарахад амар байдаг. Гэхдээ цаг агаарын хувьд хамгийн тогтворгүй газрууын нэг бол Алтай Таван Богд. Нэг өдрийн дотор нар шарж, цас, бороо орж, шуурга тавих нь энгийн үзэгдэл. Өөрөөр хэлбэл нэг өдөр 4 улиралын шинжийг та тэндээс харж болноо гэсэн үг. Алтай Таван Богд ууланд Монголын хамгийн том гурван мөсөн гол байдаг. Потанинын мөсөн гол, Александрын мөсөн гол, Гранегийн мөсөн гол.

    Нийт нутаг дэвсгэрийн эзлэх талбай 1566.5 мян км. Өндөр уулын мөнх цас, мөсөн гол, ян сарьдаг, уулын нуга, хээрийн ландшафт, экосистемийн онцлогийг төлөөлсөн үзэсгэлэнт байгальтай, аргаль, янгир, халиун буга, зэрэг хөхтөн амьтан, ирвэс, хүрэн баавгай, хойлог, тас, ёл зэрэг жигүүртний гол байршил болдгоороо зайлшгүй хамгаалах шаардлагатай нутаг юм. 

    3. Потанины мөсөн гол

    Монгол Алтайн нурууны Алтай Таван Богд ууланд Потанин, Александр, Гране гэсэн 10 гаруй том мөсөн голууд байдгаас хамгийн том, хамгийн урт Потаниний мөсөн гол юм. Мөсөн голын урт нь 20 км, өргөн нь 5 км, эзлэх талбай нь 53.5 ам/км гэж гэсэн газарзүйн тодорхойлолт байдаг ч үнэн хэрэгтээ Потанин мөсөн гол бидний үед урт нь 10.4км, талбай нь 24.3 ам/км болсон байна. Урсах явц нь 4365 метрээс 2873 метрт явагдагдана.

    Энэ мөсөн голыг 19-р зууны сүүлч 1876-1880 онуудад Монгол нутгаар хоёр удаагийн газарзүйн судалгааны экспедици зохион байгуулж байсан Оросын судлаач эрдэмтэн Потанины нэрээр нэрлэсэн. Мөсөн гол гэдэг нь уулархаг, налуу газарт олон мянган жилийн мөс, цас, хуримтлагдан нягтарснаас болж бий болдог, мөсөн голууд ихэнхдээ мөстлөгийн үед үүссэн байна. Мөсөн гол нь өндөр уулын бүст хүндийн хүч, тал газарт мөсний зузаан буюу өндрөөс хамаарах даралтаас шалтгаалан урсдаг, аварга том мөсний бөөгнөрөл гэж ойлгож болно.

    Дэлхийн температур, мөсөн гол хоёр нягт холбоотой бөгөөд өдгөө дэлхийн мөсөн бүрхүүл 16,330км2 буюу хуурай газрын 11 орчим хувийг эзлэн оршино. Ихэнх мөстөл, мөсөн гол нь уулын ар хажууг даган зүүн хойт, хойт, баруун хойт чиглэлд тархсан байна. Харин уулсын энгэрт байрласан мөсөн гол дөнгөж гурваас илүүгүй хувийг эзэлнэ. 

    Монгол орны мөстөл, мөсөн голын тухай Оросын эрдэмтэн С.В.Колесников 1963 онд 270 ам км талбайтай 130 мөсөн гол Монгол Алтайд тархсан хэмээн тэмдэглэсэн байхад Н.Т.Кузнецов мөсөн голын талбайг 350 ам км гэжээ. Монголын газарзүйч эрдэмтэн Ж.Цэрэнсодном Орос-Монгол-Хятадын хил дагуу судалгаа хийж, Монгол Алтай нурууны мөсөн голын тоог 240 хүргэж, талбайг 702.7 ам км хэмээн тодорхойлсон байдаг.

    Потаниний мөсөн голыг Ус Цаг Уурын хүрээлэн, Япон улсын Далайн шинжлэх ухаан, технологийн агентлагийн Уур амьсгалын өөрчлөлтийг урьдчилан судлах хүрээлэн хамтран 2003 оноос Таванбогд уулын Потанины мөсөн гол, Цамбагарав уулын арын хажуугийн мөстөлд хайлалт, хуримтлал, түүнд нөлөөлөх уур амьсгалын хүчин зүйлсийн судалгааг хийж байна. Тэдний тодорхойлсноор Потанины мөсөн голын мөс хамгийн зузаан хэсэгтээ 229 метр, хамгийн нимгэн хэсэгтээ 77 метр байна. Мөсөн гол өндөрлөг налуу хэсэгтээ 30 метр/жил, тэгш талдаа 15 метр/жил гэж тодорхойлсон байна.

    Сүүлийн жилүүдэд дэлхийн дулаарлын нөлөөгөөр мөсөн гадаргын талбай эрс багасч, олон мөсөн голууд хайлж устах аюулд ороод байгаагийн нэг Потанины мөсөн гол болж байна. Потаниний мөсөн голын хайлах үйл явц нь 20 зууны эхээр эхэлсэн бөгөөд мөстлийн хайлах хэмжээ нь 2005 онд мөсөн голын хайлах бүсэд дороос дээшлэх тутам багасаж 378-242 см болжээ. Уур амьсгалын өөрчлөлт, дэлхийн дулаарлаас шалтгаалан монголын болон гадны судлаач эрдэмтэд монголын мөсөн голууд энэ хурдаараа хайлбал 2090 он гэхэд хайлж дуусна гэж тооцоолсон байдаг.

    4. Бага Ойгарын цагаан салаагийн хадны сүг зураг

    Баян-Өлгий аймгийн Улаанхус сумын нутагт Алтай таван богдын Бага Ойгар, Усайн Цагаан салаагийн голын савд байдаг. Өргөн нь 500 метр, урт нь 15 километр үргэлжлэх нутагт тархсан хадны сүг зураг бөгөөд шинэ чулуун зэвсгээс хүрэл зэвсгийн үе хамарсан нийт 8000 жилийн түүхийг агуулдаг.

    Эрт балар цагийн хүмүүсийн хойч үедээ үлдээсэн зурган захиа бөгөөд нийт 10 мянга гаруй сүг зураг тоологджээ. Өөрөөр хэлбэл, тухайн үеийн уран зургийн галерей юм. Хамарсан талбай хэмжээгээрээ Монголд хамгийн том төдийгүй дэлхийд томоохон дурсгалд тооцогдоно. 1994 онд Монгол, Америк, Оросын эрдэмтэд хамтран судалж судалгааны үр дүнгээ нэгтгэн 1999 онд Парис хотод хэвлүүлснээр дэлхийн археологийн салбарт танигджээ. Зэрлэг үхэр, адуу, буга, янгир, аргаль, чоно, гахай, баавгай, загас, шувуу зэрэг олон төрлийн ан амьтан дүрслэн зурснаас гадна морь унасан хүмүүс, ан гөрөө хийж буй анчид, байлдаж буй цэрэг дайчид, морин тэрэг жолоодсон хүн зэрэг дүрслэл байдаг.

    Тухайн үеийн ангийн амьтан, гаршуулж буй амьтад, өдөр тутмын ажил үйлээ ийнхүү 8000 жилийн туршид үе улируулан үргэлжлүүлэн зурж үлдээсэн нь үнэхээрийн гайхамшигтай юм. Ийм урт он цагийг туулж нар салхинд бүдгэрсэн ч үндсэн шинж чанараа алдалгүйгээр өнөөг хүрсэн нь ямар их үнэ цэнэтэй дурсгал болохыг гэрчилнэ. Энэхүү гайхамшигтай байгалийн галерей нь өнөө цаг үед дэлхийн олон орны жуулчид, дотоодын аялагч нар, олон улсын эрдэмтэн судлаачдын анхаарлыг татаж, үзэхээр зорих хүмүүсийн тоог жил ирэх тусам нэмэгдүүлж байна. 1994 онд хийгдсэн тэрхүү судалгааны үр дүнд дэлхийд танигдсанаар ЮНЕСКО дэлхийн өв соёлын сандаа бүртгэн авчээ. Тус дурсгалыг үзэхээр явахдаа Өлгий хот - Согоогийн гол - Хөх хөтөл - Хар ямаат – Бага Ойгор – Усай – Цагаан салаа – Өлгий хот гэсэн маршрутаар явах нь илүү тохиромжтой хэмээн Баян-Өлгийчүүд зөвлөдөг.

    5. Бага Түргэний хүрхрээ

    Алтай Tаванбогдын байгалийн цогцолборт газрын үзэсгэлэнт газруудын нэг нь Цэнгэл сумын Хотон, Хурган нуурын хөндийн Бага түргэнийн хавцалд орших Бага түргэний хүрхрээ юм. Уг хүрхрээ мөнх цаст уулсаас эх авч урсаж байгалийн үзэсгэлэнт гайхамшигийг цогцлоосон онгон зэрлэг байгаль дунд оршдогоороо онцлог юм.

    Хүрхрээний өндөр нь 15 метр бөгөөд энэ нь тус аймагт оршиж буй хүрхрээнүүдийн хамгийн өндрөөс унан урсаж буй хүрхрээ болж тооцогддог. Эргэн тойрон дахь уулсаараа Сибирь гацуур, шинэс мод, хонин аарц ургадаг бол  Бага Түргэний голын хавцал нь бор бургас, бутлаг ургамлаар баялаг. Хавар, зуны сард уулын ширүүн урсгалт голыг өгсөж энэ нутгийн унаган загас болох Монгол хадран сүрэг сүргээрээ дээшилж түрсээ шахдаг. Хүрхрээ орчмын нутаг дэвсгэрийг Алтай Таванбогдын байгалийн цогцолборт газрын аялал жуучлалын бүсэд хамруулсан ба түүнээс дээшхи улсын хил хүртэлх 10000 орчим га талбай газар нутгийг онцгой бүсэд хамруулжээ. Хүрхрээний орчмын Сумдайрых уул, Хөндлөнгийн уул, Дээд ууланд халиун буга, янгир ямаа, цоохор ирвэс, шилүүс мий, нохой зээх зэрэг хөхтөн идээшин нутагладаг бол  Алтан гагнуур, Алтайн сонгино зэрэг ховор ургамал элбэг тархаж ургасан байдаг. Мөн Дээд уулын хонхорт мөнх цас, мөсөн голын гаралтай хэд хэдэн цэнгэг устай нуур, цөөрөм бий.

    Баруун талын хяр дагаж далайн түвшнээс дээш 3000 орчмын өндөрт орших хад асгатай хэсэгт эртний түүх соёлын ховор дурсгалд тооцогддог хадны сүг зураг олон арвааар тааралдана. Алтай Таванбогдын БЦГ-ын энэ хэсэг БНХАУ-ын Шинжан Уйгарын Өөртөө Засах Орны Алтай аймгийн Ханасын дархан цаазат газартай хиллэж оршдог юм. 

    6. Толбо нуур

    Баян-Өлгий аймгийн төв Өлгий хотоос урагш 45 км-т, Өлгийгөөс Ховд хот орох төв замын дагууд Толбо нуур оршино. Энэ нуур нь зүүн өмнөөс баруун хойш сунаж байрлана. Нуурын хотгор тектоник гаралтай, цэнгэг устай, мөстлөгийн гаралтай нуур - хамгийн урт 21,5 км, өргөн 6 км хүрч усны мандал нуурын зүүн урд 2089м бол баруун хойд хэсэг Түргэний голын хавьд 2079м байна. Толбо нуур 1000-1500 метрийн харьцах өндөртэй хад асга бүхий нүцгэн уул нуруугаар хүрээлэгдэнэ. Нуурын эргэн тойрны уулсад эртний мөстлөгийн ул мөр тод ажиглагддаг, одоо хир нь Хүнгүй нуруу, Хатуугийн уулс /3820 м/ зэрэг зарим уулын оргилд бага зэрэг үлдэгдэл мөс цас харагдана. Толбо нуурт хэд хэдэн жижиг арал байдгаас хамгийн том нь усны мандлаас дөнгөж цухуйх 4 м өндөр Гичгэний толгой юм. Нуурын ус хуралдуулах сав газрын талбай 1980 хавт.дөр.км юм.

    Толбо нуур нь илүүдэл усаа Түргэн голоор Ховд голын баруун гарын цутгал Өмнө голд өгөх боловч хуурай гандуу үед нуурын түвшин доошлоход ширгэж гадагш урсгалгүй болдог байна. Толбо нуурт хүмүүс амарч зугаалах, загасчлахаар ирэх дуртай байдаг. Толбо нуурын эрэгт буудалж тухлах хэд хэдэн сайхан газрууд бий. Толбо нуурын эрэг дагуу шувуудын амьдралыг ажиглах гол газар нь нуурын адагт Түргэний гол гарч буй хэсэг Толбо нуурын Жижиг нуур юм. Толбо нуурт усны нөмрөгт бүргэд, идлэг шонхор, Гангар хун , Ангир, Тураг гогой буюу хар галуу зэрэг олон зүйл шувууд олноор ирж зусна.

    Нуур нь Алтайн сугас, монгол хадран зэрэг хэдэн зүйл загас элбэгтэй. Нуурын урд үзүүрт Толбо сум оршино. Толбо сум нь аймгийн төвөөс 76км, Жантекей, Шыбыр-Айгыр омгийн казахууд голчлон амьдарна.

    7. Ачит нуур

    Алтайн уулархаг нутаг нуур нилээд олонтой боловч Хангайн, Хэнтийн уулсыг бодвол харьцангуй цөөн юм. Ачит нуурын усны ил талбай 311 хавт.дөр.км, хамгийн урт хойноосоо урагш 30 км, өргөн 16 км хүрэх ба 1464 метрийн үнэмлэхүй өндөрт оршино. Ачит нуур 10500 хавт.дөр.км талбайгаас усжиж байгаа нь Ховд голын ус хуралдуулах сав газрын 21 хувьтай тэнцүү байна.

    Монгол Алтайн нурууны томоохон салбар Сийлхэм, Түргэний нурууны хур цас, мөсөн голоос эх авч урсах Цагаан нуурын гол, Хатуугийн гол, Бөхмөрөн, Улиастай зэрэг хэд хэдэн гол горхийн усаар тэжээгдэж илүүдэл усаа Усан хоолой нэртэй ганц голоор Ховд голд өгнө. Нуурын гүн, усны нөөц тодорхойгүй. Э.М.Мурзеавын тэмдэглэснээр хойт талдаа 10 метр гүн байсан бөгөөд өмнөд эрэг хавьд үүнээс гүн байж болох юм.

    Ачит нуур Дэвэлийн арал орчмоор 158 зүйл шувуу бүртгэгдсэн байдаг. Монгол орны Улаан номонд орсон хар өрөвтас, гангар хун, хээрийн галуу, хошуу галуу, цагаан сүүлт нөмрөг, зэрлэг гургуул, хонин тоодог, жороо тоодог, Азийн цацууль, итэлгэн цахлай зэрэг ховор шувуудтай. Нуур усандаа Алтайн сугас, Монгол хадран зэрэг загастай. Бөхмөрөн голын адагт намагжсан нугатай томоохон садараа адагтай. Өмнөд хэсэг нь хадан хясаа, нуур руугаа тvрж ороод эгц хошуу vvсгэсэн байдаг. Зvvн хойд эргээр нь одоогийнхоо түвшнээс 50-60 м өндөр буюу 1520 м vнэмлэхvй өндөрт урьд нуурын усны эзэлж байсан газарт олон жижиг нууртай. Эндээс эртний төрмөлийн амьтны vлдэгдэл олддог. Ачит нуураас баруун хойш орших Шанаган хэмээх газраас тvрэгийн бичигт хөшөө vлдсэн .

    Ачит нуурын домог: Галдан Бошигт манжийн цэргээс зугатаан Ховдод ирсэний дараа их зуд болжээ. Хамаг мал сvрэг нь vхэж vрэгдэн, хамж базаасан амуу тариагаа дуусгасан тул цэргvvдэд хэд гурваараа хэрэн тэнэж хоол хvнс эрж явдаг байжээ. Хавар цагт нэгэн хэсэг цэрэг Цагаан голын өгсөн явж нэгэн нуурын дэргэд ирж амсхийж ядарч туйлдсан цэргvvд нэгнийгээ нуурын харзалсан уснаас ус авхуулахаар явуулжээ. Өнөө цэрэг модон хувингаараа ус хутгатал устай цуг олон загас хувинд орсонд бөөн баяр болоод аваад иржээ.

    Ийнхvv цэргvvд өлсөж vхэх аюулаас аврагдан тэндээ саатан тухалж тэнхэрч аваад уг нуурыг vхэх аюулаас аварсан ачит нуур минь гэснээс болж “Ачит” нуур нэртэй болсон гэх домог бий.

    Өөр нэгэн домог ч бас байдаг. Эрт vед хvмvvс дайснаас дvрвэж өвс, ургамал, бэлчээр сайтай нутаг хайж яваад аяншин ядарч, өлсөж ундаасан зvдэрч байтал нэгэн томоохон нуур харагдахаар тэнд очжээ. Гэтэл тэр нуурын мандлаас нэг том загасны сэрвээ цухуйгаад хөлдчихсөн байжээ. Дээрх хvмvvс тvvнийг цавчин авч идэн тэнхэрч ихэд баярлан “Ээ хөөрхий Ачит нуур минь” гэж дуу алдсан гэдэг. Vvнээс хойш тэрхvv нуурыг “Ачит” нуур гэж нэрлэсэн гэдэг.

    Бэлтгэсэн: Д.Золзаяа

  • “Ulgii Cup” боксын олон улсын тэмцээн эхэллээ
    “Ulgii Cup” боксын олон улсын тэмцээн эхэллээ

    “Ulgii Cup” боксын олон улсын тэмцээн өнөөдөр Спорт цогцолборт эхэлж, урьдчилсан тоглолтууд явагдаж байна. Тус тэмцээнд ОХУ, БНХАУ, БНКазУ, Монгол Улсын нийт 100 гаруй тамирчин, эмэгтэйчүүдийн 44 кг, эрэгтэйчүүдийн  49кг, 52кг, 56кг, 60кг, 64кг, 69 кг, 75кг, 81кг, 91 кг гэсэн жинд өрсөлдөж байна.

    Олон улсын боксын тэмцээний нээлт маргааш 14:00 цагт болно.  

    Энэхүү боксын тэмцээн дөрвөн өдөр үргэлжилж, наймдугаар сарын 29-нд өндөрлөнө.  

  • М.Женисбек
    М.Женисбек "Адуучин 2014" тэмцээний эмнэг булгиулалтын төрөлд аварга боллоо

    Ерөнхий сайдын ивээл дор жил бүр зохион байгуулдаг “Адуучин 2014” тэмцээнд 21 аймгаас шалгарч ирсэн адуучид уурга ташуур шүүрэх, уран уургач, уран бугуйлч, эмнэг хангал сургагч гэсэн дөрвөн төрлөөр өрсөлдөж шилдгүүдээ тодрууллаа.

    Монголчуудын адуу эдлэх соёлыг олон нийтэд  түгээн сурталчлах, энэ соёлыг хадгалж хамгаалж үлдэх, эзэмшихэд энэ “Адуучин” тэмцээн чухал ач холбогдолтой. Бидний бахархал болсон энэ соёл, уламжлалыг олон нийтэд сурталчилж, хүртээл болгох үүднээс ирэх жилээс энэ тэмцээнийг Үндэсний их баяр наадмын хөтөлбөрт оруулах болсон гэж Ерөнхий сайд Н.Алтанхуяг тэмцээнд оролцогчдод хандаж хэллээ.

    Аймаг бүрээс шалгарч ирсэн шилдэг адуучдаас Хэнтий аймгийн Биндэр сумын адуучин Х.Бат-Эрдэнэ шилдгийн шилдгээр шалгарч Ерөнхий сайдаас шагналаа гардлаа. Удаах байранд өнгөрсөн жилийн аварга Хэнтий аймгийн Батноров сумын адуучин А.Алтаншагай, гурав дугаар байранд Архангай аймгийн Цэнхэр сумын адуучин Ч.Баасандорж нар шалгарлаа. Мөн тэмцээний төрөл тус бүрээр аварга шалгаруулж шагнал гардуудсан байна.

    Баян-Өлгий аймгийн Ногооннуур сумын адуучин Манахайн Женисбек тус тэмцээний эмнэг булгиулалтын төрөлд аваргалжээ.

    Тэмцээний нийлбэр дүнгээр тэргүүн байранд орсон адуучин 8 сая төгрөгөөр шагнуулсан бол дэд байр 6 сая төгрөг, гуравдугаар байрын шагнал 4 сая төгрөгөөр шагнагджээ.

  • Капитал банк Баян-Өлгий аймагт дахин шинэ салбараа нээлээ
    Капитал банк Баян-Өлгий аймагт дахин шинэ салбараа нээлээ

    Монголын банк санхүүгийн салбарын анхдагч  Капитал банк харилцагчиддаа хүргэх бүтээгдэхүүн үйлчилгээнийхээ сувгийг нэмэгдүүлж салбар, нэгжийнхээ тоог өргөжүүлэн тэлэхэд онцгойлон анхаарч байгаагийн тод жишээ нь Улаанбаатар хот болон хөдөө орон нутагт дараалан нээгдэж буй тус банкны салбар нэгжүүдээс харж болно.

    Капитал банкны 77 дахь салбар нэгж болох Өлгий тооцооны төв Баян-Өлгий аймгийн төв талбайд нээгдлээ. Өлгий тооцооны төв нээгдсэнээр, хүн амын төвлөрөл ихтэй Баян-Өлгий аймгийн нийт ард иргэд, аж ахуй нэгж байгууллагуудад банк санхүүгийн үйлчилгээг түргэн, шуурхай хүргэх таатай нөхцөл бүрдэж байна.

    Харин дараагийн салбар нэгжээ Ховд аймгийн Булган сум, Ярантын боомт, Дундговьт албан ёсоор нээхээр төлөвлөн ажиллаж байна. Нийслэл болон хөдөө орон нутгийн 80 орчим салбар тооцооны төвөөрөө дамжуулан дэлхийн жишигт нийцсэн банкны үйлчилгээг хүргэхийн төлөө хичээн ажиллаж буй 500 орчим ажилтан албан хаагчтай Капитал банкны салбар сүлжээ ийнхүү өргөжин тэлсээр байна.

  • Улс төрд шинэ Манлайлагч - Удирдамж, бүртгэлийн хуудас
    Улс төрд шинэ Манлайлагч - Удирдамж, бүртгэлийн хуудас

    Татаж авна уу.

  • Аймгийн Засаг дарга Х.Дармен БНХАУ-ын ШУӨЗО-д ажиллаж байна
    Аймгийн Засаг дарга Х.Дармен БНХАУ-ын ШУӨЗО-д ажиллаж байна

    2014 оны 08 дугаар сарын 28 -ны өдөр Аймгийн Засаг дарга Х.Дармен БНХАУ-ын ШУӨЗО-ны Алтай аймагт албан ёсны айлчлал хийж,  Орон нутаг судлалын музей болон Уламжлалт  анаагах ухааны эмнэлгийн үйл ажиллагаатай танилцлаа.

    Өнөөдөр Үрүмчи хотод аймгийн Засаг дарга Х.Дарменийг Алтай аймгийн Засаг дарга Ү.Талгат хүлээн авч уулзлаа. Хоёр аймгийн удирдлагууд худалдаа-эдийн засаг, соёл, спорт, аялал жуулчлалын болон  уул уурхай, газар тариалангийн чиглэлээр хамтын ажиллагааг өргөтгөх, Даян-Улаан-уулын хилийн боомтыг үйл ажиллагааг сайжруулах талаар санал солилцлоо.

    Аймгийн Засаг дарга Х.Дарменийг аймгийн ИТХ-ын Нарийн бичгийн дарга К.Баймурат, ИТХ-ын Тэргүүлэгч Д.Мурат, ЗДТГ-ын Төрийн захиргаа, удирдлагын хэлтсийн дарга Х.Мантай, Санхүү, төрийн сангийн хэлтсийн дарга Б.Шолпан нар дагалдан явж байна. Төлөөлөгчид 2014 оны 08 дугаар сарын 30 –ны өдөр Үрүмчи хотод болох “Алтайн эдийн засаг, аялал жуулчлалын хамтын ажиллагааны олон улсын  II чуулган”-д оролцоно.

     

  • «Өлгий цом» боксын олон улсын тэмцээн өндөрлөлөө
    «Өлгий цом» боксын олон улсын тэмцээн өндөрлөлөө

    Наймдугаар сарын 22-29-нд Баян-Өлгий аймгийн Өлгий хотноо «Өлгий цом» боксын олон улсын тэмцээн зохиогдож өндөрлөлөө. Анх удаа зохиогдож буй тус тэмцээнд манай ширэн бээлийтнүүдээс гадна БНХАУ-ын Шинжаан Уйгур, ОХУ-ын Горный Алтай болон Казахстаны дөрвөн баг ирж оролцжээ. Азийн наадмын өмнөх хамгийн том сорилгод гавьяат тамирчин Н.Төгсцогт тэргүүтэй шигшээ багийн шилдгүүд бүгд ирж оролцсон байна. Тэмцээн эрэгтэйчүүдийн 9, эмэгтэйчүүдийн 1 жинд болсон бөгөөд 100 орчим тамирчин хүч сорьжээ.

    Тэмцээний дүн

    Эмэгтэй 44 кг:

    1.Б.Нуржамила

    2.А.Жанбота

    3.Ж.Лашин, Н.Гүлдаурен (бүгд Баян-Өлгий)

    Эрэгтэй: 49 кг:

    1.Г.Ган-Эрдэнэ (Шигшээ баг)

    2.Т.Жолдасбек (Баян-Өлгий)

    3.Т.Ариунболд (Баян-Өлгий), П.Жамьянбат (Шигшээ баг)

    52 кг:

    1.А.Нурлан (Баян-Өлгий)

    2.Х.Энхдэлгэр (Шигшээ баг)

    3.О.Баяндалай (Баян-Өлгий), М.Гандулам (Шигшээ баг)

    56 кг:

    1.Н.Төгсцогт (Шигшээ баг)

    2.Е.Идэрхүү (Баян-Өлгий)

    3.Б.Билгүүн (Шигшээ баг), Сакен Судкев (Казахстан)

    60 кг:

    1.Д.Отгондалай (Шигшээ баг)

    2.Ж.Жусипов (Казахстан)

    3.П.Пүрэвсүрэн (Шигшээ баг), П.Сүхмягмар (КО)

    64 кг:

    1.Б.Чинзориг (Шигшээ баг)

    2.О.Норовбал (Казахстан)

    3.Г.Баярхүү (Шигшээ баг), С.Хавал (Баян-Өлгий)

    69 кг:

    1.Б.Түвшинбат (Шигшээ баг)

    2.О.Тортогулов (Казахстан)

    3.Л.Зоригтбаатар (Шигшээ баг), Б.Мөнх-Ирээдүй (“Алдар”)

    75 кг:

    1.Н.Шинэбаяр (Шигшээ баг)

    2.Ж.Отгонжаргал (Шигшээ баг)

    3.О.Олзбаатар (Шигшээ баг), Т.Чулуунтөмөр (Баян-Өлгий)

    81 кг:

    1.Т.Ибраим (Баян-Өлгий)

    2.Х.Бекнур (Баян-Өлгий)

    3.Е.Сунгарин (Казахстан), О.Тогтар (Казахстан)

    91 кг:

    1.Р.Алжанов (Казахстан)

    2.Т.Хаукен (БНХАУ)

    3.Х.Өмирзах (Баян-Өлгий), Т.Эрболат (Баян-Өлгий)

    Багийн дүнгээр Үндэсний шигшээ баг өнгөлж, Баян-Өлгий, Казахстаны боксчид удаалав. Шилдэг тамирчнаар 52 кг-д түрүүлсэн А.Нурлан, өсөх ирээдүйтэй тамирчнаар 49 кг-д мөнгө авсан Т.Жолдасбек, шилдэг шүүгчээр Даваасүрэн, дасгалжуулагчаар Д.Батсүрэн нар тодорсон байна.

  • Шинэ үндсэн хууль батлалцсан Засаг даргаа эргэн дурсана
    Шинэ үндсэн хууль батлалцсан Засаг даргаа эргэн дурсана

    1990-1998 онд тус аймгийн Засаг даргын алба хашсан К.Мизамхан агсаны мэндэлсний 70 жилийн ойг төрсөн нутаг  Баяннуур суманд энэ сарын зургаанд тэмдэглэхээр болжээ. БНМАУ-ын АИХ-ын депутатаар сонгогдон шинэ Үндсэн хуулийг батлахад оролцсон төрийн зүтгэлтэн тэр эрхэмийн ойгоор ард түмний зан заншлын дагуу шашны ном хурж, хурдан морь уралдуулан, бөх барилдаж, яруу найргийн болон харилцаа дууны уралдаан зохиов. Мөн түүний хөшөөг Өлгийд  босгон, дурдатгалын ном гаргах болсон тухай ойд бэлтгэх, тэмдэглэн өнгөрүүлэх комиссын ахлагч, аймгийн Засаг даргын орлогч дарга Н.Санатбек ярилаа. К.Мизамхан 1967 онд ХААДС төгсөөд Архустын САА-д ерөнхий инженерээр ажил хөдөлмөрийнхөө анхны гараагаа эхлээд, Өлгийд авто баазын ерөнхий инженер, Ногооннуурын тэжээлийн аж ахуй болон Баяннуурын САА-н даргаар үр бүтээлтэй ажиллаж байгаад аймгийн даргын сонгуульт үүргийг хүлээсэн байна. Тэрбээр 2007 онд нас нөгчсөн юм. Тэрбээр өндөр мэдлэг боловсролтой, удирдан зохион байгуулах авъяас чадвар, уян хатан сэтгэлтэй, бусдыг үлгэрлэн дагуулагч байсан төдийгүй орон нутагт шилжилтийн бэрхшээлийг даван туулах, олон намын нөхөдтэй хамтран ажиллах, хөрш орнуудтай сайн харилцаа тогтооход санаачлагатай ажилласан байна.

  • Баян-Өлгий аймгийн шинэ хичээлийн жилийн нээлт болов
    Баян-Өлгий аймгийн шинэ хичээлийн жилийн нээлт болов

    Баян-Өлгий аймгийн ерөнхий боловсролын сургуулиуд шинэ хичээлийн жилийн нээлтээ хийв.

    Ерөнхий боловсролын сургуульд 22 100 орчим хүүхэд, цэцэрлэгүүдэд 11 100 хүүхэд суралцах юм. 12 жилийн анхны сурагчид энэ хичээлийн жилд төгсөлтөө хийх юм байна. Боловсролын салбарт энэ онд улсын төсвөөс 6,4 тэрбум төгрөгийн хөрөнгө оруулалт хийсэн нь өнгөрсөн оныхоос 2,4 тэрбумаар илүү байна. Хичээлийн жилтэй холбогдуулан сургуулиудын засвар, шинэтгэл, сургалтын тоног төхөөрөмжөөр хангах ажил амжилттай хэрэгжиж өмнөх зорилттой холбогдуулан багш сурган хүмүүжүүлэгчид болон сургуулийн захирал, цэцэрлэгийн эрхлэгч нарын хурал зөвлөлгөөнийг тус тус чанартай хийхэд аймгийн ИТХТ, ЗДТГ, боловсролын байгууллагууд онцгой анхаарсан байна. Багш нарын сахилга хариуцлагыг өндөржүүлэх үүднээс ёс зүйн аймгийн зөвлөл долоон хүний бүрэлдэхүүнтэй байгуулагдав. Боловсролын салбар энэ оноос сургалтын орчин, сурлагын чанарыг ахиулах, хүүхэд бүрийн авъяасыг нээх, казах сурагчдын төрийн албаны хэлний мэдлэгийг дээшлүүлэх, анги бүлэг бүрийг номын сантай болгож, сургуулиудын номын сангуудыг тохижуулах, сурагчдыг дүрэмт хувцасаар хангахад ахиц гаргах зэрэг зорилтуудыг дэвшүүлсэн байна.

  • “Шинэ сум
    “Шинэ сум" -ын бүтээн байгуулалтын ажил энэ онд дуусна

    Аймгийн Засаг дарга Х.Дармен Цэнгэл суманд хэрэгжиж байгаа «Шинэ сум» хөтөлбөрийн явцтай танилцлаа.

    Таван тэрбум төгрөгийн хөрөнгөөр хэрэгжиж байгаа бүтээн байгуулалтын хөтөлбөрийн хүрээн дэх сумын хотхоны ерөнхий төлөвлөгөө, авто болон явган хүний зам, цэвэр бохир усны болон дулаалгын шугам зэрэг байгууламжийг «Агайын» компани, соёлын төвийн барилгыг «Монстрой эра» компани гардан гүйцэтгэж, ус сувгийн «Суат» компани ч зарим ажлыг гүйцэтгэж байгаа юм байна. Ажлын эрч, чанар одоохондоо муугүй, харин зам, шугам татахад бэрхшээл бишгүй тохиолдож байгаа учир хотхоны ерөнхий төлөвлөгөөний зарим хэсгийг өөрчлөх, айл гэр, худалдаа үйлчилгээний цэг, байр байшинг өөр газарт нүүлгэн шилжүүлэх зохицуулалт хийж эхэлсэн байна. Аймгийн Засаг дарга ажлыг улам эрчимжүүлэх, чанаржуулах талаар зарим үүрэг даалгавар өгөв.

     Энэ ажилд төвөөс зарим мэргэжилтэн урьж туслуулж байгаа бөгөөд Цэнгэл сумаас ажилгүй 40  гаруй иргэн ажилтай боллоо. Бид тендерийн дагуу хүлээсэн үүргээ энэ оны эцэс хүртэл биелүүлж дуусгахаар хөдөлмөрлөж байна гэж «Агайын» компанийн захирал, гавъяат барилгачин Б.Жирен ярилаа.

  • Улс төрд шинэ Манлайлагч - Эсээ бичих заавар
    Улс төрд шинэ Манлайлагч - Эсээ бичих заавар

  • Эрүүл мэндийн довтолгоо
    Эрүүл мэндийн довтолгоо

    Эрүүл мэндийн довтолгоо

    1       Заавал хэвшүүлэх 21 дадал гарын авлага  
    2 Заавал хэвшүүлэх дадал 1-Идэвхтэй хөдөлгөөн, алхалт, дасгал  
    3 Заавал хэвшүүлэх дадал 2-Зохистой, зөв хооллолт  
    4 Заавал хэвшүүлэх дадал 3-Уур бухимдлаа зөв удирдаж сэтгэл санаагаа амар амгалан байлгаж сурах  
    5 Заавал хэвшүүлэх дадал 4-Тамхинаас татгалзаж өөрийгөө болоод бусдыгаа хорт утаагаар хордуулахгүй байх  
    6 Заавал хэвшүүлэх дадал 5-Архины хэт хэрэглээ, түүний хор нөлөөнөөс сэргийлэх  
    7 Заавал хэвшүүлэх дадал 6-Ундны усны хүртээмж, чанар аюулгүй байдлыг хянаж, цэвэр, сайн ус уух  
    8 Заавал хэвшүүлэх дадал 7-Гэрийн доторхи болон амьдарч байгаа орчныхоо ариун цэврийг сахих  
    9 Заавал хэвшүүлэх дадал 8-Эрүүл үедээ жирэмслэж, жирэмсэн үедээ эрүүл байж, эрүүл хүүхэд төрүүлэх  
    10 Заавал хэвшүүлэх дадал 9-Эрчүүдээ хайрлаж, тэдний эрүүл мэндийн эрсдлийг бууруулах  
    11 Заавал хэвшүүлэх дадал 10-Нялхас, бага балчир хүүхдээ эрүүл, чийрэг өсгөн торниулах мэдлэг, хандлагатай байх  
    12 Заавал хэвшүүлэх дадал 11-Охид, хөвгүүдээ хайрлан халамжилж, тэднийг өөртөө итгэлтэй болгон төлөвшүүлэхэд хүчин чармайлт гаргадаг байх  
    13 Заавал хэвшүүлэх дадал 12-Сэтгэл хангалуун, чанартай урт наслах  
    14 Заавал хэвшүүлэх дадал 13-Цусны даралтын хэмжээг мэддэг, цусны даралтаа хянаж чаддаг, ихэдсэн үед цаг алдалгүй арга хэмжээ авч сурах  
    15 Заавал хэвшүүлэх дадал 14-"Дэлгэцийн донтолт"-оос үр хүүхдээ хамгаалах  
    16 Заавал хэвшүүлэх дадал 15-Осол гэмтлээс сэргийлэх  
    17 Заавал хэвшүүлэх дадал 16-Эрүүл мэндийн мэдээлэл авах, мэдлэгтэй болох, амьдралын буруу хэвшлээ өөрчлөх  
    18 Заавал хэвшүүлэх дадал 17-Эмийн зохистой хэрэглээ  
    19 Заавал хэвшүүлэх дадал 18-Халдварт өвчнөөс өөрсдийгөө болоод үр хүүхдээ хамгаалах  
    20 Заавал хэвшүүлэх дадал 19-Анхны тусламж үзүүлж чаддаг байх  
    21 Заавал хэвшүүлэх дадал 20-Ахуйн болон орчны гаралтай хог, химийн хордлогоос хамгаалах  
    22 Заавал хэвшүүлэх дадал 21-Идэвхтэй хөдөлгөөн

  • Ховд гол дээр усан цахилгаан станц барина
    Ховд гол дээр усан цахилгаан станц барина

    Монгол Улсаас Бүгд Найрамдах Турк Улсад суугаа Онц бөгөөд Бүрэн эрхт Элчин сайд Б.Батхишиг Туркийн ZTM компанийн ерөнхий менежер Мүслүм Гүндүзийг Элчин сайдын яамандаа хүлээн авч уулзан Ховд гол дээр барих усан цахилгаан станцын талаар ярилцав.

    М.Гүндүз уг усан цахилгаан станцын техник-эдийн засгийн үндэслэлийг энэ онд хийж дуусгахаа мэдэгдээд цаашид хөрөнгө, санхүүжилтийг босгох нөхцөл, арга хэмжээний талаар ярьж танилцуулав. Уг станцын ажлыг хурдасгахын тулд Монгол, Туркийн холбогдох яамд, газруудын үйл ажиллагааг холбож уялдуулах талаар Элчин сайдын яамнаас тусалж дэмжихээ Элчин сайд Б.Батхишиг илэрхийлэв.

    Баян-Өлгий аймгийн төв Өлгий хотоос хойш 40-өөд километрийн зайд орших Ховд голын хавцалд баригдах усан цахилгаан станц нь 160 сая орчим долларын өртөгтэй бөгөөд 56 мегаватт цахилгаан эрчим хүч үйлдвэрлэх хүчин чадалтай байх юм. Уг станц ашиглалтад орсноор баруун бүсийн аймгуудыг цахилгаан эрчим хүчээр бүрэн хангах боломжтой болох ажээ.

    Туркийн ZTM компани Монгол орны усан цахилгаан станцын хөгжлийн мастер төлөвлөгөөг мөн хийж эхэлжээ.

  • “Залуучуудын хөгжлийн төв”-ийн нээлт боллоо
    “Залуучуудын хөгжлийн төв”-ийн нээлт боллоо

    Швейцарийн хөгжлийн Агентлаг, Люксембургийн Засгийн Газар, Нэгдсэн Үндэстний Баягууллагын хүн амын сангийн дэмжлэгтэйгээр Монгол улсын Засгийн Газар, НҮБ-ын Хүн амын сан хамтран хэрэгжүүлж буй “Залуучуудын Хөгжлийн Төсөл”-ийн хүрээнд  Баян-Өлгий аймагт 2014 оны 9 дүгээр сарын 5-ны өдөр орон нутгийн залуучуудад зориулсан “Залуучуудын хөгжлийн төв”-ийн нээлт боллоо.

    Нээлтийн ёслолын арга хэмжээнд ХАХНХЯ-ны Төрийн нарийн бичгийн дарга Б.Отгонжаргал,  НҮБ-ын Хүн амын сангийн Залуучуудын хөгжлийн төслийн менежер З.Уянга, Швейцарийн хөгжлийн агентлагийн Хамтын ажиллаганы Захирал, Ерөнхий консул Маркус Валдвогель, Швейцарийн хөгжлийн агентлагийн дэд суурин төлөөлөгч Дийпак Элмер, ХЗЯ-ны төрийн нарийн бичгийн дарга Баярцэцэг, Ховд Их Сургуулийн захирал Ж.Янжмаа,  Аймгийн Иргэдийн Төлөөлөгчдийн Хурлын Дарга Б.Лазатхан, Аймгийн Засаг даргын орлогч Н.Санатбек болон албаны бусад хүмүүс оролцлоо.  

    Орон нутагт залуучуудын хөгжлийн төвтэй болсоноор өсвөр үеийн хүүхэд, залуучуудад нөхөн үржэхүйн эрүүл мэндийн боловсрол олгох, тэдний бие бялдар, оюун ухааны хөгжилд эерэг хандлагыг төлөвшүүлэх ач холбогдолтой юм. Мөн хүүхэд залуучууд чөлөөт цагаа зөв боловсон өнгөрүүлэх, тэдэнд интернет номын санд сууж, хүссэн номоо унших, цахим ертөнцөөр чөлөөтэй аялах, хичээл даалгавраа хийх, урлаг уран сайхны төрөл бүрийн арга хэмжээ зохион байгуулах сургалтын танхимуудаар хүссэн цагтаа үйлчлүүлэх боломжийг бүрдүүлж чадсан нь “Залуучуудын хөгжлийн төв”-ийн давуу тал болохыг нээлтийн арга хэмжээний үеэр төслийг санаачлан хэрэгжүүлж байгаа төлөөлөгчид ярьж байлаа. 

    Нээлтийн үйл ажиллагааны үеэр Залуучуудын Хөгжлийн Төвийн тоног төхөөрөмжийг хүлээлцэх баримт бичигт Аймгийн Засаг даргын орлогч Н.Санатбек болон НҮБ-ын Хүн амын сангийн Залуучуудын хөгжлийн төслийн менежер З.Уянга нар гарын үсэг зурж, хүндэт төлөөлөгчид тууз хайчлан Залуучуудын Хөгжлийн Төвийн үүд хаалгыг нээлээ.

  • Баруун бүсийн АШТ шатрын тэмцээн боллоо
    Баруун бүсийн АШТ шатрын тэмцээн боллоо

    Увс аймагт Баруун бүсийн аварга шалгаруулах шатрын тэмцээн 9-р сарын 4-6-нд боллоо.

    Тэмцээнд 42 шатарчин швейцарь системээр 8 өрөг тоглож дүнгээ гаргахад Говь-Алтай аймгийн шатрын дасгалжуулагч Спортын мастер Арнаагийн Мөнхбат түрүүлж, Говь-Алтай аймгийн шатарчин Батхүүгийн Пүрэвдаш, Баян-Өлгий аймгийн шатарчин ФИДЕ мастер Шакейн Хурманбай нар удаалжээ.

  • Бугат сумын сургуулийн 70 жилийн ойн наадамд а.а М.Еркебулан түрүүлэв
    Бугат сумын сургуулийн 70 жилийн ойн наадамд а.а М.Еркебулан түрүүлэв

    Өнгөрсөн амралтын өдрүүдээр цөөнгүй газруудад наадам болж, бөх барилдав. Үүний нэг нь Баян-Өлгий аймгийн Бугат сумын дунд сургуулийн түүхт 70 жилийн ойн наадам юм. Тус наадмын үндэсний бөхийн барилдаанд аймаг сумын цолтой 32 бөх барилдсанаас Баян-Өлгий аймгийн Алтай сумын харьяат Бес богда бүргэд дэвжээний бөх аймгийн арслан М.Еркебулан түрүүлж, Улаанхус сумын харьяат Бес богда бүргэд дэвжээний бөх аймгийн арслан Б.Серик үзүүрлэв. Шөвгийн дөрөвт аймгийн начин Бахыт, сумын заан Ыхлас нар үлджээ.

  • Элчин сайд Ван Шаолун Баян-Өлгий аймагт ажиллав
    Элчин сайд Ван Шаолун Баян-Өлгий аймагт ажиллав

    БНХАУ-аас Монгол Улсад суугаа Онц бөгөөд Бүрэн эрхт Элчин сайд Ван Шаолун Даян - Улаан-Уулын боомтоор Баян-Өлгий аймгийг зорин ирэв.

    Элчин сайд Ван Шаолуныг аймгийн Засаг дарга Х.Дармен угтан авч, Даянгийн боомтын үйл ажиллагаа, дэд бүтэц, цаашдын хамтын ажиллагааны талаар санал солилцлоо.

    Монгол, Хятадын Засгийн газрын хамтарсан шийдвэрээр Даян - Улаан уулын хилийн боомтыг 6 дугаар сарын 01-нээс 10 дугаар сарын 01-ний хүртэл 120 хоног тогтмол ажиллуулахаар тохиролцож, одоогийн байдлаар ажлын өдрүүдээр 08:30-12:30, 14:30-18:30 цагуудын хооронд тогтмол ажиллаж байгаа билээ.

     

    Холбоотой мэдээ: Аймгийн Засаг дарга Х.Дармен БНХАУ-ын ШУӨЗО-д ажиллаж байна

  • УИХ-ын гишүүн, ТББХ-ны дарга А.Бакейн дэмжлэгтэйгээр Нэгдсэн эмнэлэг гемодиализийн аппараттай боллоо
    УИХ-ын гишүүн, ТББХ-ны дарга А.Бакейн дэмжлэгтэйгээр Нэгдсэн эмнэлэг гемодиализийн аппараттай боллоо

    Өнөөдөр УИХ-ын гишүүн, ТББХ-ны дарга А.Бакейн дэмжлэгтэйгээр аймгийн Нэгдсэн эмнэлэгт бөөрний цус цэвэршүүлэх гемодиализийн аппарат ирж, Нэгдсэн эмнэлгийн хамт олон албан ёсоор хүлээн авлаа.

    Уг арга хэмжээнд УИХ-ын гишүүн, ТББХ-ны дарга А.Бакей, аймгийн Засаг дарга Х.Дармен, ЗДТГ-ын дарга Т.Манкей, НХХ-ийн дарга С.Ерия, ЭМГ-ын дарга С.Айгүл, "IVCO" ХХК-ны Ерөнхий инженер З.Жанибек болон албаны бусад хүмүүс оролцлоо.

    Аймгийн Засаг даргын нөөц хөрөнгөнөөс 9,4 сая төгрөгийн хөрөнгө хуваарилсанаар бөөрний цус цэвэршүүлэх гемодиазизийн аппаратыг байршуулах орон байрын засварын ажлыг дуусгаж бэлэн болгосон байна.

    Диализийн аппарат бол бөөрний дутагдалтай буюу өвчин нь төгсгөлийн шатандаа орсон хүмүүсийн амьдралыг аврах, мөн амьдрах хугацааг нь уртасгах эмчилгээний арга юм. Уг гемодиализмийн аппаратын гол зарчим нь бөөрний өвчтэй хүн биенээсээ ялгаруулж чадахгүй байгаа хортой бодис бүхий цусыг өвчтөний биеэс ялгаруулж авдаг. Тухайн цусыг шүүж цэвэрлээд буцааж өвчтөний  биед нь юүлж өгдөг эмчилгээний арга юм.

  • Баян-Өлгий аймагт концессийн гэрээгээр баригдсан анхны барилга ашиглалтанд орлоо
    Баян-Өлгий аймагт концессийн гэрээгээр баригдсан анхны барилга ашиглалтанд орлоо

    Өлгий сумын 1 дүгээр бага сургууль биеийн тамирын заалтай боллоо. Тус заал нь Баян-Өлгий аймагт концессийн гэрээгээр баригдсан анхны барилга юм. Спорт заалны барилгын ажлыг Классик Солюшнс ХХК, Зэвсэгт хүчний 340 дүгээр анги төлөвлөсөн хугацаанаас 1 сарын өмнө дуусгаж, өнөөдөр албан ёсоор хүлээлгэн өглөө.

    Уг ёслолын арга хэмжээнд УИХ-ын гишүүн, ТББХ-ны дарга А.Бакей, аймгийн Засаг дарга Х.Дармен, Засаг даргын орлогч Н.Санатбек болон бусад албаны хүмүүс оролцлоо.

  • Боксын оюутны ДАШТ-ээс А.Нурлан хүрэл медаль хүртэв
    Боксын оюутны ДАШТ-ээс А.Нурлан хүрэл медаль хүртэв

    ОХУ-ын Якутск хотноо болсон сонирхогчдын боксын оюутны ДАШТ-ээс манай аймгийн тамирчин А.Нурлан хүрэл медалийн эзэн болллоо.

    Тус тэмцээнд манай улсаас найман эрэгтэй, хоёр эмэгтэй тамирчин ур чадвараа сорин тулалдсан юм. Тэднээс 49 кг-д  Г.Ариунболд  аваргын төлөө хүч үзэж Оросын боксчинд ялагдаж аман хүзүүдсэн бол 52 кг-д А.Нурлан, 56-д Б.Билгүүн, 75 кг-д Ж.Отгонжаргал, харин эмэгтэйчүүдээс Т.Болортуул, М.Гүндэгмаа нар хүрэл медалийн эзэд болжээ.

  • Өлгийд номын хур буув
    Өлгийд номын хур буув

    Өчигдөр Баян-Өлгий аймгийн ЗДТГ-т "Баян-Өлгийнхэн эх орноо хамгаалах үйлсэд" номын нээлтийн ажиллагаа болов.

    Халхын голын байлдааны ялалтын 75 жилийн ойд зориулан бэлтгэл хурандаа Д.Мадениет, Б.Хожабай, Н.Хуанбай, К.Сүйениш, Ш.Тилеубек нар эмхэтхэж, чөлөөнд байгаа дэслэгч генерал Л.Моломжамц зөвлөхөөр ажиллан, МУСГЗ Р.Шынай, Р.Сураган нар хянан тохиолдуулсан уг номонд Баян-Өлгий аймгаас төрж гараад Монгол Улсын Батлан хамгаалах салбарт ажилласан, одоо алба хашиж яваа 200 орчим офицерийн түүх намтар, дурдатгал багтжээ. Шинэ номын ёслолын арга хэмжээг дэд хурандаа Г.Лхагвасүрэн даргатай цэрэг, иргэний хамгаалалтын штаб зохион байгууллаа. Цуглаанд аймгийн Засаг дарга Х.Дармен оролцон баяр хүргэн үг хэлж, номыг эмхэтхэн гаргагсдад дурсамж гардууллаа.

    Засаг дарга Х.Дармен энэ нутагт байгаа түүхэн дурсгалт, дайчин уламжлалтай газруудыг тодруулан, хуучин хөшөөнүүдийг тохижуулахыг дэд хурандаа Г.Лхагвасүрэнд зөвлөв. Офицерууд уг номынхоо үргэлжлэл болох дэд дэвтрийг нь эмхэтхэн гаргахаар боллоо. Мөн энэ долоо хоногт аймгийн номын сангаас  "Ном бол амьдралын толь мөн", "Жанибек баатар түүхэн роман" сэдвээр уншигчдын бага хурал, зохиолч уншигчдын уулзалт хийсэн бол энэ үеэр мэндэлснийх нь 70 жилийн ойг тэмдэглэж байгаа АИХ-ын депутат, тус аймгийн Засаг дарга агсан К.Мизамхааны "Оюун ухааны өндөрлөгт" номыг мялаах, уншигчдад гардуулах ёслолын ажиллагаа болов. Удахгүй энд яруу найрагч, жүжгийн зохиолч, сурган хүмүүжүүлэгч агсан Ж.Арганбайн түүвэр зохиолуудын баярыг тэмдэглэнэ.

  • Жи мобайлын үүрэн телефоны сүлжээ хүрнэ
    Жи мобайлын үүрэн телефоны сүлжээ хүрнэ

    Баян-Өлгий аймгийн Алтай сумын Улаанхад, Их Ойгорын Сонгинот зэрэг өндөрлөгүүд дээр гар утасны цамхаг суурилуулах гэж байна. Мөн Толбо-Хашаат-Ховдын 100 км, Цагааннуур-Улаан байшинтын 30 км замыг Азийн хөгжлийн банкны хөрөнгөөр барих ажил аравдугаар сарын 1-нээс эхлэнэ..

    Энэ тухай УИХ-ын гишүүн, ТББХорооны дарга А.Бакей чуулганы завсарлагаар Алтай, Буянт, Толбо, Сагсай зэрэг Баян-Өлгий аймгийн ихэнх сумдын нутгаар явж сонгогчдтойгоо уулзсан тухайгаа тайлагнахдаа мэдэгдлээ. Тэрбээр орон нутгийн иргэд юу хүсэн хүлээж байгаад гол анхаарлаа хандуулсан байна.

    -Эрүүл мэнд, боловсролын салбар дахь дутагдал доголдлын талаар олон хүн санал шүүмжлэл дэвшүүллээ. Эрүүл мэндийн салбар, хөдөөний эмнэлгүүдэд санхүүжилт хүрэлцдэггүй байна, хүүхдийн цэцэрлэгүүдийн тоог нэмэгдүүлэх, сургуулийн дотуур байрны барилга байгууламж барих зэрэг саналууд дэвшигдлээ. Малчдын ажлыг хөнгөвчлөх үүднээс ЕБС-ийн сурагчдын гуравдугаар улирлын амралтыг хаврын төл бойжуулах үетэй тохируулан зохицуулахыг малчид хүсээд байна. Эдгээр асуудлыг төр засгийн дээд байгууллагуудад тавих болно. Тус аймгийн Алтай, Сагсай сумдын сургуулийн дотуур байрыг шинэчлэх, Өлгий сумын замыг сайжруулах, Улаанхус сумын Согоог голд гүүр тавих, газар тариалан зэрэг ажлуудад улсын төсвөөс мөнгө хуваарилагдана гэлээ. 

  • “Баруун Монголын Хүүхдүүд” хоёрдугаар чуулган боллоо
    “Баруун Монголын Хүүхдүүд” хоёрдугаар чуулган боллоо

    Ёс заншил, хэл, ахуй соёлоороо ялгаатай баруун Монголын хүүхдүүд гурван өдрийн турш Ховд аймагт чуулж, "Баруун Монголын Хүүхдүүд" баруун бүсийн хоёрдугаар нэгдсэн чуулганд оролцлоо.

    Хүүхдийн өмнө тулгамдаж байгаа асуудал, түүнийг шийдвэрлэх арга замыг тодорхойлох, бодлого, эрх зүйн шинэчлэлд хүүхэд, иргэд олон нийт, нийгэмд үүрэг хүлээгчдийн анхаарлыг хандуулах, нийгмийн амьдралд ямар эрхтэй, ямар үүрэгтэй оролцож болох талаар хүүхэд, өсвөр үеийнхний дуу хоолойг сонсох, оролцоонд суурилсан хөгжлийн чиг хандлагыг төлөвшүүлэх, шийдвэр гаргах түвшний оролцоог хангахад тус чуулганы зорилго оршиж байна. Тус чуулганаас гарах шийдвэр, уриалгыг танилцуулан Хүүхдийн төлөө үндэсний газрын дарга, баруун бүсийн хүүхдийн төлөө зөвлөлийн дарга нарт гадуулах юм.

    Чуулганы үр дүнд нь хүүхдийн оролцоог бүх талаар дэмжин хүүхдүүдтэй хамтран ажиллах, хүүхдийг аливаа эрсдэлээс урьдчилан сэргийлэх нийгмийн үйлчилгээг бодитойгоор бий болгох уриалгыг өрх гэр бүл, аж ахуйн нэгж байгууллага, бүх шатны бодлого боловсруулан шийдвэр гаргагч, олон нийтэд хандан гаргана.

    Нээлтийн үйл ажиллагаа Ховд хотын төв талбайд зохион байгуулагдсан бөгөөд үүнд ХТҮГ, болон Баян-Өлгий, Ховд аймгийн Засаг дарга нар, баруун аймгуудын НХХ-ийн дарга, ХГБХХ-ийн дарга нар оролцлоо. Нээлтэнд үг хэлсэн бүхий л хүмүүс баруун аймгуудын төлөөлөл болсон хүүхдүүддээ чуулганых нь ажилд амжилт хүслээ.

  • "Евростандартыг нутагшуулах нь" сэдэвт семинар болов

    Монгол Улсын ЗГ-ын 2011 оны 89 дүгээр тогтоолд заасан “Европын холбооны нийтлэг зарчим, хэм хэмжээ, стандартыг судлан нэвтрүүлэх бэлтгэл ажлыг хангах төлөвлөгөө”-нйи дагуу Баян-Өлгий аймгийн Засаг даргын  2013-2016 оны үйл ажиллагааны чиглэлд тусгасан “Евростандартыг нутагшуулах нь” сэдэвт сургалт, семинарыг 2014 оны 9 дүгээр сарын 17-ны өдөр ЗДТГ-ын хурлын танхимд Стандартчилал хэмжилзүйн хэлтэс, ЗДТГ-тай хамтран зохион байгуулав. Уг сургалтанд төрийн байгууллагуудын удирдлагууд болон ААН, Байгууллагуудын 60-аад төлөөлөл оролцов. Сургалтыг Аймгийн Засаг дарга Х.Дармен нээж, ХБХэлтсийн дарга А.Болатхан, тус хэлтсийн дарга А.Ербол, ахлах мэргэжилтэн, улсын шалгагч Ж.Сайран, Хэмжилзүйн тасгийн дарга, улсын шалгагч П.Мурат, баталгаажуулалтын шинжээч Х.Жанаргүл нар сургалттай холбогдолтой илтгэл хэлэлцүүллээ.

  • Баян-Өлгий аймагт оюутны урлаг, спортын их наадам болно
    Баян-Өлгий аймагт оюутны урлаг, спортын их наадам болно

    Монгол Улсын орон нутгийн мэргэжлийн боловсролын их, дээд сургууль, коллежийн оюутны спорт, урлагийн уламжлалт XVII дугаар бүсийн “Универсиад” их наадам Баян-өлгий аймгийн төв Өлгий хотноо энэ сарын  25-29-нд явагдана. Наадмыг Монголын оюутны спортын холбоо,  Баян-Өлгий аймгийн Засаг даргын тамгын газар, Ховд Их Сургуулийн Баян-Өлгий аймгийн салбар сургуулиуд хамтран зохион байгуулна. Наадмын бэлтгэл ажлыг нэг жилийн өмнөөс хангажээ. Нээлт, хаалтын арга хэмжээ нь шинэ Спортын ордонд, урлагийн тоглолтууд нь Хөгжимт драмын театрт болох ба спортын тэмцээнүүд  сургуулиудын спортын заал, цэнгэлдэх хүрээлэнд болно.

    Энэхүү наадамд МУИС-ийн Завхан аймаг дахь салбар сургууль, ЭМШУИС-ийн Говь-Алтай аймаг дахь салбар сургууль, Увс аймгийн Хөдөлмөрийн дээд сургууль, Ховд аймгийн “Ховд” их сургууль, Баян-Өлгий аймгийн Ховд их сургуулийн салбар зэрэг баруун 5 аймгийн их, дээд сургуулийн 300 гаруй хүний бүрэлдэхүүнтэй баг тамирчид оролцохоор бэлтгэж байна. Аймгуудын шигшээ багт орох сонгон шалгаруулалт нь тухайн  ИДСургуулиуд дээр 2014 оны эхнээс эрчимтэй, сонирхол, өрсөлдөөнтэй болжээ.

    Бүсийн “Универсиад” их наадам нь сагсан бөмбөг (эр, эм), шатар (эр, эм), үндэсний бөх, ширээний теннис (эр, эм), модон бөмбөг (эр, эм) зэрэг үндсэн 5 төрлөөр болох ба  үзүүлэх тоглолтын төрлөөр “Тогыз туламах”  буюу казак үндэсний оюун ухааны спортын төрөл (эр, эм) нийтдээ спортын 6 төрлийн тэмцээн болно. Урлагийн их наадам нь 5 төрлөөр болж оюутнууд өөрсдийн авьяас чадвараа сорин өрсөлдөнө. Наадмын үеэр оюутны ЭШ-Онол практикийн бага хурал, оюутны холбоодын  дарга нарын хурал, бүсийн “Оюутан мисс” шалгаруулах тэмцээн, ИДСургуулиудын захирлуудын ажил хэргийн уулзалт-ярилцлага зэрэг олон талт арга хэмжээнүүд нэг дор зохион байгуулагдах ажээ.

    Тус наадамд амжилттай оролцон эхний 3 байранд шалгарсан оюутан тамирчдад Монголын Оюутны УАШТ-ны медаль, өргөмжлөл, мөнгөн шагнал, цомыг Баян-өлгий аймгийн удирдлагууд, МОСХ-ны Ерөнхий нарийн бичгийн дарга Д.Жаргалсайхан, МОХ-ны ажлын албаны дарга Б.Жигжид, Баян-Өлгий аймгийн ХИС-ийн салбар сургуулийн захирал Б.Бекболат нарын зэрэг төлөөлөгчид гардуулж өгнө.

    Энэхүү оюутны бүсийн “Универсиад” наадам Монгол улсын алс баруун хязгаар Баян-Өлгий аймагт хоёр дах удаагаа зохиогдох гэж байна. Энэ наадам нь баруун  бүсийн аймгуудын их, дээд сургуулиудын оюутан залуучуудын дунд 1997 оноос эхлэн уламжлал болон жил бүр зохиогдож ирсэн бөгөөд энэ удаа 17 дах бүсийн наадам “Универсиад” нэрийн дор болно. Энэ наадам нь баруун бүс нутагт явагддаг хамгийн том оюутны спорт –урлагийн цогцолбор арга хэмжээ ба үе үеийн олон зуун оюутан залуучууд шалгаран оролцож ирсэн түүхэн уламжлалтай наадам юм.

  • Өлгий сумын дөрөвдүгээр бүрэн дунд сургуулийг Ж.Аргынбай нэрэмжит болголоо
    Өлгий сумын дөрөвдүгээр бүрэн дунд сургуулийг Ж.Аргынбай нэрэмжит болголоо

    МЗЭ-ийн шагналт яруу найрагч, жүжгийн зохиолч, ардын боловсролын тэргүүний ажилтан Ж.Аргынбайн (1929-1993) мэндэлсний 85 жилийн ойг тохиолдуулан Өлгий сумын дөрөвдүгээр бүрэн дунд сургуулийг түүний нэрэмжит болгожээ.

    Мөн энэ үеэр Түүний зохиолуудын түүвэр гурван боть номыг Аргынбайн эмч охин А.Айжан Улаанбаатарт хэвлүүлэн гаргажээ. Эдгээр арга хэмжээнд зориулсан цуглаан өнгөрсөн лхагва гарагт нэрэмжит сургууль дээр нь боллоо. Баярын цуглаан дээр зохиолч, сурган хүмүүжүүлэгчийн амьдрал, уран бүтээлийн тухай аймгийн Засаг дарга Х.Дармен илтгээд, УИХ-ын гишүүн А.Тлейхан, доктор Х.Ислам, ахмад ажилтан К.Хамза, Ж.Аргынбай агсаны гэргий Ж.Хания, тус сургуулийн захирал А.Майра, ардын жүжигчин Б.Хайжамал, гурван номыг нь ариутган шүүсэн зохиолч Р.Шынай нарын олон хүн баяр хүргэн үг хэлж, сэтгэгдэл, дурдатгалаа ярилаа. Тус сургууль болон зохиолчийн төрсөн нутаг Толбо сумын сургуулийн сурагчид, аймгийн үндэсний театрын жүжигчид Ж.Аргынбайн бүтээлүүдээр бэлтгэсэн уран сайхны тоглолт сонирхууллаа. Ж.Аргынбай 1944 онд анхны шүлгээ аймгийн сонинд нийтлүүлэн, аймагтаа зохиолчдын дугуйлан анхлан байгуулж, уран зохиолын сэтгүүл гаргаж, кино зохиолууд туурвисан, Д.Намдагийн «Цаг төрийн үймээн» роман зэрэг бүтээлүүдийг эх хэлнээ хөрвүүлсэн, аймгийн театр 1956 онд түүний жүжгээр хөшгөө нээсэн зэрэг бүтээлч нэгэн байсан төдийгүй бага анги, хэл уран зохиолын багш, сургуулийн захирал, сурганы секторын эрхлэгч, гэгээрлийн хэлтсийн даргын албыг хашсан зэргээр дөч орчим жил боловсролын байгууллагад ажиллан сургуулиудын түүх, багш нарын арга туршлага, арга зүйн олон бүтээл туурвижээ.

  • Өсвөрийн УАШ бөхийн барилдаан ирэх сард Өлгий хотод болно
    Өсвөрийн УАШ бөхийн барилдаан ирэх сард Өлгий хотод болно

    2014 оны үндэсний бөхийн өсвөр үеийн улсын аварга шалгаруулах барилдаан аравдугаар сарын 3-5-ны өдрүүдэд Баян-Өлгий аймгийн Өлгий хотод болох юм байна.

           Өнөө жил гурван насны ангилалаар 21 аймаг, есөн дүүргийн аварга 30 хөвгүүн тойргоор барилдах юм. Дүүргүүд үндэсний бөхийн өсвөр үеийн улсын аваргуудаа шалгаруулж байгаа бөгөөд 1996, 1997 оны тодорсон сайчууд хүч үзэхийн зэрэгцээ, 1998 оны шинээр улсын аваргад орж байгаа хөвгүүд хүч үзнэ. 

  • «Дарын» сургууль шинэ байрандаа орлоо
    «Дарын» сургууль шинэ байрандаа орлоо

    Баян-Өлгий аймгийн Өлгий сумын «Дарын» хувийн бүрэн дунд сургууль байгуулагдсаныхаа арван жилийн ойгоор шинэ хичээлийн байранд орлоо. Б.Жирен эзэнтэй, Ш.Самат захиралтай энэ сургуулийн уг өргөтгөлийн байрыг Б.Жирен захиралтай «Агайын» компанийнхан барьж байгуулсан байна.

    Арван жилийн өмнө анх байгуулагдсан хичээлийн жилд 120 сурагч суралцаж байсан энэ сургуулийн 1-12 дугаар ангиудад эдүгээ 540 сурагч суралцаж, дөч орчим багш, ажилчид ажиллаж байгаа бөгөөд орос, англи хэл болон математикийн дугуйлангууд хичээллэж үр дүнгээ өгч байгаа тухай захирал Ш.Самат ярилаа. Ирэх жил биеийн тамирын заалтай болохоор төлөвлөж байгаа юм байна. Уг сургууль хичээлийн шинэ байртай болсонтой холбогдуулж аймгийн боловсролын газраас нэг ангид сурагчийн ширээнүүд бэлэглэв.

  • Гудамжийг гэрэлтүүлэг, камертай болгоно
    Гудамжийг гэрэлтүүлэг, камертай болгоно

    Баян-Өлгий аймгийн Засаг дарга Х.Дармен цаг үеийн ажилтай холбоотой хэвлэлийн бага хурал хийв. Засаг дарга нийтэд хандаж хийсэн мэдээлэлдээ Ер Жанибек баатарын мэндэлсний 300 жилийн ойд бэлтгэх, тэмдэглэн өнгөрүүлэхэд идэвхитэй оролцсон нийт иргэдэд талархсанаа илэрхийлээд, орон нутгийг хөгжүүлэх сан болон төсвийн хөрөнгөөр гүйцэтгэх бүх ажил хэрэгжиж байгааг сэтгэл хангалуун тэмдэглэв.

       -Өвлийн бэлтгэл ажлын явц ная орчим хувьд хүрлээ. «Эрчим» компани нэг зуухыг шинээр тавьж байгаа тул Өлгий сумын оршин суугчид энэ өвөл дулаанаар гачигдахгүй боллоо. Нүүрст Хотгорын уурхай бүхэл нүүрс борлуулж байгаа тул хэрэглэгчид татан авч амжих хэрэгтэй.

    Хадлан бэлтгэх төлөвлөгөө аймгийн хэмжээнд хангалттай биелэгдсэн. Харин Булган сумын нутаг зунжин гантай байсан тул энэ сумын малчдад өвс тэжээлийн талаар дэмжлэг үзүүлнэ. 

    Толбо-Ховд, Цагааннуур-Улаан байшинт чиглэлийн зам Азийн хөгжлийн банкны дэмжлэгээр үргэлжилж эхэллээ. Өлгийн төв талбайг тохижуулах, гудамжнуудад гэрэлтүүлэг, хяналтын камер суурилуулах ажлууд одоо эхлэх гэж байна. Эмнэлэг, хүүхдийн цэцэрлэг, сургуулийн дотуур байрны барилгууд баригдаж байна. ОХУ-ын Ерөнхийлөгч В.Путин ОХУ-д зорчих визийг ирх оны эхнээс чөлөөлөөлөх болсон явдал ОХУ, Казахстан руу их зорчдог тус аймгийнхны амжиргаанд ашигтайгаар нөлөөлөх боллоо. Төгрөгийн ханш буурч эдийн засгийн хямрал мэдрэгдээд байгаа ч Баян-Өлгийчүүд урам буураагүй ажиллаж амьдарч байна гэв.
    -Монгол, Казахстан хоёр улсын хооронд харилцан нислэг хийгдэхээр боллоо гэж та өнгөрсөн дөрөвдүгээр сард мэдэгдэж байсан. Уг ажил хэзээ хэрэгжих вэ? гэсэн сэтгүүлчдийн асуултанд  Засаг дарга,
    -Хоёр талын гэрээнд дурдсаны дагуу Казахстаны «Бек Эйр» компани нислэг хийхээр бэлэн болсон байгаа ч манай талын «АэроМонголия» компани техникийн шалтгаанаар түр татгалзсан тул хойшлогдоод байна. Бид бусад арга бас сүвэгчлээд байна гэж хариуллаа.

    Хэвлэл мэдээллийн алба

  • Монголын Боксын холбоо талархал дэвшүүлэв
    Монголын Боксын холбоо талархал дэвшүүлэв

    Баян-Өлгий аймгийн харъяат Монгол улсын аварга шалгаруулах тэмцээний мөнгөн медальт, Казахстаны Олон улсын тэмцээний алтан медальт, Оюутаны Дэлхийн аварга шалгаруулах тэмцээний хүрэл медальт Спортын мастер А.Нурланыг Баян-Өлгий аимгийн Засаг дарга Х.Дармен 3,000,000 төгрөгөөр шагнаж, спортын өндөр амжилт хүсэн ерөөсөн байна.
    Боксын спортыг байнга дэмжиж байдаг Баян-Өлгий аймгийн нутгийн зон олонд болон Засаг дарга Х.Дармен, ССАЖГ дарга Х.Хайнар нарт Монголын Боксын Холбооноос ажлын амжилт хүсч, эрүүл энх, хамгийн сайн сайхан хүсэн ерөөе.
    Баян-Өлгий аймагт зохион байгуулсан "ӨЛГИЙ КАП" Олон улсын тэмцээн нь "Инчеон 2014" Азийн зуны наадам болон Оюутны Дэлхийн аварга шалгаруулах тэмцээнүүдийн өмнөхөн болсон нь манай тамирчидад маш том бэлтгэл сорилго болсон юм.

    БАЯН-ӨЛГИЙЧҮҮДДЭЭ БАЯРЛАЛАА... РАХМЕТ...

  • Согоог багт соёлын төвийн барилга, залуучуудын цэнгэлдэх талбай ашиглалтанд оров
    Согоог багт соёлын төвийн барилга, залуучуудын цэнгэлдэх талбай ашиглалтанд оров

    Олон улсын ахмадын өдрөөр Баян-Өлгий аймгийн Улаанхус сумын Согоог багт соёлын төвийн барилга болон залуучуудын цэнгэлдэх талбай ашиглалтад оров.

    Орон нутгийг хөгжүүлэх сангийн хөрөнгө болох тавин сая төгрөгийн өртөгтэй соёлын төвийн барилгыг Нурбах ХХК, цэнгэлдэх талбайг З.Бахыт ахлагчтай залуучууд чанартай барьж байгуулсан байна. Соёлын төв одоохондоо тусгай төсөв, орон тооны ажилтангүй ч багийн иргэд өөрсдөө санхүүжүүлэн ажиллуулахаар болов.

    Эдгээр арга хэмжээнд аймгийн Засаг дарга Х.Дармен оролцож ахмадууд болон нийт иргэдэд баярын мэндчилгээ дэвшүүлээд энэ багийн сургуульд баригдаж байгаа дотуур байрны байгууламжийн явцтай танилцлаа.

  • Бүргэдийн баяр болно
    Бүргэдийн баяр болно

                                                                                                                                              Photo by Orken Kenzhebek

    15 удаагаа уламжлал болон зохион байгуулагдаж байгаа “Бүргэдийн баяр” –ын үйл ажиллагаа нь 2014 оны 10 дугаар сарын 4-5-ны өдрүүдэд Баян-Өлгий аймгийн Бугат сумын нутаг Саят толгой хэмээх газарт болно.

    Тус арга хэмжээг Баян Өлгий аймгийн ЗДТГ, Соёл, спорт, аялал жуулчлалын газар, Монголын Бүргэдчид Холбоо хамтран зохион байгуулах юм.

    “Бүргэдийн баяр-2014” арга хэмжээний үеэр бүргэд болон морины тоноглолтой бүргэдчин шалгаруулах уралдаан, бүргэдээр амьд ан бариулах, көкпар буюу тулам булаалдах тэмцээн,  мөнгө шүүрэх тэмцээн, урианхай суурийн харваа, казах үндэсний шилдэг хувцастай хос шалгаруулах тэмцээнүүд зэрэг төрөл бүрийн арга хэмжээ болно.

  • Aхмадын зөвлөлд хүндэтгэл үзүүлэв
    Aхмадын зөвлөлд хүндэтгэл үзүүлэв

    Баян-Өлгий аймгийн  ИТХ-ын дэргэдэх  «Аксакалдар алкасы» буюу «Ахмадын зөвлөл»  нь  2006 оноос ИТХ-ын даргын санаачлагаар байгуулагдан ажиллаж  байна.  Зөвлөлийн  бүрэлдэхүүнд  аймаг орны нийгэм, эдийн засгийн салбарт он удаан жил ажиллаж  байсан баялаг туршлагатай,  төр, түмний хүндэтгэл  хүлээсэн ахмадуудын төлөөлөл болох 25 хүн багтдаг.
    Олон улсын  ахмадын  өдрийг тохиолдуулан  Баян-Өлгий аймгийн ИТХ-ын дарга  Б.Лазатхан, Аймгийн Засаг дарга Х.Дармен, Өлгий сумын ИТХ-ын дарга С.Онгар нар  тус зөвлөлийн гишүүн ахмадуудыг хүлээн авч уулзан хүндэтгэл үзүүлэв.
    Ахмадууд  хүндэтгэл үзүүлсэн явдалд  талархал илэрхийлэхийн хамт  аймаг орны  нийгэм,  эдийн засгийн  зарим тулгамдсан асуудлууд болон аймаг, сумын удирдлагаас зохион байгуулж байгаа ажил үйлсийн ололттой тал  болон  оршиж буй дутагдлын талаар ч өөрсдийн санал бодлоо хэлж, цаашдаа анхаарч ажиллахыг  аймаг, сумын  удирдлагуудаас хүсэв.

  • Серик Кабекен баярын мэндчилгээ ирүүлэв
    Серик Кабекен баярын мэндчилгээ ирүүлэв

    Баян-Өлгий аймагт болох гэж байгаа бүргэдчдийн баярыг тохиолдуулан

    ШУӨЗО-НЫ БУУРАЛТОХОЙ ДҮҮРГИЙН ЗАХИРАГЧ СЕРИК КАБЕКЕН АЙМГИЙН УДИРДЛАГАД БАЯРЫН МЭНДЧИЛГЭЭ ИРҮҮЛЭВ.

    Энэ цахилгаан утсанд "Хэдэн зуун бүргэдчидтэй Баян-Өлгийнхэн шувуучлалын наадам зохиож байгаа нь танай ард түмний эр зоригийг харуулан урамыг бадрааж байна. Энэ баяр ард түмний эртний зан заншлыг сэргээх, өөрийгөө бусдад сурталчлан таниулах, хойч үеийнхнийг хүмүүжүүлэхэд онцгой нөлөө үзүүлнэ гэдэгт итгэж байна. Дашрамд хэлэхэд манай хоёр улсын найрамдалт харилцаа сэргэн хөгжиж байна. Айл зэргэлдээ бүсүүд хооронд арилжаа наймаа төдийгүй соёл боловсрол, эрүүл мэнд, аялал жуулчлал, биеийн тамирын салбарт харилцан туслах, хамтын ажиллагаа өргөжөөд байна. Энэхүү хандлагыг улам эрчимжүүлэн бат бэх холбоогоо улам гүнзгийрүүлэх сонирхолтой байна. Сайхан баярлаарай" гэжээ.

  • "Бүргэдийн баяр" боллоо

    Жил бүр уламжлал болгон зохион байгуулдаг аялал жуулчлалын эвент арга хэмжээ Бүргэдийн баяр “Хыран 2014” тэмцээн 10 сарын 4-5-нд ажилттай зохион байгуулагдав. Тэмцээнд түүхэнд анх удаа 2 эмэгтэй бүргэдчин оролцсоноороо онцлогтой болж, гадаадын 600 гаруй жуулчин, дотоодын 1000-аад жуулчид оролцов. Үүнд нийт 7 төрлийн казах ард түмэний спортын төрлийн тэмцээн зохион явагдаж:

    “ХЫРАН 2014” Бүргэдийн тэмцээнээс

    1-р байр Н. Айшолпан - Алтанцөгц сум /эмэгтэй залуу бүргэдчин/

    2-р байр Б. Тенелхан - Толбо сум,

    3-р байр Т. Семсер - Улаанхус сум

    “ХЫЗХУАР” тэмцээнээс:

    1-р байр Т. Өмирбек, С. Амангүл - Алтай сум

     2-р байр Серикбол, Айнур - Бугат сум

     3-р байр Хызырбек, Еркежан - Өлгий сум

     “КӨКПӨР” тэмцээнээс

    1-р байр С. Женисбек-  Сагсай сум

     2-р байр А. Ханат - Бугат сум

     3-р байр А. Бахытбек - Сагсай сум

    “ТЕНГЕ ИЛУ” тэмцээнээс

    1-р байр Т. Өмирбек -  Бугат сум

    2-р байр А. Бахытбек - Сагсай сум

    3-р байр А. Ерлан - Улаанхус сум

    “ҮНДЭСНИЙ ХУВЦАСТАЙ ХОС” шалгаруулах тэмцээн

    1-р байр Б. Хайзым, Рина - Сагсай сум

    2-р байр Оразхан, Нуршуах -  Бугат сум

    3-р байр Нурболат, Ганаа - Өлгий сум

    “ТЭМЭЭ”-ний уралдаан

    1-р байр Ханат -  Сагсай сум

    2-р байр Хурметбек – Улаанхус сум

    3-р байр Зиябек – Сагсай сум

    Тусгай шагналыг Улаанхус сумын иргэн Баглан, Сагсай сумын иргэн Х. Холганат, Алтай сумын иргэн Х.Ардах нар тус тус хүртэв.

  • Өсвөрийн үндэсний бөхийн УАШТ өндөрлөлөө
    Өсвөрийн үндэсний бөхийн УАШТ өндөрлөлөө

    Үндэсний бөхийн өсвөр үеийн улсын аварга шалгаруулах барилдаан энэ сарын 4,5-нд Баян-Өлгий аймгийн Өлгий хотод амжилттай зохион байгуулагдлаа. Зүлэг ногоон дэвжээний дараа үеийн эздийн тулаанд 21 аймаг, 9 дүүргийн аварга хүүхдүүд өрсөлдөв. 

    Дээд буюу 18 нас

    1. Хан-Уулын Болдбаатарын Одсүрэн. Дундговь аймгийн Баянжаргалан сумын харьяат. Аварга биеийн тамирын дээд сургуулийн оюутан. 2012 оны дөрөвдүгээр байр, 2013 оны мөнгөн медальт. Өнөө жилийн Хан-Уул дүүргийн аварга.

    2. Увс аймгийн Түргэн сумын харьяат Баттулгын Нямсамбуу. Чөлөөт барилдааны өсвөр үеийн улсын аварга. Чөлөөт бөхийн 65 кг-ийн шилдэг мастеруудын нэг Б.Нямдоржийн дүү. Өнгөрсөн хавар Алдартан-2014 өсвөр бөхийн тойргийн барилдаанд түрүү бөх Э.Амартүвшинг шороодуулсан цорын ганц бөх болж байсан.

    3. Өвөрхангай аймгийн Сант сумын харьяат Бат-Эрдэнэ. Аварга биеийн тамирын дээд сургууль дээр бэлтгэл сургуулилтаа базаасан.

    4. Хэнтийн Ганбатын Амгалан. Мөн Аварга биеийн тамирын дээд сургуулийн оюутан. 2012 онд улсын аваргаас мөнгөн медаль хүртсэн. 2013 онд бэлтгэл сайтай байсан ч тэмцээний өмнө бэртэж өнжиж байсан. Өнөө жил шагналт дөрөвдүгээр байрт шалгарав. 

    5. Булганы Нямдорж. Энэ насны шилдэгүүдийн нэг. Энэ удаа гавьяат дасгалжуулагч Шаравжамцын Эрдэнэ-Очир дасгалжуулсан. 2012 онд шагналт байр, өнгөрсөн жил хүрэл медаль хүртэж, өнөө жил дахин шагналт байрт шалгарлаа. 

    6. Увсын Мөнх-Эрдэнэ. 

    Энэ насанд өнгөрсөн жил хотын аваргаар хоёрт орж, улсын аваргаар зургадугаар байрт шалгарсан Шонхорын Б.Төөрүүлсамбуу долоод, хоёр удаагийн шагналт байрт Эльбрусийн Бат-Эрдэнэ 11-д тус тус ш алгарлаа. Энэ насны босоо бөх Шижээ начны ач хүү Э.Амартүвшин самбо бөхийн дэлхийн аваргад оролцох тул энэ удаагийн тэмцээнийг өнжсөн байна. 

    Дунд нас 17 нас

    1. Дорноговь аймгийн Хөвсгөл сумын харьяат сумын заан Батсуурийн Бат-Эрдэнэ. Өнгөрсөн жилийн улсын аварга, өнөө жил аймагтаа дөрөв давсан. МБӨ-нд болдог өсвөр бөхийн барилдаануудад үзүүрлэж, шөвгөрч байсан. Улсын хошой аварга болж байна.

    2. Хэнтий аймгийн Батширээт сумын харьяат Осгондаваагийн Эрдэнэбат. Шонхор сургуулийн оюутан. Өнгөрсөн жилийн улсын аваргын хүрэл медальт. Самбо жүдогийн улсын аваргын хүрэлтэй энэ хүү үндсээр улсын аваргын мөнгө, хүрэл медальтай болж байна. 

    3. Булган аймгийн харьяат Н.Намнансүрэн. Өсвөр бөхчүүд дундаа дүүгүүр хэмээн алдаршиж байгаа энэ хүчтэн мөн л МБӨ-нд өсвөр барилдаанд даамай сайхан хүч үзэж байсан. Сүхбаатар аймагт болсон улсын аваргын дөрөвдүгээр байрын шагналт.

    4. Хан-Уулын Даваадоржийн Эрдэнэтулга. Говь-Алтай аймгийн Төгрөг сумын харьяат Аварга лицей сургуулийн сурагч. Баавгай өнгөрсөн хавар өсвөрт түрүүлж, улсын наадамд наймд үлдсэн. Өсвөрийн улсын аваргад мөнгө зүүсэн. Архангай аймгийн 80 жилийн ойд түрүүлж байсан.

    5. Сүхбаатар дүүргийн Н.Даваасүрэн. Ховд аймгийн Цэцэг сумын харьяат Шонхор сургуулийн оюутан. Өнгөрсөн хавар Алдартан 2014-т насандаа мөнгөн медаль хүртсэн.

    6. Увсын Т.Төртүвшинбаяр. Өнгөрсөн жилийн Улаанбаатар хотын аваргад хоёрдугаар байрт шалгарч улсын аваргад оролцож байсан. Сэлэнгийн Хангайн Наранбаяр долоод, Аврагчийн Т.Түвшинтөгс наймд, Архангайн Энхжаргалын Ананд есөд тус тус шалгарв.

    Бага нас 16 нас

    1. Өвархангайн Б.Лхагвадорж. Улсын наадмын гурван удаагийн түрүү, улсын шонхор Батжаргалын Лхагвадорж ийнхүү улсын аваргын анхны алтан медалиа зүүлээ. Сар шинэ, цагаан сар, өвөл цаг, хавар цаг гээд түүнд түрүүлээгүй барилдаан үгүй юм. Залуухан шонхорыг одоо өсвөрийн хоёр ч улсын аваргын тэмцээн хүлээж байна. 

    2. Хэнтий аймгийн Өмнөдэлгэр сумын харьяат Аварга лицей сургуулийн сурагч Дамдинсүрэнгийн Ариунбаатар. Дарханы улсын аваргад насандаа түрүүлсэн. Алдартан дээр мөн түрүүлж, МБӨ-нд өсвөр бөхийн барилдаанд түрүүлсэн. Улсын наадмын их шөвөгтэй.

    3. Баянхонгор аймгийн Галуут сумын харьяат Алтангэрэл. МБӨ-нд 2014 оны хавар цагийн баяр өсвөр бөхийн барилдаанд гуравт үлдэж байсан.

    4. Сүхбаатар аймгийн харьяат Баярсайхан

    5. Баян-Өлгий аймгийн харьяат Төлеужан. 

    Багийн дүнгээр Хан-Уул дүүрэг буюу Б.Адъяахүү дасгалжуулагчтай Аварга биеийн тамирын дээд сургууль тэргүүлж, улсын тайлбарлагч Н.Нэргүйбаатар дасгалжуулагчтай Хэнтий аймаг удаалж, гавьяат дасгалжуулагч Ш.Эрдэнэ-Очир дасгалжуулагчтай Булган аймгийн баг гуравдугаар байрт шалгарлаа.

    Хийморь.мн

  • Тохирлын гэрчилгээ дууссан ААНэгжүүд
    Тохирлын гэрчилгээ дууссан ААНэгжүүд

    Тохирлын гэрчилгээний  хугацаа дууссан дараах ААНэгжүүд тохирлын гэрчилгээний хугацааг сунгуулж, шинээр гэрээ байгуулан ажиллана уу.

    1. “Бастау” зоочид буудал
    2. “Хөх жал” баар
    3. “Нурданеска” үйлчилгээний төв
    4. “ДСА” хиамны үйлдвэр
    5. “Азык” ХК
    6. “Суат” ХХК
    7. “Куншуах” ХХК
    8. “Нуурт” , “Орал” , “Жандана” , “Омар” хүнсний дэлгүүрүүд

  • Татвар төлөгчдийн анхааралд!
    Татвар төлөгчдийн анхааралд!

    ААНОАТ-ын 3-р улирлын тайлангаа 2014 оны 10-р сарын 20-ны дотор цахимаар илгээнэ үү.

    Та  татварын хуулийн дагуу сар, улирлын тайлан тушаахад дараах асуудлуудад анхаарлаа хандуулна уу! Үүнд:

    1. Татварын тайлангаа хуулиар тогтоосон хугацаанд харьяалагдах татварын албанд үнэн зөв  бодитойгоор тайлагнаж, татварын тооцоо хийх.
    2. Цахимаар илгээж буй тайланг татварын алба хүлээн авч баталгаажуулсан эсхийг дахин хянаж  үзэх, татварын тайлан үсгээр илгээх,  тоон гарын үсэггүй бол харьяалагдах татварын албанд хандаж тоон гарын үсэг авах.
    3. Цахим татварын системд  /http://e-tax.mta.mn/-д  сайтаар нэвтрэн  /ЗААВАР, ДЕМО/ хэсэгт байгаа  цахим тайлан бөглөх, илгээхтэй холбогдсон зааварчилгаатай сайтар танилцана  уу.

    Хуулиар тогтоосон татварын тайлан гаргах  хугацаа хожимдуулсан нөхцөлд Монгол Улсын Татварын ерөнхий хуулийн 75 дугаар зүйлийн 75.1.3-д заасныг үндэслэн албан тушаалтныг хөдөлмөрийн хөлсний доод хэмжээг гурваас дөрөв дахин нэмэгдүүлсэнтэй тэнцэх хэмжээний төгрөг /576.0-768.0 мян.төг/-өөр торгон хариуцлага хүлээлгэх болохыг анхаарна уу.

     

    БАЯН- ӨЛГИЙ АЙМГИЙН ТАТВАРЫН ХЭЛТЭС

    ТТҮТасаг , Лавлах утас : 70422661   

  • Бүх нийтийн их цэвэрлэгээ хийлээ
    Бүх нийтийн их цэвэрлэгээ хийлээ

    Өлгийчүүд 2014 оны 10 сарын 18-ны бямба гаригт  “Бүх нийтийн их цэвэрлэгээ” хийлээ.  Их цэвэрлэгээнд аймгийн Засаг даргын хэрэгжүүлэгч агентлаг, харьяа газар, хэлтэс, Өлгий сумын Засаг даргын Тамгын газар, их сургууль болон ерөнхий боловсролын сургуулиуд, аж ахуйн нэгж байгууллага, иргэд оролцлоо.

    Өлгий хотын гудамж, зам талбай, ногоон бүс, Ховд голын эрэг дагуу, аж ахуйн нэгж байгууллагын орчны болон сумдаас орж ирэх замын хог хаягдлыг цэвэрлэлээ.

    Мөн “Бүх нийтээр мод тарих өдөр”-т аж ахуйн нэгж, байгууллагууд идэвхтэй оролцож нийтдээ 6839 ширхэг мод суулгалаа.

  • Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 2 дугаар улирлын тайлан
    Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 2 дугаар улирлын тайлан

  • Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 3 дугаар улирлын тайлан
    Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 3 дугаар улирлын тайлан

    Иргэн Та,

    Аймгийн ЗДТГ болон сумдын ЗДТГ-т иргэдээс ирүүлсэн өргөдөл, санал, гомдлын 2014 оны 3 дугаар улирлын тайланг татаж авч танилцана уу.

    Аймгийн ЗДТГ-т өргөдөл, гомдлыг дараах сувгаар хүлээж авна.

    Сувгууд:

    1. 134242 тусгай дугаарт мессеж илгээх

    2. 70424042 дугаарт ажлын цагаар залгаж ярих

    3.  Аймгийн цахим хуудсын санал хүсэлт хүлээн авах маягтыг бөглөж илгээх

    4. Аймгийн ЗДТГ-т биечлэн ирэх хэлбэрээр санал хүсэлтээ ирүүлнэ.

    Өргөдөл, гомдлын хариуг: Хуульд заасны дагуу 30 хоногийн дотор хариу хүргүүлнэ.

    Иргэдийн өргөдөл гомдлыг хүлээж авах, шийдвэрлүүлэх ажлын хэсгийн ажилтнууд: Х.Мереке, Н.Айжан, К.Саулеш

    Хаяг, байршил: 5-р баг, Аймгийн Засаг даргын Тамгын газрын 1 давхар.

    Вэб сайттай холбоотой санал хүсэлт алдаа дутагдал, техник технологийн шийдлийн талаар admin@bayan-olgii.gov.mn хаягаар ирүүлнэ үү.

    ТАТАХ

  • Аймгийн Засаг дарга АХБ-ны төлөөлөгчдийг хүлээн авч уулзав
    Аймгийн Засаг дарга АХБ-ны төлөөлөгчдийг хүлээн авч уулзав

    Аймгийн Засаг дарга Х.Дармен өнөөдөр Азийн Хөгжлийн Банкны /АХБ/ Тайланд, Сингапур, Непал, Мьянмар, Малайз, Бруней улсуудыг хариуцсан орлогч гүйцэтгэх захирал хатагтай Кин Кин Лвин, суурин төлөөлөгч ноён Робэрт Шоэлхаммэр болон бусад албаны төлөөлөгчдийг хүлээн авч уулзаж, аймгийн хөгжлийн стратегийг танилцууллаа.

    АХБ-ны тусламжтайгаар Монгол Улсын баруун бүсийн босоо тэнхлэг буюу Өлгий - Ховд чиглэл, Цагааннуур тосгоноос Улаанбайшинт хилийн боомт хүртэлх нийт 189.7 км автозамын барилгын ажлын хөрөнгө оруулалтыг шийдвэрлэж буй “Баруун бүсийн босоо тэнхлэгийн автозамын хөрөнгө оруулалтын хөтөлбөрийн хоёрдугаар төсөл-" хэрэгжих болсон тул, төслийн баг газар дээр нь ажиллахаар Өлгий хотод хүрэлцэн ирээд байна.

    Баруун бүсийн босоо тэнхлэг бүхий дээрх чиглэлийн автозамуудыг ашиглалтад оруулснаар өмнөд, хойд хөршийг холбож буй манай талын зам бүрэн хучигдах төдийгүй гурван улс дамнасан худалдаа эргэлтийг дамжин өнгөрүүлэх эдийн засгийн чухал ач холбогдолтой юм.

    Автозамын бүтээн байгуулалтыг нарийвчилбал, Ховд-Хашаатын даваа чиглэлийн 103.9 км, Хашаатын даваа-Толбо сум чиглэлийн 60 км, Цагааннуур-Улаанбайшинт чиглэлийн 25.8 км, нийт 189.7 км автозамыг хэлэлцээрийн хүрээнд барина. Замуудыг 2016 онд барьж дуусган, түүнээс хойшх хоёр жилд ашиглалтын баталгаат хугацаа үргэлжилснээр хэлэлцээрийн хэрэгжилт 2018 онд дуусгавар болох юм. 

    Төслийн хүрээнд гол чиглэлийн дээрх автозамын ажлыг дуусгахаас гадна Өлгий хотын төвд 4.9 км автозам, нэг гүүрийг тус тус барьж, трассын дагуух засвар арчлалт хариуцах тоног төхөөрөмж бүхий нэгж байгуулагдана.

     

  • Аж ахуйн нэгжүүдийн анхааралд!!!
    Аж ахуйн нэгжүүдийн анхааралд!!!

    Татварын цахим мэдээллийн системд техникийн саатал гарч, тайлан хүлээн авах үйл ажиллагаа доголдсон тул тайлан хүлээн авах хугацааг 10 сарын 24-ийг дуустал хугацаагаар сунгаж байна.

                                                      Баян-Өлгий аймгийн татварын хэлтэс

  • Баруун бүсийн хөрөнгө оруулагчдын чуулган болж байна
    Баруун бүсийн хөрөнгө оруулагчдын чуулган болж байна

    Өнөөдөр, баруун бүсэд хөрөнгө оруулагчдын олон улсын чуулган Ховд хотод эхэллээ. Баруун бүсэд хөрөнгө оруулагчдыг татах, хөрөнгө оруулалтын хэмжээг нэмэгдүүлэх зорилгоор зохион байгуулагдаж уг арга хэмжээнд ОХУ, БНХАУ, БНКазахстан Улсын төлөөлөгчид, баруун 5 аймгийн Засаг дарга нар оролцож байна.

  • Хөгжимт драмын театрынхан хөдөөг зорилоо
    Хөгжимт драмын театрынхан хөдөөг зорилоо

    Баян-Өлгий аймгийн үндэсний Хөгжимт драмын  театрынхан өнөөдрөөс эхлэн хөдөөний сумуудад тоглолт хийхээр гарлаа.

    Тус театрын захирал М.Ертай ярихдаа,

       -Манай театрынхан орон тоогоо зохих төвшинд нэмэгдүүлэн залуу авъяастнуудыг эгнээндээ авах, урлагийн сан хөмрөгөө шинэ бүтээлүүдээр баяжуулах, үзэгчдийн суудал, техник хэрэгсэлээр тоноглох зэргээр хуучнаа бодвол шинэчлэлийн алхам хийлээ. Зун, намрын турш Өлгийд тэмдэглэгдсэн олон баяр наадамд театрынхан тэргүүн эгнээнд оролцон бүгдээс нь өндөр үнэлгээ авлаа. Одоо хөдөөний иргэдийн дунд үйлчлэхээр томилолт өгч, сум сумын хуваарийн дагуу ажиллуулж эхэллээ. Тэдний хөтөлбөрт дуу, хөгжим, бүжиг, сумын соёлын төвийн тайзанд тохирсон жүжгийн бүтээл зэрэг урлагийн янз бүрийн төрөл байна. Манай театрынхан анх байгуулагдсан 1950-иад оны дунд үеэс эхлээд Д.Нацагдорж, Лодойдамба, Ванган, Ауезов, Мүсирепов нарын алдарт жүжгүүдийг ч тайзнаа гаргадаг байсанаа шилжилтийн үеийн бэрхшээлийн улмаас хуучин клубуудын хэмжээнд хүртэлээ буурсан ч одоо сэргэж эхэллээ. Санхүү мөнгөний бэрхшээл одоо ч арилаагүй боловч бололцоогоо дайчлан 1980-аад оны төвшинд ойрын жилүүдэд хүрэхийг зорьж байна. Үгүйлэгдэж буй асуудлуудын нэг болох мэргэжлийн боловсон хүчин бэлтгэх талаар хэрэгжүүлж эхэлсэн ажлууд байгаа. Орчин үеийн сэдэвтэй жүжгийн бүтээл ч чухал хэрэгтэйн учир үзэгчдийн санаанд нийцэхээр тийм бүтээл туурвих талаар зохих уран бүтээлчидтэй ярьж тохироод байна гэж ярилаа.

    Photo by: Orken Kenzhebek

  • Өсвөрийн боксчдын клуб байгуулагдлаа
    Өсвөрийн боксчдын клуб байгуулагдлаа

    Баян-Өлгий аймгийн биеийн тамир спортын өргөөнд 11-18 насны өсвөрийн боксчдын клуб байгуулагдан, өнөөдөр хичээллэж эхэллээ.

    МУГБ, дасгалжуулагч В.Суранхүү энэ тухай ярихдаа,

       -Клубыг олон улсын хэмжээний спортын манайхаас төрж гарсан анхны мастер С.Бекет зохион байгуулж явуулахаар боллоо. Өмнө нь Алдар нийгэмлэг болон улсын шигшээ багийн бүрэлдэхүүнд орж ажиллаж байсан туршлагатай боксчин, хөрөнгө санхүүгийн боломжтой миний шавь энэ хүн амжилт гаргана гэдэгт итгэж байна. Дасгалжуулах хичээл төлбөргүй явагдна. Ийм санаачилга гарч ирсэн нь тус аймагт боксын спорт хоцрогдсоноос болж буй хэрэг биш. Спортын мастер Х.Хайнарын уйгагүй хөдөлмөрлөсний үр дүнд манай аймгийн боксчид улс, олон улсын хэмжээнд танигдаж эхэллээ. Одоо шинжлэх ухааны үндэстэй сургалтыг чанартай явуулах үндсэн дээр энэхүү амжилтыг улам ахиулан аймаг улс орныхоо нэрийг дэлхийн дэвжээнд гаргахаар бид энэ ажлыг гардан зохион байгуулж байна гэв.  

  • ИТХ-ын ээлжит бус Х хуралдаан эхэллээ
    ИТХ-ын ээлжит бус Х хуралдаан эхэллээ

    Хэлэлцэх асуудлын төлөвлөгөө:

    1. Аймгийн 2014 оны төсөвт тодотгол хийх тухай
    2. Казах сургуулийн сургалтын стандарт, агуулгыг боловсронгуй болгох тухай
    3. Орон нутгийн ОНРТ-ийн бүтэц, зохион байгуулалт, дүрмийг шинэчлэн батлах тухай.

  • Мэргэжлийн худалдагч ажиллуулах бодлого барина
    Мэргэжлийн худалдагч ажиллуулах бодлого барина

    Баян-Өлгий аймагт Монголын худалдагчдын холбооны салбар зөвлөл байгуулагдав.

    Энд хүрэлцэн ирээд ажилласан тус холбооны тэргүүн Эрдэнэцэцэг ярихдаа,
    -Гадаад дотоодын худалдаа арилжаа хөгжсөн, хүнсний аюулгүй байдал анхаарал татсан орчин үед худалдаа үйлчилгээний соёл, худалдагчдын мэдлэг, ёс зүй чухал ач холбогдолтой. Манай байгууллага бизнесийн салбарыг дэмжих, худалдагчдад мэргэжил олгох, тэдний эрх ашгийг хамгаалах үүрэгтэй. Энэ зорилгын үүднээс тус аймгийн нийт сумдад худалдагчдын сургалт зохион байгуулж, мэргэжлийн үнэмлэх олгоод, анхдугаар зөвлөлгөөнийг хийж, есөн тэргүүлэгчтэй салбар зөвлөл байгууллаа. Энэ байгууллага худалдагдах бүтээгдэхүүнийг зөв хадгалахаас авахуулаад стандартын шаардлагыг хангахад анхаарлаа хандуулж ажиллана гэв.

    Холбооны анхны дөчин гишүүний саналаар зөвлөлийн даргаар Н.Саясатыг сонгон салбар зөвлөл үйл ажиллагаа явуулж эхэлсэн байна.

  • Байгалийн чулууг өнгөлөн боловсруулах үйлдвэрийн нээлт боллоо
    Байгалийн чулууг өнгөлөн боловсруулах үйлдвэрийн нээлт боллоо

    Байгалийн чулууг өнгөлөн боловсруулах үйлдвэрийн нээлтийн ажиллагаа  Баян-Өлгий аймгийн Өлгий суманд боллоо. Энэхүү үйлдвэрийг Октябрь захиралтай «Бодь буян» ХХКомпани орон нутаг дахь түншүүдтэйгээ хамтран байгуулж, суурилуулан үйл ажиллагаагаа эхэлсэн байна.

    Тус аймгийн нутагт төрөл бүрийн чулуу элбэг, барилгын чимэглэл, зам тавихад ашиглахаар ийм чулууг гаднаас авч байснаа одоо өөрсдөө үйлдвэрлээд дотоодод хямд үнээр авч хэрэглээд зогсохгүй экспортод гаргах боломжтой болсон аж.

    Нээлтийн үйл ажиллагаанд аймгийн Засаг дарга Х.Дармен, орлогч Н.Санатбек нар оролцлоо.

  • Татвар төлөгчдийн анхааралд!
    Татвар төлөгчдийн анхааралд!

    Татвар төлөгч таны анхааралд!
    НӨАТ-ын 10 дугаар сарын тайлан тушаах хугацаа эхэлсэн байна.
    Та тайлангаа 2014 оны 11-р сарын 10-ны дотор цахимаар илгээнэ үү.
    Баян-Өлгий аймгийн Татварын хэлтэс
    ТТҮТасаг
    ~
    Лавлах: 70422661

  • Мэндчилгээ
    Мэндчилгээ

    Мэндчилгээ

    Манай хойд хөрш болох ОХУ-ын Буриадын Агинск хотод 10 сарын 27-28 –ны хооронд ЗХУ-ын /хуучнаар / ардын жүжигчин, профессор, дуурийн гоцлооч, жүжигчин, найруулагч Лхасран Линховоины нэрэмжит дуурийн дуу дуулаачдын олон улсын XI уралдаанд зохион байгуулагдсан байна. Уг тэмцээнд 70 орчин дуучид оролцсоноос Төв Азийн ноён оргил Монгол Алтайн сүр жавхлант Таван богд уулсын бяцхан охин Самбуугийн Батчимэг түрүүлсэн явдалд нутгийн зон олон бид бүгдээрээ бахархаж, омогшиж байна.

    Бидний залгамж халаа, залуу уран бүтээлч, нутгийн охин С.Батчимэгийнхээ цаашдын уран бүтээлд арвин их амжилт хүсэж, урлагийн Янжинлхам бурхан, Алтайханы Таван богд уулс нь мөнхөд ивээж, сайн сайхан бүхэн дэлгэрэхийн өлзийтэй ерөөлийг өргөн дэвшүүлье.

    Дашрамд дуулгахад: Дуучин С.Батчимэг нь Ариунаа захиралтай ЕБС-ын 2-дугаар 10 жилийн дунд сургуулийг 2008 онд төгсөөд улмаар УБ хотод СУИС-д элсэн орж 2012 онд Монгол улсын гавьяат багш Б.Дашимаагийн удирдлага дор төгсөөд эдүгээ УДБЭТ-т дуучнаар, түүний ээж Н.Бадамцэцэг одоо Өлгий сумын ерөнхий боловсролын 2 дугаар бүрэн дунд сургуулийн захирлаар ажиллаж байгаа билээ.

  • "Өвсний үндэс"-ийн тусламжаар тохилог байртай боллоо

    Япон Улсын «Өвсний үндэс» төслөөр тус аймгийн Бугат сумын хүүхдийн цэцэрлэг тохилог байртай боллоо.

    170 сая төгрөгийн хөрөнгөөр энэ байгууллагад хийгдсэн их засварын ажлыг «Мурап» компанийнхан чанартай гүйцэтгэснээр тус суманд сургуулиас өмнөх боловсролын үндсэн боломж бүрдсэн тухай цэцэрлэгийн эрхлэгч Х.Серикгүл сэтгэгдлээ ярилаа. Мөн одоо хүүхдүүдэд эх хэл дээр нь боловсрол, хүмүүжил олгох тусгай анги байгуулж өгөхийг байгууламжийн нээлтэнд оролцсон аймгийн удирдлагаас хүссэнийг тэд хүлээж авлаа. Мөн «Өвсний үндэс» төсөл нь тус аймгийн Баяннуур сумын Цагаан арал баг дээрх хүүхдийн цэцэрлэгт хэрэгжиж байгаа бөгөөд сүүлийн 20 орчим жилийн хугацаанд тус аймгийн нутагт уг «үндэснээс урган гарсан» байгууламжийн тоо олон болжээ.

  • «Би тангараг өргөсөн офицер бүсгүй» сэдэвт тоглолт боллоо
    «Би тангараг өргөсөн офицер бүсгүй» сэдэвт тоглолт боллоо

    Баян-Өлгий аймгийн Буянт сумын уугуул, БХИС-ийн соёлын ажилтан, МУСТА Оюуны Ичинноров орон нутагтаа ирээд уянгат сайхан ая дуугаараа бэлэг өргөн барьж байна.

    Аймгийн Хөгжимт драмын театр болон Буянт сумын соёлын төвд зохион байгуулсан «Би тангараг өргөсөн офицер бүсгүй» сэдэвт түүний тоглолт нийт үзэгчдэд таалагдлаа. Уулын горхины дууг санагдуулам өнгө бүрийн дуу айзам, өргөн тунгалаг хоолой түүний өвөрмөц гоц авъяастайг харуулж байна. «Өз елим» нэртэй казах дууг казах дуучдын хэнээс нь ч дутуугүй хэл аялгуу, содон сайхан өнгөөр дуулсан нь үзэгч олныг бишрүүлэв.   

  • Таван Богдыг ЮНЕСКО-ийн хамгаалалтад авах шаардлагатай болжээ
    Таван Богдыг ЮНЕСКО-ийн хамгаалалтад авах шаардлагатай болжээ

    Монгол Алтайн Таван Богдыг ЮНЕСКО олон улсын байгууллагын ивээл дор тусгай хамгаалалтанд авах асуудал өрнөөд байна.

    Мөнх цаст оргил, мөнхийн цэвдэг мөсөн гол, ой тайга, нэн ховор ан гөрөөс бүхий дэлхийд ховор онгон байгальтай энэ нутгийг хамгаалах шаардлага цаг өнгөрөх тусам тулгамдаад байна.
    -Саяхан энэ сэдвээр олон улсын чуулга уулзалт ОХУ-ын Москва хотод боллоо. Энэхүү уулзалтанд аймгийн Засаг дарга болон БОЯамны төлөөлөгчид оролцлоо. 

    ЮНЕСКО-гийн дэмжлэгээр дөрвөн улс орны хооронд оршдог тус нутгийг тусгай хамгаалалтанд авах асуудал алхам алхамаар шийдэгдэх болно гэж аймгийн Засаг дарга Х.Дармен ярилаа.

  • Аймгийн Засаг дарга Алтай аймгийн байгаль орчны салбарын төлөөлөгчдийг хүлээн авч уулзлаа
    Аймгийн Засаг дарга Алтай аймгийн байгаль орчны салбарын төлөөлөгчдийг хүлээн авч уулзлаа

    Аймгийн Засаг дарга Х.Дармен өнөөдөр БНХАУ-ын ШУӨЗО-ны Алтай аймгийн Ойн хамгаалалтын газрын дарга Е.Хабай, Алтай аймгийн Тусгай хамгаалалттай газрын захиргааны дарга Т.Алтай, тус газрын хэлтсийн дарга М.Мамырбек, Т.Ерболат нарыг хүлээн авч уулзав.

    Уулзалтын үеэр талууд Монгол, Хятадын хил орчмын байгаль орчин, мөн сүүлийн үед тоо толгой нь эрс цөөрсөн булганыг хамгаалах, үржүүлэх, Алтайн уулсыг ЮНЕСКО-д бүртгүүлэх чиглэлээр хамтран ажиллах тухай санал солилцов.

  • Баян-Өлгий аймгийн төв номын сан шинэ байртай боллоо
    Баян-Өлгий аймгийн төв номын сан шинэ байртай боллоо

    Баян-Өлгий аймгийн төв номын сан шинэ байрандаа орж эхлэв.

    1948 онд үүсч байгуулагдаад 1961 онд нийтийн хөдөлмөрөөр боссон авсаархан ч тохилог байртай болж, 1989 онд улсын хоёрдугаар зэрэглэлийн номын сангийн эрх хэмжээтэй болж байсан ч буруу хувьчлалын харгайгаар тэр байраа хувь хүнд булаалган, ХД театрын байгууламжийн чийгтэй подвалд хорогдон 17 жил амьсгал нь дарагдаж элэгдсэн номууд цэвэр агаартай дулаан, саруулхан байранд орлоо.
    -200 мянга гаруй номынхоо дал гаруй хувийг шинэ байрандаа зөөж байрлууллаа. Нөөц ном, томчуудад болон хүүхдүүдэд зориулсан уншлагын танхим, номын санчдын ажлын тасалгаанаас гадна соёлын төрөл бүрийн арга хэмжээнд зориулагдсан заал хүрэлцээтэй боллоо. Уншигчид ч урамтай байна. Аймгаас ном худалдан авахад зориулан боломжийн хэмжээний хөрөнгө мөнгө хуваарилж өглөө. Шинэ байрныхаа нээлтийн ёслолыг удахгүй хийхээр бэлтгэж байна. Одоо ном тойрсон төрөл бүрийн арга хэмжээг өргөн далайцтай зохиох болно гэж номын сангийн эрхлэгч Т.Ермек ярилаа.

  • ISO 9000 стандарт болон эм, эмнэлгийн стандартуудын талаарх сургалт боллоо
    ISO 9000 стандарт болон эм, эмнэлгийн стандартуудын талаарх сургалт боллоо

    2014 оны 11-сарын 07-ны өдөр аймгийн Нэгдсэн эмнэлгийн сургалтын танхимд “Чанарын удирдлагын тогтолцоо ISO 9000 бүлэг стандарт болон эм, эмнэлгийн стандарт, эрүүл мэндийн салбарын хэмжих хэрэгслийн талаарх сургалт зохион байгуулав.

    Уг сургалтанд эмнэлгийн ажилчид, эмийн сангуудын эрхлэгч нар болон чанарын багуудын 40-өөд төлөөлөл оролцов. Сургалтыг хэлстийн дарга А.Ербол нээж, Эмнэлгийн тусламжийн үйлчилгээний чанарын үндсэн ойлголт, үзэл баримтлал зарчмуудын талаар - Нэгдсэн эмнэлгий чанарын албаны дарга З.Алмагүл, Стандартын тухай  -Стандарт, салбар сан хариуцсан мэргэжилтэн Ж.Арайлым, Чанарын удирдлагын тогтолцооны ISO 9000 бүлэг стандарт болон эмнэлгийн стандартуудын талаар - Баталгаажуулалтын шинжээч Х.Жанаргүл, Эрүүл мэндийн хэмжих хэрэгслийн талаар - Улсын шалгагч П.Мурат нар тус тус илтгэл тавьсан байна.

  • Монгол, ОХУ-ын хооронд  визгүй зорчиж эхэлнэ
    Монгол, ОХУ-ын хооронд визгүй зорчиж эхэлнэ

    Монгол, ОХУ-ын хооронд 30 хүртэл хоног визгүй зорчих хэлэлцээр энэ сарын 14-ний өдрөөс эхлэн хүчин төгөлдөр хэрэгжиж эхлэх боллоо.

    Хоёр улсын иргэд харилцан зорчиход тулгардаг хүндрэл, чирэгдлийг арилгах зорилгоор уг хэлэлцээрийг баталсан билээ. 
     

    1995 оноос өнөөдрийг хүртэл хоёр улсын хооронд визтэй зорчиж байгаа. Энэ хугацаанд ОХУ-ын талаас визгүй зорчих хүсэлт тавьж байсан ч эцэслэн шийдэлгүй явсаар өнөөг хүрчээ. 

    Өөрийн улсын иргэний үнэмлэх, тухайн зорчиж буй орны хилээр орох гарах гэрчилгээг заавал авч явахыг хоёр орны Консулын газраас анхааруулсан. 

     
     

    Уг хэлэлцээр 13-14-нд шилжих шөнө манай цагаар 00.00 цагаас эхлэх хэрэгжиж эхэлнэ.  

    Өмнө нь дипломат ажилтан тэдний гэр бүл, тусгай эрх бүхий төрийн албан хаагч, хамтарсан үйлдвэр, компанийн ажилтан, хил орчимд амьдардаг иргэд зэрэг цөөн хүмүүс виз даруулалгүй хойд хөрш рүү зорчдог байжээ. 

    Хоёр орны иргэд харилцан зорчихдоо өөрийн улсын иргэний үнэмлэх, тухайн зорчиж буй орны хилээр орох гарах гэрчилгээг заавал авч явахыг хоёр орны Консулын газраас анхааруулсан. 

    ОХУ-ын Элчин сайдын яамны Консулын газрын дарга В.В.Горячев “Хоёр улсын иргэд харилцан зорчихдоо 30 хоногоос хэтэрсэн тохиолдолд эрх бүхий байгууллагад хандан өргөдөл гаргана. Заасан хугацаанаас хэтэрсэн тохиолдолд заавал мэдэгдэх ёстой” гэлээ.

  • Аймгийн ГХУСАЗЗ-ын ээлжит хуралдаан боллоо
    Аймгийн ГХУСАЗЗ-ын ээлжит хуралдаан боллоо

    Аймгийн ГХУСАЗЗ-ийн 2014 оны 11-р сарын 07-ны өдрийн хурлаар нийт 3 асуудал хэлэлцлээ.
    Насанд хүрээгүй хүмүүсээс үйлдэгдсэн гэмт хэргийн судалгааны талаар Аймгийн Цагдаагийн газрын хүүхдийн ахлах байцаагч М.Арнагүл танилцуулж хэлэлцүүллээ.
    2014 оны эхний 10 сарын байдлаар шалгагдсан 243  хэргийн 10 буюу 4.1 хувийг хүүхэд оролцсон гэмт хэрэг эзэлж байгаа бөгөөд өмнөх оны мөн үетэй харьцуулахад 1 буюу 9.1 хувиар буурсан үзүүлэлтэй байгаа.
    Нийт  эрүүгийн хэрэгт шалгагдсан 250 хүний 10 буюу 4 хувь  нь насанд хүрээгүй хүмүүс эзэлж байгаа бөгөөд өмнөх оны мөн үетэй харьцуулахад 3 буюу 23.1 хувиар буурсан үзүүлэлтэй байна.  
    Аймгийн төвд үйл ажиллагаа явуулж буй зочид буудлуудад хийсэн үзлэг, шалгалтын дүнг аймгийн СХЗХ-ийн ажилтан Р.Гүлзада танилцуулав.
    Мөн аймгийн төвийн худалдаа үйлчилгээ явуулдаг ААН, байгууллагуудад тогтмол хяналт тавьж сургалт, сурталчилгаа зохион байгуулах болон аймгийн төвийн бүх зочид буудлуудыг аттестатчлалд хамруулах талаар аймгийн Засаг дарга, болон МХГ-ын даргад чиглэл өгөв.
    Аймгийн ГХУСАЗЗ-ийн нарийн бичгийн дарга Х.Маргулан

  • Иргэний зөвлөл байгуулагдлаа
    Иргэний зөвлөл байгуулагдлаа

    Цагдаагийн албаны тухай хуулийн 21 дүгээр зүйлийн 21.1, 21.3 дахь хэсгийг үндэслэн тус аймгийн Иргэдийн Төлөөлөгчдийн Хурлын Тэргүүлэгчдийн 2014 оны 06 дугаар сарын 18-ны өдрийн 18 дугаар тогтоолоор “Иргэний зөвлөл”-ийг Е.Зангар /Аймгийн Гаалийн газрын дэд дарга/, Р.Сураган /МҮОНРТ-ийн аймаг дахь салбарын захирал/, З.Шерхан /Өлгий сумын өндөр настан/, К.Жамила /Өлгий сумын өндөр настан/, Ш.Жакей /Өлгий сумын өндөр настан/, З.Зейнелхан /Өлгий сумын өндөр настан/, Ж.Бахытжан /Өлгий сумын иргэн/ нарын бүрэлдэхүүнтэй байгуулсан бөгөөд зөвлөлийн даргар Р.Сураган, нарийн бичгийн даргаар Ж.Бахытжан нар ажиллаж байна.
     “Иргэний зөвлөлийн дүрэм”, “Иргэний зөвлөл, оршин суугчдад цагдаагийн байгууллагын тайлан тавих журам”-ыг орон нутгийн хэвлэл, мэдээллийн хэрэгслээр дамжуулан иргэд, олон нийтэд сурталчлах ажлыг зохион байгуулахаас гадна Цагдаагийн газрын нийт бие бүрэлдэхүүний сургалтын үеэр алба хаагчдад танилцуулав.
    “Иргэний зөвлөлийн дүрэм”-ийн 8 дугаар зүйлийн 8.1.5 дахь хэсгийг үндэслэн тус Цагдаагийн газрын Дэмжлэг үзүүлэх тасгийн дарга, цагдаагийн дэд хурандаа Т.Ганбатыг зөвлөлтэй хамтран ажиллах асуудал хариуцсан алба хаагчаар томилж, ажлын байрны тодохойлолтонд холбогдох үүргийг тусгав.
    Иргэний зөвлөлийн үйл ажиллагаа жигдэрсэнтэй холбогдуулан Цагдаагийн албаны тухай хуулийн 21 дүгээр зүйлийн 21.6, “Иргэний зөвлөл”-ийн дүрмийн 5.1.1, 5.1.4 дэх хэсгүүдэд заасан ажил, нутаг дэвсгэрийн эрүүгийн болон хэв журмын нөхцөл байдлын мэдээ, Цагдаагийн газрын танилцуулгыг бэлтгэж, 2014 оны 11 дүгээр сарын 06-ны өдрийн Иргэний зөвлөлийн хуралдаанд танилцуулсан бөгөөд хуралдаанд Цагдаагийн газрын дарга, цагдаагийн хурандаа М.Батболд болон даргын дэргэдэх зөвлөлийн гишүүд, холбогдох ахлах байцаагч нар оролцож, санал, мэдээ, мэдээлэл солилцож, цаашид шийдвэрлэх асуудлаар дэмжлэг үзүүлэхээр болов.

    1. Аймгийн төвийг 2014 онд улсын төсвийн хөрөнгө оруулалтаар теле хяналтын нэгдсэн системд холбож байгаа тул хяналтын төв буюу төв сервирт ажиллах 4 оператор, 1 холбооны инженерийн ажлын байрыг шинээр бий болгож, орон тоог батлуулах талаар холбогдох эрх бүхий байгууллага, албан тушаалтанд санал хүргүүлж, шийдвэрлүүлэх.
    2. Аймгийн төвд орж, гарах 2 чиглэлд хяналтын пост байрлуулах, түүнд ажиллах хүн, техник хэрэгслийн санхүүжилтийг шийдвэрлэх.
    3. Хөдөө сумдад гэмт хэрэг үйлдэгдсэн газарт түргэн шуурхай хүрэлцэн очиход замын нөхцөл байдал /уул, хад, чулуу/ муугаас цаг хугацаа алдах, холбогдогчийг саатуулах ажилд хүндрэл учирч байгаа тул туулах чадвар сайтай автомашин худалдаж авах.
    4. Теле камерийн систем суурилуулах үйл ажиллагаатай холбогдуулан урсгал зардалын эх үүсвэрийг шийдвэрлүүлэх. /Цахилгааны зардал гэх мэт /
    5. Аймгийн Засаг даргын 2012-2016 оны үйл ажиллагааны хөтөлбөрийн 3.3.9-д заасны дагуу Гэр бүлийн хүчирхийлэлтэй тэмцэх, хүүхдийг гэмт хэргээс урьдчилан сэргийлэх ажлыг эрчимжүүлэх үүднээс “Хүүхэд хамгааллын төв” байгуулах хөрөнгийг шийдвэрлэх.
    6. Хүн амын нягтрал, эрүүгийн болон хэв журмын нөхцөл байдлыг харгалзаж Дэлүүн суманд Цагдаагийн хэсэг, Цэнгэл суманд Цагдаагийн тасаг байгуулах зэрэг асуудлыг шийдвэрлүүлэхээр боллоо

    http://bayan-olgii.khural.mn/

  • Статистикийн алба үүсч хөгжсөний түүхт 90 жилийн ойг орон нутагт тэмдэглэн өнгөрүүллээ
    Статистикийн алба үүсч хөгжсөний түүхт 90 жилийн ойг орон нутагт тэмдэглэн өнгөрүүллээ

    Статистикийн алба үүсч хөгжсөний түүхт 90 жилийн ойг орон нутагт тэмдэглэн өнгөрүүлж “Волейболын нөхөрсөг тэмцээн” зохион байгуулж, шагнаж урамшуулав, тэмцээнд 6 байгууллага оролцсон үүнд Аймгийн ИТХурал, Аудитын газар, Нийгмийн даатгалын хэлтэс,Хөдөлмөрийн  хэлтэс, Статистикийн  хэлтэс,Өлгий сумын Багийн Засаг дарга нарын нэг баг оролцож хүч үзэн өрсөлдөж 1-р байрт Нийгмийн даатгалын  хэлтэс, 2-р байрт аймгийн ИТХурал, 3-р байр Аудитын газар тус тус  эзлэв. “Аха” тэмцээн зохион байгуулсан, уг  тэмцээнд статистикийн хэлтсийн мэргэжилтэн, судлаач нийлээд 9 хүн, сумдын төрийн сангийн төлөөлөгч 12 хүн, аймгийн төвийн Өлгий сумын 13 багийн Засаг дарга нар нийтдээ 34 хүн мэдлэг, авхаалж самбаагаар уралдаж Алтай сумын төрийн сангийн төлөөлөгч А.Авил тэргүүлж, Буянт сумын төрийн сангийн төлөөлөгч Р.Самдан 2-р байр, статистикийн хэлтсийн мэргэжилтэн Манзелхан 3-р байр эзлэв.

    Салбарын үүсч хөгжсөний 90 жилийн ойн баярын хурлыг зохион байгуулж үүнд аймгийн Засаг дарга Х.Дармен, ИТХТ-ийн дарга Б.Лазатхан, Тамгын газрын дарга Т.Манкей нар оролцов, салбарын үүсэл хөгжил түүхэн замналаас 15 минутын илтгэлийг хэлтсийн дарга Х.Бахыт тавьж, ахмад ажилтан Ш.Жүкей, А.Авил, Р.Самдан нар сэтгэгдэлээ ярьсан ба хэлтсийн ажилтанууд болон нийт сумдын төрийн сангийн төлөөлөгч аймгийн төвийн сумын багийн засаг дарга нарыг ИТХурлын “Хүндэт жуух”-аар  ахлах мэргэжилтэн Х.Рыс,Засаг Даргын  “Жуух бичиг”-ээр Сагсай сумын төрий сангийн төлөөлөгч Б.Сагий, хэлтсийн мэргэжилтэн Н.Манаргүл нар шагнагдаж салбарын бүх хүмүүс албан байгууллага, агенлагийн өргөмжлөл мөнгөн шагналаар шагнагдав.

    Статистикийн алба үүсч хөгжсөний 90 жилийн ойн арга хэмжээнүүдийг аймгийн “НАЗ” телевизээр олон нийтэд сурталчилан  байгууллагын ойн арга хэмжээний хүрээнд хийгдсэн ажлуудын  талаар  мэдээлэл хүргэсэн. - гэж аймгийн Статистикийн хэлтсээс мэдээллээ.

  • Өлгий хотод гудамж төслийг хэрэгжүүлнэ
    Өлгий хотод гудамж төслийг хэрэгжүүлнэ

    Өлгий хотын хот тохижилтыг сайжруулах ажлын хүрээнд "Гудамж" төсөл хэрэгжихээр болж байна. Төслийн хүрээнд Өлгий хотын төв хэсэгт шинээр гудамж, уулзвар гарган, уг хэсгүүдэд авто машины болон явган хүний зам, гэрэлтүүлэг, ногоон байгууламж бүхий  бүтээн байгуулалтууд хийгдэх юм. Шинээр бий болсон гудамж нь цаашид аймгийн гудамж, талбайн жишиг болох юм.

    Төслөөр хэрэгжих ажлуудын техникийн нөхцөл гарч эхэлсэн ба 2015 оны эхнээс зураг төсөв хийгдэж дууссанаар бүтээн байгуулалтын ажлууд эхлэх юм.

  • Төрийн албан хаагчийн тангараг өргөх ёслол боллоо
    Төрийн албан хаагчийн тангараг өргөх ёслол боллоо

    Өнөөдөр аймгийн ЗДТГ-ын хурлын танхимд төрийн албан хаагчийн тангараг өргөх ёслол боллоо

    Өвлийн эхэн сарын шинийн нэгэн буюу Эзэн Богд Чингис хааны мэндэлсэн өдрийг  Монгол улсын ерөнхийлөгч Ц. Элбэгдоржийн зарлигаар “Монгол бахархлын өдөр” болгон өргөн дэлгэр тэмдэглэдэг болсон бөгөөд энэ сарын 23-нд тохиох уг өдрийг  тэмдэглэн өнгөрүүлэх арга хэмжээний хүрээнд нийт 17 байгууллагын 34 хүн төрийн албан хаагчийн тангараг өргөсөн нь төрт ёсны уламжлалын гүн гүнзгий билэгдэлтэй юм.

    Төрийн нуруу түвшин, түмэн олон амгалан байх болтугай.

  • Баян-Өлгийн ИТХ -ын  ээлжит XI хуралдаан 12 дугаар сарын 3-ны өдөр хуралдана
    Баян-Өлгийн ИТХ -ын ээлжит XI хуралдаан 12 дугаар сарын 3-ны өдөр хуралдана

    Баян-Өлгий аймгийн Иргэдийн Төлөөлөгчдийн Хурлын ээлжит XI хуралдаан 12 дугаар сарын 3-ны өдөр хуралдана.

    Аймгийн ИТХ-ын ээлжит хуралдаанаар дараах асуудлуудыг хэлэлцүүлэхээр болсон байна. Үүнд:

    1. Аймгийн ИТХ-ын Тэргүүлэгчдийн үйл ажиллагааны тайлан

    2. Аймгийн Засаг даргын 2014 оны үйл ажиллагааны тайлан

    3. 2013 оны төсвийн гүйцэтгэлийн тайланг батлах

    4. Нутаг дэвсгэрийн эдийн засаг, нийгмийн хөгжлийн 2015 оны үндсэн чиглэлийг батлах

    5. Аймгийн 2014 оны төсвийн тодотгол, 2015 оны төсвийг хэлэлцэж батлах

    6. 2015 онд иргэдэд өмчлүүлэх, эзэмшүүлэх газрын зориулалт, байршил, хэмжээ, газар зохион байгуулалтын төлөвлөгөө батлах

    7. Концессын зүйлийн жагсаалтыг батлах тухай

    8. Аймгийн Ерөнхий төлөвлөгөөг батлах тухай

    9. Хос хэлээр сургалт явуулдаг сургуулийн талаар баримтлах аймгийн бодлого, чиглэл зэрэг асуудлыг авч хэлэлцэхээр болсон байна.

  • Эрүүл мэндийн салбарт ахиц бий ч ачаалал нь ихэсч байна
    Эрүүл мэндийн салбарт ахиц бий ч ачаалал нь ихэсч байна

    Баян-Өлгий аймгийн эрүүл мэндийн байгууллагууд шинэ залуу боловсон хүчин болон эмнэлгийн орчин үеийн тоног төхөөрөмжүүдээр сайн хангагдаж байна.

    Алтанцөгц, Баяннуур, Алтайгаас бусад бүх сумын эмнэлэг эмэгтэйчүүдийн мэргэжлийн эмчтэй болж, Ногооннуур, Дэлүүн, Цэнгэл сумдын эмнэлэг дээр мэс засал хийх боломжтой болсон. Аймгийн төв дэх төрөх тасгийн орны тоо 32 байсаныг энэ онд 50 болгон нэмэгдүүлсэн нь жилд амаржих 2400 эх, нярайчуудын эрх ашигт нийцсэн чухал арга хэмжээ болов.

    Эмч нарыг гадаад, дотоодод сургалтад хамруулан мэргэжил дээшлүүлэх ажилд ахиц гарч, аймаг орон нутагтаа оношлогооны төвтэй болж уг төв 22 төрлийн шинэ багаж хэрэгсэлтэй болсны ачаар өөр газарт очиж оношлуулах, эмчлүүлэх өвчтнүүдийн тоо 30 орчим хувиар цөөрсөн юм. Харин эдгээр ажилд Эрүүл мэндийн яам, НҮБ, Дэлхийн зөн ОУБ, Норвеги Улсын тусламжийн байгууллага багагүй тус дэм үзүүлсэнийг эрүүл мэндийн газрын дарга С.Айгүл тэмдэглэлээ.

    Хэдийгээр ийм арга хэмжээнүүд авсаар байгаа ч тус аймагт эхийн эндэгдэл арилаагүй, хүүхдийн эндэгдэл улсын дунджаас өндөр хэвээр байна. Зөвхөн энэ оны эхний арван сард 0-1 насны 5, 1-5 насны 362 хүүхэд эндэгдсэн нь өнгөрсөн оны мөн үеийнхээс 10 промилаар өндөр байгаа юм. Гэхдээ энэ нь эмч нар ажил үйлчилгээ хийхгүй байгаа биш, тэдний ачаалал хэт хүндэрчээ.
       -Эмнэлэг, эмч нарын тоо сумын тоогоор бус хүн амын тоогоор зохицуулагдах ёстой. Гэвч тийм зохицуулалт хийгдээгүй өдий хүрсэн, төсөв хүн амын тоогоор бус сумдад хуваарилагддаг нь эмнэлгийн үйлчилгээ хүртээмжгүй болох гол шалтгаан болсоор байна. Манай аймагт сумдын тоо маш цөөн, хүн ам олон. Тухайлбал Цэнгэл сумын нэг багт 1320 хүн байгаа нь зарим аймгийн нэг суманд оршин сууж байгаа хүн амын тоотой тэнцүү байгаа шүү. Хүн амын тоо зуун мянга, багийн эмч 68 бий. Багийн эмч нар унаа, бензин шатахуунаар бүрэн хангагдаагүй. Нөгөө талаар эмч нар бүгд эрүүл мэндийн байгууллагад харъяалагдмаар юм. Гэтэл сургууль, цэцэрлэгийн эмч нар боловсролын байгууллагад харъяалагддаг. Эдгээр нь элдэв зөрчил үүсгээд байгаа тул шинжлэх ухааны үндэстэй зохицуулалт хийхийг амьдрал өөрөө шаардаж байна гэж Эрүүл мэндийн газрын дарга С.Айгүл ярилаа. 

  • Аймгийн Засаг даргын нэрэмжит олимпиад боллоо
    Аймгийн Засаг даргын нэрэмжит олимпиад боллоо

    Аймгийн хэмжээнд 2014 оны 11-р сарын 22-нд аймгийн Засаг даргын нэрэмжит сурлага, спортын олимпиадыг Өлгий сумын 1-р бүрэн дунд сургуульд ЕБС-ийн ахлах ангийн  сурагчдын дунд математик, тогызхумалак, зуун буудалт даамын төрлөөр 2 дахь удаа  амжилттай зохион байгуулж явууллаа. Уг олимпиадад аймгийн төвийн болон хөдөө сумдын сургуулиудаас нийт 79 сурагч оролцов. 

    Үүнд: математик – 28, тогызхумалак – 23, зуун буудалт даам – 28 сурагч.

                Олимпиадын эцсийн дүнгээр математикийн хичээлээр::

    10-р анги:

    Сурагчийн овог, нэр

    Сум, сургууль

    Эзэлсэн байр

    1

    Б.Абдулсапар

    Бастама

    I байр

    2

    Ж.Мейрамбек

    1-р БДС

    II байр

    3

    Б.Нуржол

    Мон-Турк

    III байр

    11-р анги:

    Сурагчийн овог, нэр

    Сум, сургууль

    Эзэлсэн байр

    1

    А.Бахытгүл

    Мон-Турк

    I байр

    2

    В.Бахытберди

    Зайд БДС

    II байр

    3

    С.Күнсауле

    Сагсай

    III байр

    12-р анги:

    Сурагчийн овог, нэр

    Сум, сургууль

    Эзэлсэн байр

    1

    А.Айболат

    Дарын

    I байр

    2

    Х.Алмасбек

    Бастама

    II байр

    3

    А.Аймурат

    Дарын

    III байр

    Тоғызхумалакын төрлөөр:

    Эрэгтэй:

    Сурагчийн овог, нэр

    Сум, сургууль

    Эзэлсэн байр

    1

    Б.Нурали

    Бастама

    I байр

    2

    Н.Еламан

    Билге-Тегин

    II байр

    3

    А.Айтмухамед

    2-р БДС

    III байр

    Эмэгтэй:

    Сурагчийн овог, нэр

    Сум, сургууль

    Эзэлсэн байр

    1

    Т.Жансая

    Сагсай

    I байр

    2

    Ж.Айдана

    Дарын

    II байр

    3

    Д.Дана

    Мон-Турк

    III байр

    Зуун буудалт даамын төрлөөр:

    Эрэгтэй:

    Сурагчийн овог, нэр

    Сум, сургууль

    Эзэлсэн байр

    1

    Ж.Агарыс

    Толбо

    I байр

    2

    Т.Амандых

    1-р БДС

    II байр

    3

    Х.Алтынбек

    Сагсай

    III байр

    Эмэгтэй:

    Сурагчийн овог, нэр

    Сум, сургууль

    Эзэлсэн байр

    1

    Н.Күмисжан

    Толбо

    I байр

    2

    Б.Еркегүл

    Ногооннуур

    II байр

    3

    Б.Зүлмира

    Цэнгэл

    III байр

    Оюун ухаан, авьяас билэг, ур чадвараараа манлайлан шалгарсан сурагчдад цаашдын сурлага, урлаг спортын тэмцээнээс  улам их амжилт гаргахын өлзийтэй ерөөлийг өргөн дэвшүүлье!

  • Астана - Өлгий чиглэлийн нислэгийн үнэ буурчээ
    Астана - Өлгий чиглэлийн нислэгийн үнэ буурчээ

    ОХУ-д зорчих болон дамжин гарах виз чөлөөлөгдсөнөөр зорчигчдын тоо нэмэгдсэн ч автобусны үйлчилгээ сайжирч эхэлсэнээр саяхнаас нислэг хийж эхэлсэн нисэх онгоц одоо Өскемен, Алматыг больж зөвхөн Астана-Өлгийн хооронд нислэг хийхээр болсоны дээр тийзний үнэ 350 000 төгрөг байснаа 265 000 төгрөг болж буурсан байна.

    Баян-Өлгий, Казахстаны хооронд зорчигч тээвэрлэдэг шугамын автобусаар зорчигчдод зориулсан дулаан байр гаргажээ. Авто тээврийн үндэсний төвийн аймаг дахь салбарын дарга Х.Хайсанай энэ тухай тайлбарлан ярихдаа, -Уг байрыг өвлийн улирлын үйлчилгээ гэж болно. Зорчигчид өглөө эрт ирээд замд гарах хүртэл байрлана. Зорчихоос нэг хоногийн өмнө зардлаа тушаан билетээ аваад, ачаагаа хэмжүүлж хадгалуулна. Билетийн үнэ Павлодар хүртэл 100 000, Астана хүртэл 120 000, Караганды хүртэл 130 000 төгрөг. Хоёр автобус, сард хоёр удаа Монголын «Зэлтэрийн зам», Казахстаны «АБИ» компанийн автобуснууд ээлжлэн үйлчилж байна. Зорчигчдын тоо өссөн тохиолдолд автобусны тоог нэмэгдүүлэх боломж бий. Автобуснууд гурван улсын гэрээний дагуу үйлчилж байгаа болохоор зорчигчид тогтоосон цагт нь ирэх, илүү хүнд ачаатай явахгүй байх зарчмыг баримтлах хэрэгтэй гэв.

  • “Цагааннуур” худалдааны чөлөөт бүсийн үйл ажиллагааг хэсэгчилэн эхлүүлнэ
    “Цагааннуур” худалдааны чөлөөт бүсийн үйл ажиллагааг хэсэгчилэн эхлүүлнэ

    Өнөөдөр ХИС-ийн салбар сургуулийн хурлын зааланд “Цагааннуур” худалдааны чөлөөт бүсэд хөрөнгө оруулагчид болон жижиг, дунд үйлдвэр, худалдаа үйлчилгээ эрхлэгчидийн уулзалт зөвлөгөөн боллоо.

    Уг зөвлөгөөнийг “Цагааннуур” худалдааны чөлөөт бүсийн Захирагчийн алба болон аймгийн ЗДТГазар хамтран зохион байгуулсан юм.

    “Цагааннуур” худалдааны чөлөөт бүсийн өнөөгийн байдал, “Алтанбулаг” худалдааны чөлөөт бүс, “Замын-Үүд” эдийн засгийн чөлөөт бүсийн тухай товч мэдээлэл,  “Цагааннуур” худалдааны чөлөөт бүсэд Улсын төсвийн хөрөнгө оруулалтаар хийгдсэн ажлууд, Гадаад улс орнуудын чөлөөт бүсийн туршлага, боломжийн талаарх илтгэлүүдийг тус тус хэлэлцлээ.

    2005 оны 6 дугаар сард “Цагааннуур” худалдааны чөлөөт бүсийн Захирагчийн ажлын алба байгуулах тухай Засгийн газрын 134 дүгээр тогтоол гарч бүсийн Захирагчийн ажлын алба нь мөн оны 8 дугаар сард байгуулагдаж Улсын Их Хурлын 2005 оны 12 дугаар сарын 01-ний өдрийн 74 дүгээр тогтоолоор “Цагааннуур” худалдааны чөлөөт бүс байгуулагдсан.

     

  • Татвар төлөгчдийн анхааралд!
    Татвар төлөгчдийн анхааралд!

    11 дүгээр сарын Нэмэгдсэн өртгийн албан татварын тайлан тушаах сүүлийн өдөр 2014 оны 12 дугаар сарын 10-ны дотор дуусна. Та тайлангаа http://e-tax.mta.mn/ хаÿгаар илгээнэ үү.
    Баян - Өлгий аймгийн Татварын хэлтэс

  • Өлгий хотын хөгжлийн ерөнхий төлөвлөгөөг баталлаа
    Өлгий хотын хөгжлийн ерөнхий төлөвлөгөөг баталлаа

    Аймгийн ИТХ-ын 2014 оны 12 дугаар сарын 03-ны өдрийн ээлжит XI хуралдаанаар Өлгий хотын 2030 он хүртлэх хөгжлийн ерөнхий төлөвлөгөөг баталлаа.

    Өлгий хотын 2030 он хүртлэх хөгжлийн үзэл баримтлал

    Өлгий хот нь хүний амьдрах тав тухтай орчныг бүрдүүлсэн, хүрээлэн буй орчны сөрөг нөлөөг хамгийн бага үзүүлэх, бүсийн нийгэм, соёл, эдийн засаг, санхүүгийн төв байх ухаалаг, ногоон хот болгох үзэл баримтлалд тулгуурлана.

    Өлгий хотын хөгжлийн алсын хараа:

    ... “Амар амгалан тайван, элбэг хангалуун амьдрал бүхий иргэдтэй, Байгаль орчин, нийгэм, эдийн засгийн тэнцвэртэй хөгжлийг хангасан Хөрш орнуудын хөгжлийн тулгуур төв, ногоон хөгжил бүхий ухаалаг хот болоход чиглэнэ.”

    Хөгжлийн үнэт зүйлс нь:

    • Найрсаг, харилцаа ашигтай хамтын ажиллагаа
    • Байгаль-нийгэм-Эдийн засгийн тэнцвэртэй харьцаа
    • Хөгжлийн төлөө иргэдийн чин хүсэл эрмэлзэл, бүтээлч сэтгэлгээ

    Өлгий хотын хөгжлийн тэргүүлэх чиглэлүүд

    Оюун мэдлэгийг дээдэлсэн, бүтээлч хүнийг хөгжүүлэх зорилтын хүрээнд:

    • Тэргүүлэх чиглэл 1. Хүн амын амьдралын орчинг сайжруулах
    • Тэргүүлэх чиглэл 2. Оюунлаг, бүтээлч иргэдийг хөгжүүлэх.
    • Тэргүүлэх чиглэл 3. Олон угсаатны бүлгүүдийн соёл иргэншлийн уламжлал, шинэчлэл, эв найртай амьдралыг цогцлоох.

    Аюулгүй, таатай амьдрах орчныг бүрдүүлэх зорилтын хүрээнд:

    • Тэргүүлэх чиглэл 4. Хүн байгалийн шүтэлцээг хангах.
    • Тэргүүлэх чиглэл 5. Ухаалаг, нээлттэй засаглалтай байх.
    • Тэргүүлэх чиглэл 6. Амьдрах таатай орчныг бүрдүүлэх.

    Олон тулгуурт, ногоон эдийн засгийг цогцлоох зорилтын хүрээнд:

    • Тэргүүлэх чиглэл 7. Уламжлалт аж ахуй, аж үйлдвэрийн тогтвортой хөгжлийг хангах.
    • Тэргүүлэх чиглэл 8. Мэдлэгийн аж үйлдвэр, кластерийг хөгжүүлэх.

  • Аймгийн 2015 оны төсөв батлагдлаа
    Аймгийн 2015 оны төсөв батлагдлаа

    Аймгийн ИТХ-ын 2014 оны 12 дугаар сарын 03-ны өдрийн ээлжит XI хуралдаанаар эдийн засаг, нийгмийг 2015 онд хөгжүүлэх үндсэн чиглэл, 2015 оны орон нутгийн төсвийг баталлаа.

    Иргэдийн Төлөөлөгчдийн Хуралдаанаар аймгийн Засаг дарга Х.Дармений 2014 оны үйл ажиллагааны тайланг хэлэлцэж, аймгийн Засаг даргын 2014 оны тайланг ИТХ-ын төлөөлөгчдийн 100%-ийн саналаар хангалттай сайн гэж дүгнэлээ.

    Аймгийн 2015 оны орон нутгийн төсөв 61,9 тэрбум төгрөгөөр батлагдлаа.

    2015 онд орон нутгийн орлого 6289,8 сая төгрөг, зарлага 18163,6 сая төгрөг болж, тус аймаг улсын төсвөөс 11873,8 сая төгрөгийн санхүүгийн дэмжлэг авна.

    Орон нутгийн төсвийн орлого УИХ-аас батлагдсан хэмжээнээс 200,0 сая,  2014 оныхоос 963,8 сая төгрөгөөр, зарлага 819,1 сая төгрөгөөр нэмэгдэж батлагдаж байна.

    Аймгийн 2015 оны ОНХС-ийн төсөв 7,3 тэрбум төгрөгөөр батлагдсаны 3,7 тэрбум төгрөг нь сумдад, 3,6 тэрбум төгрөг нь аймгийн төвд хувиарлагдсан байна.

  • Шинэ номын жагсаалт
    Шинэ номын жагсаалт

  • Сумдын ЗДТГ, хэлтэс, агентлаг, сургууль, цэцэрлэгийн дарга, эрхлэгч нарт
    Сумдын ЗДТГ, хэлтэс, агентлаг, сургууль, цэцэрлэгийн дарга, эрхлэгч нарт

    Авлигын эсрэг хуулийн 4 дүгээр зүйлийн 4,1 дэх заалт, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 4 дүгээр зүйлийн 4.1-д заасны дагуу байгууллагын хэмжээнд болон харьяа байгуллагын хэмжээнд 2014 оны 12 дугаар сарын 31-ний өдрийн байдлаар ХАСХОМэдүүлэг гаргах албан тушаалтнуудын нэрсийн жагсаалтыг маягтын дагуу гаргаж бичгээр болон admin@bayan-olgii.gov.mn цахим хаягт 2014 оны 12 дугаар сарын 15-ны өдрийн дотор ирүүлнэ үү.

    ЗАСАГ ДАРГЫН ТАМГЫН ГАЗАР

  • Өлгий сумын төвд орос хэлний төв байгуулагдав
    Өлгий сумын төвд орос хэлний төв байгуулагдав

    Баян-Өлгий аймгийн Өлгий сумын төвд орос хэлний төв байгуулагдав. Мэргэжлийн сургалт, үйлдвэрлэлийн төв дээр байрласан уг төвийн нээлтийн ажиллагаанд аймгийн удирдах хүмүүс болон Алтайн хязгаарын техникийн их сургуулийн Михаил Юриевичээр ахлуулсан багш нарын төлөөлөгчид оролцлоо.

     Аймгийн ЗДТГ-ын төрийн байгуулалтын хэлтсийн дарга Х.Мантай энэ тухай ярихдаа,
       -Эртний их хөрш ОБНХУ-тай бидний худалдаа, соёл, спортын харилцаа өргөжин эрчимжээд эхэлсэнд нь визийг чөлөөлсөн явдал тус дөхөм үзүүллээ. Манайхаас олон арван оюутан Орос Улсад суралцаж байгаа. Тэдний тоо цаашид улам өсөх төлөвтэй. Хэн дуртай нь энэ төвд ирж суралцах, элсэлтийн шалгалтанд бэлтгэх, хоёр улсын ажил хэрэгч хүмүүс энд яриа хэлэлцээ хийх боломжтой боллоо. Аймгийн Засаг дарга ОХУ-д ажлын айлчлал хийх үеэрээ манайд орос хэлний төв хамтран байгуулахаар тохиролцсон нь ийнхүү биеллээ олов. Орос хэл заах багш нарын цалин хөлсний асуудлыг хоёр тал хамтран шийдэхээр боллоо гэв.

  • Аймгийн Засаг дарга Х.Дармен мэдээлэл өглөө
    Аймгийн Засаг дарга Х.Дармен мэдээлэл өглөө

    Баян-Өлгий аймгийн Засаг дарга Х.Дармен саяхан болж өнгөрсөн ИТХ-ын ээлжит хуралдааны гол үр дүнгийн талаар иргэддээ мэдээллээ.

    Тус аймгийн 2014 оны төсвийн орлогын төлөвлөгөө 113,7 хувиар, аж үйлдвэрийн өсөлт 56,7 хувиар давж биелэгдэн, орон нутгийг хөгжүүлэх сангийн хөрөнгөөр бүтээлч 76 ажил хийгдсэн байна. Тулгамдсан гол асуудлын эгнээнд орсон боловсрол, эрүүл мэндийн салбарт мэдэгдэхүйц ахиц гарч, элсэлтийн шалгалтын үзүүлэлт 12,3 хувиар давж, оношлогооны төв, бөөрний шинжилгээ эмчилгээний төв байгуулагдан алсаас теле сувгаар зөвлөгөө авч оношлох, эмчлэх боломжтой болсоноор нийслэл хотод очиж оношлуулагч, эмчлүүлэгчдийн тоо өнгөрсөн жилүүдийнхээс тавин хувиар буурсан нь иргэдийн амьжиргаанд нааштай нөлөө үзүүлж байгааг цохон дурдлаа.

    Хуралдаанаар Өлгий хотын ерөнхий төлөвлөгөө батлагдсан нь өдөр тутам хаяагаа тэлсээр байгаа энэ орчинг зүй зохицтой хөгжүүлэх боломж нээж өгөв. Газар зохицуулалт түүний дагуу явагдах болно гэдгийг Засаг дарга мэдэгдэв.

    Тэрбээр, хот доторх гол зам алсын бодлого, зураг төслийн дагуу тавигдаагүйгээс хоёрхон машин зөрдөг маш давчуу, өнөө маргаашдаа олон том байшин барилгыг хөдөлгөн түүнийг янзлах боломжгүй тул ирээдүйд хөндөх асуудал болж байна.

  • Аймгийн Засаг дарга мэндчилгээ дэвшүүлэв
    Аймгийн Засаг дарга мэндчилгээ дэвшүүлэв

    МЭНДЧИЛГЭЭ

    Санхүүчдийн баярыг тохиолдуулан Баян-Өлгий аймгийн үе үеийн санхүүч, эдийн засагчид Та бүхэндээ баярын мэнд хүргье!

    Жил бүрийн 12 дугаар сарын хоёр дахь Ням гаригт манай санхүүгийн салбарын хамт олон хийж бүтээсэн ололт, амжилтаа тэмдэглэн, тулгарсан бэрхшээл, саадыг дүгнэж, цаашид хийх ажлаа тодорхойлон энэхүү баяраа хамтран тэмдэглэн өнгөрүүлдэг уламжлалтай билээ. Улс орныхоо эдийн засаг, санхүүгийн салбарыг хөгжүүлэхэд санхүүчдийн нөр их хөдөлмөр, ухаан билэг, авьяас чадвар гол үүрэг гүйцэтгэж ирсэн.
    Цаашдаа ч олсон ололт амжилтаа улам бататгаж, санхүүгийн сахилга батыг сайжруулан төрөлх нутгийнхаа гэрэлт ирээдүйн төлөө хамтран зүтгэнэ гэдэгт итгэл төгс байна.
    Та бүхэндээ санхүүчдийн өдрөө ололт, амжилтаар дүүрэн, үр бүтээлтэй тэмдэглэн өнгөрүүлэхийн өлзийтэй ерөөлийг өргөн дэвшүүлье.

    БАЯН-ӨЛГИЙ АЙМГИЙН ЗАСАГ ДАРГА Х.ДАРМЕН

  • "Миний Улаан Загалмайн түүх" аяныг дүгнэлээ

    МУЗН-ийн 75 жилийн ойн баярыг тохиолдуулан Баян-Өлгий Аймгийн Улаан Загалмайн Хороо "Миний Улаан Загалмайн түүх" сэдэвт 2 сарын аяныг дүгнэж, анхан шатны хороодуудыг шагнав. Үүнд:
    1-р байр Дэлүүн сумын Анхан шатны хороо
    2-р байр Алтай сумын Анхан шатны хороо
    3-р байр Буянт сумын Анхан шатны хороо
    Тусгай байр :
    Өлгий сумын Анхан шатны хороо
    Ногооннуур сумын Анхан шатны хороо
    Баяннуур сумын Анхан шатны хороо.

  • Аймгийн хурц арслан Дагыс агсны нэрэмжит хүчит бөхийн барилдаан болно
    Аймгийн хурц арслан Дагыс агсны нэрэмжит хүчит бөхийн барилдаан болно

    12 дугаар сарын 14-ний өдөр 11 цагаас Аварга биеийн тамирын дээд сургуулийн зааланд Баяннуур сумаас төрөн гарсан аймгийн хурц арслан Дагыс агсны нэрэмжит хүчит бөхийн барилдаантай тул бөхчүүд, бөх сонирхогчид өргөнөөр хүрэлцэн ирнэ үү.

    Зохион байгуулагч: Баяннуур сумын Улаанбаатар хот дахь оюутан залуучуудын холбоо, Алтайн оргил хөгжлийн сан ТББ

    Ерөнхий ивээн тэтгэгч: AЕCН ХХК. Холбогдох утас:99796992; 94771300.
    Жич: Барилдах залуу бөхчүүд үндэсний бөхийн өмсгөлтэй ирнэ үү.

  • Баян-Өлгий -  бүтээгдэхүүн үйлдвэрлэгч аймаг болно
    Баян-Өлгий - бүтээгдэхүүн үйлдвэрлэгч аймаг болно

    Аймгийн удирдлага ЖДҮ-ийг хөгжүүлж, ажлын байрыг ихээр бий болгох зорилт тавин ажиллаж байна. 2013 онд ЖДҮ-ийг дэмжих сангаас 500,0 сая төгрөг хуваарилж 21 иргэн, аж ахуйн нэгжид хөнгөлөлттэй зээл олгосны үр дүнд тус аймаг нь тоосгоны үйлдвэр, пено болон газоблокны үйлдвэр, хөөсөн болон сэндвичэн хавтангийн үйлдвэр, эсгийний үйлдвэр, вакуум цонх болон хаалганы үйлдвэрүүдтэй болсон билээ.

    2014 онд 44 төсөлд хөнгөлөлттэй зээл олгохоор шийдвэрлэсний үр дүнд одоогоор жилд 120000 м2 зүсмэл чулуу үйлдвэрлэх хүчин чадалтай чулууны үйлдвэр, цагт 50-120 тн бүтээгдэхүүн үйлдвэрлэх хүчин чадалтай хайрганы үйлдвэртэй болоод байна. Бусад төслүүд хэрэгжих шатандаа явж байна.

    2014 онд 44 төсөлд хөнгөлөлттэй зээл олгохоор шийдвэрлэсний үр дүнд одоогоор жилд 120000 м2 зүсмэл чулуу үйлдвэрлэх хүчин чадалтай чулууны үйлдвэр, цагт 50-120 тн бүтээгдэхүүн үйлдвэрлэх хүчин чадалтай хайрганы үйлдвэртэй болоод байна. Бусад төслүүд хэрэгжих шатандаа явж байна. Мөн тухайн онд жилд 600,0 мянган тн хүдэр боловсруулах хүчин чадалтай Дулаан харын холимог металлын баяжмалын үйлдвэр, Ховд голын гянт болдын баяжмалын үйлдвэрүүд ашиглалтад орж, ард иргэдийг ажлын байраар хангах, орон нутгийн төсвийн орлогыг нэмэгдүүлэхэд ач тусаа өгч байна.  Мөн жилд 300,0 мянган тн цемент үйлдвэрлэх хүчин чадалтай цементийн үйлдвэр баригдаж байгаа ба 2015 онд ашиглалтад өгнө. Уул уурхайн яамны дэргэд Асгатын мөнгөний ордыг эдийн засгийн эргэлтэд оруулах үүрэг бүхий төслийн нэгж байгуулагдсанаар 2016 он хүртэл үйл ажиллагааг нь эхлүүлэхээр ажиллаж байна.  

  • Н.Айшолпан охины зураг “Instagram”-ын нөлөө бүхий зургаар шалгарчээ
    Н.Айшолпан охины зураг “Instagram”-ын нөлөө бүхий зургаар шалгарчээ

    Гэрэл зургийн “Instagram” сайтын 2014 оны хамгийн нөлөө бүхий гэрэл зургийн жагсаалтад Монголын хэрэглэгч “iNomad”-ын (http://instagram.com/inomad/) оруулсан “Айшолпан ба түүний алтан шонхор” хэмээх зураг багтсан байна.

    Баян-Өлгий аймгийн казах охин, 13 настай Н.Айшолпан бүргэдийн анчин гэдгээрээ дэлхий нийтэд алдаршсан. Олон улсын “ВВС” агентлаг түүний бүргэдтэй байгаа гэрэл зургийг онцолж байсан удаатай. Мөн АНУ-ын “Олигвы Энтертайнмент”-ийнхан казах охины тухай “Айшолпаны амьдрал” хэмээх баримтат кино хийхээр манай улсад бүргэдийн баяраар ирж зураг авалтаа хийгээд буцсан юм.

    “Instagram” сайтын редакцийн захирал “Эдгээр зургууд нь 2014 онд манай олон сая хэрэглэгчдийн оруулсан нөлөө бүхий зурагнуудын дээж нь юм” хэмээн “Time” сэтгүүлд ярьжээ.

    Мөн АНУ руу хууль бусаар хил нэвтэрч буй мексик иргэд, Сирийн иргэний дайн, Пакистаны хөрсний нуралт, Фергюсон хотын жагсаал гэх мэт шилдэг 29 гэрэл зургийг тодруулжээ. “Instagram” сайт 300 сая гаруй хэрэглэгчтэй юм.

  • ТАТВАР ТӨЛӨГЧДИЙН АНХААРАЛД!
    ТАТВАР ТӨЛӨГЧДИЙН АНХААРАЛД!

    Татвар төлөгч та хуулиар ногдсон татвараа хугацаанд нь төсөвт төлж, шинэ оноо татварын өргүй угтахыг уриалж байна. Хуулиар тогтоосон хугацаанд төлөөгүй татварын дүнд хоног тутам 0,1 хувийн торгууль, 0,051 хувийн алданги нэмж ногдох тул ногдсон татвараа хуулийн хугацаанд нь төлөхийг Танд анхааруулж байна. Хуулиар тогтоосон хугацаанд татвараа төлсөн Татвар төлөгч танд баярлалаа.


    БАЯН-ӨЛГИЙ АЙМГИЙН ТАТВАРЫН ХЭЛТЭС

  • Н.Айшолпаныг хүлээн авч уулзлаа
    Н.Айшолпаныг хүлээн авч уулзлаа

    Аймгийн Засаг дарга Х.Дармен өчигдөр Олон улсын шувуучдын наадамд оролцоод ирсэн Ы.Нургайв, С.Бауыржан, Н.Айшолпан нарыг хүлээн авч уулзлаа.
    Арабын Нэгдсэн Эмират улсад энэ сарын 7-13-ны хооронд болсон Олон улсын шувуучдын наадамд 77 орны төлөөлөл оролцжээ. Тус арга хэмжээнд Монгол Улсаас 15 хүнтэй баг оролцон, олон орны шувуучидтай уулзаж, туршлага солилцсон байна.
    13 настай Н.Айшолпан бүргэдийн анчин гэдгээрээ дэлхий нийтэд алдаршсан. Олон улсын “ВВС” агентлаг түүний бүргэдтэй байгаа гэрэл зургийг онцолж байсан удаатай. Мөн АНУ-ын “Олигвы Энтертайнмент”-ийнхан казах охины тухай “Айшолпаны амьдрал” хэмээх баримтат кино хийхээр манай улсад бүргэдийн баяраар ирж зураг авалтаа хийгээд буцсан юм.

  • Төрийн байгууллагын авлигын эсрэг үйл ажиллагааны 2014 оны үнэлгээний дүнг танилцуулав
    Төрийн байгууллагын авлигын эсрэг үйл ажиллагааны 2014 оны үнэлгээний дүнг танилцуулав

    Нээлттэй сонгон шалгаруулалтын үндсэн дээр шалгарсан “Баянзүрх консалтинг” ХХН, “Онч шийдэл” ТББ, “Нийгмийн бодлогын хөгжлийн судалгааны хүрээлэн” ТББ-ын төлөөлөл бүхий шинжээчдийн 4 баг Авлигатай тэмцэх газраас баталсан “Төрийн байгууллагуудын авлигын эсрэг үйл ажиллагааны үнэлэх аргачлал”-ын дагуу төрийн байгууллагуудын 2014 оны авлигын эсрэг үйл ажиллагаанд үнэлгээ хийж, дүнг олон нийтэд зарлаад байна. Энэ үнэлгээ нь 2 дахь удаагаа зохион байгуулагдаж байгаа бөгөөд хөндлөнгийн шинжээчид үнэлдэгээр онцлог юм. Дэлгэрэнгүй мэдээллийг Авлигатай тэмцэх газрын www.iaac.mn сайтаас авна уу.

  • Тамирчид олзтой ирэв
    Тамирчид олзтой ирэв

    Баян-Өлгий аймгийн тамирчид олон улсын тэмцээнд хоёрдугаар байр эзэллээ. Энэ тухай Соёл, спорт, аялал жуулчлалын газраас мэдээллээ.

    ОХУ-ын Алтайн БНУлсад нүүдэлчдийн эртний тоглоом болох «тогызкумалах» (есөн хоргол буюу шатар даам маягийн хүлэгт тоглоом)-чдын уралдаан анх удаа зохиогдож, 5 орны тамирчдын 16 баг оролцон гурав хоног авъяасаа сорьсон уралдаанд Казахстаныхан түрүүлж, Монгол Улс удаахь байрыг эзэлсэн байна.

    Тус тэмцээнд Баян-Өлгий аймгийн Өлгий, Толбо сумдаас шалгаран оролцсон Н.Еламан нарын хэд хэдэн залуу тамирчин өндөр амжилт гаргаснаар баг нь ийнхүү мөнгөн медаль хүртжээ. Манайд ардын уламжлалт энэ тоглоом сэргэж эхлээд удаагүй боловч хүүхэд залуучуудын дунд өргөн дэлгэрч байна.

  • Сэтгүүлчдийг хүлээн авч уулзлаа
    Сэтгүүлчдийг хүлээн авч уулзлаа

    Шинэ жилийн баярыг тохиолдуулан орон нутагт сэтгүүл зүйн салбарыг хөгжүүлэхэд тодорхой хувь нэмрээ оруулж буй хэвлэл мэдээллийн хэрэгслүүдийн сэтгүүлч, техникийн ажилтнуудыг хүлээн авч уулзан, аймгийн Засаг даргын "Жуух бичиг" болон "Хүндэт өргөмжлөл"-өөр шагнав.

  • АЙМГИЙН ЗАСАГ ДАРГА Х.ДАРМЕНИЙ ШИНЭ ЖИЛИЙН МЭНДЧИЛГЭЭ
    АЙМГИЙН ЗАСАГ ДАРГА Х.ДАРМЕНИЙ ШИНЭ ЖИЛИЙН МЭНДЧИЛГЭЭ

    АЙМГИЙН ЗАСАГ ДАРГА Х.ДАРМЕНИЙ ШИНЭ ЖИЛИЙН МЭНДЧИЛГЭЭ

    Эрхэм хүндэт Баян-Өлгийчүүд ээ!

    Казах, урианхай, дөрвөд, тува, ахан дүүс ээ!

    Ноёд, хатагтай нар аа!

    Та бүхэнд ирж буй шинэ оны гал халуун мэндийг өргөн дэвшүүлье!

     

    Өнөөдрөөс 25 жилийн өмнө цагаан морин жилийн өвөл манай улсын хэсэг залуучууд  ардчиллын төлөөх тэмцэлд гарч, Монгол Улсад социалист дэглэмийг халан, түүхэн гавьяа байгуулсан билээ. Үүнээс хойш улс орон маань зах зээлийн чөлөөт эдийн засагт шилжиж, хүний эрх, эрх чөлөөг дээдэлсэн үндсэн хуульт ардчилсан орон болж хөгжил цэцэглэлийн замд орсон. Энэхүү Ардчилсан хувьсгалын 25 жилийг ойг ч манай ард түмэн хөдөлмөрийн арвин их амжилтаар угтаж байна.

    Улирч буй 2014 он Баян-Өлгий аймгийн хувьд үйл явдлаар баялаг, өөрийн гэх тод мөртэй, ухаарал сургамж хайрласан түүхэн жил байлаа. Мөн томоохон бүтээн байгуулалтын ажлууд хийгдэж, аймгийн ДНБ-д 2014 онд 240,3 тэрбум төгрөгийн нэмэгдэл өртөг бий боллоо. Энэ нь 2013 онтой харьцуулахад 6 хувиар өссөн үзүүлэлттэй байна.

    2014 онд Баян-Өлгий аймагт барилга угсралт, харилцаа холбоо, зам, харилцаа, нийтийн орон сууц барих,  барилга материалын үйлдвэр, эрүүл мэнд, боловсрол, соёл, спортын салбарт нийтдээ 111,5 тэрбум төгрөгийн хөрөнгө оруулалт хийгдэв. Мөн Цагааннуур-Улаанбайшинт, Толбо-Ховд чиглэлд хатуу хучилттай зам барихад шаардлагатай 200 сая ам.долларын асуудлыг Азийн хөгжлийн банкнаас шийдвэрлүүлж, одоо тендер нь зарлагдаад явж байна.

    Аймгийн хөдөлмөрийн хэлтэс, хувийн хэвшилтэй хамтран оны эхнээс 1600 ажлын байр бий болголоо.Үүнээс байнгын ажлын байр 1490, түр ажлы байр 110 байна. Аймгийн төвийг хотын статустай болгох зорилтын хүрээнд хотын ерөнхий төлөвлөгөөг шинэчлэн батлуулж,  төв талбайг шинэчлэх, гудамжуудыг камержуулах, тохижуулах, гэрэлтүүлэг тавих ажлуудыг эхлүүллээ.

    Хүн амын эрүүл мэндийг хамгаалах ажилд аймгийн удирдлагын зүгээс онцгой анхаарал хандуулж, аймгийн Нэгдсэн эмнэлгийн дэргэд Эмчилгээ, оношилгооны төв байгуулж, улсын төсвийн болон орон нутгийн төсвийн хөрөнгө оруулалтаар материаллаг баазыг нь сайжруулав. Тухайн жилд эрүүл мэдийн салбарт оруулсан хөрөнгө оруулалтын хэмжээ 3,1 тэрбум төгрөгт хүрсэн нь урьд, өмнө байгаагүй багтам том амжилт юм. Ингэснээр Улаанбаатар хотод очиж шинжилгээ хийлгүүлэх хүмүүсийн тоо 50 хувиаар буурч, ард иргэд мөнгө, цаг хугацаагаа хэмнэх  боломж бүрдлээ. Мөн эх, нялхсын эндэгдлийг бууруулж чадлаа.

    Боловсролын байгууллагуудын менежментийг сайжруулах зорилт тавин ажилласны үр дүнд Баян-Өлгий аймгийн боловролын чанар энэ жил 12,9 пунктээр ахицтай гарч чадлаа. Мөн 2014 онд тус салбарын санхүүгийн сахилга бат сайжирч, сургууль, цэцэрлэгүүд 298,4 сая төгрөгийн бодит хэмнэлтийг гарган, анх удаагаа жилийн эцэст өргүй гарах боломж бүрдээд байна. Энэ онд улсын төсвийн хөрөнгөөр боловсролын 4 объектэд 440 сая төгрөгийн их засвар хийгдэж, 7 тэрбум 800 сая төгрөгөөр 7 объект шинээр баригдаж байна.

    Түүнчлэн малчдын амьжиргааг дээшлүүлэх бодлого баримтлан ажиллаж, малчид болон мал бүхий иргэдийн үндэсний үйлдвэрт тушаасан хонь, тэмээний ноос, арьс шир тутамд мөнгөн урамшуулал олгуулж байна.

    Энэхүү амжилтууда 2015 онд улам бататгаж, илүү ихийг бүтээж чадна гэдэгт итгэл дүүрэн байна.

    Эрхэм хүндэт ард иргэд ээ!

    2014 оны жилийн эцсийн урьдчилсан мэдээгээр манай аймгийн хүн амын тоо 3 хувиар, мал сүргийн тоо 17,4 хувиар өссөнийг та бүхэн мэдэж байгаа билээ. Мөн 2015 оны 1 дүгээр сард манай Баян-Өлгийчүүд Монгол Улсын гурван сая дахь иргэнээ өлгийдэж авна. Засаг дарга миний бие энэхүү явдлыг бэлэгшээж, ирэх жилийг  Монголын ард түмэнд, Баян-Өлгийчүүдэд аз жаргал бэлэглэсэн хамгийн сайхан жил болно гэдэгт итгэл дүүрэн байна.

                Шинэ оноо угтаж байгаа Та бvхэндээ эрvvл энх байж, ажил vйлс нь өөдрөг, аз хийморь, цог золбоотой явахыг ерөөж, шинэ оны чин сэтгэлийн халуун мэндийг дэвшvvлье. 

    Жаңа жыл құт, береке әкелсін, ағайын! Жақсы тойлатыңыздар!

     

    ЗАСАГ ДАРГА                                             Х.ДАРМЕН

  • Аймгийн Засаг дарга Х.Дармен анхны томилолтоо Толбо, Дэлүүн, Булган сумаас эхэллээ
    Аймгийн Засаг дарга Х.Дармен анхны томилолтоо Толбо, Дэлүүн, Булган сумаас эхэллээ

    Баян-Өлгий аймгийн Засаг дарга Х.Дармен хөдөө сумдад ажиллах анхны томилолтоо Толбо, Дэлүүн, Булган сумаас эхэллээ.  

    Аймгийн Засаг дарга 1 дүгээр сарын 5-ны өдрийн 11:00 цагаас Толбо сумын төвд, 16:00 цагаас Дэлүүн сумын 1,10 дугаар багийн иргэдтэй “Болашах” бага сургуульд, 1 дүгээр сарын 6-ны өдөр Дэлүүн сумын төвд, 15:00 цагаас тус сумын Тавансалаа багийн бага сургуульд, 1 дүгээр сарын 7-ны өдөр Булган сумын төвд, 15:00 цагаас Сөнхөл багт Шүвтэр бага сургуульд, 1 дүгээр сарын  8-ны өдрийн 11:00 цагт Ёлт багт тус тус ажиллаж, иргэд хөдөлмөрчидтэй уулзалт хийж, төрийн бодлого, үйл ажиллагааны талаар болон 2014 онд аймаг орон нутгаас авч хэрэгжүүлж байгаа төсөл хөтөлбөр бүтээн байгуулалтын ажлуудын тухай мэдээлэл хийж, иргэдийн асуултанд хариулт өгч, иргэдээс гарсан зарим санал, хүсэлтийг газар дээр шийдвэрлэлээ.

    Аймгийн Засаг даргын ажиллах ажлын бүрэлдэхүүнд: Боловсролын газрын дарга К.Иманмагзам, Үйлдвэр хөдөө аж ахуйн газрын дарга Ж.Онгар, Эрүүл мэндийн газар, Нийгмийн даатгалын хэлтэс, Ниймгийн халамж, үйлчилгээний хэлтэс болон Санхүү, төрийн сангийн хэлтсийн холбогдох мэргэжилтнүүдийн бүрэлдэхүүнтэй явж ажиллалаа.

  • Мэдүүлэг гаргагч төрийн захиргааны албан тушаалтнуудын анхааралд!
    Мэдүүлэг гаргагч төрийн захиргааны албан тушаалтнуудын анхааралд!

    Монгол Улсын ИХ Хурлын Хууль зүйн байнгын хорооны  2012 оны 05-р тогтоолоор баталсан “Албан тушаалтны хувийн ашиг сонирхол болон хөрөнгө орлогын мэдүүлэгийн маягт, түүнийг бүртгэх, хянах, хадгалах журам” уг журмын 5 дугаар хавсралт болох “Албан тушаалтны хувийн ашиг сонирхол болон хөрөнгө орлогын мэдүүлэг  гаргах зарим албан тушаалтны жагсаалт” шинэчлэгдэж 2015 оны 01-р сарын 02-ны өдрөөс дагаж мөрдөхөөр батлагдсан бөгөөд жагсаалтаар ТЗ-Төрийн захиргааны 1-5 д заасан ангилалын албан тушаалтнууд хувийн ашиг сонирхол болон хөрөнгө орлогын мэдүүлэгийг гаргах шаардлагагүй болсныг мэдэгдэе.

            Мэдүүлэг гаргагчдын 2014 оны ХАСХОМ-ийн эрх нээгдсэнтэй холбоотой Та мэдүүлгээ шинэчлэн мэдүүлэх боломжтой боллоо. Иймд та програмын үндсэн үйлдэл цэсний "ХАСХОМ мэдүүлэх" эсвэл ХАСХОМ цэсний "ХАСХОМ мэдүүлэгчийн дэлгэрэнгүй" хэсэг рүү /2014-ийг сонгон/ орж мэдүүлгээ шинэчлэн мэдүүлж, програмаас мэдүүлгээ хэвлэн өөрийн байгууллагын эрх бүхий албан тушаалтанд хүлээлгэн өгч, бүртгүүлнэ үү.

  • Ерөнхий боловсролын сургуулийн сурагчдын амралтын зохицуулалт хийлээ
    Ерөнхий боловсролын сургуулийн сурагчдын амралтын зохицуулалт хийлээ

    Хөдөөгийн амьдрал, аж ахуйн ялгаатай байдалтай холбоотойгоор иргэдээс ирүүлсэн хүсэлт, саналыг үндэслэн аймаг, сум, тосгон, багийн ерөнхий боловсролын сургуулийн сурагчдын 2014-2015 оны хичээлийн жилийн 2, 3 дугаар улирлын амралтын эхлэх, үргэлжлэх, дуусах хугацааг өөрчиллөө.

    Мал төллөх үеэр эцэг, эхдээ туслах, уламжлалт ахуй, соѐлоо өвлөх боломжийг нь бүрдүүлж өгөх шаардлагатай гэж үзсэн байна.
    Энэ хичээлийн жилд хөдөөгийн сурагчид дорхи хуваариар амарна.

    Мал төллөх үеэр эцэг, эхдээ туслах, уламжлалт ахуй, соѐлоо өвлөх боломжийг нь бүрдүүлж өгөх шаардлагатай гэж үзсэн байна.
    Энэ хичээлийн жилд хөдөөгийн сурагчид дорхи хуваариар амарна.

    Хичээлийн жилийн 2 дугаар улирлын амралт:

      • I-V ангийн сурагчид 2015 оны 1 дүгээр сарын 10-ны өдрөөс 2 дугаар сарын 01-нийг дуустал 3 долоо хоног;
      • VI-IX ангийн сурагчид 2015 оны 1 дүгээр сарын 10-наас 1 дүгээр сарын 25-ныг дуустал 2 долоо хоног;
      • X-XII ангийн сурагчид 2015 оны 1 дүгээр сарын 10-наас 18-ныг дуустал 1 долоо хоног тус тус амарна.

    Хичээлийн жилийн 3 дугаар улирлын амралт:

      • I-V дугаар ангийн сурагчид 2015 оны 3 дугаар сарын 21-ний өдрөөс 4 дүгээр сарын 12-ныг дуустал 3 долоо хоног,
      • VI-IX ангийн сурагчид 2015 оны 3 дугаар сарын 21-ний өдрөөс 4 дүгээр сарын 05-ныг дуустал 2 долоо хоног,
      • X-XII ангийн сурагчид 2015 оны 3 дугаар сарын 14-нөөс 3 дугаар сарын 29-нийг дуустал 2 долоо хоног тус тус амарна.           

    Хөдөөгийн сурагчдын амралтын хугацааг өөрчилсөн ч энэ хичээлийн жилд бага, дунд,ахлах ангийн сурагчдын хичээллэх болон амрах нийт хугацаа хот, хөдөөгүй адил байна. Ерөнхий боловсролын сургуулийн бүх ангиудын хичээлийн жил дуусах хугацаа өөрчлөгдөөгүй.

    Хичээлийн жил 6 дугаар сарын эхний долоо хоног буюу 6 дугаар сарын 05-ны өдөр дуусна.               

    Сурагчдын амралтад өөрчлөлт орсноор санхүүгийн нэмэлт зардал шаардагдахгүй. Мөн анги дэвших, сургууль төгсөх, элсэлтийн ерөнхий шалгалтын зохион байгуулалт, багшийн амралтын хугацаа гэх мэт сургууль, сургалтын аливаа үйл ажиллагаанд сөрөг нөлөөлөл байхгүй болно.              

    Сурагчдын амралтын үеэр багш нар өөрийгөө хөгжүүлэх, сургалтад хамрагдах, сургалтын арга зүй, технологио хөгжүүлэх цагийн боломжтой болно. Сурагчдын амралтын үеэр багш нарын  нэгдсэн сургалтуудыг зохион байгуулна.

    Боловсрол, соёл, шинжлэх ухааны яам 

  • Стандартчиллын 2015-2016 оны хөтөлбөрт санал авч байна
    Стандартчиллын 2015-2016 оны хөтөлбөрт санал авч байна

    Албан байгууллага, ААН, Хувь хүмүүсийн анхааралд,
    Өөрийн үйл ажиллагаандаа мөрдөж буй Стандартыг шинээр болон дахин хянаж шинэчлэн боловсруулах, хүчингүй болгох саналаа  өгнө үү.
    Утас:70422652; 99419639
    Хаяг: Стандартчилал, хэмжил зүйн хэлтэс

  • Хувийн ашиг сонирхлын мэдүүлэг болон хөрөнгө, орлогын мэдүүлэг
    Хувийн ашиг сонирхлын мэдүүлэг болон хөрөнгө, орлогын мэдүүлэг

    Нийтийн албан тушаалтнуудын 2014 оны хувийн ашиг сонирхлын мэдүүлэг болон хөрөнгө, орлогын мэдүүлэг гаргах хуулийн хугацаа 2015 оны 01 дүгээр сарын 01-ээс 02 дугаар сарын 15-ны өдрийг хүртэл үргэлжлэх тул мэдүүлэг гаргах албан тушаалтан та хуулийн хугацаанд мэдүүлгээ гаргаж байгууллагынхаа эрх бүхий албан тушаалтанд бүртгүүлнэ үү.
    Аймгийн Засаг даргын тамгын газар

  • Баян-Өлгий аймгийн хүн амын тоо, жилийн өсөлт, бууралтын хувь 2010-2014 он
    Баян-Өлгий аймгийн хүн амын тоо, жилийн өсөлт, бууралтын хувь 2010-2014 он

  • ЗГХЭГ-ын дарга С.Баярцогт аймгийн удирдлагуудтай цахим хурал хийлээ
    ЗГХЭГ-ын дарга С.Баярцогт аймгийн удирдлагуудтай цахим хурал хийлээ

    Аймгийн удирдлагуудтай хийсэн 2015 оны эхний цахим хурлын үеэр Монгол Улсын сайд, ЗГХЭГ-ын дарга С.Баярцогт төсвийн тодотголд тусгасан гол гол өөрчлөлт, шинээр хэрэгжиж буй хуулиудтай холбоотой мэдээлэл өглөө.

    Ирэх сарын 2-3-нд ЗГХЭГ-аас аймаг, нийслэлийн ИТХ-ын дарга, Засаг дарга нартай уулзалт, сургалт хийнэ. Аймаг, орон нутгийн удирдлагуудын 2014 оны ажлыг дүгнэж, 2015 оны үйл ажиллагааны гэрээ байгуулна. УИХ-ын чуулганаар одоо хэлэлцэж буй 2015 оны төсвийн тодотгол батлагдсаны дараа төсвийн зарцуулалттай холбоотой олон асуудлыг нарийвчлан тайлбарлана гэж С.Баярцогт сайд хэллээ.  

    Оны эхнээс хэрэгжиж буй Шилэн дансны хуулийн дагуу төсвийн захирагч нар 10 сая төгрөгөөс дээш үнийн дүнтэй гүйлгээ бүрээ цаг тухайд нь олон нийтэд мэдээлэх үүрэгтэй. Энэ ажлыг цалгардуулалгүй гүйцэтгэхэд Засаг дарга нар анхаараарай. Засгийн газраас өнгөрсөн онд шинэчилсэн журмын дагуу энэ жил нийт 53 малчин, тариаланч, фермерийг шалгаруулна. Улсын сайн малчин, тариаланч, фермерүүдийн цол, тэмдгийг уламжлал ёсоор сар шинийн баяраар гардуулан өгнө. Мөн энэ сард төрнө гэж тооцоолж байгаа Монгол Улсын 3 сая дахь иргэн, түүний чацуутнуудыг аймаг бүр тодруулах ажлыг зохион байгуулахдаа бүртгэл тэмдэглэлийг сайтар хөтөлж, хариуцлагатай ажиллаарай гэж ЗГХЭГ-ын дарга аймгийн удирдлагуудад анхаарууллаа.

    Хүүхдүүдийг эцэг эхэд нь туслуулах, нөгөө талаар мал маллагааны анхан шатны мэдлэг, соёлыг өвлүүлэх зорилгоор сурагчдын амралтыг мал төллөх үеэр тохируулсан.  Энэ хичээлийн жилийн 2 дугаар улирлын амралтын хувьд,

    - I-V ангийн сурагчид 1.10-наас 2.1-нийг дуустал 3 долоо хоног;

    - VI-IX ангийн сурагчид 1.10-наас 25-ныг дуустал 2 долоо хоног;

    - X-XII ангийн сурагчид 1.10-наас 18-ныг дуустал 1 долоо хоног амрах бол 3 дугаар улиралд:

                            - I-V ангийн сурагчид 3.21-нээс 4.12-ныг дуустал 3 долоо хоног,

                            - VI-IX ангийн сурагчид 3.21-нээс 4.5-ныг дуустал 2 долоо хоног,

                            - X-XII ангийн сурагчид 3.14-нөөс 3.29-нийг дуустал 2 долоо хоног тус тус амарна. Үүнтэй холбогдуулан аймаг, орон нутгийн зүгээс холбогдох зохицуулалт хийхийг мөн даалгалаа.

    Засгийн газрын өнгөрсөн хуралдаанаар яамдын бүтцийн өөрчлөлттэй уялдуулан аймгийн ЗДТГ-ын бүтэц, орон тоог шинэчлэн баталсан, хөдөөгийн эмч, багш нарт жилд нэг удаа үзүүлдэг буцалтгүй тусламжид ямар нэг өөрчлөлт ороогүй, "Гудамж" төслийн хүрээнд энэ жил Архангай, Увс, Хэнтий аймгуудын төвд гудамж, зам өргөтгөн шинэчлэх ажил хийнэ зэрэг мэдээллийг цахим хурлын үеэр орон нутгаас тавьсан асуултын мөрөөр тайлбарлалаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

  • Улаанхус, Цэнгэл сумын ард иргэд найдвартай эрчим хүчээр хангагдах боломж бүрдэв
    Улаанхус, Цэнгэл сумын ард иргэд найдвартай эрчим хүчээр хангагдах боломж бүрдэв

    2014 онд улсын төсвөөс 2,0 тэрбум төгрөг хуваарилагдаж, Баян-Өлгий аймгийн Сагсай, Улаанхус сумын хооронд 25 км-т 35 кв-ын цахилгаан дамжуулах агаарын шугам, 35/10 кв-ын 1*4000 кВА-ын хүчин чадалтай цахилгааны дэд өртөө барих ажил эхэлсэн билээ.
    Уг ажлыг «Мон-Хас» ХХК чанарын өндөр түвшинд гүйцэтгэж, 2015 оны 01 дүгээр сарын 10-ны өдөр улсын комисст хүлээлгэж өглөө.
    Цахилгаан дамжуулах агаарын шугам болон дэд өртөөний нээлтийн ажиллагаанд УИХ-ын гишүүн, ТББХ-ны дарга А.Бакей, УИХ-ын гишүүн А.Тлейхан, аймгийн Засаг дарга Х.Дармен болон Эрчим хүчний яамны холбогдох албан тушаалтнууд оролцов.

    УИХ-ын гишүүн, ТББХ-ны дарга А.Бакей нээлтийн ажиллагааны үеэр хэлсэн үгэндээ «Энэхүү бүтээн байгуулалтын ажил хийгдсэнээр Цэнгэл, Улаанхус сумын ард иргэд болон энэ нутагт үйл ажиллагаа явуулж буй «Эс-Эс-Монголия» зэрэг томоохон компаниуд, мөн цаашдаа шинээр байгуулагдах үйлдвэр, үйлчилгээний газруудыг найдвартай эрчим хүчээр хангах боломж бүрдэж байна» гэж онцлон тэмдэглэв.
    Урьд нь Улаанхус, Цэнгэл сумуудад 10 кв-ын шугамаар цахилгаан түгээж байсан юм.

  • Чөлөөт бүсээ хөгжлийн хөшүүрэг болгоё
    Чөлөөт бүсээ хөгжлийн хөшүүрэг болгоё

    Монголын баруун хил дээр байрлах, Улаанбаатар хотоос 1800 километрийн алсад орших Цагааннуурыг Ази-Европыг холбосон худалдааны чөлөөт бүс болгох шийдвэр 2002 онд гарсан. Товчхондоо бол Монгол улс эдийн засгийн болоод худалдааны чөлөөт бүстэй болохоор 1996 оноос эхлэн ярьсан бөгөөд 2002 онд УИХ-аар Чөлөөт бүсийн тухай хуулийг баталсан юм.

    Цагааннуур тосгонд хуучин тогтолцооны үед баруун 5 аймгийг ЗХУ-ын импортын бүх төрлийн бараагаар хангаж тэдгээр аймгаас бэлтгэх мал болон малын гаралтай түүхий эдийг гадаадад экспортлох үүрэг бүхий дамжлага бааз байсан нь, ОХУ-тай хил залгаа оршдог нь гуравдагч зах зээлд чөлөөтэй гарц гэдгээрээ Цагааннуурт худалдааны бүс байгуулах нэг шалгуур үндэслэл болсон байна.

    Олон нөхцөл шалтгааны улмаас үйл ажиллагаа нь зогсонги байсан энэхүү чөлөөт бүс өнгөрсөн оны 10-р сард Захирагчтай болж, Захирагчийн ажлын алба орон нутагт шилжин суурьшсанаар үйл ажиллагаагаа газар дээр нь эхлүүлэх нөхцөл бүрдсэн байна. Энэ талаар тус чөлөөт бүсийн мэдээлэл, сурталчилгаа хариуцсан мэргэжилтэн Х.Жанболаттай ярилцсан юм.

     

    Сур: Чөлөөт бүс гэдгийнхээ учир утгыг иргэд сайн ойлгохгүй байна гэх юм.

    Төрийн захиргааны байгууллага, жирийн ард иргэдтэй уулзахад янз бүрээр ойлгодог юм билээ. Чөлөөт бүс гэдэг нь нэгэн улсын улстөрийн хил дотор орших боловч гаалийн хилд ордоггүй нутаг дэвсгэр юм. Өөрөөр тайлбарлавал, чөлөөт бүс нь тус улсын үндсэн хуулиар заасан нутаг дэвсгэрт хамаарах боловч, тухайн улсын нутаг дэвсгэрт үйлчилж буй худалдаа, эдийн засаг болон санхүүгийн хууль тогтоолууд нь чөлөөт бүсэд хамааралгүй болно.

    Эдүгээ дэлхий дахинаа 135 гаруй оронд ажиллаж буй 3000 гаруй чөлөөт бүс нь 63 сая хүнийг ажлын байраар хангаж 500 тэрбумм долларын бараа эргэлт гүйцэтгэж байгаа бөгөөд худалдааны чөлөөт бүс, эдийн засгийн тусгай бүс, үйлдвэрлэлийн парк, шинжлэх ухаан технологийн бүс гэсэн үндсэн төрлүүдээр үйл ажиллагаа явуулж байна.

    Их хэмжээний хөрөнгө оруулалт хийгдсэнээс хойш нэлээд хугацааны дараа үр дүн нь мэдрэгддэг утгаараа ЧБ-ийн төсөл онцлог юм.

     

    Сур: Чөлөөт бүс гэж ярьсаар багагүй хугацаа өнгөрлөө. Чөлөөт бүс хөгжүүлэхэд зарцуулагдах төсөв хөрөнгө хангалтгүй байна уу. Эсвэл хууль эрх зүйн орчин хангалтгүй байна уу. Үйл ажиллагаа нь нэг л жигдрэхгүй байх шиг?

    “Цагааннуур” чөлөөт бүсийн талаар яриад чамгүй олон жил өнгөрчээ.   Тэнд хашаанаас өөр зүйл босоогүй талаар хүмүүс ярьдаг.  Гэхдээ бид өмнө нь хийсэн ажлуудыг үгүйсгэж огт болохгүй юм. Одоогоор 1.4 тэрбум төгрөгийн хөрөнгө оруулал­таар бүсийн талбайн байрзүйн зураглал /1:1000/ масштабтай, албан хэрэгцээнд хоёр айлын орон сууц, 10 машины гараж, конторын 8 өрөө байр худалдаж авах, чөлөөт бүсийн талбайд инженер геологийн судлагаа, цахилгаан дамжуулах шугам, бүсийг хөгжүүлэх мастер төлөвлөгөө, ерөнхий төлөвлөгөө,байгаль орчны нарийв­чилсан үнэлгээ, хөрсний инженер-геологийн судалгаа, хашаа хам­гаа­лалт, услалтын систем бүхий ногоон байгууламж барьж байгуулах, чөлөөт бүсийн хашаан дотор усан сан бүхий инженерийн хийцтэй гүн өрмийн худаг гаргах, бүсийн хил гаалийн шалган нэвтрүүлэх цогцолбор, худалдаа-тээвэр логистикийн талбай, байр байгууламжуудын зураг төсөл боловсруулах ажлууд хийгдсэн. Дээрхи ажлууд тус бүсийн үйл ажиллагааг хөгжүүлэх угтвар нөхцөл болж байна. Мэдээжийн хэрэг төрөөс хийх ёстой ажил бол дэд бүтэц.

    -Чөлөөт бүсийн тухай хууль 2002 онд батлагдсан. Үүнээс жилийн дараа “Цагааннуур” худалдааны чөлөөт бүсийн эрх зүйн байдлын тухай хууль зэрэг хууль хэрэгжээд явж байна.

    Эрх зүйн байдлын тухай хуулиудад чөлөөт бүсийн хэлбэрийг хатуу тогтоосон, чөлөөт бүсийн үйл ажиллагааны тусгай дэглэмийн зохицуулалт бүрхэг, дэд бүтцийн хөрөнгө оруулалт зөвхөн улсын төсөвт найдаж ирсэн.

    Хөрөнгө оруулалтын хувьд зогссоныг нуугаад байх зүйлгүй. Бодлогыг зангидах асуудал нэг яамны мэдэлд буюу бүр зөвхөн нэг хэлтэс, газарт хамаарч байсан учраас Чөлөөт бүсэд анхаарал сул байсан.

    Эцсийн дүндээ Чөлөөт бүсийн амжилт нь тогтвортой, тодорхой хууль тогтоомж, зохицуулалт, бүтцийн орчин бүрдсэн эсэхээс шалтгаалдаг. Дэлхийн амжилттай хөгжсөн чөлөөт бүсүүдийн туршлагаас харахад чөлөөт бүс нь  улсын болон хувийн салбартай хосолсон байдаг бөгөөд чөлөөт бүсийн хөгжлийн эхний үе шатанд төрөөс  санхүүжилтээр хангадаг  байна.

     

    Сур: Чөлөөт бүсүүдийн үйл ажиллагаа нь бодлогын түвшинд жигдрэх гэсээр өдийг хүрчээ. Тэгвэл одоо ямар ажлууд хийгдэж байна вэ?

    - Нэн тэргүүний чухал асуудал бол дэд бүтэц. Чөлөөт бүсийн нутгуудад дэд бүтэц хөгжөөгүй, хязгаар нутаг учраас Төр засгаас хөрөнгө оруулахад нэлээд анхаарч ажиллах хэрэгтэй юм. Өнөөдөр “Алтанбулаг” худалдааны чөлөөт бүсэд дэд бүтцийг нь хөгжүүлж байна. Мөн төрөөс үзүүлэх хилийн цэрэг, гаалийн газруудын барилга байгууламж, зам засварын ажлуудыг шийдчихээд байна. Товчхондоо, 2014 оны 6-р сарын 22-ноос “Алтанбулаг”-ийн худалдааны чөлөөт бүс албан ёсоор нээгдэж байнгын онцгой дэглэмд шилжин ажиллаж байна. Бүтээн байгуулалтын ажлууд ч сай нбайгаа. “Замын-Үүд” эдийн засгийн чөлөөт бүсийн тухайд БНХАУ-аас авч буй 300 сая ам.долларын хөрөнгөлттэй зээлийн хүрээнд хөрөнгө оруулалт хийж байгаа.

    Харамсалтай нь манай чөлөөт бүсийн хувьд дэд бүтцийг барьж байгуулахад улсынтөсвөөс 2006-2009 онд хуваарилсан 1.4 тэрбум төгрөгийн хөрөнгө оруулалтыг эс тооцвол сүүлийн жилүүдэд хөрөнгө оруулалт огт хийгдээгүй байна.

    Хавраас бид бүсийн харуул хамгаалалт, мэргэжлийн хяналтын албыг Засгийн газрын 2008 оны 227 дугаар тогтоолын дагуу байгуулж гааль,  татвар, гадаадын иргэн харьяатын албуудыг ажилд нь оруулах, зохион байгуулалтын арга хэмжээ авах, бүсэд шалган нэвтрүүлэх байр байгууламж, худалдаа тээвэр ложистиктийн  эхний ээлжийн барилга обьект, агуулахын контейнерийн, тээврийн терминалуудыг барьж байгуулахаар бэлтгэл ажлыг хангаж байна.

    Мөн ОХУ-аас гурил, будаа болон хүнсний бүтээгдэхүүн, нефть импортлож хадгалах, бөөний худалдааны төвийг нээж ажиллуулах, мах боловсруулж экспортлох, экспортын мах хадгалах махны зоорь, консерв үйлдвэрлэх жижиг дунд үйлдвэр барих, тосгоны ойролцоох барилгын материалын түүхий эд, орд газруудыг түшиглэн барилгын материалын (чулуу, цемент, тоосго зэрэг) жижиг дунд үйлдвэрлэл барих, хөгжүүлэх, Монголын ноос  ноолууран бүтээгдэхүүнийг Казахстан, ОХУ улсад экспортлох худалдааны төв, нэрийн барааны дэлгүүрийг нээж ажиллуулах, авто машин, тэдгээрийн эд анги, сэлбэг хэрэгсэл зэргийг худалдаалах цэгийг байгуулах зорилт тавиад байна.

    Өнгөрсөн онд бүсийн Захирагч БНХАУ-ын Шинжань-Уйгурын Өөртөө Засах орны Урумчи, Алтай хотууд, ОХУ-ын Алтайн хязгаарын Кош-Агач  районы төр захиргааны байгууллагын удирдах хүмүүс, гадаад худалдаа хариуцсан хүмүүс, зарим бизнесменүүдтэй уулзаж чөлөөт бүсийн тухай хууль, гааль, орлогын албан татвараас хөнгөлөх, чөлөөлөх талаар танилцуулж бүсэд хөрөнгө оруулах, хамтран ажиллах талаар санал тавиад ирлээ.

    Мөн Баян-Өлгий аймгийн Засаг даргын тамгын газар, ”Цагааннуур” худалдааны чөлөөт бүсийн Захирагчийн ажлын албанаас зохион байгуулсан “Цагааннуур” худалдааны чөлөөт бүсэд хөрөнгө оруулагчид болон жижиг, дунд үйлдвэр, худалдаа, үйлчилгээ эрхлэгчдийн уулзалт зөвлөгөөнийг зохион байгуулсанаар “Цагааннуур” худалдааны чөлөөт бүсийн өнөөгийн байдал, үр дүнтэй танилцаж, дүгнэлт хийх, гадаадын улс орнуудын туршлагын талаар мэдээлэл авч, суралцах, цаашид тус бүсийн үйл ажиллагааг эхлүүлэх, өргөжүүлэх, хөгжлийн чиг хандлагыг тодорхойлж  хэрэгжүүлэхэд   Төр, хувийн хэвшлийн түншлэлийн /ТХХТ/ ач холбогдолыг ойлгож мэдсэн үр дүнтэй ажил боллоо гэж дүгнэж байгаа юм.

    Сур: Та  сая бүсийн Захирагч ОХУ, БНХАУ-д ажиллаад ирсэн талаар дээр дурьдсан. Уулзалт үр дүнгээ өгсөн үү?

    Хятадын тал Цагааннуур худалдааны чөлөөт бүсэд хөрөнгө оруулалт хийх тухайлбал, мах махан бүтээгдэхүүн, загас үржүүлэх, боловсруулах үйлдвэр, цэвэр бохир усны хоолой үйлдвэрлэх үйлдвэр, чулууны үйлдвэр барих ажлыг санал болгосон.

    ОХУ-ын Алтайн хязгаарын Кош-Агач  районд ажиллаж тус районы дарга болон бизнесийн төлөөллийн 20 гаруй хүнтэй  уулзсан. Тэд хүнсний бараа, бүтээгдэхүүн болон нефть, гурил, мод экспортлохыг санал болгосон.

     

    Сур: Орон нутгийн удирдлагууд та бүгдийн ажлыг дэмжиж байна уу?

    Аймгийн удирдлагууд харуул хамгаалалт, мэргэжлийн хяналтын алба, гаалийн мэргэжилтэнүүдийг  ажилд нь оруулах зохион байгуулалтын арга хэмжээ авахаа хэлсэн.

    Мөн бүсэд шалган нэвтрүүлэх байр барьж байгуулах ажлыг өөрсдийн түвшинд дэмжиж ажиллахаа амлаад байна.

    Бидний зүгээс хүсэхэд аж ахуйн нэгжүүд маань, худалдаачид тус бүсийн бүтээн байгуулалтын ажилд идэвхтэй оролцоосой гэж хүсч байна.

     

    Ядахдаа бизнесменүүд маань эхний ээлжинд нэг контейнерч болов аваачиж тавиад үйл ажиллагаагаа эрхлээсэй гэж боддог.  Жишээ нь: багахан хэмжээний хүнсний дэлгүүрүүд, ШТС, эх орны ноос, ноолууран эдлэл, арьсан бүтээгдэхүүн, хивс зэрэг бренд бүтээгдэхүүний нэрийн барааны дэлгүүр, цаашлаад барилгын хөнгөн хийц, материалын жижиг үйлдвэр, цехийг барьж байгуулах хэрэгтэй юм.

     

    Сур: Ер нь Чөлөөт бүсийн ач холбогдол нь юу юм вэ?

    -Чөлөөт бүс ашигтай гэдгийг цаг хугацааны хувьд урьдчилж хараад хуулиа баталчихсан шүүдээ. Гэхдээ эдийн засгийн нөхцлүүд нь бүрдэхгүй байсаар хугацаа алдсан. Яагаад заавал чөлөөт бүс байгуулаад байна вэ? Чөлөөт бүсийг байгуулахын хамгийн гол зорилго нь экспортын чиглэлийн үйлдвэрүүдийг дэмжих юм. Чөлөөт бүсэд байрлалтай үйлдвэр, аж ахуйн нэгжүүдийг татвараас чөлөөлөх арга хэмжээ авдаг. Үүнд гаалийн татвар, нэмүү өртөгийн албан татвар, орлогын татвар гэх мэт татвараас чөлөөлөгдөх эсвэл хөнгөлөлт эдлэх боломжууд орно.

    Ерөнхийдөө чөлөөт бүсийн нутаг дэвсгэрт үйлдвэр худалдааны маш олон хөнгөлөлт үзүүлдэг болохоор, шинээр үйлдвэр нэвтрүүлэн хөгжүүлэхэд хамгийн тохиромжтой газарт тооцогддог бөгөөд чөлөөт бүсэд үйлдвэр шинээр нээн хөгжүүлэх нь саад бэрхшээл багатай тул гадаадын хөрөнгө оруулагч нар тухайн бүс нутагт илүү их хөрөнгө оруулалт хийдэг юм байна. Үүнтэй уялдан улс оронд шинэ технологи нэвтрэх явдал нь түргэсдэг ажээ.

    Цаашлаад одоо ашиглагдахгүй байгаа 708.4 га газрын үнэ цэнэ нь мэдрэгдэж  эдийн засгийн эргэлтэд орно. Чөлөөт бүсэд гадаад, дотоодын  хөрөнгө оруулалт төвлөрч худалдаа, үйлдвэрлэл үйлчилгээний олон салбар шинээр нээгдэж олон мянган хүн ажлын байраар хангагдаж ядуурлыг бууруулах зэрэг эдийн засаг, нийгмийн ач холбогдолоороо асар их юм.

     

    Сур: Та татвар хөнгөлөлтийн тухай дурьдлаа. Энэ талаар жаахан дэлгэрэнгүй ярина уу?

    - Хамгийн энгийнээр хэлье л дээ. Жишээ нь: Та ”Цагааннуур” бүсэд зочид буудал, ШТС, барилгын материалын зэрэг үйлдвэрлэл барьж байгуулахад үйл ажиллагаагаа эхэлсэн өдрөөс орлогын албан татвараас 5 жилийн хугацаанд чөлөөлж, дараагийн 3 жилд 50 хувиар хөнгөлнө.

    Мөн худалдаа, нийтийн үйлчилгээ эрхэлж байгаа аж ахуйн нэгжийг үйл ажиллагаагаа эхэлсэн өдрөөс эхний 3 жилд газрын төлбөрөөс чөлөөлж, дараагийн 3 жилд 50 хувиар хөнгөлөх зэрэг татвар хөнгөлөлтийн тааламжтай олон нөхцлүүд үйлчилдэг. Гадаад орнуудаас чөлөөт бүсэд бараа таваар оруулахад мөн чөлөөт бүсээс гадаад орнуудад бараа таваар гаргахад Монголын тал гаалийн татвараас чөлөөлнө.

    Сур: Юуны өмнө сонирхолтой ярилцлага өгсөн таньд баярлалаа! Та бүхний цаашдын ажилд өндөр амжилт хүсье!

    Та бүхэнд ч мөн адил амжилт хүсье!

    Цагааннуур худалдааны чөлөөт бүсийн цахим хуудас

  • Баян-Өлгий аймгийн  Өлгий суманд шинээр байгуулагдсан дөрвөн байгууламж нээлтээ нэгэн зэрэг хийв
    Баян-Өлгий аймгийн Өлгий суманд шинээр байгуулагдсан дөрвөн байгууламж нээлтээ нэгэн зэрэг хийв

    Аймгийн төв номын сан, хүүхдийн наймдугаар цэцэрлэг, «Жансая», «Мейрим» өрхийн эмнэлэгүүд тохилог байртай боллоо. Эдгээр барилга байгууламжийг «Монстрой-Эра», «Заулим Алтай», «Көшелик» компаниуд барьж ашиглалтад оруулсан байна.

    1949 онд байгуулагдсан аймгийн номын сан 1961 онд баригдсан боломжийн байртай байсан атлаа хувьчиллын «булхайгаар» 1990 онд тэр байраа булаалган арван долоон жил Хөгжимт Драмын театрын чийгтэй, бүгчим подвалд байрлаад байснаа одоо л нар харж, цэвэр агаараар амьсгалж эхэллээ.

    Өрхийн дээрх хоёр эмнэлэг тус бүр 10 мянга орчим хүнийг хариуцан эрүүл мэндийн үйлчилгээ үзүүлдэг. Дөрөвдүгээр багийн нутаг дэвсгэрт оршдог «Жансая» эмнэлгийн эрхлэгч, эмч М.Ира,

       -Зуны цагт борооны усанд живж шахдаг хуучин байраа орхин, дулааны болон цэвэр бохир усны шугаманд холбогдсон тохилог байранд орсондоо энэ эмнэлгийн хамт олон бид төдийгүй гурван багийн 9550 хүн баярлаж байна. Энэ байгууламж гуравхан сарын дотор ашиглалтад орлоо. Одоо дотоод тоног төхөөрөмжөөр хангаж өгөхөө дарга нар амлаж байна. Бид улам чанартай сайн ажиллах болно гэв.

    Эдгээр дөрвөн шинэ байгууламжийн нээлтийн ажиллагаанд УИХ-ын гишүүн А.Бакей, А.Тлейхан, аймгийн Засаг дарга Х.Дармен, ИТХ-ын дарга Б.Лазатхан нар оролцон баяр хүргэж үг хэллээ.

  • Баян-Өлгий аймгийн 2014 оны шилдгүүд шалгарлаа
    Баян-Өлгий аймгийн 2014 оны шилдгүүд шалгарлаа

    Баян-Өлгий аймгийн ИТХ-ын Тэргүүлэгчид, Засаг даргын зөвлөлийн хамтарсан хуралдаан болж, 15 номинацид 2014 оны  аймгийн шилдгүүдийг шалгарууллаа. Үүнд:

    1. Оны шилдэг бага ангийн багшаар – Өлгий сумын 1 дүгээр бүрэн дунд сургуулийн бага ангийн багш Ш.Өркен
    2. Оны шилдэг багшаар – Өлгий сумын 5 дугаар бүрэн дунд сургуулийн хими-биологийн багш А.Гүлнар
    3. Оны шилдэг сурагчаар – Өлгий сумын “Дарын” цогцолбор сургуулийн  12 дугаар ангийн сурагч А.Айболат
    4. Өлгий сумын “Бастама” бүрэн дунд сургуулийн 11 дүгээр ангийн сурагч Ш.Еркенур
    5. Оны шилдэг бизнесменээр – Өлгий сумын “Ак дам” захын бизнесмен Х.Хурмет
    6. Оны шилдэг ажилчнаар – Өлгий сумын “Суат” ХХК-ийн ажилчин Р.Женисбек
    7. Аймгийн “Эрчим” ХХК-ийн экскваторын операторчин Е.Хайрат
    8. Оны шилдэг банкны  ажилтнаар – ХААН банкны аймаг дахь салбарын Ховд гол тооцооны төвийн эдийн засагч А.Еркин
    9. Оны шилдэг санхүү, бүртгэл тооцооны ажилтнаар – “Соёмбо даатгал”   ХХК-ийн аймаг дахь салбарын захирал Х.Зауреш
    10. Оны шилдэг төр захиргааны ажилтнаар – Аймгийн МХГ-ын Эрүүл ахуйн хяналтын улсын байцаагч – С.Арман
    11. Оны шилдэг соёл, урлагийн ажилтнаар – Аймгийн Казах үндэстний театрын жүжигчин Х.Сулушаш
    12. Оны шилдэг их эмчээр – Аймгийн Нэгдсэн эмнэлгийн Дотрын тасгийн эрхлэгч Х.Сьез
    13. Оны шилдэг бага эмчээр – “Эмимпекс” ХХК-ийн аймаг дахь Эм хангамж салбарын захирал, нөөцийн тасгийн эрхлэгч  Н.Көк
    14. Оны шилдэг байгууллагаар – Аймгийн Улсын бүртгэлийн хэлтэс
    15. Оны шилдэг аж ахуйн нэгжээр – “НИК” ХХК-ийн аймаг дахь Нефть хангамжийн салбар

    Баян-Өлгий аймгийн 2014 оны шилдгээр  шалгарсан хувь хүн,  байгууллага, аж ахуйн нэгжийн дарга нарыг БНХАУ-ын ШУӨЗО-ны үзэсгэлэнт газруудаар долоо хоног аялах эрхийн бичгээр шагнаж, зардлыг “Оны шилдэг шалгаруулах журам”-аас гаргахаар тогтоолын төслийг батлав.

  • Хоршооллыг сэргээх алхам хийгдэж байна
    Хоршооллыг сэргээх алхам хийгдэж байна

    Баян-Өлгий аймгийн малчдын холбоог бэхжүүлэх олон талын ажил хийгдэж байна. Үүний нэг томоохон бүтээн байгуулалт бол хоёр давхар шинэ байртай болсон байна. Түүний нэг давхарт нь малчдад зориулсан бөөний худалдаа эрхлүүлдэг болсон гэнэ.

    Одоогийн байдлаар арван нэгэн суманд малчдын хоршоолол байгуулагдлаа. Түүнчлэн 12 суманд дэлгүүртэй. Хоршооллын 4000 орчим гишүүнтэй аж. Нийт гишүүдийн нийлүүлсэн хөрөнгөөр зээл болон жилийн эцэст мөнгөний хүү, ашиг авдаг гэнэ.

    Мөн санхүү зээл, худалдааны үйлчилгээний хажуугаар малчдыг гэгээрүүлэх, мэдээллээр хангах, хөдөө аж ахуйн машин техникээр хангах арга хэмжээ авч эхэлжээ. Энэ жил малчид 70 тонн ноос тушааснаар тэрбум хагас орчим төгрөгийн урамшуулал авчээ. Одоо малчдаас найман тонн сарлагийн хөөвөр авч, самнан зах зээлд нийлүүлэх зорилт тавьж байна.  

    Хоршоолох нь илүү ач холбогдолтой болох нь маргаангүй, харин одооны шинэ маягийн хоршоолол нь хуучны нэгдлээс гол ялгаа нь гэвэл төрөөс санхүүжүүлдэггүй, хадлан бэлтгэх, хашаа барих, төл бойжуулах, зуд гамшиг тохиолдох зэрэгт бүхнийг дайчлах боломжгүй, бүгдийг нь малчид өөрсдөө хариуцдаг юм байна.

  • Баян-Өлгий аймгийн малын тоо хоёр саяд дөхжээ
    Баян-Өлгий аймгийн малын тоо хоёр саяд дөхжээ

    Мал тооллогын урьдчилсан дүнгээр Баян-Өлгий аймаг нэг сая  883 100 толгой мал тоолуулсан тухай  мэдээлэв.

    Тус аймгийн бүх сумдууд таван хошуу малаа өнгөрсөн оныхоос өсгөсөн дүнтэй байна. Үүнд Дэлүүн, Ногооннуур, Цэнгэл, Улаанхус зэрэг томоохон сумууд 28-45 мянган толгойгоор нэмсэн аж. Мөн тус аймгийн хэмжээнд мянган малтай малчин өрхийн тоо 76, малынх нь тоо толгой хоёр мянгаа хүрсэн, давсан малчин өрхийн тоо 14-д хүрчээ.

    Мал сүрэг ийнхүү их хэмжээгээр өсч байгаа явдал экспортод мал, мах гараагүй, хот суурин газрынхны мөнгөн орлого буурч бэлэн мөнгөгүй болж байгаатай холбоотой гэж аймгийн статистикийн хэлтсийн дарга Х.Бахыт тайлбарлажээ.

  • Баян-Өлгий аймагт 60 өрх зээлээр орон сууц авчээ
    Баян-Өлгий аймагт 60 өрх зээлээр орон сууц авчээ

    Баян-Өлгий аймаг орон сууцны зээлээр энэ гарснаас хойш 60 айл орон сууцанд хамрагджээ.

    2013 оноос барилгын компаниудад 8,5 тэрбум, иргэдэд 2,5 тэрбум төгрөгийн зээлийг жилийн найман хувийн хүүтэй олгож эхэлснээр гучин хувийг зээлдэгч тал өөрсдөө төлөх журмаар орон нутгийн иргэд хамрагдсаар байгаа юм.

    Тус аймагт төсөл хэрэгжүүлж буй  Эрчим, Цамбагарав, Нурданеско, Агайын зэрэг олон компаниуд  байгаа бөгөөд орон сууцны зээлд хамрагдах хүсэлтэй иргэд нэмэгдсээр байгаа гэнэ. Хамгийн сүүлд  орон сууцны зээл авахаар 13 хүн хүсэлтээ ирүүлсэнээс найм нь авахаар бэлэн болжээ. Мөн тус аймгийн иргэдийн банканд хадгалуулсан мөнгөний тоо долоон тэрбум төгрөгт хүрч, үний зэрэгцээ зээл авах иргэдийн тоо жилээс жилд нэмэгдсээр байна.

  • Баян-Өлгий аймгийн ханшийн мэдээ
    Баян-Өлгий аймгийн ханшийн мэдээ

    Баян-Өлгий аймгийн Өлгий сумын «Ах дэм» хүнсний зах дээр сүүлийн үеийн байдлаар дотоодын 50 кг нэгдүгээр гурил 48000, 25 кг гурил 25000, 50 кг хорголжин тэжээл 21000, 40 кг хивэг 18000, боодол өвс 3200-3500 төгрөг байна.

    Харин ямааны арьс 20000, ноолуур 48000, хонины нэхий 5000, адуу, үхрийн шир 40000 төгрөгөөр худалдаалагдаж байгаа аж.

    Тонн нунтаг нүүрс 65000, бүхэл нүүрс 95000, боодол модон түлш 3000-5000 төгрөг байна. Түүнчлэн гадаад валютын ханш өдөр тутам өсөн нэмэгдсээр ам. доллар 1930, юань 310,70, рубль 36,75 төгрөгөөр арилжаалагдаж байгаа гэнэ.

  • Шилдэг ширэн бээлийтнүүдийн тулаан эхэллээ
    Шилдэг ширэн бээлийтнүүдийн тулаан эхэллээ

    Боксын насанд хүрэгчдийн 2015 оны улсын аварга шалгаруулах тэмцээн эхэллээ. Эрэгтэй 10, эмэгтэй найман жинд аваргуудаа тодруулах уг тэмцээнд хот, хөдөөгийн 30 байгууллагын 300 орчим тамирчин өрсөлдөж байна.

    Энэ жилийн улсын аваргад Баян-Өлгий аймгаас Т.Жолдасбек, Дэлхийн оюутны аварга шалгаруулах тэмцээний мөнгөн медальт А.Нурлан, Ж.Еркин, Х.Бекнур, Т.Ерболат тэргүүтэй шилдгүүд өрсөлдөж байгаа юм. Тэмцээний аваргууд энэ сарын 24-нд тодрох бөгөөд жин тус бүртээ түрүүлсэн тамирчид ДАШТ-д оролцох эрхтэй болох юм.

    Мөн Монголын боксын холбооноос 2014 оны шилдэг боксын холбоогоор Баян-Өлгий аймгийн боксын холбоог тодруулж, урамшуулж шагнасан байна. 

  •  Гурван сая дахь иргэнд зориулсан лого батлагдлаа
    Гурван сая дахь иргэнд зориулсан лого батлагдлаа

    Монгол Улсын сая дахь иргэн мэндэлсний дараа Монгол Улс 3 сая иргэнтэй болсныг бэлгэдэж үндэсний бараа, бүтээгдэхүүн, ТВ нэвтрүүлэг, хэвлэл, мэдээллийн хэрэгслүүдээр түгээх мэдээ, нийтлэл, материалд энэхүү логог хэрэглэхээр тогтжээ.

    ЛОГОНЫ ТАЙЛБАР:

    • Монгол Улсын 3 сая дахь иргэн дэлхийн бамбөрцгийн хаана ч тодорч болохыг илэрхийлэх үүднээс  дэлхийн бөмбөрцгийг дэвсгэр болгон зурсан.
    • Бөмбөрцөг дотор бие бие дээ багтсан гурван хүнийг харуулсан нь хүүхэд гэр бүлд өсч хүмүүжих, 3 сая дахь иргэн маань  бие бялдрын хувьд өсч том болсон ч Монгол Улсын 3 сая дахь иргэнээр мөнхөд алдаршиж үлдэж байгааг илэрхийлнэ гэсэн хоёр утгатай.
    • Амуу буудайгаар хүрээлүүлсэн нь хүн ам өсч олуулаа болохыг бэлгэдсэн
    • Дээд талд Монгол Улсын соёмбо байрлуулсан.

  • Татварын буцаан олголтонд хамрагдах иргэд ямар материал бүрдүүлэх вэ?
    Татварын буцаан олголтонд хамрагдах иргэд ямар материал бүрдүүлэх вэ?

    Хувь хүний орлогын албан татварын хөнгөлөлт, чөлөөлөлт эдлэх үеийн анх удаа орон сууц худалдан авсан иргэд бүрдүүлэх баримтын жагсаалтыг та бүхэнд танилцуулж байна. Дашрамд сануулахад, та хоёрдугаар сарын 15-наас өмнө амжиж дараах материалуудаа харьяа татварын албандаа хүлээлгэн өгөөрэй.

    1. "Хувь хүн өөрийн орлого болон банк, санхүүгийн байгууллагаас авсан зээлийн хөрөнгөөр амьдран суух зориулалтаар анх удаа хувьдаа орон сууцны барилга барих, эсхүл худалдан авахад зарцуулсан 30.0 сая төгрөгөөс дээшгүй хэмжээний хөрөнгөтэй тэнцэх орлого"-ыг чөлөөлөхдөө /ХХОАТТХ-ийн 16.1.12/            

    ОРОН СУУЦНЫ ЧӨЛӨӨЛӨЛТ ЭДЛЭХ  АНХНЫ ЖИЛД
    Бүрдүүлэх бичиг баримт Бичиг баримтыг өөрийн биеэр татварын албанд авч ирэх Чөлөөлөлт эдлэхийг хүссэн иргэний хүсэлт, нэгдсэн загвараар /өргөдөлд орлогын эх үүсвэрээ бүрдүүлсэн талаар дэлгэрэнгүй бичнэ/
    1. Чөлөөлөлтөд хамрагдахаар  гаргасан иргэний хүсэлт Чөлөөлөлт эдлэхийг хүссэн иргэний хүсэлт, нэгдсэн загвараар /өргөдөлд орлогын эх үүсвэрээ бүрдүүлсэн талаар дэлгэрэнгүй бичнэ/ Чөлөөлөлт эдлэхийг хүссэн иргэний хүсэлт, нэгдсэн загвараар /өргөдөлд орлогын эх үүсвэрээ бүрдүүлсэн талаар дэлгэрэнгүй бичнэ/
    2. Иргэний үнэмлэх, хуулбарын хамт Иргэний үнэмлэхийг хуулбарын хамт авч ирэх, ТУБ эх хувьтай нь тулгаж, хуулбар дээр тэмдгээ дарж баталгаажуулах Иргэний үнэмлэхийг наториатаар баталгаажуулсан байх
    3. Нийгмийн даатгалын дэвтэр,  хуулбарын хамт Нийгмийн даатгалын дэвтрийн хуулбарын хамт авч ирэх, ТУБ эх хувьтай нь тулгаж, хуулбар дээр тэмдгээ дарж баталгаажуулах Нийгмийн даатгалын дэвтрийг наториатаар баталгаажуулсан байх
    4. Үл хөдлөх, эд хөрөнгө өмчлөх эрхийн улсын бүртгэлийн гэрчилгээ,  хуулбарын хамт Үл хөдлөх эд хөрөнгийг бүртгэх газраас тухайн татвар төлөгч хувь хүнд олгосон “Үл хөдлөх эд хөрөнгийн улсын бүртгэлийн гэрчилгээ”-г  хуулбарын хамт авч ирэх, ТУБ эх хувьтай нь тулгаж, хуулбар дээр тэмдгээ дарж баталгаажуулна. Гэрчилгээг эх хувиар авч ирээгүй тохиолдолд наториатаар баталгаажуулсан байх /Чөлөөлөлт эдлэхийг хүссэн хүний нэр гэрчилгээнд бичигдсэн байх/ Үл хөдлөх эд хөрөнгийг бүртгэх газраас тухайн татвар төлөгч хувь хүнд олгосон “Үл хөдлөх эд хөрөнгийн улсын бүртгэлийн гэрчилгээ”-г наториатаар баталгаажуулсан байх /Чөлөөлөлт эдлэхийг хүссэн хүний нэр гэрчилгээнд бичигдсэн байх/
    5. Зээл олгосон банк, санхүүгийн байгууллагатай байгуулсан гэрээ, төлбөрийн баримтын хамт Хэрэв хувь хүн орон сууцны барилгыг зээлээр  авсан бол зээл авсан банк, санхүүгийн байгууллагатай хийсэн  зээлийн гэрээ нотариатаар баталгаажсан байх Хэрэв хувь хүн орон сууцны барилгыг зээлээр  авсан бол зээл авсан банк, санхүүгийн байгууллагатай хийсэн  зээлийн гэрээ нотариатаар баталгаажсан байх
    6. Орон сууцны захиалгын болон худалдах, худалдан авах гэрээ Чөлөөлөлт эдлэх хүний нэр дээр хийгдсэн гэрээ эх хувиараа байхгүй тохиолдолд нотариатаар баталгаажсан байх  Чөлөөлөлт эдлэх хүний нэр дээр хийгдсэн гэрээ нотариатаар баталгаажсан байх 
    7. Орон сууц худалдан авах болон хувьдаа  орон сууцны барилга барихад зарцуулсан орлогын эх үүсвэрийг нотлох баримт, мөнгө төлсөн баримт  Байрны төлбөр төлсөн баримтын хуулбар, эх хувьтай тулгаж үзэх, орон сууц худалдан авахад оруулсан хөрөнгө нь татвар төлсний дараахь орлого гэдгийг нотлох баримтууд байна.Орон сууц худалдан авах болон хувьдаа орон сууцны барилга барихад зарцуулсан хөрөнгө нь татвар төлсөний дараах орлого гэдгийг нотлох шаардлагатай. Бэлэглэлийн орлого хүлээн авсан тохиолдолд бэлэглэгчтэй гэрээ байгуулан нотариотаар баталгаажуулсан байх бөгөөд бэлэглэгчийн нийгмийн даатгалын болон, иргэний орлого татварын бүртгэлийн дэвтрийг эх хувиар авч ирэх  Байрны төлбөр төлсөн баримт,  орон сууц худалдан авахад оруулсан хөрөнгө нь татвар төлсний дараахь орлого гэдгийг нотлох баримтууд байна.Орон сууц худалдан авах болон хувьдаа орон сууцны барилга барихад зарцуулсан хөрөнгө нь татвар төлсөний дараах орлого гэдгийг нотлох шаардлагатай. Бэлэглэлийн орлого хүлээн авсан тохиолдолд бэлэглэгчтэй гэрээ байгуулан нотариотаар баталгаажуулсан байх бөгөөд бэлэглэгчийн нийгмийн даатгалын болон, иргэний орлого татварын бүртгэлийн дэвтрийг нотариатаар баталгаажуулсан байна.   
    8. Хөрөнгийн үнэлгээний тайлан Хэрэв хувь хүн орон сууцны барилгыг барьсан бол хөрөнгийн үнэлгээний байгууллагаар үнэлүүлсэн тайлан, үнэлүүлээгүй тохиолдолд уг барилгыг барихад зарцуулсан анхан шатны хүчин төгөлдөр баримтуудын жагсаалтыг гаргасан байх Хэрэв хувь хүн орон сууцны барилгыг барьсан бол хөрөнгийн үнэлгээний байгууллагаар үнэлүүлсэн тайлан, үнэлүүлээгүй тохиолдолд уг барилгыг барихад зарцуулсан анхан шатны хүчин төгөлдөр баримтуудын жагсаалтыг гаргасан байх
    9. Үл хөдлөх эд хөрөнгө борлуулсны албан татвар төлсөн баримт Татвар төлөгч иргэн,  хувь хүний өмчилж байсан орон сууцыг  худалдан авсан тохиолдолд орон сууцаа худалдсан этгээдийн үл хөдлөх эд хөрөнгө борлуулсны 2%-ийн албан татвар төлсөн баримт байна. Татвар төлөгч иргэн,  хувь хүний өмчилж байсан орон сууцыг  худалдан авсан тохиолдолд орон сууцаа худалдсан этгээдийн үл хөдлөх эд хөрөнгө борлуулсны 2%-ийн албан татвар төлсөн баримт байна.
    10. Татвартөлөгч иргэний орлого татварын бүртгэлийн дэвтэр Оршин суугаа  татварын албанаас  авсан татвар төлөгчийн бүртгэлийн дэвтэрт  орлого , татвараа бүртгэж , тэмдэглэл  хийж баталгаажуулсан байх, хуулбарын хамт   Орлого олгон суутган тооцоолол хийсэн байгууллагын эрх бүхий албан тушаалтны гарын үсэг, тамгатай байх,мөн иргэний орлого татварын бүртгэлийн дэвтрээ харъяа татварын хэлтсээр баталгаажуулсан байх
    11. Ажлын газрын  цалингийн тодорхойлолт Тодорхойлолтод овог нэр , албан тушаал , цалингийн дүн , суутгуулсан  албан  татвар мэдээллийг агуулсан байх Тодорхойлолтод овог нэр, албан тушаал , цалингийн дүн , суутгуулсан  албан  татвар мэдээллийг агуулсан байх
    12. Тухайн иргэний харьцдаг банк, дансны дугаар Буцаан олголт шилжүүлэх иргэний нэр дээрх данс, банкны нэрийг канондаж хавсаргах Буцаан олголт шилжүүлэх иргэний нэр дээрх данс, банкны нэрийг канондаж хавсаргах

    ОРОН СУУЦНЫ ЧӨЛӨӨЛӨЛТ ЭДЛЭХ ХОЁР ДАХЬ БОЛОН ТҮҮНИЙ ДАРААГИЙН ЖИЛҮҮДЭД

    Бүрдүүлэх баримт Бичиг баримтыг өөрийн биеэр татварын албанд авчрах Шуудангаар хүргүүлэх
    1. Чөлөөлөлтөд хамрагдахаар  гаргасан иргэний хүсэлт Чөлөөлөлт эдлэхийг хүссэн иргэний хүсэлт, нэгдсэн загвараар /өргөдөлд орлогын эх үүсвэрээ бүрдүүлсэн талаар дэлгэрэнгүй бичнэ/ Чөлөөлөлт эдлэхийг хүссэн иргэний хүсэлт, нэгдсэн загвараар /өргөдөлд орлогын эх үүсвэрээ бүрдүүлсэн талаар дэлгэрэнгүй бичнэ/
    2. Иргэний үнэмлэх, хуулбарын хамт Иргэний үнэмлэхийг хуулбарын хамт авчрах, ТУБ эх хувьтай нь тулгаж, хуулбар дээр тэмдгээ дарж баталгаажуулах Иргэний үнэмлэхийг наториатаар баталгаажуулсан байх
    3. Нийгмийн даатгалын дэвтэр,  хуулбарын хамт Нийгмийн даатгалын дэвтрийг хуулбарын хамт авчрах, ТУБ эх хувьтай нь тулгаж, хуулбар дээр тэмдгээ дарж баталгаажуулах Нийгмийн даатгалын дэвтрийг наториатаар баталгаажуулсан байх
    4. Үл хөдлөх, эд хөрөнгө өмчлөх эрхийн улсын бүртгэлийн гэрчилгээ,  хуулбарын хамт Үл хөдлөх эд хөрөнгийг бүртгэх газраас тухайн татвар төлөгч хувь хүнд олгосон “Үл хөдлөх эд хөрөнгийн улсын бүртгэлийн гэрчилгээ”-г  хуулбарын хамт авчрах, ТУБ эх хувьтай нь тулгаж, хуулбар дээр тэмдгээ дарж баталгаажуулна.Гэрчилгээг эх хувиар авчраагүй тохиолдолд наториатаар баталгаажуулсан байх /Чөлөөлөлт эдлэхийг хүссэн хүний нэр гэрчилгээнд бичигдсэн байх/ Үл хөдлөх эд хөрөнгийг бүртгэх газраас тухайн татвар төлөгч хувь хүнд олгосон “Үл хөдлөх эд хөрөнгийн улсын бүртгэлийн гэрчилгээ”-г наториатаар баталгаажуулсан байх /Чөлөөлөлт эдлэхийг хүссэн хүний нэр гэрчилгээнд бичигдсэн байх/
    5. ТТОТБүртгэлийн дэвтэр Оршин суугаа  татварын албанаас  авсан Татвар төлөгчийн бүртгэлийн дэвтэрт  орлого , татвараа бүртгэж , тэмдэглэл  хийж баталгаажуулсан байх хуулбарын хамт Оршин суугаа  татварын албанаас  авсан Татвар төлөгчийн бүртгэлийн дэвтэрт  орлого , татвараа бүртгэж , тэмдэглэл  хийж баталгаажуулсан байх , наториатаар баталгаажуулсан байх
    6. Ажлын газрын  цалингийн тодорхойлолт Тодорхойлолтод овог нэр , албан тушаал , цалингийн дүн , суутгуулсан  албан  татвар мэдээллийг агуулсан байх Тодорхойлолтод овог нэр, албан тушаал , цалингийн дүн , суутгуулсан  албан  татвар мэдээллийг агуулсан байх
    7. Тухайн иргэний харьцдаг банк, дансны дугаар Чөлөөлөлтөд хамрагдаж буй иргэн буцаан олголтын мөнгөө  хүлээн авах өөрийн нэр дээр байдаг банк, дансны дугаараа бичих  Чөлөөлөлтөд хамрагдаж буй иргэн буцаан олголтын мөнгөө  хүлээн авах өөрийн нэр дээр байдаг банк, дансны дугаараа бичих 

    Эх сурвалж: Татварын ерөнхий газар

  • Баян-Өлгий аймагт барих УЦС-ын ТЭЗҮ-г боловсруулж дуусжээ
    Баян-Өлгий аймагт барих УЦС-ын ТЭЗҮ-г боловсруулж дуусжээ

    Баруун гурван аймгийн усны эрчим хүчний нөөц бололцоог тодорхойлох, цаашид ашиглах чиглэлээр Бүгд Найрамдах Турк Улсын “ZTM”компани өөрийн хөрөнгө оруулалтаар Баян-Өлгий аймгийн Ногооннуур сумын нутаг дэвсгэрт “Тавалтайн хавцал” хэмээх газар усан цахилгаан станц барих ТЭЗҮ боловсруулаад байна. 

    Энэхүү ТЭЗҮ-ээр Туркын тал дэвшилтэд технологи ашиглан 88,7 МВт хүчин чадалтай УЦС-ын байгуулах боломжтой гэж үзжээ.

    Эрчим хүчний яамны Төрийн нарийн бичгийн дарга Д.Дэлгэрцогт “ZTM” тус компанийн төслийн зохицуулагч профессор Тургут Озтас болон албаны хүмүүсийг хүлээн авч уулзан, УЦС-ын ТЭЗҮ-тэй танилцлаа.

    Түүнчлэн “ZTM”компани нь Баян-Өлгийн аймгийн Ховд гол дээр УЦС байгуулах ажлыг Монгол Улсын Концессын тухай хуулийн дагуу “барих ашиглах шилжүүлэх” нөхцөлтэй гүйцэтгэх сонирхолтой байгаагаа уулзалтын үеэр хэлсэн байна.

    Баруун бүсийн усны эрчим хүчний мастер төлөвлөгөө боловсруулах ажлыг “ZTM” компанийн хөрөнгө оруулалтаар гүйцэтгэж байгаагаа танилцууллаа.

  • Баян-Өлгий аймгийн Боксын холбоо оны
    Баян-Өлгий аймгийн Боксын холбоо оны "Шилдэг холбоо"-гоор шалгарлаа

    Өнөөдөр Спортын Төв Ордонд сонирхогчдын боксын насанд хүрэгчдийн 2015 оны улсын аварга шалгаруулах тэмцээний нээлтийн үйл ажиллагаа боллоо.

    Уг арга хэмжээнд Баян-Өлгий аймгийн Боксын Холбоо оны "Шилдэг холбоо"-гоор шалгарч өргөмжлөл, Катар улсын Доха хотод болох 2015 оны насанд хүрэгчдийн ДАШТ үзэх эрхийн бичиг болон 500.000 төгрөгөөр шагнууллаа.

    Шагналыг Зам Тээврийн дэд сайд, Баян-Өлгийн аймгийн Боксын холбооны тэргүүн Х.Ержан, дэд тэргүүн Х.Батырбек, Баян-Өлгий аймгийн Биеийн тамир спортын газрын дарга Х.Хайнар нар гардан авлаа.

  • Боксын насанд хүрэгчдийн УАШТ-ээс нэг алт, дөрвөн хүрэл медаль хүртлээ
    Боксын насанд хүрэгчдийн УАШТ-ээс нэг алт, дөрвөн хүрэл медаль хүртлээ

    ХХ зууны манлай дасгалжуулагч Вандуйн Батбаярын нэрэмжит эрэгтэйчүүдийн 35, эмэгтэйчүүдийн 11 дэх удаагийн боксын улсын аварга шалгаруулах тэмцээн нэгдүгээр сарын 17-24-ний хооронд Спортын бэлтгэлийн төвийн “А” зааланд боллоо. Тус тэмцээнд 31 байгууллагын 211 боксчин (эрэгтэй 139, эмэгтэй 72) эрэгтэйчүүдийн 10, эмэгтэйчүүдийн найман жинд тулалдав.

    Тэмцээний дүн:

    Эрэгтэй:

    46 кг:

    Алтан медаль: Г.Ган-Эрдэнэ ("Говь Ресорт")

    Мөнгөн медаль: Г.Ариунболд (БГД)

    Хүрэл медаль: Т.Жолдасбек (Монгол мастерс), М.Чухал-Эрдэнэ (Алдар)

    52 кг:

    Алтан медаль: Б.Гандулам ("Хилчин")

    Мөнгөн медаль: Э.Энхтөр ("Сэлэнгэ")

    Хүрэл медаль: А.Нурлан ("Говь цогцолбор"), Б.Жанцанпэрэнлэй ("Алдар")

    56 кг:

    Алтан медаль: Э.Цэндбаатар ("Хүч")

    Мөнгөн медаль: Э.Идэрхүү ("Сүлд")

    Хүрэл медаль: Төгөлдөр (“Red Bulls”), Х.Тулга (“Талын бүргэд”)

    60 кг:

    Алтан медаль: Д.Отгондалай (“Хилчин”)

    Мөнгөн медаль: О.Батхүү (“Хангарьд”)

    Хүрэл медаль: Ж.Еркин (“Хилчин”), Пүрэвсүрэн (“Хангарьд”)

    64 кг:

    Алтан медаль: Б.Чинзориг (“Алдар”)

    Мөнгөн медаль: У.Мөнх-Эрдэнэ (“Хангарьд”)

    Хүрэл медаль: Б.Жавхлан (“Хангарьд”), О.Норовбал (“Говь цогцолбор”)

    69 кг:

    Алтан медаль: Б.Түвшинбат (“Сүлд”)

    Мөнгөн медаль: Д.Давааням (“Сүлд”)

    Хүрэл медаль: Б.Даваажаргал (“Талын бүргэд”), Б.Мөнх-Ирээдүй (“Алдар”)

    75 кг:

    Алтан медаль: Ж.Отгонжаргал (“Хангарьд”)

    Мөнгөн медаль: Н.Шинэбаяр (“Алдар”)

    Хүрэл медаль: О.Олзбаатар (“Монгол Мастерс”), Б.Агарзандан (“Ко Сэлбэ плаза”)

    81 кг:

    Алтан медаль: С.Эрдэнэбаяр (“Хангарьд”)

    Мөнгөн медаль: Ц.Мөнхчулуун (“Алдар”)

    Хүрэл медаль: Ц.Амарсанаа (“Ширэн бээлий”), Х.Бекнур (“Говь цогцолбор”)

    -91 кг:

    Алтан медаль: Т.Ерболат (“Алдар”)

    Мөнгөн медаль: Д.Отгонбаяр (“Монгол мастерс”)

    Хүрэл медаль: Б.Ганбаяр (“Хилчин”), Ж.Батсүх (“Ирвэс”)

    +91 кг:

    Алтан медаль: Т.Энхбаяр (“Говь цогцолбор”)

    Мөнгөн медаль: Х.Мандахбаяр (“Говь цогцолбор”)

    Хүрэл медаль: Д.Өлзий-Орших, Б.Гэгээн (хоёул “Ирвэс”)

    Эмэгтэй:

    48 кг:

    Алтан медаль: Т.Болортуул (“Алдар”)

    Мөнгөн медаль: Л.Алтанцэцэг (“Талын бүргэд” клуб)

    Хүрэл медаль: Д.Дэлгэрмөрөн (“БТСДС”), С.Осормаа (“Ширэн бээлий”)

    51 кг:

    Алтан медаль: М.Нандинцэцэг (“Хангарьд”)

    Мөнгөн медаль: Б.Лхагвасүрэн (“Талын бүргэд”)

    Хүрэл медаль: Н.Эрдэнэтуяа (“Хөвсгөл”), Б.Пүрэвсүрэн (“Ширэн бээлий”)

    54 кг:

    Алтан медаль: М.Гүндэгмаа (“Хилчин”)

    Мөнгөн медаль: Н.Оюун-Эрдэнэ (“Алдар”)

    Хүрэл медаль: О.Дэлгэрмаа (“Ширэн бээлий”), У.Даваажаргал (Ховд аймаг)

    57 кг:

    Алтан медаль: А.Энхцацрал (“Алдар”)

    Мөнгөн медаль: Б.Болорчимэг (“Хангарьд”)

    Хүрэл медаль: Г.Үүрийнтуяа (“Талын бүргэд”), Н.Нэргүй (“Хөдөлгөөнт бай”)

    60 кг:

    Алтан медаль: О.Сувд-Эрдэнэ (“Хангарьд”)

    Мөнгөн медаль: Г.Золжаргал (“Ширэн бээлий”)

    Хүрэл медаль: Э.Цэнд-Аюуш (“Свинк”), Ш.Мядагмаа (Сүхбаатар)

    64 кг:

    Алтан медаль: Э.Уянга (“Хөдөлгөөнт бай”)

    Мөнгөн медаль: Н.Баянцэцэг (Red Bull)

    Хүрэл медаль: Б.Ганболор (Сүхбаатар), У.Шинэцэцэг (“Талын бүргэд”)

    69 кг:

    Алтан медаль: О.Гэрэлгуа (“Хангарьд”)

    Мөнгөн медаль: М.Изабел (“Ширэн бээлий”)

    Хүрэл медаль: А.Зууннаст (Сүхбаатар), Э.Мишээл (БТСДС)

    75 кг:

    Алтан медаль: Э.Эрдэнэтуяа (“Талын бүргэд”)

    Мөнгөн медаль: М.Мягмаржаргал (“Ширэн бээлий”)

    Хүрэл медаль: н.Бат-Өлзий (“Хөдөлгөөнт бай”), Х.Гульшант (Дархан-Уул) тус тус шалгарлаа.

    Тэмцээний шилдэг эрэгтэй тамирчнаар ОУХМ Э.Цэндбаатар, эмэгтэйгээс ОУХМ Т.Болортуул, шүүгчээр Олон улсын боксын холбоо(AIBA)-ны гурван одтой шүүгч Х.Хас-Эрдэнэ нар тодров.

    Багийн дүнгээр эрэгтэйчүүдийн ангилалд Ж.Отгонбаяр дасгалжуулагчтай “Алдар” спорт хороо 32,5 оноогоор тэргүүлж, С.Баттулга дасгалжуулагчтай “Хангарьд” 31, Н.Энхээбаатар дасгалжуулагчтай “Говь цогцолбор” клуб 27 оноогоор удааллаа. Харин эмэгтэй багийн дүнгээр С.Баттулга дасгалжуулагчтай “Хангарьд” спорт хороо 26 оноогоор түрүүлж, Г.Төрбат дасгалжуулагчтай “Ширэн бээлий” 25.5, Т.Эрдэнэбаяр дасгалжуулагчтай “Талын бүргэд” клуб 24 оноогоор мөнгө, хүрэл медалийн эзэд болов.

  • АХБ-ны зүүн Азийн бүс хариуцсан Ерөнхий захирлыг хүлээн авч уулзлаа
    АХБ-ны зүүн Азийн бүс хариуцсан Ерөнхий захирлыг хүлээн авч уулзлаа

    Аймгийн Засаг даргын орлогч Н.Санатбек өчигдөр /2015.01.26/ Азийн Хөгжлийн Банкны Зүүн Азийн бүс хариуцсан Ерөнхий захирал Аюуми Кониши, тус банкны Монгол дахь Суурин төлөөлөгчийн газрын дарга Марк Беземер тэргүүтэй төлөөлөгчдийг хүлээн авч уулзлаа.
    Азийн Хөгжлийн Банкны санхүүжилтээр Баян-Өлгий аймагт «Баруун бүсийн босоо тэнхлэгийн зам», «Гэр цэцэрлэг» г.м. төслүүд амжилттай хэрэгжиж байгаа билээ. Уулзалтын үеэр талууд цаашдын хамтын ажиллагааны талаар санал бодлоо солилцов.
    Мөн Аюуми Кониши хэлсэн үгэндээ салбарын яамдаас дэмжлэг авсан аливаа төсөл хөтөлбөрүүдийг санхүүжүүлэх асуудлыг өөрсдийн төлөвлөгөөндөө тусган ажил хэрэг болгоход бэлэн байгаагаа илэрхийлж, тус аймагт эрүүл мэндийн чиглэлээр цусны банк байгуулах, түүний аюулгүй байдлыг хангах шинэ төслийг хэрэгжүүлэхээр баталсаныг дуулгалаа.

  • УЦС-ын ажил 2016 онд эхлэх төлөвтэй байна
    УЦС-ын ажил 2016 онд эхлэх төлөвтэй байна

    Энэ тухай аймгийн Засаг дарга Х.Дармен мэдэгдэхдээ, Турк Улсын «ZTM» компанийн өөрийн хөрөнгөөр баригдах УЦС-ын ажил жилийн дараа эхлэх боломж бүрдээд эхэллээ. Ховд голын Өлгий сумаас гуч орчим км зайтай оршдог Тавалдайн хавцлын хэсгийг тэд анхны хайгуул шинжилгээгээрээ 57 мгвт-ын хүчин чадалтай цахилгаан гаргана гэж тооцоолоод байснаа шинжилгээний сүүлчийн дүнгээр 88,7 мгвт болоод гарч ирсэн нь олзуурхам явдал. Эрчим хүчний яам энэ ажлыг зөвшөөрөхөөр болсон байна. УЦС-ын ажлыг 2016 онд эхлэхээр төлөвлөж байна.

  • Гурван сая дахь иргэн болон түүний чацуутан эхний 30 хүүхдийг улсаас урамшуулна
    Гурван сая дахь иргэн болон түүний чацуутан эхний 30 хүүхдийг улсаас урамшуулна

    Монгол Улсын гурван сая дахь иргэн тодорсныг өнөөдөр зарласан. Гурван сая дахь иргэн болж мэндэлсэн охинд улсаас ямар халамж, үйлчилгээ үзүүлэх талаар холбогдох албан тушаалтнуудаас тодрууллаа. 

    ХАХНХ-ын сайд С.Эрдэнэ: Гурван сая дахь иргэнд 70 сая төгрөг олгоно 

    -Гурван сая дахь иргэн болж мэндэлсэн иргэндээ Монгол Улс ямар бэлэг барих вэ?

    -Монгол Улсын гурван сая дахь иргэн болж төрсөн хүүхдэд Засгийн газрын нөөц хөрөнгөнөөс 70 сая төгрөг олгоно. 

    Харин гурван сая дахь иргэнтэй хамгийн ойр төрсөн эхний 30 хүүхдэд тухайн аймаг, дүүргийн Иргэдийн Төлөөлөгчдийн хурлаас 70 хүртэлх сая төгрөгийн тэтгэмж, урамшуулал олгох эрхийг өгсөн байгаа. 

    Засгийн газрын тогтоолоор тухайн аймаг, дүүргийн Засаг дарга, ИТХ-д нь дээрх эрхийг шилжүүлсэн гэж ойлгож болно.  

    -Э.Хатанболд, Г.Аззаяа нарын гурван сая дахь иргэн болж төрсөн охиныг алдаршуулах ажил хэзээнээс эхлэх вэ?

    -Дөнгөж төрсөн хүүхдийн зураг хөргийг нь хамаагүй авдаггүй Монгол уламжлал бий. Тэгэхээр аав, ээжийнх нь зөвшөөрлийг авч, тодорхой эрхзүйн орчин бүрдүүлж байж энэ асуудлыг ярина. 

    Өнөөдөр Засгийн газрын ээлжит бус хуралдаан хуралдана. Түүгээр гурван сая дахь иргэн болон түүний чацуутнуудыг хэрхэн, яаж алдаршуулах вэ гэдгийг ярилцаж шийдвэр гаргана. 


    ЭМС-ын сайд Г.Шийлэгдамба: Гурван сая дахь иргэн маань айлын ууган охин 

    -Гурван сая дахь иргэний маань эрүүл мэндийн байдал болон ээжийнх бие ямар байгаа вэ?

    -Монгол Улсын гурван сая дахь иргэн маань 2015 оны нэгдүгээр сарын 24-ний 08.27 цагт эх орондоо мэндэлсэн. Өмнөговь аймгийн Даланзадгад сумын нэгдсэн эмнэлэгт 3500 гр жинтэй, 50 см өндөртэй охин төрсөн. Одоогийн байдлаар эх, хүүхдийн биеийн байдал сайн байна.

    -Айлын хэд дэх хүүхэд вэ?

    -Гурван сая дахь иргэн маань тухайн гэр бүлийн анхны хүүхэд. Гурван сая дахь иргэн маань эх орондоо айлын ууган охин болж ирсэн. 

    -Чацуутнуудаар нь хэдэн хүүхэд тодруулсан бэ? 

    -24-ний өдөр нийт 181 иргэн мэндэлсэн. Үүнээс гурав нь хилийн чанадад буюу АНУ-д төрсөн. 

    -Эрүүл мэндийн тусламж үйлчилгээг гурван сая дахь иргэндээ яаж үзүүлэх вэ. Ямар нэгэн хөнгөлөлт, урамшуулал байх уу?

    -Үүнийг үдээс хойш хуралдах Засгийн газрын хуралдаанаар шийдвэрлэнэ. Гурван сая дахь иргэнийг төрүүлсэн эх болон бусад чацуутнуудтай нь холбоотой асуудлыг хэлэлцэнэ.

    Эх сурвалж: Ikon.mn

  • Гурван сая дахь иргэний чацуутанд 70,0 сая төгрөг олгохоор болов
    Гурван сая дахь иргэний чацуутанд 70,0 сая төгрөг олгохоор болов

    Өнөөдөр аймгийн Засаг даргын Зөвлөлийн хурал шуурхай хуралдаж Монгол Улсын 3 сая дахь иргэн мэндэлсэн түүхэн үйл явдал тохиож байгаа баярт мөчид буюу 2015 оны 1 дүгээр сарын 24-ний өдрийн 12 цаг 20 минутад Баян-Өлгий аймгийн Нэгдсэн эмнэлгийн төрөх тасагт эцэг Мотаны Бекболат, эх Алипбайн Амандых нарын 3 дахь охин болж мэндэлсэн Айжулдыз охинд аймгийн 2014 оны төсвийн дасван хэсгээс 70,0 сая төгрөг гаргаж, шинэ байраар шагнахаар шийдвэрлэлээ.

    Мөн Монгол Улсын 3 сая дах иргэний чацуутан болох Баян-Өлгий аймгийн иргэд Б.Дашням, Б.Алтанцэцэг болон Х.Бахыт, У.Балдаурен нарын гэр бүлд мэндэлсэн 2 хүүхдийг тус бүр  3,0 сая төгрөг /Засгийн газраас/, аймгийн Засаг даргын нөөц хөрөнгөнөөс тус бүрт нь 1,0 сая төгрөг, үнэ бүхий зүйлээр шагнан, алдаршуулах шийдвэр гаргалаа.
    Монгол Улсын 3 сая дахь иргэний чацуутан болж өөр аймгуудад төрсөн Баян-Өлгий аймгийн уугуул 2 хүүхдийг шагнан алдаршуулахыг Улаанбаатар хот дахь Баян-Өлгий аймгийн Нутгийн зөвлөлд уламжилахаар боллоо.

    Монголын үрс маш олон болтугай!

  • «Ажилтай, орлоготой залуучууд» сэдэв чуулга уулзалт болно
    «Ажилтай, орлоготой залуучууд» сэдэв чуулга уулзалт болно

    Баян-Өлгий аймгийн залуучуудын байгууллага чуулган зохион байгуулах зар тараав. «Ажилтай, орлоготой залуучууд» сэдэвтэй уг чуулга уулзалт энэ сарын 29-30-нд болж, эхлээд онолын бага хурал, дараа нь хэлэлцүүлэг, сургалт зохионо.

    Чуулганд хөдөө сум бүрээс тав, Өлгий сумын баг тус бүрээс гурван төлөөлөгч урилгаар оролцох бөгөөд сонирхсон бусад хүмүүс чөлөөтэй оролцож болох юм байна.
    "Бага хурлаар илтгэл уралдуулахаар болзол гаргалаа. Тэргүүн байр сая төгрөгийн шагналтай. Тус нутагт нэн тулгамдсан ажилгүйдлийн асуудлыг шийдвэрлэх нь бидний гол зорилт юм. Иймд шинжлэх ухааны үндэстэй, амьдралд нийцсэн, ажлын байр олноор бий болгох үр өгөөжтэй, оновчтой санал дэвшүүлсэн илгэлийг шалгаруулна. Хамтран ажиллаж үр дүнд хүрэх арга замыг сүвэгчилсэн сургалт хийнэ. Залуучуудын энэхүү санаачлагыг аймгийн ЗДТГазар дэмжин ажиллаж байна.

  • НУТАГТАА ДУУЛАХ ИХ ХУВЬ ЗАЯА
    НУТАГТАА ДУУЛАХ ИХ ХУВЬ ЗАЯА

    Монголчууд бид сонгодог урлагийн өлгий нутгийн эзэд биш ч Азид ганцхан сүндэрлэсэн зориулалтын дуурийн театртай, Европт нэрээ гаргаж буй мэргэжлийн дуурийн дуулаачидтай, сонгодог урлагийн Монгол школыг бий болгосон авъяастнуудтай билээ.Та бүхэнтэй энэ өдөр тэдгээр мэргэжлийн дуулаачдын нэг Самбуугийн Батчимэгийн талаар мэдээллээ хуваалцъя гэсэн юм.

    Аливаа хүнийг ажиллаж буй мэргэжлийн талбартаа хэр цараатай явааг мэргэжлийн байгууллагынхны үнэлгээ дүгнэлт, гаргасан амжилтууд нь бүрэн тодорхойлдог гэдэг. Самбуугийн Батчимэг хэмээх нэр өнгөрсөн оны сүүлээр нийслэлчүүд бидний, тэр дундаа урлагт элэгтэй, авъяастныг анзаарагчдын анхааралд сонор мялаан орж ирсэн юм. Тэрбээр ОХУ-ын Ардын жүжигчин, Монгол туургатны бахархалт уран бүтээлч Лхасран Линховоинийн нэрэмжит дуурийн дуу дуулаачдын олон улсын уралдаанд оролцож 70 гаруй уран бүтээлчтэй чансаагаараа өрсөлдөн мэргэжлийн эмэгтэй дуулаачийн төрөлд ТЭРГҮҮН байр эзэлсэн билээ. Энэхүү олон улсын уралдаан нь мэргэжлийн дуулаачдын хувьд ур чадвараа сорих Дэлхийн аваргын дэвжээ л гэсэн үг. Ийнхүү тэрээр олон улсад төдийгүй, Монголын ард түмэндээ мэргэжлийн, чансаатай уран бүтээлч болсноо нотлон харуулаад ирсэн юм.

    Сарьдаг өндөр уулсын оройг

    Салхи нь хөлөглөжүүлс бүжиглэсэн

    Сайхан заншилт ард нь

    Авъяас билэгтнүүдээ хөглөж хөгжүүлсэн тийм сайхан нутагБаян-Өлгий аймагт төрж өссөн эгэл жирийн, хичээнгүй охин С.Батчимэг төрсөн нутгийн зүг хүлгийн жолоо залжээ. Баян-Өлгий аймгийн 2-р сургуулийн дуу хөгжмийн багш Серикберген “Ямаха” хөгжмөө сугавчлаад шавиа хөтлөн явдаг байсан тэртээх арав гаруй жилийн өмнөх нөр их хөдөлмөр нь үр шимээ өгчээ. Арван зургаатайдаа аймагтаа “ИХ ХУВЬ ЗАЯА” уран бүтээлийн тайлан тоглолт хийж байсан жаахан охин өнөөдөр мэргэжлийн дуучин болж өсч өндийжээ. Тэрээр 2012 онд СУИС-ийг Монгол улсын гавъяат багш Б.Дашимаагийн удирдлага дор төгсөн, төрөлх орныхоо төв хэсэгт ДБЭТ-ындуучнаар ажиллаж байгаа билээ. Баян-Өлгий аймгаас мэргэжлийн дуурийн дуулаач төрсөн нь гарын хуруунд тоологдох бөгөөд залуу гэгээн насандаа тэдний нэг болж чадсан С.Батчимэгийг энэ л өдөр би сайшаамаар санагдана. Дөрөвхөн наснаасаа бусдад өөрийгөө илэрхийлэн “Бяхан мисс”-ийн титэм зүүж байсан энэ охин дан ганц дуу дуулаад гүйж яваагүй, орон нутаг, бүс, улсын хэмжээний бүхий л арга хэмжээнд оролцож, оролцох бүртээ амжилтын эзэн болж байсан гэдэг.

    С.Батчимэг гэж хэн бэ?

    Энэ асуултандбусдын дүгнэлт бага ч атугай хариу өгөх биз ээ.

    Найз Мэндээ :“Намайг СУИС-ийн 1-р курсийн оюутан болоход Батчимэг 3-р курст сурч байсан. Манай сургуулийн урдаа барьдаг оюутнуудын нэг. Бүх хичээлдээ онц сурдаг, дуулахаас гадна сагс, гар бөмбөг сайн тоглоно. Хаана л тэмцээн уралдаан болно Батчимэг орж л байна. Дандаа амжилт гаргадаг. Гэхдээ гаргасан амжилтаа хэзээ ч бусдад бахархаж яриад байдаггүй их даруухан хүн дээ.Найз нөхөдтэйгөө нээлттэй, үлгэр авахуйц сайхан чанарууд олонтой. Маш нямбай, аливаад их сэтгэл гаргаж ажилладаг, маш чанартай гүйцэтгэдэг. Дутуу дулимаг юм хийнэ гэсэн ойлголт тэр хүний толгойд байхгүй. Лхасран Линховоиний нэрэмжит уралдаан найзын маань хувьд гадны тайзнаа өөрийгөө сорьсон анхны тэмцээн. Хойшид ч олон том уралдаанд өөрийгөө сорьж, амжилтаа ахиулаасай гэж хүсдэг. Найз минь нутагтаа тоглолт хийхээр явсан. Ээждээ, нутагтаа очиж уран бүтээлийн тоглолтоо хийнэ гэдэг миний найзын чин хүсэл байсан. Тэр сайхан өдөр  нь удахгүй боллоо. Найзынхаа тоглолтонд, хойшдын уран бүтээлд нь амжилт хүсье. Бүх цаг үеийн туршид найзтайгаа үргэлж хамт шүү” хэмээн ярьсан юм.

    Эгч Г.Солонго:Дүүгийн минь ажил үйлс аяндаа л бүтчихдэг. Их дөлгөөн зантай, бусдад дандаа туслаж явдаг охин. Миний дүү өөрт оногдсон ажилдаа маш чамбай. Хариуцлагаа ухамсарлаж их даацтай ханддаг юм шиг санагддаг.Хүн бүр амжилтаа байнга дуулгаж мэдээлдэг болсон өнөө цагт дүүгийн маань нэг сул тал надад тод анзаарагддаг. С.Батчимэг маань амбицгүй, хэзээ ч өөрийгөө магтдаггүй.

    Ямар хүү төрүүлсэнээ ээж минь та хараарай, Ямар хүнээр мануулснаа эх орон минь та үзээрэй” магадгүй түүний сэтгэл зүрхэнд яг одоо энэ дуу эгшиглэж байж ч мэднэ... Тэр НУТАГТАА дуулах гэж байна.Алтан гургалдайн хоолойгоор аялж жиргэж дуулах авъяаслаг нэгэн уран бүтээлч та бүхний дундаас төржээ. Зон олон та бүхний үйлс бүтээл өөдөө байх болтугай.

    Өлгий нутгийн театрынхаа өнгөлөг том хөшгийг цэлийтэл нээгээд, өөрийн нэрээ дуудуулан унасан газар угаасан ус, нутгийн зон олон ижийнхээ өмнө ая дуугаа өргөх өнө холын мөрөөдөл нь хаяанд иржээ. Эцгийн гэрээс гараад, эрсэн зүйлээ олоод, хүссэн мөрөөдөлдөө хүрээд эргэж НУТАГТАА очих гайхалтай мөч дэргэд иржээ...

    Сэтгүүлч Ю.Шүрэнцэцэг

    Тоглолтын бүрэн мэдээллийг www.facebook.com/events/1542328699340184 хуудаснаас авна уу.

  • Баруун бүсийн сурагчдын математикийн олимпиад эхэллээ
    Баруун бүсийн сурагчдын математикийн олимпиад эхэллээ

    Баян-Өлгий аймгаас төрөн гарсан их эрдэмтэн,  сурган хүмүүжүүлэгч, Монгол улс даяар «Мекей багш» хэмээн алдаршсан  академик,  доктор, профессор, МУ-ын гавьяат багш Абишийн  Мекей агсны  нэрэмжит  Баруун бүсийн математикийн  олимпиад   анх удаа  зохион байгуулагдаж байна.  Уг  өргөн цар хүрээтэй,  нэр хүндтэй  анхны олимпиадад  баруун таван аймгийн 500 гаруй  сурагч, өсвөрийн математикчид  оролцож, авьяас билэг, ур чадвараа сорьж байна. 

    А.Мекей багш бол  Монгол улс төдийгүй  дэлхийн хэмжээнд үнэлэгдсэн,  математикийн ухааныг   баяжуулан  хөгжүүлэх үйлсэд  томоохон хувь нэмэр  оруулсан хүн билээ.  Энэ агуу  хүний нэр алдрыг мөнхжүүлэх зорилгоор  түүний  нэрэмжит  баруун бүсийн математикийн  олимпиадыг  Өлгий хотод зохион байгуулж байгаа юм. 

    А.Мекей агсны  нэрэмжит  Баруун бүсийн математикийн  олимпиад   анх удаа  зохион байгуулагдаж байна.

  • ТӨРИЙН БУС БАЙГУУЛЛАГА, МЭРГЭЖЛИЙН ХОЛБООДЫН АНХААРАЛД
    ТӨРИЙН БУС БАЙГУУЛЛАГА, МЭРГЭЖЛИЙН ХОЛБООДЫН АНХААРАЛД

    Аймгийн Засаг даргын дэргэдэх Худалдан авах ажиллагааны албанаас 2015 онд зохион байгуулах тендер шалгуруулалтын үнэлгээний хороонд орж ажиллах Төрийн бус байгуулллага болон мэргэжлийн холбоодын шинэчилсэн бүртгэл явагдаж байна.

    Хамтран ажиллах төрийн бус байгууллага, холбоод дараах материалыг бүрдүүлж 2015 оны 02 дугаар сарын 05-ны дотор ирүүлнэ үү.

    Үүнд:
    1. Тухайн холбоо, байгууллагын албан бичиг, хамтран ажиллах хүсэлт,
    2. Мэргэжлийн холбоод, Төрийн бус байгууллагын гэрчилгээний хуулбар,
    3.Үнэлгээний хороонд ажиллах гишүүний давхар ажил эрхлэлт болон худалдан авах
    ажиллагааны мэргэшүүлэх А3 гэрчилгээний хуулбар, анкет.

    ХУДАЛДАН АВАХ АЖИЛЛАГААНЫ АЛБА

    Утас: 7042-7593

  • ФОТО: Баян-Өлгий аймгийн үзэсгэлэнт байгаль
    ФОТО: Баян-Өлгий аймгийн үзэсгэлэнт байгаль

    Монгол орны баруун хэсэгт орших Баян-Өлгий аймаг нь баруун талаараа БНХАУ-ын Шинжаан-Уйгарын Өөртөө засах оронтой 450 км, хойт талаараа ОХУ-ын Алтайн Бүгд Найрамдах Улстай 225 км, зүүн талаараа Увс аймагтай 165 км, зүүн ба урьд талаараа Ховд аймагтай 450 км нутгаар хиллэдэг ажээ. 

    Баян-Өлгий аймаг нь байгалийн үзэсгэлэнт газар, сүрлэг уул нуруудаараа алдартай бөгөөд Монгол улсын хамгийн өндөр цэг болох Таван Богд уулын Хүйтэн оргил энд оршдог билээ. 

    Мөн Даян, Хотон, Хорго зэрэг ная орчим нуур, зуу гаруй гол, горхи, 200 гаруй булаг, шандтай. Ховд, Цагаан, Согоог, Ёлт, Сагсай, Булган, Ганц мод, Бөхмөрөн зэрэг томоохон голтой. Ховд гол 506 км үргэлжилдэг юм байна.

    Гэрэл зурагчин Б.Баяр

    Гэрэл зурагчин Б.Баяр нь 2006 оноос хойш уран бүтээлээ туурвиж байгаа юм. Тэрээр эдийн засагч мэргэжилтэй хэдий ч өөрийн хүсэл сонирхлоор зураг авдаг болсон байна.

    Мөн тэрээр Монголын үзэсгэлэнт байгаль, газар зүйн тогтоц, онгон зэрлэг амьдрал, шувууд, хүмүүсийн амьдралын хэв маягийг өөрийн дуранд буулгах зорилготой ажилладаг юм байна.

    Ингээд та бүхэнд гэрэл зурагчин Б.Баярын Баян-Өлгий аймгаар аялахдаа авсан гайхалтай зургуудыг толилуулж байна. Б.Баярын Facebook хуудсанд зочилж түүний бүтээлүүдтэй танилцана уу.

  • Татварын буцаан олголтонд хамрагдах иргэдийн материалыг энэ сарын 10-ны өдрийг хүртэл хүлээн авна
    Татварын буцаан олголтонд хамрагдах иргэдийн материалыг энэ сарын 10-ны өдрийг хүртэл хүлээн авна

    Татвар төлөгч иргэдийн анхааралд!
    Амьдран суух зориулалтаар хувьдаа орон сууц худалдан авсан буюу барьсан хувь хүнд үзүүлэх татварын чөлөөлт, Гадаад дотоодын их , дээд болон мэргэжлийн боловсролын сургууль, коллежид анх элсэн орсон сурагчдын сургалтын төлбөрийн хөнгөлөлтөд хамрагдах иргэд 2015 оны 2 дугаар сарын 10-ны дотор материалаа бүрдүүлж харъяа татварын албанд ирүүлнэүү.
    Баян-Өлгий аймгийн Тавтарын хэлтэс

  • Монгол Улсын Ерөнхийлөгч Аймаг, нийслэлийн ИТХ-ын дарга, Засаг дарга нартай уулзав
    Монгол Улсын Ерөнхийлөгч Аймаг, нийслэлийн ИТХ-ын дарга, Засаг дарга нартай уулзав

    Аймаг, нийслэлийн ИТХ-ын дарга, Засаг дарга нарын семинар өнөөдөр Төрийн ордонд, Ерөнхийлөгчийн дэргэдэх Иргэний танхимд  эхэлж байна. Нээлтэд Монгол Улсын Ерөнхийлөгч Ц.Элбэгдорж оролцлоо. Тэрээр ИТХ-ын дарга, Засаг дарга нартай хийсэн уулзалтаа ажил хэрэгч болгох үүднээс 2014 онд олсон ололт амжилт, бусад аймгуудад дуулгамаар туршлага, 2015 онд хийх гол ажлаас нь яриулж, өөрийн байр сууриа илэрхийллээ.

    Монгол Улсын Ерөнхийлөгч семинарыг нээж хэлсэн үгэндээ “Жил бүхэн аймаг, нийслэлийн Засаг дарга, Хурлын дарга нар уулзаж ажлаа ярилцдаг уламжлалтай. Энэ удаагийн уулзалтыг ажил хэрэгч болгохын тулд та бүхний яриаг сонсоё. 2014 онд хийсэн хамгийн онцлог, бусад нь мэдээсэй гэж хүсч байгаа ажлаа яривал зүгээр. Мөн 2015 онд хийх шаардлагатай гэж үзэж байгаа хамгийн их анхаарал татсан ажлаа ярья. Дундуур нь би байр сууриа илэрхийлье” гэлээ. Ингээд аймаг, нийслэлийн Засаг дарга ажлаасаа танилцуулав.

    Нийслэлийн Засаг дарга бөгөөд Улаанбаатар хотын захирагч Э.Бат-Үүл:

    -Өнгөрсөн 2014 онд бидний хийсэн тэргүүлэх гол ажил гэвэл гэр хорооллын дахин төлөвлөлт байлаа. Өнөөдрийн байдлаар 24 байршилд 34 компани энэ ажлыг эхлүүлж, зарим газар хороолол баригдаж, эхний орон сууцууд ашиглалтад орсон. Бараг Гиннесийн номд орохоор амжилттайгаар ажил явсан.

    Анхаарах зүйл гэвэл УИХ-аар 2015 оны төсөв хэлэлцэх үеэр орон нутгийн эрх мэдэл маш хумигдмал байгаа нь тодорхой болсон. УИХ юу гэж хүссэнээр орон нутгийн эрх хэмжээ тогтоогдож байгаа ноцтой байдал УИХ дээр харагдсан. Улс төрийн шүүмжлэлээ орон нутаг руу чиглүүлж үйл ажиллагаа явуулсан. Хэмнэсэн дүр эсгэж орон нутгийг зольсон. Ямар ч санал солилцсон зүйлгүйгээр төсвийг дураараа шийдсэн.

    Архангай аймгийн Засаг дарга Д.Бат-Эрдэнэ:

    - Архангай аймаг 2014 оныг бодит үр дүнгийн жил болгон зарлаж аймаг, сумдад төрийн үйлчилгээг иргэдэд нэг цэгээс үзүүлдэг боллоо. Ахуйн үйлчилгээг нэг цэгийн болголоо. Нэг сум-нэг брэнд бүтээгдэхүүн гэсэн ажил өрнүүлж байна. 2015 онд “Иргэн таны төлөө” гэсэн уриатай ажиллаж байна гэлээ.

    Архангай аймаг ажилгүйдлийг амжилттай шийдсэн байдлаараа улсдаа тэргүүлж байгааг энэ үеэр Монгол Улсын Ерөнхийлөгч онцолж байлаа.

    Баян-Өлгий аймгийн Засаг дарга Х.Дармен:
    -Манай аймагт ажлын байр бий болгох, ЖДҮ хөгжүүлэхэд онцгой анхаарч ажиллалаа. Баян-Өлгийд ажилгүйдэл их байгаа тул үүнд анхаарч ажилласан. 2014 онд шинээр 1600 хүн ажлын байртай болсон. Ажилгүйдэл 0,5 хувиар буурсан. Мөн гэмт хэргийн гаралтыг 17 хувиар буурууллаа. Баяр ёслолыг архигүй тэмдэглэх ажлыг эрчимтэй зохион байгууллаа. Аймгийн төв, сумдын ерөнхий төлөвлөлтийг шинэчиллээ. Анхаарах зүйл гэвэл орон нутгийн төсөвт онцгой анхаарах шаардлагатай байна гэв.
    Монгол Улсын Ерөнхийлөгчийн тэмдэглэснээр Баян-Өлгий аймаг ажилгүйдлийн түвшнээр улсдаа нэгд орж, нийт иргэдийн 23 хувь нь ажилгүй байгаа аж. Мөн орон нутгийн хөгжлийн сангийн мөнгө бүрэн олгогдсон эсэхийг Ерөнхийлөгч Ц.Элбэгдорж лавласан юм. Баян-Өлгий аймгийн Засаг дарга Х.Дармены хариулснаар орон нутгийн хөгжлийн сангийн мөнгө өнгөрсөн жил 70 хувь нь олгогдож, 30 хувь нь олгогдоогүй байна. Энэ 2015 онд 4,5 тэрбум төгрөгийг тус аймгийн орон нутгийн хөгжлийн санд тусгажээ. Өмнө нь 7,2 тэрбум төгрөг тусч байсан юм байна.

     

    Увс аймгийн Засаг дарга Цэндсүрэн:

    -Үл хөдлөх хөрөнгийг бүртгэлжүүлэх, эргэлтэд оруулах, хуримтлалын асуудалд анхаарч ажиллалаа. Иргэдийн хадгаламж өссөн. “Их наяд” гэсэн хөгжлийн хөтөлбөр хэрэгжүүлж байна. “Бяцхан санхүүч” гэсэн дэвтэр гаргаж хүүхэд багачуудыг бага наснаас нь арвич хямгач байдалд сургаж байна. Мөн “Санхүүч ээж” гэсэн цуврал гаргана. “Гудамж”, “Орон сууц” төслийг амжилттай хэрэгжүүлж байна. Орон нутгийн хөгжлийн сангийн мөнгөний 30 хувийг өгөөгүй байна. 10 тэрбум төгрөгө өгөхөөс 7 тэрбумыг өгсөн гэв.

  • Улсын сайн малчид тодорлоо
    Улсын сайн малчид тодорлоо

    Монгол Улсын хөдөө аж ахуйн салбарт гарсан ололт амжилт түүний дотор 2014 онд малын тоо 51,9 болж, өмнөх оныхоос 6,8 саяар өсч, малчин өрхийн тоо 2007 оноос хойш 9 жил дараалан буурсан үзүүлэлттэй байсан бол энэ жил 150 орчим мянга болж, өмнөх оныхоос 4,4 мянгаар нэмэгдлээ.

    2014 онд улсын хэмжээгээр 518,7 мянган тн үр тариа, 489,4 мянган тн улаан буудай, 164 мянган тн төмс, 102,2 мянган тн хүнсний ногоо хураан авлаа. Нийт хураан авсан үр тариа, улаан буудайн ургацаар 1991 оны түвшинд хүрсэн, нэг га-гаас хураан авсан ургацын үзүүлэлтээр газар тариалангийн үйлдвэрлэл эрхэлсэн 55 жилийн түүхэнд гарч байгаагүй хамгийн өндөр үзүүлэлт болжээ.

    Дээрх ололт, ажлын үр дүнтэй уялдуулан улсын сайн малчин, тэргүүний фермер, тариаланч, тариаланч хамт олныг шалгаруулах иргэн, аж ахуйн нэгжийн тоог Засгийн газрын холбогдох журамд заасан тоо хязгаараас  нэмэгдүүлжээ.  

    Мал аж ахуй, газар тариалангийн салбарт гарсан ажлын үр дүнг харгалзан 2015 онд 70 малчныг “Улсын сайн малчин”-аар, таван фермерийг “Улсын тэргүүний фермер”-ээр, 21 иргэнийг “Улсын тэргүүний тариаланч”-аар, 12 аж ахуйн нэгж байгууллагыг “Улсын тэргүүний тариаланч хамт олон”-оор тус тус шалгарууллаа.

    УЛСЫН САЙН МАЛЧИН

    1

             Баян-Өлгий 

       Дэлүүн, 6-р баг

      Гончигийн Манарбек

    2

       Толбо, 4-р баг

      Наркесийн Ораз

    УЛСЫН ТЭРГҮҮНИЙ ТАРИАЛАНЧ

    1

         Баян-Өлгий

          Алтанцөгц

            А.Бахытбек

  • Орон нутгийн иргэд саналын хайрцагаар дамжуулан өргөдлөө гаргана
    Орон нутгийн иргэд саналын хайрцагаар дамжуулан өргөдлөө гаргана

    УИХ-ын Өргөдлийн байнгын хорооны дарга О.Баасанхүү аймгуудын Засаг дарга нарт иргэдийн өргөдлийг хүлээн авах саналын хайрцагийг хүлээлгэн өгчээ.

    Саналын хайрцгаар өргөдөл хүлээн авах журамд зааснаар бол нийслэлийн 9 дүүрэг, аймгуудын Иргэний танхимд саналын хайрцаг байрлуулж, өргөдөл хүлээн авах ба тэдгээрийг 14 хоног тутамд хариуцсан ажилтан УИХ-ын Өргөдлийн байнгын хороонд хүргүүлэх юм.

    Саналын хайрцаг битүүмжлэлтэй байх, өргөдөлд дурьдсан хувь хүний нууцыг задруулахгүй байх үүргийг Засаг дарга, түүний Тамгын газрын ажилтан хариуцахыг чиглэл болголоо.

    Ийнхүү иргэд олон нийт нутгийн удирдлага болон үйл ажиллагаа, хуулийн хэрэгжилт, хяналт гээд ямар ч чиглэлээр бичсэн өргөдлөө уг хайрцагт хийх боломжтой. Үүнийг 14 хоногийн дараа гэхэд УИХ-ын Өргөдлийн байнгын хороо хүлээн авч, хэлэлцэх юм.

  • Аймгийн начин У.Береке түрүүлэв
    Аймгийн начин У.Береке түрүүлэв

    Баян-Өлгий аймгийн Цэнгэл сумын харьяат Монгол улсын улам нэмэх заан Тердикбайн Авдигажы, Монгол улс, Казахстан улсын гавьяат тамирчин Улсын өсөх идэр, улам өрнөх чимэгтэй харцага Однайн Бахыт нарын нэрэмжит Таван Богдын Бүргэдүүд дэвжээний ээлжит барилдаан нэгдүгээр сарын 31-ны өдөр "Эрчим хүч"-ийн зааланд болж өндөрлөлөө.

    Энэхүү барилдааныг үзэж сонирхохоор УИХ-ын гишүүн Монгол Улсын Аврага Долгорсүрэнгийн Сумьяабазар хүрэлцэн ирсэн нь их билэг дэмбэрэлтэй үйл явдал хэмээн бөх сонирхогч үзэгч олон түмэн баяртайгаар хүлээн авлаа.

    Барилдаанд а.а Б.Баатарцол, а.а Б.Серик, а.а М.Еркебулан а.з н.Н.Мустафа, а.х Б.Төмөрбаатар, а.н У.Береке, а.н Д.Бейбит нарын тэргүүтэй 32 бөх барилдаснаас Цэнгэл сумын харьяат "Шарын гол" ХХК-ний бөх А.н Улагпаны Береке зургаа давж түрүүлсэн бол Булган сумын харьяат Хилийн цэргийн 0165 -дугаар ангийн бөх А.а Батчулууны Баатарцол тав даван үзүүрлэлээ.

    Харин 3-4 -р байранд Улаанхус сумын харьяат ОБЕГ-аврагч спорт хорооны бөх А.а Бердимуратын Серик, Алтай сумын харьяат ТЭЦ-4 ХХК-ны бөх А.а Малшын Еркебулан нар шалгаран үлдлээ. Энэхүү барилдааныг Цэнгэл сумын УБ-хот дахь нутгийн зөвлөл, Цэнгэл сумын ОЗХ, Таван Богдын бүргэдүүд дэвжээ хамтран зохион байгуулсан бол УИХ-ын гишүүн ТББ-хорооны дарга А.Бакей, УИХ-ын гишүүн А.Тилейхан нар ивээн тэтгэж явууллаа.


    2-ын даваа

    1. А.а Б.Баатарцол  - з.б Хуанбек
    2. А.а Б.Серик  - з.б Семей
    3. А.а М.Еркебулан -  с.з Бахытжан
    4. А.з Н.Мустафа  - с.з Нурлан
    5. А.х Б.Төмөрбаатар  - с.з Адилбек
    6. А.н У. Береке -  с.з Сундуй
    7. А.н Д.Бейбит  - с.з Ескендир
    8. С.з Жархын  - с.з Бахыт

    3-ын даваа

    1. А.а Б.Баатарцол  - С.з Жархын урагш гуу татаж
    2. А.а Б.Серик -  А.н Д.Бейбит давхар золгооноос баруун мордож
    3. А.а М.Еркебулан  - А.х Б.Төмөрбаатар зүүн сугдаж хавирч дутуудангуут зүүн хутгаж
    4. А.з Н.Мустафа  - А.н У.Береке дан золгооноос баруун тохож
    4-ийн даваанд шалгарч үлдсэн 4-бөхийг тойргийн журмаар барилдуулав:

    1-р тойрог

    А.а Б.Баатарцол - А.н  У.Береке өсөх ирээдүйтэй начинтай барилдалгүй элбэг бүсээ тайлж тахимаа өгөв
    А.а Б.Серик  - А.а М.Еркебулан бариа зөрөөнөөс баруун хөлд нь этэж А.а Серик даваагаа ахиулав

    2-р тойрог

    А.а Б.Баатарцол  - А.а Б.Серик Элбэг бүсний барьцанаас баруун тахимдаж арслан даваагаа ахиулав
    А.а М.Еркебулан  - А.н У.Береке Цэнгэлийн начин баруун талд нь мордож давав

    3-р тойрог

    А.а Б.Баатарцол -  А.а М.Еркебулан Цол арслан дотуур суйлж даваагаа ахиулсан
    А.а Б.Серик  - А.н У.Береке хүч чавхсан барилдаанд начин зүүн тохож түрүү бөхөөр тодров.

  • Орон нутгийн хөгжлийн сан болон сум хөгжүүлэх сангаар хийгдсэн бүтээн байгуулалтанд мониторинг хийгдлээ
    Орон нутгийн хөгжлийн сан болон сум хөгжүүлэх сангаар хийгдсэн бүтээн байгуулалтанд мониторинг хийгдлээ

    “Төрийн худалдан авах ажиллагаанд өрсөлдөөнт, ил тод тогтолцоог бэхжүүлэх төсөл”

    “Худалдан авах ажиллагааны хяналт”  дэд төсөл

    Аймгийн Үйлдвэрчний Эвлэлийн Холбоо

    Швейцарийн хөгжлийн агентлагын санхүүжилтээр хэрэгжүүлж буй “Төрийн худалдан авах ажиллагааны нээлттэй ил тод байдлыг хангах ”төслийн тэтгэлэгээр Аймгийн Үйлдвэрчний Эвлэлийн холбоо Улаанхус сумын 2014 оны орон нутгийн хөгжлийн сан болон сум хөгжүүлэх сангаар хийгдсэн бүтээн байгуулалтанд мониторинг хийж Аймгийн удирдлага, ААН, холбогдох хяналтын байгууллагууд болон ИНБ-уудад танилцуулах уулзалт зохион байгуулж цаашид анхаарах асуудлаар төрийн байгууллагад зөвлөмж хүргүүллээ.

    Иргэдийг ТХАА тухай хуулийн тухай мэдээллээр ханган, чадавхижуулах замаар тэдэнтэй хамтран 2014 оны нийт ТХАА-нд хөндлөнгийн үнэлгээ хийж, дүгнэлт гарган төрийн албан хаагчид, иргэдэд мэдээлэл хүргэх, гэрээний гүйцэтгэлд ИНБ-аас хяналт хийх  дэвшилтэт арга, үйл ажиллагааг тодорхойлоход хувь нэмэр оруулах

    Зорилт 1:  Олон нийтийг чадавхижуулах, иргэдэд мэдээлэл хүргэх  

    Зорилт 2: Улаанхус сумын ОНХСангийн хөрөнгө оруулалтын хүрээнд хийгдсэн 34 ажил болон Мерси Короос сонгосон 4 худалдан авах ажиллагааны тендерийн бүх үе шатанд  ил тод, өрсөлдөх тэгш боломжтой, үр ашигтай, хэмнэлттэй, хариуцлагатай  байх зарчмыг хэрхэн баримталсан байдалд мониторинг хийх, хөндлөнгийн хяналт, иргэдийн оролцоог хангасан байдалд  хяналт үнэлгээ хийж дүгнэлт гаргах 

    Зорилт 3: Мониторингийн үр дүнг холбогдох төрийн байгууллага болон иргэд олон нийтэд нээлттэй мэдээлэх, төр,  ИНБ-ын дунд  хэлэлцүүлэг хийх, зөвлөмж гаргах.   

  • Хуулиар тогтоосон хугацаанд татвараа төлж, тайлангаа ирүүлнэ үү
    Хуулиар тогтоосон хугацаанд татвараа төлж, тайлангаа ирүүлнэ үү

     Монгол Улсын Татварын хуулийн дагуу 2014 оны жилийн эцсийн орлогын албан татварын тайланг аж ахуйн нэгжүүд 2 сарын 10-ны дотор, хувь хүн 2 сарын 15-ны дотор харъяа татварын байгууллагад тушааж, татварын тооцоогоо хийнэ үү.  Цахим тайлангийн систем өдөр бүр 24 цаг ажиллаж байна. 

        Хэрэв та татварын тайланг хуулиар тогтоосон хугацаанд ирүүлээгүй бол хувь хүнийг хөдөлмөрийн хөлсний доод хэмжээ (192.0 мян.төг) болон түүнийг хоёроос гурав дахин нэмэгдүүлсэнтэй тэнцэх хэмжээний төгрөгөөр (384.0-576.0 мян.төг),  албан тушаалтныг хөдөлмөрийн хөлсний доод хэмжээг гурваас дөрөв дахин нэмэгдүүлсэнтэй тэнцэх хэмжээний төгрөгөөр (576.0-768.0 мян.төг) торгож,  хариуцлага хүлээлгэдэг болохыг анхаарна уу!
        Хуулиар тогтоосон хугацаанд татвараа төлж, тайлагнасан Татвар төлөгч танд баярлалаа.
    Татварын хэлтэс

  • УИХ-ын гишүүн Л.Эрдэнэчимэг Баян-Өлгий аймагт ажиллав
    УИХ-ын гишүүн Л.Эрдэнэчимэг Баян-Өлгий аймагт ажиллав

    УИХ-ын гишүүн Л.Эрдэнэчимэг Баян-Өлгий аймагт ажиллалаа. Тэрээр УИХ-ын намрын ээлжит чуулганаар батлагдсан хууль тогтоомжууд болон УИХ-ын эмэгтэй гишүүдийн бүлгийн 2 жилийн хугацаанд хийсэн ажлын тайланг танилцуулж, Баян-Өлгий аймгийн МоАХ-ны 25 жилийн ойн баярт оролцлоо.

  • А.Нурлан олон улсын “А” зэрэглэлийн тэмцээнээс хүрэл медаль хүртлээ
    А.Нурлан олон улсын “А” зэрэглэлийн тэмцээнээс хүрэл медаль хүртлээ

    Унгарын Дебрецен хотод Иштван Бочкаин нэрэмжит Олон улсын “А” зэрэглэлийн 59 дэх удаагийн тэмцээн энэ сарын 4-7-ны өдрүүдэд болж өндөрлөлөө.

    Энэхүү тэмцээнд манай улсыг төлөөлж эрэгтэйчүүдийн шигшээ багийн 8 тамирчин хүч үзэж медалийн ургац арвинтай байлаа.

    Тэмцээнд 48 кг-ийн жинд оролцсон ОУХМ Ган-Эрдэнэ мөнгөн медаль, 52 кг-ийн жинд спортын мастер А.Нурлан хүрэл медаль, 56 кг-ийн жинд ОУХМ Идэрхүү алтан медаль, 64 кг жинд ОУХМ Чинзориг алт, 69 кг-ийн жинд ОУХМ Б.Түвшинбат мөн алтан медаль, 81 кг-ийн жинд Эрдэнэбаяр хүрэл медалийг хүртлээ.

    Ийнхүү манай улсын шигшээ багийн тамирчид 3 алт, 1 мөнгө, 2 хүрэл медалийн амжилтаар тэмцээнд оролцсон 20 орноос багийн дүнгээр тэргүүн байрыг эзэлж, манлайллаа.

    Мөн, Жюү жицүгийн 2015 оны улсын аварга шалгаруулах тэмцээнээс С.Авижат алтан медаль хүртсэн бол Пауэрлифтингийн 2015 оны улсын аварга шалгаруулах тэмцээнд А.Бердмурат, Т.Сайфолла нар амжилттай оролцож, алтан медалийн эзэн боллоо.

  • Спортын мастер А.Нурлан: Шигшээ багийн ах нартаа их баярлаж явдаг
    Спортын мастер А.Нурлан: Шигшээ багийн ах нартаа их баярлаж явдаг

    Ikon.mn - Европын Монголчууд гэгддэг Унгарын Дебрецен хотод Иштван Бочкаин нэрэмжит Олон улсын “А” зэрэглэлийн 59 дэх удаагийн тэмцээн энэ сарын 4-нөөс 7-нд болж өндөрлөжээ. 

    Хөгшин Европын цуврал тэмцээнүүдээс нэр хүндээрээ дээгүүр жагсдаг энэ тэмцээнд эх орноо төлөөлж эрэгтэйчүүдийн шигшээ багийн найман тамирчин хүч үзсэнээс:

    • 48 кг-ийн жинд ОУХМ Г.Ган-Эрдэнэ мөнгө,
       
    • 52 кг-ийн жинд спортын мастер А.Нурлан хүрэл,
       
    • 56 кг-ийн жинд ОУХМ Э.Идэрхүү алт,
       
    • 64 кг-ийн жинд ОУХМ Б.Чинзориг алт,
       
    • 69 кг-ийн жинд ОУХМ Б.Түвшинбат алт,
       
    • 81 кг-ийн жинд ОУХМ С.Эрдэнэбаяр нар хүрэл медаль хүртэн бахдам амжилт гаргаад ирэв.

    Хүн төрөлхтний спортын их баяр цэнгэл олимпийн наадмаас гурван алтан медаль анхлан хүртэж Унгарын спортын домог болсон алдарт боксчин Ласло Паппын эх орон нэгтнүүд гурван алт, нэг мөнгө, хоёр хүрэл медаль хүртсэн амжилтаар 20 орны боксчдыг манлайлсан   Монголын боксчдод тун элэгсэг дотно хандсан гэнэ.

    Өчигдөр өглөө Спортын төв ордны боксын зааланд Монголын боксын холбооны тэргүүн дэд ерөнхийлөгч, Хөдөлмөрийн баатар Э.Бадар-Ууган тэргүүтэй албаны хүмүүс болон боксын шигшээ багийнхан Дебрецений тэмцээний баатруудаа хүлээн авч уулзан хүндэтгэл үзүүлсэн юм.

    Энэ үеэр тус тэмцээний 69 кг-д аваргалсан Үндэсний шигшээ багийн тамирчин ОУХМ Б.Түвшинбат, 52 кг-д хүрэл медаль хүртсэн спортын мастер А.Нурлан нартай уулзаж сэтгэгдлийг сонссон юм.


    Б.Түвшинбат: Унгарчууд Монгол, Монгол хэмээн дэмжиж байсан

    -За баяр хүргэе. Энэ тэмцээнд хэд дэх удаагаа оролцоод ирэв. Урьд нь ямар амжилт гаргаж байсан бэ?

     -Унгарт жил бүр болдог “А” зэрэглэлийн энэ тэмцээнд миний хувьд хоёр дахь удаагаа оролцож аваргын алтан медалийг эх орондоо авч ирсэндээ сэтгэл хангалуун байна.

    Энэ тэмцээнд бокс өндөр хөгжсөн Европын голдуу 20 орны 150 гаруй боксчин өрсөлдсөн. Би эхний удаа энэ тэмцээнд оролцохдоо медаль авч чадаагүй. Харин энэ удаа заавал түрүүлэх зорилготой оролцоод санасандаа хүрлээ.

    -Хэдэн тулаан хийж алтан медаль хүртэв?

    -Би гурав тулалдан ялалт байгуулж, алтан медаль хүртсэн. Эхний даваанд Хятадын тамирчин, дараагийн тулаанаа Казакстаны тамирчинтай хийсэн. Аваргын төлөө Украины боксчныг ялж, алтан соёмбот далбаагаа мандуулсандаа их баярласан. Казакстан, Украин хоёр бол дэлхийн боксын хөгжлийг тодорхойлдог том гүрнүүд учир хоёр, гуравдугаар тулаанууд нэлээн ширүүн болсон.

    Хэдийгээр 2016 оны олимпийн циклтэй уялдан шинээр гарч ирж байгаа залуу тамирчид ч гэсэн маш ширүүн эсэргүүцэлтэй тулж ялалт байгууллаа.

    Ялангуяа Украины боксчинтой аваргын төлөө тулалдаж байхад сүүлийн раундад хөмсөг задарч, шүүгчид тэмцээнийг дуусгалгүй өрсөлдөгчид маань ялалт өргөчих вий гэж их нервтсэн. Харин цаг дуусаж байсан болохоор аварга болж, Монголынхоо нэрийг дуудуулсныхаа дараа л сэтгэл амарсан.

    -Тэмцээний зохион байгуулалт, боксын тэмцээний үеэр хамгийн их сэтгэл зовоодог шүүлтийн асуудал ямархуу байсан бэ?

    -Энэ удаагийн тэмцээний шүүлт үнэхээр сайхан шударга болсныг хэлэх ёстой. Ер нь боксчин хүний ганц айдаг зүйл бол шүүгчдийн шүүлт л байдаг.

    Ер нь боксчин хүний ганц айдаг зүйл бол шүүгчдийн шүүлт л байдаг. 

     
     
     

    Урьд өмнө нь шүүгчдийн буруугаас бид олон удаа хохирч байсан. Харин энэ удаа яах аргагүй үнэн зөв шүүсний хүчинд бид гурван алт, нэг мөнгө, хоёр хүрэл медаль хүртэж Унгарын дэвжээнд багаараа түрүүлээд ирлээ.

    -Унгар бол боксын маш арвин баян түүхтэй, алдарт боксчдын өлгий нутаг. Ер нь Монголын боксчдыг аль хэр мэдэж, дэмжиж байсан бэ?

    -Тэгэлгүй яах вэ. Олимпийн гурван удаагийн аварга Ласло Паппаас эхлээд Унгарын боксчид үнэхээр мундаг. Нөгөөтэйгүүр Унгарчууд өөрсдийгөө Европын Монголчууд гэж ярьдаг.Тэмцээний үеэр Унгарын хэвлэл мэдээллээр “Чингисийн Монголын боксчид ирлээ” гэж ихээхэн мэдээлэл цацах шиг болно лээ.

    Яг тэмцээний үеэр зааланд цугласан хөгжөөн дэмжигчид, тэр ч байтугай боксчид нь хүртэл “Монгол, Монгол” гэж биднийг халуун дотноор дэмжиж байсан нь их сайхан санагдсан. Яах аргагүй Европын Монголчууд, жинхэнэ Азийн Монголчуудтайгаа уулзалдаж байгаа нь алхам тутамд мэдрэгдэж байсан. Ер нь их сайхан тэмцээн болсон.

    -Одоо Монголын боксчдыг өөр ямар тулаанууд хүлээж байгаа вэ?

    -Энэ жил Ази тивийн аварга, дэлхийн аварга гээд аргагүй л хоёр том тэмцээн биднийг хүлээж байна. Завсар нь Олон улсын олон тэмцээн байгаа. Гэхдээ Азийн аварга, дэлхийн аварга хоёрт амжилт гаргах нь боксчин болж, дэвжээн дээр нударга зөрүүлж яваа тамирчин бүрийн мөрөөдөл байдаг болохоор эдгээр тэмцээнд л амжилт гаргахыг маш их хүсэж байна.

    Дэлхийн аваргын эхний гурван байранд орсон боксчид олимпийн эрхээ авах болохоор яах аргагүй 2015 оны оргил тэмцээн гэж хэлж болно. Гол зорилго минь 2016 оны Риогийн олимп болохоор бэлтгэл сургуулилтаа улам чамбайруулж, бүх хүч чадлаа зориулах хариуцлага өмнө минь байгаа.

    -Түвшинбат аль хэр жин хасч тэмцээндээ ордог вэ?

    -Миний тогтмол жин 71-72 байдаг болохоор дээд тал нь гурваас дөрвөн кг хасч байж тэмцээнд ордог. Сая Унгарын тэмцээнд гурван кг орчим хасаад д хэвийн хэмжээнд орж тоглосон. Улсын аваргын тэмцээн долоохон хоногийн өмнө өндөрлөсөн болохоор ер нь форм сайтай байсан л даа.

    -Шинэ дүрмээр дуулгагүй тоглодог болсноос хойш боксчдын хөмсөг нэлээн задардаг болсон. Өөрийн чинь хөмсөг бас нэлээн гүн задарсан шиг байна. Одоо ер нь дуулгагүй тоглоод дасаж байна уу?

    -Ер нь дуулгагүй тоглоход нэг их хүндрэл байхгүй л дээ. Хамгийн гол нь мөргөлдөөнөөс л бултаж сурах шаардлагатай юм.

    -Азийн тоглолтын үеэр харж байхад Узбекийн боксчин манай тамирчныг зориуд ирж мөргөөд байсан. Сая өөрийг чинь зориуд мөргөчхөөгүй байгаа?

    -Хэ хэ, сайн анзаарсангүй. Гэхдээ зориуд ирж мөргөөд байдаг боксчин байдаг л юм. Хүний духны яс их зузаан байдаг болохоор хөмсгөн дээр таарахаараа шууд л задарчихдаг.

    Саяын тэмцээн дээр Украинтай аваргын төлөө тулалдаж байхад шүүгч зогсоочих вий гэхээс үнэхээр их түгшиж байсан. Яах аргагүй цаг дуусаж байсан болохоор урагшаа явсаар байгаад дуусгасан даа.

    -Тэмцээнд түрүүлсэн боксчдод олгосон энэ цомыг мөнгөн шагнал дагалдсан уу?

    -Унгарын тэмцээн “А” зэрэглэлийн гэдгээрээ л том юм. Түүнээс биш түрүүлсэн тамирчинд ямар нэгэн мөнгөн шагнал олгодоггүй юм билээ.

    -За энэ жилийн хоёр том тэмцээндээ амжилт гаргаарай?

    -Их баярлалаа. Боксчдоо үргэлж дэмжиж, сэтгэл санааны дэмжлэг үзүүлж байдаг Монголын ард түмэндээ удахгүй болох Цагаан сараараа өнгөтэй, өөдтэй, дэлгэр сайхан шинэлээрэй гэсэн сайхан ерөөлийг өргөн дэвшүүлье.


    Спортын мастер А.Нурлан: Шигшээ багийн ах нартаа их баярлаж явдаг

    -За Олон улсын “А” зэрэглэлийн тэмцээнд оролцож, хүрэл медалиар энгэрээ мялаагаад ирсэнд баяр хүргэе?

    -Баярлалаа. 2015 он гараад оролцсон анхны Олон улсын тэмцээндээ хүрэл медаль хүртсэндээ их баяртай байна.

    -А.Нурланы хувьд Унгарын тэмцээн хилийн чанадад оролцсон хэд дэх Олон улсын тэмцээн бэ?

    -За байз, найм дахь тэмцээн юм байна.

    -Унгарт хэдэн тулаан хийж хүрэл медаль хүртэв?

    -Эхлээд дэвжээний эзэн Унгарын боксчныг ялсан. Медалийн төлөө Польшийн тамирчныг ялаад мөнгөн медалийн төлөө Азербайжаны боксчинтой тулж 2:1-ээр ялагдсан.

    -Энэ жил өөр ямар тэмцээн А.Нурланыг хүлээж байгаа бол?

    -Энэ жилийн Азийн аварга, дэлхийн аварга шалгаруулах тэмцээнд нударга зөрүүлмээр л байна. Гэхдээ түүнийг шигшээ багийн удирдлагууд мэднэ.

    -Боксын спортоор хэдэн жил хичээллэж байна. Анхны багш нь ямар хүн байдаг вэ?

    -Би боксын спортоор 2009 оноос хичээллэж эхэлсэн. Анхны багш Баян-Өлгий аймгийн Соёл, спорт аялал жуулчлалын газрын дарга Х.Хайнар гэж хүн байгаа.

    Энд ирээд Үндсэний шигшээ багийн ахлах дасгалжуулагч Д.Батсүрэн багшийн удирдлага дор хичээл сургуулилтаа хийж байгаа.

    -Шигшээ багт хичээллэхээс гадна сурч байгаа гэсэн үү? 

    -Тийм Үндэсний биеийн тамирын дээд сургуулийн гуравдугаар курсэд сурч байна.

    -За цаашдаа улам их амжилт гаргаарай?

    -Баярлалаа. Залуу тамирчин намайг дэмжиж, урамшуулан хилийн дээс алхуулж, Олон улсын "А" зэрэглэлийн том тэмцээнд оролцуулсан Үндэсний шигшээ багийн ахлах дасгалжуулагч Д.Батсүрэн багшдаа болон намайг үргэлж, дэмжиж тусалж байгаа шигшээ багийн ах нартаа их баярлаж яваагаа танай сониноор дамжуулан илэрхийлж байна. Цаашдаа улам их хичээх болно.

  • Сумдын удирдлагуудын нэгдсэн семинар эхэллээ
    Сумдын удирдлагуудын нэгдсэн семинар эхэллээ


    Сумдын ИТХ-ын дарга, Засаг дарга, Тамгын газрын дарга нарын нэгдсэн семинар өнөөдөр аймгийн ЗДТГ-ын хурлын танхимд эхэллээ.

    Уг семинарын зорилго нь Засгийн газрын зарим чиг үүргийг орон нутагт төлөөлөн хэрэгжүүлэх, аймгийн эдийн засаг, нийгмийн 2015 онд хэрэгжүүлэх чиглэл, төсвийг хэрэгжүүлэх асуудлаар нэгдсэн ойлголт, чиглэл авах, Сумдын ИТХ, Засаг дарга, ЗДТГ-ын даргын зорилт, чиг үүргийг тодорхойлох, Сумдын 2014 оны үйл ажиллагааг дүгнэх, аймгийн Засаг дарга сумдын Засаг дарга нарт батламж гардуулж, гэрээ байгуулахад оршино. Сургалт семинар хоёрдугаар сарын 11, 12-ны өдрүүдэд аймгийн ЗДТГ-ын хурлын танхимд үргэлжлэх юм. 

  • Аймгийн Засаг дарга сумдын Засаг дарга нартай үр дүнгийн гэрээ байгууллаа
    Аймгийн Засаг дарга сумдын Засаг дарга нартай үр дүнгийн гэрээ байгууллаа

    Жил бүрийн эхэнд сумдын ИТХ-ын дарга, Засаг дарга нарын семинарыг зохион байгуулж өнгөрөгч оныхоо үйл ажиллагааны ололт амжилт, алдаа оноог дүгнэж, ирэх оны зорилгоо хэлэлцдэг уламжлалтай билээ.

    Тэгвэл энэ жил сумдын удирдлагуудын нэгдсэн семинарыг энэ сарын 11,12-ний өдрүүдэд зохион байгууллаа.

    Семинарын дараа аймгийн Засаг дарга Х.Дармен сумдын Засаг дарга нартай 2015 онд Засгийн газрын зарим чиг үүргийг орон нутагт төлөөлөн хэрэгжүүлэх тухай гэрээ байгууллаа.

    Энэхүү гэрээний гол зорилго нь Засгийн газрын бодлого, үйл ажиллагааны хөтөлбөр болон аймгийн Засаг даргын 2012-2016 оны үйл ажиллагааны хөтөлбөр, эдийн засаг нийгмийг 2015 онд хөгжүүлэх үндсэн чиглэл, аймаг, сумын Хөгжлийн хөтөлбөрүүдийн хэрэгжилтийг хангах чиглэлд улсын болон орон нутгийн төсөв, төсөл, хөтөлбөрийн хөрөнгө оруулалтаар худалдан авах хөтөлбөр, арга хэмжээг хэрэгжүүлэх, түүний тоо хэмжээ, чанар, үр дүнг тодорхойлох талаар аймаг сумын Засаг дарга нарын харилцан хүлээх үүрэг, хариуцлагыг тодорхой болгож, Засгийн газрын зарим чиг үүргийг орон нутагт төлөөлөн хэрэгжүүлэх ажлын чанар, үр ашгийг дээшлүүлэхэд оршино.

    Уг гэрээнд талуудын харилцан хүлээх үүрэг, улсын болон орон нутгийн төсвийн санхүүжилт, төлбөрийн нөхцөл, гэрээний биелэлтийг дүгнэх, үнэлэх болон бусад нөхцлийг тусгаж, гэрээний хугацаанд хэрэгжүүлэх хөтөлбөр, арга хэмжээний тоо хэмжээ, чанарын шалгуур үзүүлэлт, хүрэх үр дүнг салбар бүрээр тодорхойлсон байна.

  • Чөлөөт бүсийн тухай хуулийг баталлаа
    Чөлөөт бүсийн тухай хуулийг баталлаа

    УИХ-ын пүрэв гаригийн чуулганы хуралдаан 14.30 цагаас эхэлж, хамгийн түрүүнд Чөлөөт бүсийн тухай хуулийн шинэчилсэн найруулгын төслийн эцсийн хэлэлцүүлгийг хийж, баталлаа. Байнгын хорооны эцсийн хэлэлцүүлгээр зарчмын зөрүүтэй 10 гаруй саналаар тус тус санал хураалгаж, гишүүдийн олонхи нь дэмжсэн юм. Ийнхүү Чөлөөт бүсийн тухай хуулийн шинэчилсэн найруулгын төслийг баталснаар өмнө нь чөлөөт бүстэй холбоотойгоор гарч байсан хуулиуд хүчингүй болж байна. Тухайлбал, "Цагааннуур" худалдааны чөлөөт бүсийн эрх зүйн байдлын тухай хууль,"Алтанбулаг" чөлөөт бүсийн эрх зүйн байдлын тухай хууль, "Замын-Үүд" чөлөөт бүсийн эрх зүйн байдлын тухай хуулиудыг хүчингүй болголоо.

    Зураг: "Цагааннуур" худалдааны чөлөөт бүсийн мастер төлөвлөгөө

  • Баян-Өлгий аймагт хэрэгжүүлэх “Орон нутгийн өмчийн концесс”-ын зүйлийн жагсаалт
    Баян-Өлгий аймагт хэрэгжүүлэх “Орон нутгийн өмчийн концесс”-ын зүйлийн жагсаалт

    Аймгийн ИТХ-ын 2014 оны 12 дугаар сарын 03-ны өдрийн 49 тоот тогтоолоор батлагдсан "Орон нутгийн өмчийн концессийн зүйлийн жагсаалт"-ыг хүргэж байна.
     
    Орон нутгийн өмчийн концессийн зүйлийн жагсаалт батлах тухай

  • ITM-2015 аялал жуулчлалын үзэсгэлэн худалдаа болно
    ITM-2015 аялал жуулчлалын үзэсгэлэн худалдаа болно

    Улаанбаатар хотод жил бүр Монголын Аялал Жуулчлалын Холбооноос уламжлал болгон зохион байгуулагддаг ITM-2015 аялал жуулчлалын үзэсгэлэн ирэх 3 дугаар сарын 21, 22-ны өдрүүдэд зохион байгуулагдахаар боллоо. Аялал жуулчлалын бизнес эрхлэгчид, оролцогч байгууллагуудыг 2015 оны 2 дугаар сарын 11-ээс 3 дугаар сарын 15-ыг хүртэл бүртгэнэ.
    Манай аймгаас оролцох иргэн, аж ахуйн нэгжүүд бүртгүүлээрэй.
    Аймгийн БОАЖГ
    Утас: 95420990

  • Сар шинийн барилдаанд М.Аманбек түрүүллээ
    Сар шинийн барилдаанд М.Аманбек түрүүллээ

    Баян-Өлгий аймгийн сар шинийн барилдаан өчигдөр /2015.02.16/ Өлгий хотод болж өндөрлөлөө. Хүчит 64 бөхөөс аймгийн заан М.Аманбек түрүүлж, аймгийн харцага Б.Төмөрбаатар үзүүр булаав. Их шөвөгт аймгийн начин Ө.Жанболат, аймгийн начин Т.Мөнгөнхүү нар шалгарсан байна. Дунд шөвөгт а.н Д.Бейбит, с.з М.Жанарбек, а.н С.Бат-Үүл, с.з Батсайхан нар наймд үлдлээ.

  • Олон улсын эмэгтэйчүүдийн баярыг тохиолдуулан явуулах
    Олон улсын эмэгтэйчүүдийн баярыг тохиолдуулан явуулах "Хослол дуулаачид"-ын уралдааны удирдамж

  • Та бүхэн дүүрэн жаргалтай, түвшин амгалан сайхан шинэлээрэй
    Та бүхэн дүүрэн жаргалтай, түвшин амгалан сайхан шинэлээрэй

    САР ШИНИЙН МЭНДЧИЛГЭЭ

    Эрхэм хүндэт  азай буурлууд аа!

    Энхрий ялдам бяцхан үрс, хүүхэд багачууд аа!

    Баян-Өлгий аймгийн казах, урианхай, дөрвөд,  тува ахан дүүс ээ!

    Оройн дээд Таван богд хайрханыхаа энгэрт заяагдан оршсон, зол жаргалын Баян-Өлгий нутгийнхаа уугуул, суугуул ард иргэд та бүхнийхээ  амар амгаланг айлтгаж,XVII жарны “галзууруулагч” хэмээх модон хонь жилийн сар шинийн мэндийг дэвшүүлье.

    Монгол түмний билгийн тооллын цагаан сарын баяр бол  эх дэлхий илч гэрлээрээ ивээгч алтан нарыг одот тэнгэрийн мандлаар бүтэн тойрч, нас нэмсний баяр, хахир өвлийн  бэрх улирлыг малчин түмэн минь хөдөлмөр зүтгэлээрээ  даван туулсан амжилт ялалтын  баяр,  шимтэй бүхэн дэлгэрч цэцэглэх, үндэстэй бүхэн үржин өсөх, үйлс ажил нь өрнөн дээшлэхийн бэлэгдэлт урин хавартай энх мэнд золгосны их баяр билээ.Мөн энэ үеэрхувь хүн, айл өрх бүр хийж бүтээснээ дүгнэн хэлэлцэж, угтах ирээдүйг зөгнөн билгэддэг уламжлалтай.

    Улиран одож буй “ялгуусан” хэмээх модон морин жилБаян-Өлгий аймгийн хувьд үйл явдлаар баялаг, өөрийн гэх тод мөртэй, ухаарал сургамж хайрласан түүхэн жил байлаа. Мөн томоохон бүтээн байгуулалтын ажлууд хийгдэж, аймгийн ДНБ-д240,3 тэрбум төгрөгийн нэмэгдэл өртөг бий боллоо. Энэ нь 2013 онтой харьцуулахад 6 хувиар өссөн үзүүлэлттэй байлаа.

    2014 онд Баян-Өлгий аймагт барилга угсралт, харилцаа холбоо, зам, харилцаа, нийтийн орон сууц барих,  барилга материалын үйлдвэр, эрүүл мэнд, боловсрол, соёл, спортын салбарт нийтдээ111,5 тэрбум төгрөгийн хөрөнгө оруулалт хийгдэв.

    Мөн Цагааннуур-Улаанбайшинт, Толбо-Ховд чиглэлд хатуу хучилттай зам барихад шаардлагатай 200 сая ам.долларын санхүүжилтийн асуудлыг Азийн хөгжлийн банкнаас шийдвэрлүүлж, одоо тендер нь зарлагдаад явж байна.

    Аймгийн хөдөлмөрийн хэлтэс, хувийн хэвшилтэй хамтран оны эхнээс 1600 ажлын байр шинээр бий болголоо.Аймгийн төвийг хотын статустай болгох зорилтын хүрээнд хотын ерөнхий төлөвлөгөөг шинэчлэн батлуулж,  төв талбайг шинэчлэх, гудамжуудыг камержуулах, тохижуулах, гэрэлтүүлэг тавих ажлуудыг эхлүүллээ.

    Хүн амын эрүүл мэндийг хамгаалах ажилд онцгой анхаарал хандуулан  аймгийн Нэгдсэн эмнэлгийн дэргэд Эмчилгээ, оношлогооны төв байгуулж, улсын төсвийн болон орон нутгийн төсвийн хөрөнгө оруулалтаарматериаллаг баазыг нь сайжруулав. Тухайн жилд эрүүл мэндийн салбарт оруулсан хөрөнгө оруулалтын хэмжээ 3,1 тэрбум төгрөгт хүрсэн нь урьд, өмнө байгаагүй багтам том амжилт юм. Ингэснээр Улаанбаатар хотод очиж шинжилгээ хийлгүүлэх хүмүүсийн тоо 50 хувиаар буурч, ард иргэд мөнгө, цаг хугацаагаа хэмнэх боломж бүрдлээ. Мөн эх, нялхсын эндэгдлийг бууруулж чадлаа.

    Боловсролын байгууллагуудын менежментийг сайжруулах зорилт тавин ажилласны үр дүнд Баян-Өлгий аймгийн боловролын чанар 12,9 пунктээр ахицтай гарав. Салбарын санхүүгийн сахилга бат ч сайжирч, сургууль, цэцэрлэгүүд 298,4 сая төгрөгийн бодит хэмнэлтийг гарган, анх удаагаа жилийн эцэст өргүй гарч чадлаа.Тухайн жилд улсын төсвийн хөрөнгөөр боловсролын 4 объектэд 440 сая төгрөгийн их засвар хийгдэж, 7 тэрбум 800 сая төгрөгөөр 7 объектийгшинээр барих ажлыг эхлүүллээ.

    Түүнчлэн малчдын амьжиргааг дээшлүүлэх бодлого баримтлан ажиллаж, малчид болон мал бүхий иргэдийн үндэсний үйлдвэрт тушаасан хонь, тэмээний ноос, арьс шир тутамд мөнгөн урамшуулал олгуулж байна.

    Энэхүү амжилтуудаа 2015 онд улам бататгаж, илүү ихийг бүтээж чадна итгэлтэйгээр хэлэх байна.

    Эрхэм хүндэт ард иргэд ээ!

    2014 оны жилийн эцсийн мэдээгээр манай аймгийн хүн амын тоо 2,7 хувиар, мал сүргийн тоо 17,4 хувиар өссөнийг та бүхэн мэдэж байгаа билээ. Мөн 2015 оны 1 дүгээр сарын 24-нд Баян-Өлгийчүүд Монгол Улсын гурван сая дахь иргэнийг өлгийдэн авлаа. Засаг дарга миний бие энэхүү түүхэн үйл явдлыг бэлэгшээж, ирэх жилийг Монголын ард түмэнд, Баян-Өлгийчүүдэд аз жаргал бэлэглэсэн хамгийн сайхан жил болно гэдэгт итгэл дүүрэн байна.

    Морилон ирж буй “галзууруулагч” хэмээх модон хонь жил Баян-Өлгийчүүд та бидний хувьд их бүтээн байгуулалт өрнөсөн өрнүүн их ажлын жил байх болно.  Ингээд айл өрх бүр ажилтай амьдралтай,  иргэн бүр олзтой омогтой байхын өлзийтэй ерөөлийг өөд өөд нь өргөн дэвшүүлье.

    Даага далантай,  бяруу булчинтай, тором бөхтэй, төлөг сүүлтэй сар шинэдээ сайхан шинэлээрэй.

    Шаған мерекелеріңіз құтты болсын!

    Шаг жагай, шагаа жагай!  

    БАЯН-ӨЛГИЙ АЙМГИЙН ЗАСАГ ДАРГА Х.ДАРМЕН

  • 3 сая дахь иргэний чацуутанг 2 өрөө байраар шагналаа
    3 сая дахь иргэний чацуутанг 2 өрөө байраар шагналаа

    Эх сайхан орныхоо эрхмийн дээд эгнэшгүй үнэтэй, эрдэнэт хүмүүн болон мэндэлсэн Бекболатын Айжулдыз охиныг Монгол улсын 3 сая дахь иргэний чацуутнаар Баян-Өлгий аймгаас тодруулан “Батламж” гардуулж, иж бүрэн тавилгатай 2 өрөө байраар шагнаж урамшуулав.

    Монгол улсын 3 сая дахь иргэний мэндэлсний цаг хугацаатай ойр мэндэлсэн чацуутан Өлгий сумын харьяат Бекболатын Айжулдыз охинд иж бүрэн тавилгатай 2 өрөө байрыг олголоо.

    Мөн Эрчим ХК нэг жилийн халаалтын, ЦШСГазар нэг жилийн гэрэл цахилгааны, СУАТ ХК нэг жилийн цэвэр, бохир усны төлбөрөөс чөлөөлсөн бол, Хотгор ХК 1 сая төгрөг, МЦХолбоо ХК кабелийн телевизийг суурилуулж нэг жилийн төлбөрөөс чөлөөлж батламж гардуулав.

    Б.Айжулдыз охины чацуутан болж төрсөн Д.Азбаяр, Б.Бөртэ-бегим нарт тус бүр 1 сая төгрөгийн батламжийг гардууллаа.

  • Аймгийн Засаг дарга сэтгүүлчдэд мэдээлэл өглөө
    Аймгийн Засаг дарга сэтгүүлчдэд мэдээлэл өглөө

    Өнөөдөр аймгийн Засаг дарга Х.Дармен, ЗДТГазрын Төрийн захиргаа, удирдлагын хэлтсийн дарга Х.Мантай, Санхүү, төрийн сангийн хэлтсийн дарга Б.Шолпан нар

    • Төр Засгийн бодлого болон хууль тогтоомжуудын орон нутагт хэрэгжсэн байдал, үр дүн
    • Аймгийн нийгэм, эдийн засгийн бодит байдал, эерэг болон сөрөг үзүүлэлтүүд
    • Аймгийн ЗДТГазрын зүгээс төрийн үйлчилгээний хүртээмж, чанарыг сайжруулах, төрийн албыг чадваржуулах, хүнд суртлыг багасгах чиглэлээр зохион багуулагдсан ажлууд ба түүний үр дүн,
    • Аймгийн Засаг даргын сумын Засаг дарга нартай 2014 онд байгуулсан гэрээний биелэлт
    • Сумдын 2014 оны ажлын үзүүлэлт, онцлог ажлууд, цаашид анхаарах асуудлууд
    • 2015 оны төсөв болон төсвийн үр өгөөжийг дээшлүүлэх, үргүй зардлуудыг багасгах чиглэлээр анхаарах асуудлуудаар орон нутгийн хэвлэл мэдээллийн хэрэгслүүдэд мэдээлэл өглөө.

  • УИХ-ын гишүүн, Баян-Өлгий аймгийн Нутгийн зөвлөлийн тэргүүн А.Бакей Сар шинийн баярын мэндчилгээ дэвшүүллээ
    УИХ-ын гишүүн, Баян-Өлгий аймгийн Нутгийн зөвлөлийн тэргүүн А.Бакей Сар шинийн баярын мэндчилгээ дэвшүүллээ

    Эрхэм хүндэт Баян-Өлгийчүүд ээ,

    Нутаг нэгт ахан дүүс ээ,

    Айчлан ирж буй XVII жарны “Галзууруулагчхэмээх модонхонь жилийн сар шинийн мэндийг өргөн дэвшүүлж, айл бүрийн амьдрал элбэг баян, хүн бүхэн эрүүл энх байж санасан хэрэг тань сэтгэгчлэн бүтэхийн өлзийтэй ерөөлийг өргөн айлтгая.

    Улиран одож буй өнгөрч модон морь жил Баян-Өлгий аймгийн хувьд амжилт бүтээлээр дүүрэн жил байлаа. Тухайлбал 2014 онд аймгийн суурин хүн ам, мал сүргийн тоо толгой өсөж, бүтээн байгуулалтын нөр их ажил үйлс өрнөсөн ач буянтай жил байсныг тэмдэглэхэд таатай байна.

    Та бүгд маань элгээрээ энх амгалан, төрлөөрөө түвшин амгалан байж, сар шинэдээ сайхан шинэлээрэй.

    Шаған мерекесі құтты болсын! Қой жылы ырыс, береке әкелсін!

    УЛСЫН ИХ ХУРЛЫН ГИШҮҮН, ТӨРИЙН БАЙГУУЛАЛТЫН БАЙНГЫН ХОРООНЫ ДАРГА, УЛААНБААТАР ХОТ ДАХЬ БАЯН-ӨЛГИЙ АЙМГИЙН НУТГИЙН ЗӨВЛӨЛИЙН ДАРГА А.БАКЕЙ

  • Онцгой байдлын хэлтсийн дарга Ц.Баттулга Сар шинийн баярын мэндчилгээ дэвшүүллээ
    Онцгой байдлын хэлтсийн дарга Ц.Баттулга Сар шинийн баярын мэндчилгээ дэвшүүллээ

    Монгол түмний уламжлалт баяр - Сар шинийн мэндийг эх орныхоо дөрвөн зүг найман зовхист оршин суугаа нийт Монголчууддаа болон Онцгой байдлын албаны албан хаагчиддаа хүргэж, ирж буй модон хонь жилдээ айл саахалтаараа амар амгалан, хотол олноороо эрүүл энх, түвшин жаргалтай байхын өлзийтэй ерөөлийг хувиасаа болон Баян-Өлгий аймгийн Онцгой байдлын хэлтсийн хамт олны өмнөөс өргөн дэвшүүлье.

     

    Ургах улаан нарнаасаа цог хийморийн илчийг авч,
    Уудам хөх тэнгэрээсээ уужрал ухаарлын ухаанаа сэлбэж,
    Учран золгох хүн бүртээ сэтгэлийн сайхан үгийг бэлэглэж,
    Ургаж байгаа шинэ жилдээ сайхан шинэлээрэй.

    Та бүхнийг гүнээ хүндэтгэсэн,

    БАЯН-ӨЛГИЙ АЙМГИЙН ОНЦГОЙ БАЙДЛЫНХЭЛТСИЙН

    ДАРГА, ОНЦГОЙ БАЙДЛЫН ХУРАНДАА Ц.БАТТУЛГА

  • Булган сумынхны мал ирэх сарын 10-наас төллөж эхэлнэ
    Булган сумынхны мал ирэх сарын 10-наас төллөж эхэлнэ

    Баян-Өлгий аймгийн  Булган сумын мал гуравдугаар сарын 10-наас төллөж эхэлнэ гэж сумын Засаг дарга Х.Шынарбек мэдээллээ. Дэлүүн болон Ховд аймгийн Дуут, Мөнххайрхан сумын нутагт өвөлжсөн бог мал нь нутагтаа буцаж эхэлсэн байна.

    -1100 гаруй өрх, 5200 гаруй хүн амтай манай сум хэдхэн жилийн өмнө малынхаа тал хувийг хорогдуулсан ч өсч бойжоод 105 мянга гаруйд хүрлээ. Малчид газартай сайн ажилладаг болсноор бэлчээр, хадлангаа хашиж хамгаалах талаар аймагтаа тэргүүн байранд орж байгаагийн дээр жижиг, дунд үйлдвэр сайн хөгжих хандлагатай. Авто засвар, мужаан, тоосго, талх нарийн боов, шохой, оёдлын үйлдвэрлэл ашигтай ажилладаг. Сумын эмнэлгээ өнгөрсөн жил 40 сая төгрөгийн тоног төхөөрөмжөөр тоноглуулсан. Гэвч эрүүл мэндийн салбарт их эмч хүрэлцэхгүй байгаагаас тэтгэвэрт гарсан эмчээ ажиллуулж байна гэж тэр ярилаа. Энэ сум нийслэл болон аймгийн төвөөс хамгийн их алслагдсан сум боловч Тайкешкений боомтод хамгийн ойр газар болохоор хөгжих боломжтой газар юм.

  • Үндэсний аюулгүй байдлын зөвлөлийг мэдээллээр хангах бүлэг хуралдлаа
    Үндэсний аюулгүй байдлын зөвлөлийг мэдээллээр хангах бүлэг хуралдлаа

    Монгол Улсын Ерөнхийлөгчийн “Үндэсний аюулгүй байдлын зөвлөлийг мэдээллээр хангах тухай” 2010 оны 266 дугаар зарлигийг хэрэгжүүлэх, мэдээ, мэдээллийн шуурхай байдал, зохицуулалтыг сайжруулах зорилгоор аймгийн хэмжээний шуурхай мэдээллийн бүлэг хуралдлаа.

  • Аймгийн Онцгой комисс хуралдлаа
    Аймгийн Онцгой комисс хуралдлаа

    2015 оны 2 дугаар сарын 26-ны өдөр Ховд аймгийн Булган сумын нутагт мал, амьтаны гоц халдварт шүлхий өвчний шинж тэмдэг илэрч, шинжилгээгээр шүлхий өвчин мөн болох нь батлагдсан билээ. Энэ асуудлаар өнөөдөр Баян-Өлгий аймгийн Онцгой байдлын комисс хуралдаж, тус аймгийн Булган сумын нутагт хорио цээрийн дэглэм тогтоох, Өлгий хот орох 3 чиглэлд /Бугат, Ховд, Сагсайн чиглэл/ ариутгалын пост ажиллуулахыг холбогдох байгууллагуудад, өвчнөөс урьдчилан сэргийлэх арга хэмжээ авах, хорио цээр тогтоох, хөдөлгөөнийг зохицуулах, хил залгаа нутагт оршин сууж буй иргэдийг мэдээллээр хангахыг Булган сумын Засаг дарга Х.Шынарбект даалгалаа.

    Малын гоц халдварт шүлхий өвчин гарсантай холбогдуулан Булган боомтыг тодорхой бус хугацаагаа хаах тухай шийдвэрийг Ховд аймгийн удирдлагууд гаргасан байна.

  • Гол мөрний мөс нимгэрч байгааг анхаарууллаа
    Гол мөрний мөс нимгэрч байгааг анхаарууллаа

    Манай орны гол мөрөн, нуурын мөсний зузаан өмнөх оны мөн үетэй харьцуулахад 10-50 см-ээр нимгэрсэн гэж ОБЕГ-аас мэдээллээ. Иймд иргэд гол мөрөн дээгүүр явганаар болон автомашин, техник хэрэгсэлтэйгээр явахгүй байхыг анхаарууллаа. Баталгаат зам, гүүрээр зорчин болзошгүй эрсдлээс урьдчилан сэргийлж, эрүүл мэндээ хамгаалан аюулгүй байдлаа хангахыг санууллаа.

  • Төрийн сангийн үйл ажиллагаанд дотоод хяналт хийх төлөвлөгөөг баталлаа
    Төрийн сангийн үйл ажиллагаанд дотоод хяналт хийх төлөвлөгөөг баталлаа

    “Төрийн сангийн үйл ажиллагаанд дотоод хяналт хийх журам” –ын 4 дүгээр зүйлийн 4.3 –т заасны дагуу аймгийн Засаг даргын 2015 оны А/98 тоот Захирамжаар 2015 онд сумдын төрийн сангийн үйл ажиллагаанд дотоод хяналт хийх төлөвлөгөөг баталлаа.


  • Аймгийн ЗДТГ-ын Санхүүгийн аудитын тайлан
    Аймгийн ЗДТГ-ын Санхүүгийн аудитын тайлан

    Төсвийн тухай хуулийн 8.9.1, Төрийн аудитын тухай хуулийн 15.2.1 дэх заалтыг үндэслэн Төрийн аудитын тухай хуулийн 18.2 дугаар зүйлд заасан Аймгийн аудитын газрын бүрэн эрхийн хүрээнд Баян-Өлгий аймгийн Аудитын газраас Аймгийн ЗДТГазрын 2014 оны 12 дугаар сарын 31 -ний өдрөөр дуусвар болсон жилийн эцсийн санхүүгийн тайланд /БӨЛ-2015/53-СТА-ТШЗ/ аудит хийлээ.

    Санхүүгийн аудитын тайлантай танилцах бол Татаж авах холбоос дээр дарна уу.

  • Тендерт оролцох сонирхолтой аж ахуй нэгжийн анхааралд
    Тендерт оролцох сонирхолтой аж ахуй нэгжийн анхааралд

    Тендерт оролцох сонирхолтой аж ахуй нэгжийн анхааралд: 2015 онд бараа, ажил, үйлчилгээ худалдан авалтыг 100% цахим хэлбэрээр тендер зарлах болсон тул WWW.MEPS.GOV.MN системд бүртгүүлж хувийн нууцлалын код авч цахим худалдан авалтанд оролцохыг урьж байна.

    Худалдан авах ажиллагааны алба 7042-7593

  • Засаг дарга “Малын гоц халдварт шүлхий өвчнөөс сэргийлэх, хамгаалах ажлыг эрчимжүүлэх” тухай албан даалгавар гаргалаа
    Засаг дарга “Малын гоц халдварт шүлхий өвчнөөс сэргийлэх, хамгаалах ажлыг эрчимжүүлэх” тухай албан даалгавар гаргалаа

    Ховд аймгийн Булган сумын Баянгол багийн нутаг “Доод нарийн” гэдэг газар малын гоц халдварт өвчний сэжиг илэрч, шинжилгээгээр шүлхий өвчин мөн болох нь тогтоогдсон билээ. Иймд малын гоц халдварт шүлхий өвчний халдвар тархах эрсдэл өндөр байгаа тул түүнээс сэргийлэх, хамгаалах ажлыг тасралтгүй зохион байгуулахтай холбогдуулан Аймгийн Онцгой комиссын дарга, Засаг дарга Х.Дармен 2015 оны 3 дугаар сарын 02-ны өдөр “Малын гоц халдварт шүлхий өвчнөөс сэргийлэх, хамгаалах ажлыг эрчимжүүлэх” тухай албан даалгавар гаргалаа.

    Албан даалгаварын хэрэгжилт, биелэлт болон орон нутгийн засаг захиргаа, мэргэжлийн байгууллагуудын ажлын явцад хяналт тавьж, үр дүнг аймгийн Онцгой комисс, аймгийн удирдлагад мэдээлж ажиллахыг аймгийн Онцгой байдлын хэлтэс /Ц.Баттулга/ -т даалгасан байна.

    Татаж авч танилцана уу.

  • Алтай таван богд
    Алтай таван богд

    Манай улсын хамгийн өндөр уул Алтай Таван Богд  Монголын хамгийн баруун цэг болох Баян-Өлгий аймгийн Улаанхус сумын нутагт оршдог. Сумын нутаг дэвсгэрийн 90 орчим хувь нь далайн түвшнээс 2500-3000 м өргөгдсөн мөнх цаст уул хадтай уулархаг нутаг юм.

    Манай оронд Таван Богд, Цамбагарав, Мөнххайрхан, Сутайхайрхан, Хархирааны цагаан дэглий зэрэг 5 оргил байдаг ба эдгээрийг нийтэд нь Монгол Алтайн Таван Богд гэж нэрлэдэг гэнэ.

    Алтайн Нуруу нь Монгол Улс ба ОХУ-ын Дорнод Сибирт орших нуруу юм. Өөрөөр хэлбэл  ОХУ, БНХАУ, БН Казахстан улс, Монгол улс буюу нийт 4 улсын нутгаар үргэлжилдэг  Азидаа томоохонд ордог нуруу юм. Энэхүү нурууны хамгийн өндөр оргил нь Белохово оргил ОХУ болон Казахстаны хил дээр оршдог байна. Белохово оргилын өндөр нь далайн түвшнээс 4506 метр.

    Алтайн нуруу нь үндсэндээ Белоховогаас эхлээд Баян-Өлгий, Ховд, Говь-Алтайн нутгийг дамжиж үргэлжилдэг.  Мөнх цасны доод хязгаар нь зүүн хэсгээрээ далайн түвшнээс дээш 1875 м, баруун хэсгийн хойд тал нь 2010 м, өмнөд тал бөгөөд мөнх цаст оргил олонтой. Алтайн нурууны Белохово оргилын дараагаар хоёр дахь өндөр оргил нь БНХАУ, Монгол 2 улсын хил дээр оршдог

    Алтай Таван Богд ууланд Хүйтэн, Найрамдал, Малчин, Бүргэд, Наран, Цагаан Суварга гэсэн 6 мөнх цаст оргилууд байдаг. Хүйтэний оргил нь Монгол нутгийн хамгийн өндөр цэг 4374 метр.

    Хүйтны оргил

    Алтай Таван Богдод  дэлхийд цөөхөн байдаг мөсөн гол буюу Монголын хамгийн том гурван мөсөн гол байдаг. Потаниний мөсөн гол, Александрын мөсөн гол, Гранегийн мөсөн гол. Тэрээр мөсөн голууд нээсэн хүний нэрээр тус тус нэрлэгджээ. Эдгээрээс хамгийн том нь Потаниний мөсөн гол. 20 км үргэлжилдэг ба нийт талбай нь 24 ам километр.

    Алтай Таван Богдын хамгийн нам цэг нь Хурган нуур /1800 метр/ юм.

    Хурган нуур

    Энэ бүс нутагт 1200 зүйлийн ургамал бүртгэгдсэнээс 131 зүйл нь модлог, сөөглөг ургамал,  889 зүйл нь өвслөг ургамал юм. Монгол Алтайн нурууны багахан хэсэг нь армаг тармаг шинэсэн ойтой.  Монголын Улаан номонд бүртгэгдсэн ирвэс, халиу, Алтайн аргаль, янгир, халиун буга бий. Нуур ус цөөрөм голуудад нь ус намгийн шувууд ихээр цугладаг. Уул хад ой модоор нь махчин шувууд болох ёл, тас, бүргэд, сар, шонхор шувууд байхаас гадна Алтайн хойлог, өгөөлэй шулганаа, борцгор хотон, гангар хун, хар өрөвтас, итэлгэн цахлай, хээрийн галуу зэрэг нэн ховор шувууд тохиолдоно. Голуудаар нь монгол хадран, алтайн сугас, нохой сугас гэдэг 3 зүйл маш элбэг байдаг.

  • ZTM компани “Монгол Улсын усны эрчим хүчний мастер төлөвлөгөө”-г боловсруулж дуусжээ
    ZTM компани “Монгол Улсын усны эрчим хүчний мастер төлөвлөгөө”-г боловсруулж дуусжээ

    Эрчим хүчний сайд Д.Зоригт Бүгд Найрамдах Турк Улсаас Монгол Улсад суугаа Онц бөгөөд бүрэн эрхт Элчин сайд Мурат Карагөзийг хүлээн авч уулзлаа.

    Хоёр орны Эдийн, засаг худалдааны засгийн газар хоорондын комисс 1994 онд байгуулагдсан бөгөөд хоёр тал хөдөө аж ахуй, барилга, байгаль орчин, жижиг дунд үйлдвэрлэл, аялал жуулчлал, эрчим хүч, уул уурхай, тээврийн салбарт хамтран ажиллах боломж өндөр байгаа юм.

    Эрчим хүчний сайд Д.Зоригт  “БНТУ нь сэргээгдэх эрчим хүчний үйлдвэрлэлийн хувьд асар их туршлагатай бөгөөд ялангуяа усан цахилгаан станцын чиглэлээр дэлхийд чансаагаараа дээгүүрт ордог. Иймд энэ техник технологийг Монголд нутагшуулах болон эрчим хүчний салбарын инженер, техникийн ажилтныг Туркэд сургах хүсэлтэй байна. Одоогийн байдлаар монголын эрчим хүчний салбарт идэвхитэй үйл ажиллагаа явуулж байгаа Туркийн хоёр компани байна. Нэг нь, "Айдинер Глобал" ХХК, нөгөө нь “ZTM” ХХК юм.   "Айдинер Глобал" ХХК-ийн хувьд 2009 оноос эхлэн Говьсүмбэр аймгийн Сүмбэр сумын нутагт салхин цахилгаан станц босгох төслийн талбайд салхины хэмжилтийн хоёр станцыг суурилуулан салхины нөөцийн судалгааг хийж ирсэн. Одоогийн байдлаар холбогдох зөвшөөрлүүдийг авч “Цахилгаан эрчим хүч худалдах-худалдан авах гэрээ”-г 2012 оны гуравдугаар сарын 1-ний өдөр байгуулж 2014 оны нэгдүгээр сарын 14-ний өдөр шинэчлэн баталсан загварын дагуу дахин байгуулсан.

    Монголын эрчим хүчний салбарт идэвхитэй үйл ажиллагаа явуулж байгаа Туркийн хоёр компани байна

    Одоогоор төсөлд хөрөнгө оруулах банк, санхүүгийн олон улсын байгууллагууд, салхин турбин үйлдвэрлэгч, нийлүүлэгч, барилга угсралт цахилгааны ажил гүйцэтгэх, тээвэр, даатгалын дотоодын компаниудтай яриа хэлэлцээрүүдийг хийж байна. Баруун гурван аймгийн усны эрчим хүчний нөөц бололцоог тодорхойлох, цаашид ашиглах чиглэлээр БНТУ-ын “ZTM” компани өөрийн хөрөнгө оруулалтаар Баян-Өлгий аймгийн Ногооннуур сумын нутаг дэвсгэрт “Тавалтайн хавцал” хэмээх газар усан цахилгаан станц барих ТЭЗҮ боловсруулаад байна. Энэхүү ТЭЗҮ-ээр Туркийн тал дэвшилтэд технологи ашиглан 88,7 МВт хүчин чадалтай УЦС-ыг байгуулах боломжтой гэж үзсэн. “ZTM” компани нь Баян-Өлгийн аймгийн Ховд гол дээр УЦС байгуулах ажлыг Монгол Улсын Концессын тухай хуулийн дагуу “Барих-ашиглах-шилжүүлэх” нөхцөлтэй гүйцэтгэх сонирхолтойгоо илэрхийлсэн байгаа. Энэ хоёр компанийн хийж хэрэгжүүлэх төсөлд ЭХЯ ихээхэн итгэл найдвар тавьж байна” гэв.

    “ZTM” компани нь Баян-Өлгийн аймгийн Ховд гол дээр УЦС байгуулах ажлыг Монгол Улсын Концессын тухай хуулийн дагуу байгуулна.

    Бүгд Найрамдах Турк Улсаас Монгол Улсад суугаа Онц бөгөөд бүрэн эрхэт Элчин сайд Мурат Карагөз хэлэхдээ “Элчин сайдын хувьд энэ хоёр төсөлд бид анхаарал тавьж ажиллана. Харин ЭХЯ-ны зүгээс дээрх хоёр компанийн тусгай зөвшөөрлийг сунгах гэх мэт тодорхой асуудлууд дээр туслалцаа үзүүлэхийг хүсч байна. Нэмж хэлэхэд  ZTM компани нь“Монгол Улсын усны эрчим хүчний мастер төлөвлөгөө”-г боловсруулж дуусаад саяхан ЭХЯ-д  хүлээлгэж өгсөн. Энэ төслийн хүрээнд Монгол Улсын 29 голын сав газарт судалгаа хийсэн байгаа. Үүнийг эрхэм сайд та анхааралтай судалж үзээрэй” гэв.

    Уулзалтад ЭХЯ-ны Стратегийн бодлого төлөвлөлтийн газрын дарга П.Товуудорж, Туркийн ЭСЯ-ны нэгдүгээр нарийн бичгийн дарга Тунжер Кыяк, нар оролцов.

    ZTM компани “Монгол Улсын усны эрчим хүчний мастер төлөвлөгөө”-г боловсруулж дууссан

    Mass.mn

  • Баян-Өлгий, Кош-Агач мужийн тамирчид уулзалт тэмцээн хийнэ
    Баян-Өлгий, Кош-Агач мужийн тамирчид уулзалт тэмцээн хийнэ

    Өнгөрсөн долоо хоногийн амралтын өдөр буюу хоёрдугаар сарын 28-нд Баян-Өлгий аймгийн Биеийн тамир, спортын газрын дарга Х.Хайнар ОХУ-ын Кош-Агач мужийн захирагчийн орлогч дарга Алексей Александрович Шонхоров, хурлын дэд дарга Аманжол тэргүүтэй албаны хүмүүсийг хүлээн авч уулзав.

    Энэ үеэр аймгийн Засаг дарга, Кош-Агач районы захирагч нарын хооронд байгуулсан Биеийн тамир спортын хамтын ажиллгааны гэрээний дагуу эхний ээлжинд бокс, жүдо бөх, шатар, ширээний теннис, волейбол зэрэг спортын төрлүүдээр 2015 оны гуравдугаар сарын 10-наас тавдугаар сарын 1-ний хооронд хоёр талын баг тамирчдыг хамтарсан бэлтгэл сургуулилтад хамруулж, уулзалт тэмцээн зохион явуулахаар тохиролцов.

  • Хүндийн өргөлтийн УАШТ-д амжилттай оролцлоо
    Хүндийн өргөлтийн УАШТ-д амжилттай оролцлоо

    Хүндийн өргөлтийн өсвөр үеийн 2015 оны УАШТэмцээн Улаанбаатар хотын Багануур дүүрэгт зохион явагдаж өндөрллөө.
    Уг тэмцээнд нийт 9 багийн 97 тамирчин өрсөлдсөн ба тус тэмцээнд аймгийн БТС-ын газрын хүндийн өргөлтийн дасгалжуулагч спортын мастер М.Талгат ахалсан 11 хүний бүрэлдхүүнтэй баг тамирчид амжилттай оролцлоо.

    - 44кг Т. Арай: огцом өргөлт 3-р байр, түлхэлттэй өргөлт 3-байр
    Нийлбэр дүнгээр 3-байр
    - 56кг Т. Ибраhим: Огцом өргөлт 3-р байр, түлхэлттэй өргөлт 3-байр
    Нийлбэр дүнгээр 3-байр
    - 62кг Ж.Еркинбек: огцом өргөлт 3-байр
    - 68 кг Д.Сабырбол түлхэлттэй өргөлтөөр 2-байр тус тус эзэллээ.

  • Тендерт оролцогч аж ахуйн нэгжүүдийн анхааралд
    Тендерт оролцогч аж ахуйн нэгжүүдийн анхааралд

    Төрийн худалдан авах  ажиллагааг удирдах нэгдсэн цахим систем шинчилэгдэж, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах үйл ажиллагааг 1ОО хувь цахим хэлбэрээр зохион байгуулахаар болсонтой холбогдуулан  Худалдан авах ажиллагааны газраас /УБ хотоос/ захиалагч байгууллага болон аж ахуйн нэгжүүдэд  сургалт хийхээр болсон  тул тендерт оролцогч байгууллагууд холбогдох ажилтнуудаа сургалтанд хугацаанд нь   хамруулахыг зөвлөж байна.

    Цахим системд бүртгүүлэх, хувийн нууцлалын /PKI/ код авах аж ахуйн нэгж байгууллагуудыг газар дээр нь бүргэж  цахим системд нэвтрэх эрх олгох болсон тул тендерт оролцогч байгууллагууд доорх хаягаар ирж сургалтын бүртгэлээ хийлгэнэ үү.

     

    Сургалт 2015 оны 03 сарын 12 ны өдрийн 13 цагт эхлэх тул хоцрохгүй байхыг  анхаарна уу.

     

    Бүртгэл 2015 оны 03 сарын 11-ний хүртэл явагдана.

     

    Худалдан авах ажиллагааны алба

    Аймгийн ЗДТГ-ын байр, 110 тоот

  • “Цагааннуур” чөлөөт бүсийн үйл ажиллагааг 4 дүгээр сард эхлүүлнэ
    “Цагааннуур” чөлөөт бүсийн үйл ажиллагааг 4 дүгээр сард эхлүүлнэ

    Өнөөдөр аймгийн Засаг даргын 2015 оны А/103 тоот Захирамжаар байгуулагдсан “Цагааннуур” чөлөөт бүсийн ажлыг эхлүүлэх, бэлтгэл ажлыг хангуулах тухай ажлын хэсгийн анхны хуралдаан боллоо.

    Уг ажлын хэсгийн хуралдаанд Аж үйлдвэрийн дэд сайд Х.Баделхан, аймгийн Засаг дарга Х.Дармен нар оролцож, ажлын хэсгийн мэдээллийг сонслоо.

    "Цагааннуур" чөлөөт бүсийн үйл ажиллагааг 2015 оны 4 дүгээр сард эхлүүлнэ.

    Улсын Их Хурлын 2005 оны 12-р сарын 01-ний өдрийн 74 дүгээр тогтоолоор “Цагааннуур” худалдааны чөлөөт бүс байгуулагдсан. “Цагааннуур” худалдааны чөлөөт бүс байгуулах гол зорилго нь татварын хөнгөлөлт, чөлөөлөлт олгох,  бүсэд ажиллах таатай нөхцөл бүрдүүлэх замаар гадаад,  дотоодын хөрөнгө оруулагчдыг ихээр татаж  худалдаа үйлдвэрлэл,  үйлчилгээний шинэ цогцолбор байгуулан ажилгүйдэл, ядуурлыг багасгаж Монгол Улсын Баруун бүсийн хөгжилд тодорхой түлхэц үзүүлэхэд оршиж байгаа билээ.

    Тус бүс нь Монгол Улсын баруун хойд хэсэгт Улаанбаатар хотоос 1700 км, Баян-Өлгий аймгийн төвөөс хойшоо 70 км, ОХУ-ын хилээс урагшаа 28 км-т буюу Евро-Азийг холбож буй АН-32 чиглэлийн авто замын дагуу оршдог бөгөөд  708,4 га талбайтай юм.

    Тэнд хуучин тогтолцооны үед Баруун 5 аймгийг ОХУ-ын импортын бүх төрлийн бараагаар хангаж тэдгээр аймгаас бэлтгэх мал болон малын гаралтай түүхий эдийг гадаадад экспортлох үүрэг бүхий дамжлага бааз байсан нь чөлөөт бүс байгуулах нэг үндэслэл болж байгаа юм.

    Тус чөлөөт бүсэд үйлдвэрлэл, худалдаа, үйлчилгээ, аялал жуулчлал, олон улсын банк, бооцоот тоглоомын төв барьж байгуулж ажиллуулах хүсэлтэй ОХУ, БНХАУ, БНКазУ-ын үйлдвэр, компанийн эзэд, бизнесменүүдийн уулзалт семинарыг 3-р сарын 12, 13-нд Өлгий хотод зохион байгуулна. 

    Аймгийн удирдлагуудын зүгээс дээрхи улсуудын муж, холбогдох байгууллагууд руу урилга, хөтөлбөрийн хамт хамтран ажиллах хүсэлтээ явуулсан юм.

  • Туркийн Засгийн газрын тэтгэлэг зарлагджээ
    Туркийн Засгийн газрын тэтгэлэг зарлагджээ

    Бүгд Найрамдах Турк Улсад бакалавр, дипломын дараах сургалтын тэтгэлэгт хөтөлбөрт хамрагдан суралцахыг хүсэж байгаа оюутнуудад тус улсын Засгийн газрын тэтгэлэг зарлагджээ.

    2015-2016 оны хичээлийн жилд БНТУ-ын Их, дээд сургуульд бакалавр болон дипломын дараах сургалтын (магистр, доктор) тэтгэлэгт хамрагдах хүсэлтэй иргэд 2015 оны гуравдугаар сарын 31-ийг хүртэл цахим хэлбэрээр "www.trscholarships.org" хаягаар бүртгүүлэх боломжтой юм байна. 

    БНТУ-ын Элчин сайдын яам 
    Утас: 315125  

  • Баян-Өлгий 60 орчим донортой
    Баян-Өлгий 60 орчим донортой

    Баян-Өлгий аймгийн ЗДТГ-ын албан хаагчид эрүүл мэндийн байгууллагад цуснаасаа нэгдсэн журмаар сайн дураараа өгч буян үйлдлээ.

    -Цусны нөөцийг нэмэгдүүлэх шаардлагатай болсон тул бид саяхан урьдчилан хэлэлцэж тохиролцсоны дагуу 340 дугаар цэргийн анги, «Суат» компанийн хамт олноос цус авсан. Өнгөрсөн жил өмнөх оныхоос 50 литр цусыг илүү авсан ч хүрэлцэхгүй байдаг. Жар хүртэлх насны, 45 кг-аас дээш биеийн жинтэй эрүүл хүнээс цусыг авдаг. Манайхан жар орчим донортой. Түүний 25 нь хүндэт донор. Нийтдээ 12 литр цус өгсөн хүн хүндэт донор өргөмжлөлтэй болдог бөгөөд тэдэнд түлээ түлшний хөнгөлөлт авах, улсын унаагаар хот дотор үнэгүй зорчих зэрэг олон төрлийн эрх эдлүүлдэг. Цус өгснөөс болоод эрүүл мэндэд ямарваа сөрөг нөлөө учирдаггүй. Энэ бол дээд зэргийн буянт үйлс юм гэж аймгийн улаан загалмайн холбооны мэргэжилтэн А.Асемгүл ярилаа.  

  • "Наурыз бике" сайысының бағдарламасы

  • ОЛОН УЛСЫН ҮЗЭСГЭЛЭН ХУДАЛДААНЫ ХӨТӨЛБӨР
    ОЛОН УЛСЫН ҮЗЭСГЭЛЭН ХУДАЛДААНЫ ХӨТӨЛБӨР

    БАТЛАВ: ЗОХИОН БАЙГУУЛАХ КОМИССЫН ДАРГА                         Н.САНАТБЕК

    ОЛОН УЛСЫН ҮЗЭСГЭЛЭН ХУДАЛДААНЫ ХӨТӨЛБӨР

    2015.03.16.

    Хугацаа

    Үйл ажиллагаа

    Хариуцах эзэн

    10:00-17:00

    Үзэсгэлэнд оролцогчдыг бүртгэж, мандат олгох

    Зохион байгуулах комисс

    12:00-14:00

    Талбай хуваарилах

    Зохион байгуулах комисс

    10:00-16:00

    Хуваарилж зассан талбайгаа тохижуулах, чимэглэх, бараа товаараа байршуулах

    Зохион байгуулах комисс

    16:00-17:00

    Зохион байгуулах комиссын хурал

    Зохион байгуулах комисс

    17:00-18:00

    Оролцогч компани, аж ахуйн нэгж, бизнесменүүдтэй танилцаж, санал бодлоо хуваалцах

    Зохион байгуулах комисс

    18:00-19:00

    Оройн хоол

    А.Байганат

    19:00

    Амрах

     

     

    2015.03.17.

    Хугацаа

    Үйл ажиллагаа

    Хариуцах эзэн

    10:00-11:00

    Нээлтийн ажиллагаа

    Зохион байгуулах комисс

    11:00-12:00

    Зочид төлөөлөгчид үзэсгэлэнтэй танилцах

    Зохион байгуулах комисс

    12:00-13:00

    Зохион байгуулах комиссын хурал

    Зохион байгуулах комисс

    13:00-14:00

    Үдийн хоол

    А.Байганат

    14:00-15:00

    Оролцогч компани, аж ахуйн нэгж, бизнесменүүдийн төлөөллүүдийг аймгийн удирдлага хүлээн авч уулзах

    Х.Өмирбек, Ш.Хайрат

    15:00-17:00

    Оролцогч компани аж ахуйн нэгж, бизнесменүүдийн төлөөллүүд ажил хэрэгч уулзалт хийх

    Оролцогчид

    15:00-17:00

    Орон нутгийн Музей үзэх

    А.Айшагүл

    16:00-18:00

    Шилдэг бүтээгдэхүүний шалгаруулалтанд оролцох материал хүлээн авах

    Зохион байгуулах комисс

    18:00-19:00

    Оройн хоол

    А.Байганат

    19:00-21:00

    Баян-Өлгий аймаг болон ОХУ-ын Коч Агач мужийн уран бүтээлчдийн хамтарсан урлагын концерт

    М.Ертай

    21:00

    Амрах

     

     

     

    2015.03.18.

    Хугацаа

    Үйл ажиллагаа

    Хариуцах эзэн

    10:00

    Үзэсгэлэнгийн үйл ажиллагааг эхлэх

    Оролцогчид

    11:00-12:00

    Зохион байгуулах комиссын хурал

     

    12:00-13:00

    Үдийн хоол

    А.Байганат

    13:00-14:00

    Хүүхдийн спортын их наадмын тэмцээн үзэх

    Х.Хайнар

    14:00-15:30

    Аймгийн бүтээн байгуулалт, эдийн засаг, хөгжлийн ерөнхий байдалтай танилцах

    Т.Манкей, А.Болатхан

    15:30-16:00

    Шилдэг бүтээгдэхүүний шагнал гардуулах

    Зохион байгуулах комисс

    16:00-17:00

    Хаалтын ажиллагаа

    Зохион байгуулах комисс

    17:00-19:00

    Хүндэтгэлийн зоог

    А.Байганат

    19:00

    Амрах

     

     

     

    2015.03.19.

    Хугацаа

    Үйл ажиллагаа

    Хариуцах эзэн

    10:00-17:00

    Үзэсгэлэнгийн үйл ажиллагаа үргэлжлэх, зохич төлөөлөгчдийг үдэж гаргах

    Зохион байгуулах комисс

     

    ЗОХИОН БАЙГУУЛАХ КОМИСС

  • The 2015 Mongolia-Russia-China Trade Fair to take place in Ulgii Sum of Bayan-Ulgii Aimag
    The 2015 Mongolia-Russia-China Trade Fair to take place in Ulgii Sum of Bayan-Ulgii Aimag

    On March 16-18, 2015, the Mongolia-Russia-China Trade Fair of three neighboring countries was announced to be organized in center of Bayan-Ulgii Aimag, Ulgii Sum.

    In the frameworks to develop the trilateral economic partnership and to boost the inter-border collaboration, entrepreneurs from Russia’s Altai Republic and Altay Prefecture of the Xinjiang Uyghur Autonomous Region, PR of China will be gathering at the Jana-Olke indoor trading center organized by Governing Administration of Bayan-Ulgii Aimag.

    Such trilateral business event has been organized annually in each territory and the last Mongolia-Russia-China Fair Trade was held at the International Convention and Exhibition Center in Manzhouli city of Inner Mongolia, China in August 2014.

  • УИХ-ын гишүүд Баян-Өлгий аймагт ажиллав
    УИХ-ын гишүүд Баян-Өлгий аймагт ажиллав

    Намрын чуулганы завсарлагаагаар УИХ-ын гишүүн, ТББХ-ны дарга А.Бакей, УИХ-ын гишүүн, УИХ-ын Тусгай хяналтын дэд хорооны дарга Г.Батхүү, Зам тээврийн дэд сайд Х.Ержан нар Баян-Өлгий аймагт ажиллав.

    УИХ-ын гишүүн, ТББХ-ны дарга А.Бакей тус аймгийн Улаанхус, Сагсай, Цэнгэл, Ногооннуур сум болон Цагааннуур тосгонд ажиллаж, ард иргэдтэй уулзалт хийсэн бол УИХ-ын гишүүн, УИХ-ын Тусгай хяналтын дэд хорооны дарга Г.Батхүүтэй хамт Толбо, аймгийн төв болон Өлгий сумын ард иргэдтэй уулзлаа.

    Гишүүд уулзалтын үеэр УИХ-ын намрын чуулганд хийж амжуулсан ажлуудыг товч тайлагнаж, улс орны нийгэм эдийн засгийн байдал, эдийн засгийн хүндрэлийн даван туулах чиглэлээр авч буй арга хэмжээнүүдийн тухай, мөн их эвслийн Засгийн газар байгуулах болсон шалтгааны талаар иргэдийн тавьсан асуултанд хариулт өглөө.

  • Аймгийн аварга өсвөрийн жүдочид тодров
    Аймгийн аварга өсвөрийн жүдочид тодров

    Баян-Өлгий аймгийн жүдо бөхийн өсвөр үеийн аймгийн аварга шалгаруулах тэмцээн олон жилийн тасралтаас хойш 2015 оны 03-сарын 07, 08-ны өдрүүдэд аймгийн БТС-ын газрын Спорт цогцолборт амжилттай зохион явагдав.   

    Эрэгтэй эмэгтэй 18 жинд нийт  10 багийн  150 гаруй тамирчин оролцсон уг тэмцээнд Аймгийн төвийн ЕБСургуулиуд болон Толбо, Алтанцөгц, Цэнгэл, Ногооннуур, Буянт зэрэг сумуудаас гадна Цагааннуур тосгон тамирчдаа идэвхтэй оролцууллаа.

    БТС-ын Газрын зүгээс Олимп, Дэлхийн аваргатай Монгол улсын топ спортын төрөл болох уг спортыг манай аймагт хөгжүүлэх бодлого барьж байна.  Энэ жилийн 4-сарын 20-21-нд манай аймагт анх удаа зохиогдох Баруун бүсийн өсвөр үеийн жүдо бөхийн аварга шалгаруулах тэмцээнд аймагаа төлөөлөх тамирчдыг энэхүү тэмцээнээс сонгон шалгаруулж шигшээ баг бүрдүүлэх юм.

    Мөн уг тэмцээнд 1-р байранд шалгарсан тамирчдыг ОХУ-ын Кош-Агач районы тамирчидтай 03-сарын 11-16ны хооронд хамтарсан бэлтгэлд хамрагдах юм.     

    Тэмцээний дүн:

     Эрэгтэй

                   27 кг

    1-р байр   С.Есенжан /БТСГ/

    2-р байр   Ш.Айдос /Цэнгэл сум/

    3-р байр   Е.Нурали /Цэнгэл сум/

    3-р байр   Ө.Тилектес /Цэнгэл сум/

                    30 кг

    1-р байр   Б.Сүхбат /Алтанцөгц сум/

    2-р байр   Б.Бат-Амгалан /2-р сургууль/

    3-р байр   Е.Айдос  /Толбо сум/

    3-р байр   Б.Нурсолтан  /Алтанцөгц сум/

                   34 кг

    1-р байр    О.Энхтүвшин /2-р сургууль/

    2-р байр    Н.Самалбек  /Цэнгэл сум/

    3-р байр    Х.Ерасыл  /Цэнгэл сум/

    3-р байр    С.Ахжол /Алтанцөгц сум/

                             38 кг

    1-р байр    У.Нурмухамет /Алтанцөгц сум/

    2-р байр    Б.Нуржол /Алтанцөгц сум/

    3-р байр    А.Алтантулга /2-р сургууль/

    3-р байр    Б.Имангали /2-р сургууль/

                    42 кг 

    1-р байр   Б.Ахжол /Алтанцөгц сум/

    2-р байр   Ш.Ганчөдөр /Цэнгэл сум/

    3-р байр   А.Айган /Цэнгэл сум/

    3-р байр   М.Амангелди /БТСГ/              

                        46 кг

    1-р байр   Б.Аманжол /Алтанцөгц сум/

    2-р байр   Т.Нурлыбек /Алтанцөгц сум/

    3-р байр   У.Жанболат /Алтанцөгц/

    3-р байр   М.Алтанбек /БТСГ/

                    50 кг

    1-р байр    А.Ардабек /2-р сургууль/

    2-р байр    Г.Галбадрах /2-р сургууль/

    3-р байр    А.Аблайхан  /Цагааннуур сум/

    3-р байр    Б.Булганхүү /Цэнгэл сум/

                    55 кг

    1-р байр    Ш.Серикбол /2-р сургууль/

    2-р байр    М.Серикбол /БТСГ/

    3-р байр    Ш.Жанболат /Алтанцөгц сум/

    3-р байр    С.Серикжан /Алтанцөгц сум/

                     60 кг

    1-р байр     Б.Ганбаяр /Буянт сум/

    2-р байр     Х.Жархынбек /БТСГ/

    3-р байр     Б.Ерхулан /Ногооннуур сум/

    3-р байр     Х.Еркебулан /БТСГ/

                  66 кг

    1-р байр     Х.Жанибек /БТСГ/

    2-р байр     С.Цагаанбамбар /2-р сургууль/

    3-р байр     Н.Жадигер /Цэнгэл сум/

    3-р байр     А.Багжан  /БТСГ/

                   -73 кг

    1-р байр        А.Тойлатхан /Толбо сум/

    2-р байр        А.Оразахын /БТСГ/

    3-р байр        С.Турар /Алтанцөгц сум/

    3-р байр        М.Дулат /Цэнгэл сум/                 

                  +73 кг

    1-р байр       С.Сүйениш /Цэнгэл сум/

    2-р байр       А.Досболат /Алтанцөгц сум/

    3-р байр       н.Серикжан /2-р сургууль/

    3-р байр       Б.Багабанди /2-р сургууль/

    Эмэгтэй

                       40 кг

    1-р байр       Л.Балжинням /2-р сургууль/

    2-р байр       Х.Алия /Цагааннуур сум/

    3-р байр       С.Лашын /Алтанцөгц сум/

    3-р байр       Х.Нурбота  /Алтанцөгц сум/

                       44 кг

    1-р байр       Т.Нандин-Эрдэнэ /Цэнгэл сум/

    2-р байр       Б.Отгончимэг /2-р сургууль/

    3-р байр      А. Ариунзаяа /2-р сургууль/

    3-р байр       С.Мөлдир /Алтанцөгц сум/

                       48 кг

    1-р байр       Б.Саруулзаяа /2-р сургууль/

    2-р байр       Ш.Нургүл /Цагааннуур сум/

    3-р байр       Айтолхын /2-р сургууль/

    3-р байр       А.Янгирмаа /Цэнгэл сум/

                       52 кг

    1-р байр      Р.Алтансолонго /2-р сургууль/

    2-р байр      Р.Байгалмаа /2-р сургууль/

    3-р байр      Т.Алтанцэцэг /Цэнгэл/

    3-р байр      А.Серикгүл  /Алтанцөгц/

                        57 кг

    1-р байр      Р.Амраа /2-р сургууль/

    2-р байр      М.Ууганзаяа /2-р сургууль/

    3-р байр      Х.Динасыл /Цэнгэл сум/                

                     63 кг

    1-р байр      Ж.Айсынбат /Цэнгэл сум/

    2-р байр     Т.Еркегүл /Алтанцөгц сум/

    3-р байр     Д.Еркингүл /Ногооннуур сум/

    3-р байр     Ц.Пүрэвтогтох /2-р сургууль/ нар тус тус шалгарав.

    Багийн дүнгээр:

    М.Төртулга багштай 2-р бүрэн дунд сургууль 1-р байр

    М.Өмирхан багштай Алтанцөгц сумын сургууль 2-р байр

    А.Ташкен багштай Цэнгэл сумын сургууль 3-р байранд тус тус шалгарч, өргөмжлөл, алт, мөнгө, хүрэл медаль, “Цом”-оор шагнуулав.

  • Цахим тендерийн сургалт зохион байгуулав
    Цахим тендерийн сургалт зохион байгуулав

    2015/03/12. Монгол Улсын Засгийн газрын хэрэгжүүлэгч агентлаг Худалдан авах ажиллагааны газраас өгсөн чиглэлийн дагуу аймгуудын Худалдан авах ажиллагааны албад 2015 онд зохион байгуулах нийт төсөл, арга хэмжээний худалдан авах ажиллагааг 100 хувь цахим хэлбэрээр зохион байгуулах үүрэг хүлээсэн билээ.

     

    Иймд аймгийнхаа аж ахуйн нэгжүүдийн цахим тендерт оролцох боломжыг хангах үүднээс цахим тендерийн системд бүртэх /meps.gov.mn/,тендерт оролцох сонирхолтой аж ахуйн нэгжүүдэд цахим системийг ашиглан тендерт амжилттай оролцох талаар сургалт амжилттай зохион байгууллаа.

    Тус сургалтыг Худалдан авах ажиллагааны газрын мэдээллийн технологи, инновацийн хэлтсийн дарга Д.Лхамсүрэн чиглүүлэн зохион байгуулав. Сургалтад аймаг, сумдаас нийт 37 компаний төлөөлөл оролцсон бөгөөд зохих материалуудаа ирүүлсэн компаниудыг газар дээр нь цахим тендерийн системд бүртэж, 32 аж ахуйн нэгжид уг цахим системд бүртгэлээ цаашаа үргэлжлүүлэн хийлгэхэд шаардлагатай“Тандах дугаар” болон ”Зөвшөөрлийн код” олголоо. Эдгээр компаниуд цаашдаа аймгийн Худалдан авах ажиллагааны албаны 110 тоот өоөөнд ирж, бүртгэлийнхээ үлдсэн хэсгийг хийлгэж улмаар meps.gov.mnцахим тендерийн системд нэвтрэх хувийн нууцлалын кодоо авахаар боллоо.

  • "Татвар төлөгч танд баярлалаа" сэдэвт зохион бичлэгийн уралдаан зарлаж байна

    Татварын ерөнхий газраас "Монголын татвар төлөгчдийн өдрүүд"-ийг угтаж орон даяар "Татвар төлөгч танд баярлалаа" сэдэвт зохион бичлэгийн уралдааныг 2015 оны 3 сарын 3-ны өдрөөс 4 сарын 24-ний өдрийг дуустал хугацаанд ерөнхий боловсролын сургуулийн сурагчдын дунд зарлаж байна.

    Болзлыг хавсралт файлаас татаж авна уу.

  • К.Кобландин: Монголд амьдарч байгаа Казахстан Улсын иргэд Ерөнхийлөгчийн сонгуульд оролцох бүрэн эрхтэй
    К.Кобландин: Монголд амьдарч байгаа Казахстан Улсын иргэд Ерөнхийлөгчийн сонгуульд оролцох бүрэн эрхтэй

    2015 оны 3-р сарын 16-ны өдөр Бүгд Найрамдах Казахстан Улсаас Монгол Улсад суугаа Элчин сайд К.Кобландин Монголын ХМХ-ийн төлөөлөгчидэд хэвлэлийн бага хурал зохион байгуулав.

    Сэтгүүлчдийн өмнө хэлсэн үгэндээ, Элчин сайд К.Кобландин 2015 оны 2-р сарын 25-ны өдрийн БНКазУ-ын Ерөнхийлөгчийн зарлигын дагуу, Казахстанд энэ оны 4-р сарын 26-нд ээлжит бус ерөнхийлөгчийн сонгууль болох тухай мэдээллээ.

    Ээлжит бус Ерөнхийлөгчийн сонгууль явагдах болсон шалтгааны тухай, тус улсын диломат төлөөлөгчийн газрын тэргүүн тайлбарлахдаа, уг шийдвэрийг дэлхийн санхүү-эдийн засгийн хямралаас урьдчилан сэргийлэх, дэлхий нийтийн аюулгүй байдлын салбар дахь байдалыг харгалзан үзэж, мөн өмнөө тавьсан зорилтуудынхаа биелэлтийн үргэлжэлийг хангах үүднээс гаргасан хэмээсэн юм.

    Тодруулбал, «Нурлы жол» шинэ эдийн засгийн хөтөлбөр, «Казакстан 2050» болон дэлхийн хөгжингүй  30  улсын эгнээнд ороход идэвхитэй ажил хэрэг шаардагдах тухай ярьсан юм.

    Түүнчлэн, 2016 онд 2 сонгууль давхацахтай холбогдуулан, Үндсэн хуулийн нормуудыг үг бүрчлэн биелүүлэх зорилгоор тус сонгуулиудыг 2 өөр хугацаанд явуулахыг зөв хэмээн шийдвэрлэсэн тухай дурьдлаа.

    Улс төрийн арга хэмжээний зохион байгуулагдах аспектүүдийг цохон тэмдэглэж, К.Кобландин сонгуулийн ажлыг дэд зэргийн ардчиллын хэм хэмжээний дагуу зохион явуулахад казахстаны тал шаардлагатай бүх ажлыг хийхийг мэдээллээ.   

    Элчин сайд сонгуулийн өдөр тус улсад түр оршин суугаа Казахстаны иргэдэд санал өгөх боломжыг олгохоор Монгол Улсад суугаа Казахстан Улсын Элчин сайдын яаманд сонгуулийн хэсэг ажиллахыг мэдэгдлээ.  

    Өнөөдрийн байдлаар төрийн тэргүүний суудалд нэр дэвшигчид  (3-р сарын 16-ны байдлаар 27 хүн) дундаас, БНКазУ-ын Ерөнхийлөгч Н.Назарбаев, «Оюунлаг нийгмийн ертөнц» сангийн ерөнхийлөгч Лимана Койшиева, Коммунист ардын намын төв хорооны Нарийн бичгийн дарга Тургын Сыздыков, бие даан нэр дэвшигч Канат Турагелдиев болон А.Кусайнов нар нь БНКазУ-ын Үндсэн хуулийн шаардлагад нийцсэн байна. Бусад нэр дэвшигчдийн БНКазУ-ын Үндсэн хуулийн  болон сонгуулийн тухай хуульд нийцэх эсэхийг шалгах ажил үргэлжилж байна.

    Тус улсын одоогийн Төрийн тэргүүн нь хагас сая дэмжигчийн гарын үсгийг цуглуулаад байгаа юм байна.

    Хэвлэлийн бага хурлын төгсгөлд, Элчин сайд К.Кобландин  тус сонгуулийн ажлын үр дүнг үл харгалзан, Казахстан Монголын хоорондын одоогийн олон талт харилцаа холбоо ирээдүйд ч мөн адил өргөжин, хөгжинө гэдэгт итгэлтэй байгаагаа илэрхийллээ. Түүний бодлоор өнөөдрийн Казахстан болон Монгол хороондын хамтын ажиллагаа нь маш өргөн цар хүрээтэй юм.

        БНКазУ-аас Монгол Улсад суугаа

    Элчин сайдын яам

  • Чөлөөт бүсийн чөдрийг тайлах эрэлд
    Чөлөөт бүсийн чөдрийг тайлах эрэлд

    Баян-Өлгий аймгийн Засаг дарга Цагааннуурын боомтод орлогч Н.Санатбекээр ахлуулсан ажлын хэсэг томилон ажиллуулж эхлэв.

    Олон жилийн улиг домог болсон Цагааннуур дахь худалдааны чөлөөт бүсийг амилуулахын төлөө уг бүсийн захиргааны алба хичээн зүтгэж байна.  Мөн энд УИХ-ын гишүүд очиж ажил байдалтай нь танилцлаа. Улс орны эдийн засгийн байдал хүндрэлтэй өнөөгийн нөхцөлд уг бүсийг ямар ч гэсэн ашиглалтанд оруулах янз бүрийн санаачилга дэвшигдэн хэрэгжээд эхэлжээ.

    Чөлөөт бүсийн нутаг дэвсгэрээс эзэмшлийн газар олгоход анхаарал тавигдаж байна. Ингэхдээ бизнесийн төсөл, дуудлагын худалдаа гэсэн аргуудыг хэрэглэж байна. Эндээс гадаад, дотоодын ямар ч хүн газар авах, хөрөнгө оруулалт хийх, үйлдвэр, үйлчилгээ эрхлэх боломжтой болж байгаа тухай тус захиргааны дарга С.Асылхан ярилаа.

  • Цагааннуур чөлөөт бүсийн асуудлаар уулзалт зохион байгууллаа
    Цагааннуур чөлөөт бүсийн асуудлаар уулзалт зохион байгууллаа

    Цагааннуур чөлөөт бүсийн үйл ажиллагааг эхлүүлэхээр ажиллаж байна. Энэ бүсэд хөрөнгө оруулах сонирхолтой ОХУ, БНХАУ-ын бизнесменүүд Өлгий хотноо хүрэлцэн ирээд аймгийн удирдлагатай уулзсаныхаа дараа нийслэл Улаанбаатарыг зорилоо.

    Тэд Аж үйлдвэрийн яаман дээр цугларч хэрхэн ажиллахаа хэлэлцэн тохиролцох юм байна.

    Энд ажил үйлчилгээ эрхлэн явуулах арван таван бизнес төлөвлөгөө бэлэн боллоо. Гадны хөрөнгө оруулагчидтайгаа яаман дээр жич яригдахаар болсон. Уг бүсэд зөвхөн чөлөөт худалдаа явуулах төдийгүй үйлдвэрлэл эрхлэн хөгжүүлэх, аялал жуулчлал зэрэг олон төрлийн ажил зохион байгуулагдахаар болсон тухай бүсийн захирагчийн албанаас мэдээллээ.

  • «НИЙГЭМ, ЭДИЙН ЗАСГИЙН ХӨГЖИЛ-2016» ФОРУМ.
    «НИЙГЭМ, ЭДИЙН ЗАСГИЙН ХӨГЖИЛ-2016» ФОРУМ.

  • "Наурыз" баярын үйл ажиллагааны нэгдсэн хөтөлбөр

  • Аймгийн Мэргэжлийн хяналтын газрын мэдээ
    Аймгийн Мэргэжлийн хяналтын газрын мэдээ

  • Засгийн газрын Хэрэг эрхлэх газрын дарга С.Баярцогт Баян-Өлгий аймагт ажиллаж, Наурызын баярт оролцлоо
    Засгийн газрын Хэрэг эрхлэх газрын дарга С.Баярцогт Баян-Өлгий аймагт ажиллаж, Наурызын баярт оролцлоо

    Жил бүрийн гуравдугаар сарын 22, өдөр, шөнө тэнцдэг энэ өдрөөр казах түмэн Нарны баяраа тэмдэглэдэг.  Уулзан учирч, ёс заншлаа хэлэлцэж, өвгөд хөгшдөө хүндлэн ёс уламжлалаа дээдэлсэн энэ баяраа казах түмэн өргөн дэлгэр тэмдэглэлээ.

    Баян-Өлгий аймагт болсон баярын арга хэмжээнд Монгол Улсын сайд, Засгийн газрын Хэрэг эрхлэх газрын дарга С.Баярцогт оролцлоо.

    Ёс заншил, уламжлал соёлоо баяжуулан хөгжүүлж, хадгалж ирснийг бататган Наурызын баярыг ЮНЕСКО биет бус соёлын үнэт өвд бүртгэж, жил бүрийн гуравдугаар сард олон улсын Наурызын баярыг тэмдэглэхийг зарласан байдаг.

    Казах зон олныхоо уламжлалт баярт оролцож буйдаа сэтгэл хангалуун байгаагаа Засгийн газрын Хэрэг эрхлэх газрын дарга С.Баярцогт илэрхийлээд Монгол Улсын Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Ч.Сайханбилэг нарын чин сэтгэлийн халуун мэндчилгээг Монгол Улс даяар оршин суугаа казах түмэнд уламжиллаа.

    Баян-Өлгий аймаг эдийн засгийн хөгжлийн хувьд баруун бүс нутагтаа чухал байр суурь эзэлдэг. Ялангуяа, мал аж ахуй, ахуй үйлчилгээний салбарт ахиц гарч, жижиг дунд үйлдвэрлэл, худалдаа үйлчилгээний чиглэлд амжилттай ажиллаж байна.

    Эдийн засаг, нийгмийн сүүлийн дөрвөн жилийн үр дүнг харвал аж үйлдвэрийн бүтээгдэхүүний борлуулалт 2 дахин, барилга угсралтын ажил 3 дахин нэмэгдэж, мал сүргийн тоо толгой 600 мянга гаруйгаар өслөө. Орон нутгийн төсвийн орлого тогтмол өсч байна зэрэг өлгийчүүдийн орон нутгаа хөгжүүлэхийн төлөөх хөдөлмөрийн амжилтаар бахархаж байгаагаа С.Баярцогт дарга онцоллоо.

    Энэ өдөр Баян-Өлгий аймагт “Алтайн бүс нутаг дахь казахуудын хөгжлийн өнөөгийн байдал, хэтийн чиг хандлага” сэдэвт олон улсын эрдэм шинжилгээний бага хурал, ОХУ-тай хамтарсан яармаг худалдаа, үндэсний бөхийн барилдаан, хурдан морины уралдаан зэрэг олон арга хэмжээ зохион байгуулжээ -гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

  • Польш, Болгар, Казахстан, Унгар улсад тэтгэлгээр суралцуулах сонгон шалгаруулалт зарлагдлаа
    Польш, Болгар, Казахстан, Унгар улсад тэтгэлгээр суралцуулах сонгон шалгаруулалт зарлагдлаа

    Хоёр улсын Засгийн газар хоорондын гэрээ, хэлэлцээрийн дагуу 2015-2016 оны хичээлийн жилд:

    1. Бүгд Найрамдах Польш Улсад

    20 иргэнийг бакалаврт (уул уурхайн инженер-2, эрчим хүчний инженер-2, барилгын инженер-2, зам тээврийн инженер-2, мэдээллийн технологийн инженер-2, нанотехнологи-1, биотехнологи-1, байгаль орчны хамгаалал-1, сэргээгдэх эрчим хүчний инженер-1, тусгай хэрэгцээт боловсрол-2, сургуулийн өмнөх бага боловсролын арга зүй-2, соёлын өвийн сэргээн засварлалт-2, польш хэл судлаач-2), мөн 3 иргэнийг докторантурт (анагаах ухаан болон соёл, урлагаас бусад чиглэлээр);  

    2. Унгар Улсaд

    14 иргэнийг бакалаврт (хөдөө аж ахуй-2, усны менежмент-1, уул уурхай-2, хүнс, хөнгөн үйлдвэрлэлийн инженер-5, хөгжлийн бэрхшээлтэй хүүхдийн тусгай мэргэжил-2, анагаах ухаан-1, нанотехнологи-1);   

    3. Бүгд Найрамдах Болгар Улсад

    Нэг иргэнийг бакалаврт (эрүүл мэнд, анагаах ухаан, соёлоос бусад чиглэлээр) тус тус суралцуулна.    

    4. Бүгд Найрамдах Казахстан Улсад

    Хоёр иргэнийг бакалаврт (хөдөө аж ахуй-1, уул уурхайн инженер-1), 2 иргэнийг магистрантурт (уул уурхай-1, зам тээвэр-1), 1 иргэнийг докторантурт (хөдөө аж ахуй) суралцуулна.  

    Тавигдах шаардлага, бүртгэл: 

    • Бакалаврт

    Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид дээрх мэргэжлийн чиглэлээр 3.0-аас дээш голч дүнтэй суралцаж байгаа 21 хүртэлх насны Монгол Улсын иргэн байна. Бүртгэлийг их, дээд сургуулиудийн сургалтын алба хариуцан хийнэ.

    Их сургууль  нэг хуваарь дээр зургаа хүртэл, дээд сургууль, коллеж гурав хүртэл оюутныг урьдчилан шалгаруулж, шалгалтанд орох оюутны нэрсийг сургуулийн захирлын албан бичгээр оюутан тус бүрийн шалгалтын хураамж 10000 төгрөгийн хамт 2015 оны гуравдугаар сарын 31-ний өдрийн 14.00-17.00 цагийн хооронд Боловсрол, соёл, шинжлэх ухааны яамны Дээд боловсролын хэлтэст ирүүлнэ үү.  

    • Магистрантур, докторантурт

    Магистрантур, докторантурт суралцахыг хүсэгчид нь бакалавр, магистрын зэрэгтэй, 3,0-аас доошгүй голч дүнтэй эрдэм шинжилгээний ажлын туршлагатай 40 хүртэлх насны Монгол Улсын иргэн байна.

    Магистрантур, докторантурын сонгон шалгаруулалтын бүртгэл 2015 оны гуравдугаар сарын 29-ний өдрийн 10.00-17.00 цагуудад Хүмүүнлэгийн ухааны их сургуулийн хичээлийн хоёрдугаар байрны нэг давхрын 102 тоот өрөөнд явагдана.     
     

    Бүрдүүлэх баримт бичгийн жагсаалт: 

     
    1.    Анкет
    2.    Иргэний үнэмлэх, нотариатаар баталгаажуулсан хуулбар 
    3.    Хамгийн сүүлд ажиллаж буй байгууллагын ажил, зан байдлын дэлгэрэнгүй тодорхойлолт 
    4.    Дээд боловсролын зэргийн дипломууд, тэдгээрийн дүнгийн жагсаалтын нотариатаар баталгаажуулсан хуулбар
    5.    Эрдэм шинжилгээний бүтээлийн жагсаалт 
    6.    Англи хэлний мэдлэгийг батлах гэрчилгээ, сертификат 
    7.    Шалгалтын хураамж 15000 төгрөг

    Сонгон шалгаруулалт: 

    • Бакалавр 

    Бакалаврын сонгон шалгаруулалтыг бичгийн шалгалт болон ярилцлага гэсэн үе шаттай зохион байгуулна. Бакалаврын сургалтад бүртгүүлэгч мэргэжлийн болон англи хэлний тестийн шалгалт өгнө. Бичгийн шалгалтад 60-аас дээш оноо авч, хураангуй жагсаалтад орсон иргэдтэй ярилцлага хийнэ.

     Мэргэжлийн чиглэл Шалгалт
    1 Уул уурхай, Эрчим хүч, Барилга, Зам тээвэр, Сэргээгдэх эрчим хүч, Байгаль орчны  хамгаалал, Мэдээллийн технологи, Нанотехнологи болон хүнс, хөнгөн үйлдвэрлэлийн инженер  Математик, англи хэл
    2 Биотехнологи, Хими технологи, Хөдөө аж ахуй, Усны менежмент, Соёлын өвийн  сэргээн засварлалт Хими, англи хэл
    3 Тусгай хэрэгцээт боловсрол, Сургуулийн өмнөх бага боловсролын арга зүй, Польш хэл судлал Англи хэл

    Бичгийн шалгалтыг 2015 оны дөрөвдүгээр сарын 3-ны өдрийн 10.00 цагт МУИС-ийн хичээлийн II дугаар байрны өргөтгөлийн 2, 3 давхрын уншлагын танхимд зохион байгуулна.  Бичгийн шалгалтад иргэний үнэмлэхгүй шалгуулагчийг оруулахгүй. Бичгийн шалгалтын дүн, ярилцлагын цагийн хуваарийг 2015 оны дөрөвдүгээр сарын 6-ны өдрийн 17.00 цагт Боловсрол, соёл, шинжлэх ухааны яамны цахим хуудасны нүүр хуудсан дахь "гадаадад суралцагч" цэсэнд мэдээлнэ.  

    • Магистрантур, докторантур

    Магистрантур, докторантурт суралцахаар шалгуулагчдын сонгон шалгаруулалтыг баримт бичигт үнэлгээ өгөх, ярилцлага хийх хэлбэрээр зохион байгуулна. Баримт бичгийн үнэлгээний дүн болон үнэлгээгээр хураангуй жагсаалтад орсон иргэдийн ярилцлагын цагийн хуваарийг 2015 оны дөрөвдүгээр сарын 6-ны өдрийн 17.00 цагт Боловсрол, Соёл, Шинжлэх ухааны яамны цахим хуудасны нүүр хуудас дахь "гадаадад суралцагч" цэсэнд мэдээлнэ.   

    Боловсрол, Соёл, Шинжлэх Ухааны яамнаас сонгон шалгаруулалтад тэнцсэн иргэдийг тухайн орны Засгийн газрын тэтгэлгээр суралцуулахаар нэр дэвшүүлнэ.

    Хүлээн авах тал тухайн нэр дэвшигчийг суралцуулах тухай эцсийн шийдвэрийг гаргана. Засгийн газрын тэтгэлэгт сургалтын төлбөр ба амьжиргааны тэтгэлэг багтана. Бусад зардал (замын зардал, эрүүл мэндийн даатгал гэх мэт)-ыг суралцагч өөрөө хариуцна. 

  • ЗАРЛАЛ
    ЗАРЛАЛ

     

    Цахим системээр зарлагдаж буй харьцуулалтын аргын тендерт тухайн тендерт оролцох компаний нэр заах шаардлагатай байдаг тул компанийхаа нэрийг заалгахын тулд урьдчилан тухайн тендерийн урилгыг хариуцсан мэргэжилтэнтэй холбоо барина уу /ажлын цагаар/.

    Аж ахуйн нэгжүүдийн дунд тендерээ илгээх, холбогдох төлбөрөө төлөхтэй холбоотой асуудал гарсаар байгаа тул тендерээ тендер хүлээн авах эцсийн хугацаанаас аль болох эртхэн / ядаж 1 хоногийн өмнө/ илгээж амжсан байхыг зөвлөж байна.

    БӨ аймгийн Худалдан авах ажиллагааны алба

    70427593,70423111

  • Хээлтэгчийн тал хувь нь төллөжээ
    Хээлтэгчийн тал хувь нь төллөжээ

    Баян-Өлгий аймгийн үйлдвэр, хөдөө аж ахуйн газраас авсан мэдээгээр төллөвөл зохих эх малын тавь орчим хувь нь төллөж 350 мянга орчим төл хүлээн авч, гарсан төлийн мэнд бойжилт 99 хувьтай байна.

    Таван хошуу мал дундаас ишигнийх нь тоо 176 мянга дөхсөн ямаа манлайлж, дараачийн байрыг 162 мянган хургатай хонь, 3700 тугалтай үнээ эзлэн, ингэ, гүү дөнгөж төллөөд байна. Том малын зүй бусын хорогдол өмнөх онуудын мөн үеийнхээс бага буюу 1600 гаруйхан толгой байгаа нь мал сүрэг урьд оныхоос ч ахиу өсөх магадлалтайг харуулж байна.   

    Дашрамд дурдахад Өлгий хотод өчигдөр хаврын анхны бороо орлоо.

  • Марш тактик, тусгай бэлтгэлийн аварга тасаг шалгаруулах тэмцээн зохион байгууллаа
    Марш тактик, тусгай бэлтгэлийн аварга тасаг шалгаруулах тэмцээн зохион байгууллаа

    “Монгол цэргийн өдөр” Зэвсэгт хүчний 94-жилийн ойн арга хэмжээг аймгийн Засаг даргын баталсан баяр тэмдэглэн өнгөрүүлэх удирдамжийн дагуу 3 дугаар сарын 14,15,16-ны өдрүүдэд аймгийн хэмжээнд зохион байгууллаа. Аймгийн нутаг дэвсгэрт үйл ажиллагаа явуулж буй  үндэсний аюулгуй байдлыг хангах тусгайлсан чиг үүрэг бүхий байгууллагуудын дунд марш тактик, тусгай бэлтгэлийн аварга шалгаруулах болон спортын цогцолбор тэмцээнүүдийг зохион байгуулж явууллаа.

    Марш тактик, тусгай бэлтгэлийн аварга тасаг шалгаруулах тэмцээн Хилийн 0165 дугаар ангийн сургалтын төвд явагдаж нийт 7 байгууллагын 10 тасаг уралдаж, тэргүүн байрыг Хилийн 0165 дугаар ангийн тасаг эзлэж шилжин явах цомын эзэн болж,хоёрдугаар байрыг Хилийн 0285 дугаар ангийн тасаг, гуравдугаар байрыг Зэвсэгт хүчний 340 дүгээр ангийн тасгууд тус тус эзэллээ.

    Гар бөмбөгийн тэмцээнд I байр /ХЦ 0165/, II байр /ХЦ 0285/, III байр /ОБГ/, Сагсан бөмбөгийн тэмцээнд I байр /ОБГ/, II байр /ЦГ/, III байрыг /ХЦ 0165/ баг тамирчид эзлэж, нэгдсэн дүнгээр I байрыг хурандаа Б.Мөнхбат захирагчтай ХЦ-ийн 0165-р анги, II байрыг хурандаа Ц.Баттулга даргатай Онцгой байдлын газар тус тус эзлэж аймгийн Засаг даргын “Цом”, өргөмжлөлөөр шагнагдлаа.

    Мөн энэ өдөр гийр өргөлтийн тэмцээн зохиогдож Зэвсэгт хүчний 340 дүгэр ангийн ахлагч Р.Мөнхзул түрүүлж, Цагдаагийн газрын ахмад Б.Нияз, Тахарын албаны ажилтан И.Хасбаатар нар удаах байранд орлоо.

     Буудлагын тэмцээн зохион байгуулж  ОБГ-ын дарга хурандаа Ц.Баттулга түрүүлж, ЗХ-ний 340 ангийн хошууч Х.Мягмарбаатар, ШШБА-ны дарга дэд хурандаа Б.Наранбаяр нар удаах байруудад шалгарлаа.

    Энэ үеэр Цэргийн штабын тоо бүртгэл, нөхөн хангалтын офицер дэд хурандаа Н.Тилек уулын спортын мастер цол хүртлээ.

    Цэргийн албыг биеэр дүйцүүлэн хааж байгаа залуучуудыг сургалтын журмаар марш тактикийн тэмцээнд оролцуулж цэргийн сургалт бэлтгэлийн зохих дадлага олгосон.

    Батлан хамгаалах үйл ажиллагааг Орон нутгийн хэвлэл мэдээллийн хэрэгсэлүүдээр сурталчилж, ”Наз” телевизээр 1 цаг 30 минутын хугацаатай тусгай нэвтрүүлэг бэлтгэн орон нутгийн хэмжээнд нэвтрүүллээ. Мөн NTV-телевизийн уран бүтээлчид тус аймагт ажиллаж байх үеэр чөлөөлөх дайнд оролцож байсан ахмад дайчин,өдгөө 106 настай Цэнгэл сумын иргэн М.Сапочкагийнд зочилж сонирхолтой ярилцлага өрнүүлсэнээ орон даяар нэвтрүүллээ.

    Жил бүр уламжлал болгон Зэвсэгт хүчинд ажиллаж байсан ахмадуудаа хүлээн авч Засаг даргын нэрэмжит зоог барьж хүндэтгэл үзүүллээ. Энэ тухай Аймгийн Засаг даргын Тамгын газрын Цэргийн штаб-аас мэдээллээ.

  • АЙМГИЙН ЗАСАГ ДАРГА ШИЛЭН ДАНСНЫ ХУУЛИЙН ХЭРЭГЖИЛТИЙГ ХАНГАХ ТУХАЙ ЗАХИРАМЖ ГАРГАЛАА
    АЙМГИЙН ЗАСАГ ДАРГА ШИЛЭН ДАНСНЫ ХУУЛИЙН ХЭРЭГЖИЛТИЙГ ХАНГАХ ТУХАЙ ЗАХИРАМЖ ГАРГАЛАА

    Төрийн болон орон нутгийн өмчит хуулийн этгээд, Улс, орон нутгийн төсвийн хөрөнгөөр хөрөнгө оруулалт, төсөл, хөтөлбөр, арга хэмжээ, ажил, үйлчилгээ гүйцэтгэж байгаа аж ахуйн нэгж байгууллага, Төрийн чиг үүрэгт хамаарах ажил, үйлчилгээг хууль тогтоомж, гэрээний үндсэн гүйцэтгэгч нар Шилэн дансны тухай хуулийн үйлчлэлд хамаарна.  Харин төрийн нууцад хамаарах төсөв, үндэсний аюулгүй байдлыг хангахтай холбогдсон гүйцэтгэх ажил эрхлэх эрх бүхий байгууллагын гүйцэтгэх ажилтай холбоотой төлөвлөлт, гүйцэтгэл, хэрэгжилт, тайлагнал энэ хуульд хамаарахгүй юм. Дээрх төрийн нууцад хамаарахаас бусад төсвийн төлөвлөлт, гүйцэтгэл, хэрэгжилт, тайлагналыг байгууллагын нууцад хамааруулан нийтэд мэдээлэхээс зайлсхийхийг хориглох заалттай.

    Шилэн дансны тухай хуулийг Баян-Өлгий аймаг манлайлан хэрэгжүүлж байгаа бөгөөд Монгол Улсын Ерөнхийлөгч хуулийг анх санаачилж байх үед аймгийн Засаг даргын Тамгын газар www.bayan-olgii.gov.mn цахим хуудсандаа “Шилэн данс” гэсэн цэсийг ажиллуулж эхэлсэн. Мөн Аймгийн Засаг даргын 2014 оны “Мэдээллийн ил тод байдлыг хангах талаар авах зарим арга хэмжээний тухай” А/415 дугаар захирамжийн дагуу ил тод байдлыг ханган ажиллаж  байгаа юм.

    Тэгвэл өнөөдөр аймгийн Засаг даргын “Шилэн дансны тухай хуулийн хэрэгжилтийн талаар авах зарим арга хэмжээний тухай” А/188 дугаар захирамж гарч, Шилэн дансны тухай хуулийн хэрэгжилтийг аймаг, сумын хэмжээнд зохион байгуулах ажлыг аймгийн ЗДТГазрын Санхүү, төрийн сангийн хэлтэс, Санхүүгийн хяналт, аудитын албанд тус тус даалгалаа.

  • 2014 оны Худалдан авах ажиллагааны ажилд Сангийн яамнаас өгсөн үнэлгээ
    2014 оны Худалдан авах ажиллагааны ажилд Сангийн яамнаас өгсөн үнэлгээ

    Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 49.7-д заасны дагуу Төсвийн ерөнхийлөн захирагч нарын ирүүлсэн 2014 оны худалдан авах ажиллагааны төлөвлөгөө, тайлан, худалдан авах ажиллагааны хяналт-шинжилгээ, үнэлгээний системд нийтэлсэн төлөвлөгөө, тендер шалгаруулалтын явц, цахим сүлжээнд нийтлэгдсэн тендер шалгаруулалтын урилга, үр дүн болон гомдлын судалгаанд үндэслэн Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааг төлөвлөх, тайлагнах журмын 4 дүгээр бүлэгт заасан шалгуур үзүүлэлтүүдийн дагуу төсвийн ерөнхийлөн захирагч нарын худалдан авах ажиллагааны хэрэгжилтэд үнэлгээ өглөө.

    Төсвийн ерөнхийлөн захирагч нарын 2014 оны худалдан авах ажиллагаанд өгсөн үнэлгээний дүнгээс үзэхэд 10 төсвийн ерөнхийлөн захирагч 80-89 оноо буюу "сайн", 25